ARYNews.tv | Urdu – Har Lamha Bakhabar

Tag: 3 افراد ہلاک

  • روسی فضائیہ کا طیارہ لینڈنگ کے دوران تباہ، 3 افراد ہلاک

    روسی فضائیہ کا طیارہ لینڈنگ کے دوران تباہ، 3 افراد ہلاک

    ماسکو: روسی ایئرفورس کا بمبار طیارہ خراب موسم کے دوران ایمرجنسی لینڈنگ کرتے ہوئے تباہ ہوگیا جس کے نتیجے میں عملے کے 3 ارکان ہلاک ہوگئے۔

    غیرملکی خبررساں ادارے کے مطابق روس کا بمبارہ طیارہ ٹی یو 22 ایم 3 مانسک کے ایئرپورٹ پر خراب موسم کی وجہ سے ایمرجنسی لینڈنگ کی کوشش کے دوران حادثے کا شکار ہوگیا جس کے نتیجے میں طیارے میں سوار عملے کے 3 ارکان ہلاک ہوگئے۔

    روسی وزارت دفاع کے مطابق بمبار سپر سونک طیارہ آرٹیک کے علاقے میں معمول کے گشت کے بعد واپس لوٹ رہا تھا جبکہ شدید سرد موسم کے باعث حد نگاہ انتہائی کم تھی جس کی وجہ سے حادثہ پیش آیا۔

    وزارت دفاع کے مطابق لینڈنگ کے دوران زمین کے ساتھ لگتے ہی طیارے کا توازن بگڑ گیا اور طیارے میں آگ بھڑک اُٹھی اور طیارہ جل کر راکھ کے ڈھیر میں تبدیل ہوگیا۔

    رپورٹ کے مطابق حادثے کی تحقیقات کے لیے کمیٹی تشکیل دے دی گئی ہے، جو حادثے کی رپورٹ پیش کرے گی جس کے بعد تادیبی کارروائی عمل میں لائی جائے گی۔

    روسی سرکاری ادارے کے مطابق حادثے کے شکار طیارے میں میزائل موجود نہیں تھے تاہم نجی ٹی وی کے جوزف ڈیمپسی نے کہا کہ ان کے پاس ثبوت موجود ہیں کہ طیارے کی لینڈنگ کے دوران اس ونگ میں میزائل نصب تھے۔

    مزید پڑھیں: شام میں روسی طیارہ میزائل حملے میں تباہ، 15 فوجی ہلاک

    یاد رہے کہ گزشتہ سال ستمبر میں شام میں تعینات روسی فوجیوں کو ایئربیس لانے والا طیارہ بحیرہ روم میں پرواز کے دوران میزائل حملے میں تباہ ہوگیا تھا جس کے نتیجے میں 15 روسی فوجی ہلاک ہوئے تھے۔

  • لیبیا میں وزارت خارجہ کی عمارت پر خودکش حملہ، 3 افراد ہلاک، 9 زخمی

    لیبیا میں وزارت خارجہ کی عمارت پر خودکش حملہ، 3 افراد ہلاک، 9 زخمی

    طرابلس: لیبیا کے دارالحکومت طرابلس میں وزارت خارجہ کی عمارت پر خودکش حملے کے نتیجے میں 3 افراد ہلاک اور 9 زخمی ہوگئے۔

    غیرملکی خبررساں ادارے کے مطابق لیبیا کے دارالحکومت طرابلس میں وزارت خارجہ کی عمارت پر خودکش حملے کے نتیجے میں 3 افراد ہلاک اور 9 زخمی ہوگئے، حملے میں لیبیا کے وزیر خارجہ محفوظ رہے۔

    [bs-quote quote=”حملہ داعش کے دہشت گردوں کی جانب سے کیا گیا” style=”style-6″ align=”left” author_name=”سیکیورٹی ذرائع”][/bs-quote]

    غیرملکی میڈیا کے مطابق کار میں سوار تین حملہ آوروں نے وزارت خارجہ کی عمارت میں گھسنے سے قبل فائرنگ کی اور پھر دو حملہ آوروں نے عمارت کے اندر خود کو دھماکا خیز مواد سے اُڑا لیا۔

    دہشت گردوں کے حملے میں سینئر سرکاری ملازم سمیت 3 افراد ہلاک ہوئے جبکہ ایک حملہ آور کو وزارت خارجہ کے سیکیورٹی گارڈ نے فائرنگ کرکے ہلاک کیا۔

    لیبیا کی وزاررت صحت کے مطابق دہشت گرد حملے میں 9 افراد زخمی ہوئے جنہیں طبی امداد کے لیے اسپتال منتقل کردیا گیا ہے۔

    سیکیورٹی ذرائع کے مطابق حملہ داعش کے دہشت گردوں کی جانب سے کیا گیا تاہم حملے کے وقت وزیر خارجہ محمد الطاہر عمارت میں موجود نہیں تھے۔

  • برازیل: چرچ میں نامعلوم شخص کی فائرنگ، 5 افراد ہلاک متعدد زخمی

    برازیل: چرچ میں نامعلوم شخص کی فائرنگ، 5 افراد ہلاک متعدد زخمی

    براسیلیا : برازیل کے شہر کیمپیناس میں واقع چرچ میں نامعلوم مسلح شخص کی فائرنگ سے 5 افراد ہلاک جبکہ متعدد زخمی ہوگئے۔

    تفصیلات کے مطابق برازیلی شہر کیمپناس میں واقع مسیحی عبادت گاہ (چرچ) میں مسلح شخص نے دوران عبادت فائرنگ شروع کردی، جس کے نتیجے میں متعدد افراد زخمی ہوگئے جبکہ حملہ آور نے خود کو گولی مار کر خودکشی کرلی۔

    پولیس کا کہنا ہے کہ چرچ میں فائرنگ کرنے والے 38 سالہ شخص کے حملے کی وجوہات تاحال معلوم نہیں ہوسکی ہیں۔

    واقعے کی عینی شاہد خاتون نے بتایا کہ جیسے ہی حملہ آور نے چرچ میں فائرنگ شروع کی لوگوں میں بھگدڑ مچ گئی متعدد افراد گرنے کی وجہ سے بھی زخمی ہوئے ہیں۔

    پولیس کا کہنا ہے کہ چرچ میں مذہبی رسومات جاری تھیں کہ ملزم نے پستول اورریولور سے فائرنگ کردی اور پہلے اپنے عقب میں بیھٹے ہوئے لوگوں کو گولیوں کا نشانہ بنانے کے بعد مختلف سمت میں گولیاں برسائیں۔

    غیرملکی میڈیا کا کہنا ہے کہ کیمپناس برازیل کا صنعتی شہر ہے جو ساؤ پالو شہر نے 100 کلومیٹر دور شمال مغرب میں واقع ہے۔

    مزید پڑھیں : امریکی ریاست ٹیکساس کے چرچ میں فائرنگ‘ 27 افراد ہلاک

    یاد رہے کہ گذشتہ برس امریکی ریاست ٹیکساس کے چرچ میں مسلح شخص کی فائرنگ سے 27 افراد ہلاک جبکہ 20 افراد زخمی ہوئے تھے۔

    مقامی میڈیا کے مطابق فائرنگ کا یہ واقعہ اس وقت پیش آیا تھا جب چرچ میں عبادات کی جا رہی تھی۔

  • فرانس: کرسمس بازار میں فائرنگ، 3 افراد ہلاک، 12 زخمی

    فرانس: کرسمس بازار میں فائرنگ، 3 افراد ہلاک، 12 زخمی

    پیرس: فرانس کے شہر اسٹراسبرگ میں واقع کرسمس بازار میں نامعلوم شخص نے فائرنگ کردی جس کے نتیجے میں تین افراد ہلاک جبکہ 12 زخمی ہوگئے۔

    تفصیلات کے مطابق فائرنگ کا واقعہ فرانسیسی شہر اسٹراسبرگ میں پیش آیا جہاں کرسمس بازار میں نامعلوم شخص نے فائرنگ  کرکے دو افراد کو ہلاک کردیا جبکہ 6 زخمی ہیں۔

    غیر ملکی خبر رساں ادارے کے مطابق زخمیوں کو فوری طبی امداد کے لیے اسپتال منتقل کردیا گیا، ڈاکٹرز کا کہنا ہے کہ فائرنگ کے واقعے میں متاثر ہونے والے افراد میں سے 6 کی حالت تشویش ناک ہے جبکہ 6 کو معمولی زخم آئے ہیں۔

    برطانوی میڈیا کا کہنا ہے کہ فائرنگ کرنے والے ملزم کو کرسمس مارکیٹ کے قریب سیکیورٹی فورسز نے فائرنگ کرکے زخمی کر دیا تاہم وہ زخمی حالت میں فرار ہو گیا۔

    مقامی میڈیا کا کہنا ہے کہ سیکیورٹی فورسز اور پولیس نے ملزم کی گرفتاری کے لیے پیچھا کیا اور  اس دوران پولیس اور ملزم کے درمیان فائرنگ کا تبادلہ بھی ہوا۔

    مقامی خبر رساں ادارے کا کہنا ہے کہ 29 سالہ ملزم کے حراست میں لیے جانے کی اطلاعات موصول ہورہی ہیں تاہم ابھی اس کی تصدیق نہیں ہوسکی ہے۔

    پولیس نے حالات معمول پر آنے تک شہریوں سے گھروں میں رہنے کی درخواست کی ہے۔

    فرانسیسی انسداد دہشت گردی پولیس نے واقعے کی تحقیقات کا آغاز کردیا ہے، پولیس کا کہنا ہے کہ تاحال فائرنگ کی وجوہات معلوم نہیں ہوسکیں ہیں۔

    فرانس کے وزیر داخلہ کیسٹینر نے کرسمس بازار میں حملے کے بعد ملک بھر میں سیکیورٹی لیول بڑھانے کا اعلان کر دیا ہے۔

    فرانسیسی وزارت داخلہ کے مطابق ملزم کی شناخت چیرف کے نام سے ہوگئی ہے جس کا نام انسداد دہشت گردی سیل کو دے دیا گیا ہے، 29 سالہ ملزم اسٹراسبرگ کا رہائشی ہے جبکہ ملزم دیگر وارداتوں میں بھی پولیس کو مطلوب تھا۔

    غیر ملکی میڈیا کا کہنا ہے کہ مشرقی شہر  اسٹراسبورک فرانس اور جرمنی کے سرحد پر واقع ہے، جبکہ مشہور کرسمس بازار کو حملے کے بعد بند کردیا گیا ہے اور علاقے میں سرچ آپریشن جاری ہے۔

    پیرس میں فائرنگ‘پولیس اہلکار ہلاک

    خیال رہے کہ گذشتہ سال جولائی میں فرانس کے دارالحکومت پیرس میں حملہ آور کی فائرنگ سے پولیس کا ایک اہلکار ہلاک جبکہ دو زخمی ہوگئے تھے۔

    واضح رہےکہ 2015 کے آغاز سے فرانس میں دہشت گرد حملوں میں 230 سے زائد افراد ہلاک ہو چکے ہیں، جبکہ سینکڑوں افراد ان حملوں میں زخمی بھی ہوئے ہیں۔

    یاد رہے کہ گذشتہ سال فروری میں فرانس پولیس نے دہشت گردی کا بڑا منصوبہ ناکام بنایا تھا، کارروائی کے دوران چار ملزمان کو حراست میں لیا تھا۔

  • امرتسر کے گاؤں میں دھماکا‘ 3 افراد ہلاک‘ 10 زخمی

    امرتسر کے گاؤں میں دھماکا‘ 3 افراد ہلاک‘ 10 زخمی

    امرتسر: بھارتی ریاست پنجاب کے شہر امرتسر میں سکھوں کی مذہبی عبادت گاہ ’گردوارے‘ میں ہونے والے دھماکے کے نتیجے میں 3 افراد ہلاک اور 10 زخمی ہوگئے۔

    تفصیلات کے مطابق امرتسر کے گاؤں عادلی وال میں ’گردوارے‘ میں جاری تقریب کے دوران موٹرسائیکل سوار 2 افراد نے دستی بم پھینکے جس کے نتیجے میں 3 افراد جان کی بازی ہار گئے۔

    دستی بم حملے میں زخمی ہونے والے افراد کو اسپتال منتقل کردیا گیا جہاں انہیں طبی امداد دی جا رہی ہے۔

    ڈپٹی کمشنرکمال دیپ سنگھ نے گردوارے پر دستی بم پھینکنے کی تصدیق کرتے ہوئے کہا کہ واقعے میں 3 افراد ہلاک ہوگئے جبکہ 10 زخمی ہیں۔

    بھارت، اسٹیل مل میں دھماکا، 9 افراد ہلاک، 14 زخمی

    یاد رہے کہ گزشتہ ماہ بھارتی شہر بیہلائی کی اسٹیل مل میں دھماکے کے نتیجے میں 9 افراد ہلاک اور 14 زخمی ہوگئے تھے۔

    واضح رہے کہ رواں سال 20 مئی 2018 کو بھارتی ریاست چھتیس گڑھ میں بم دھماکے میں 5 پولیس اہلکار ہلاک اور 2 زخمی ہوگئے تھے۔

  • اماراتی ریاست عجمان میں ہولناک آتش زدگی، 3 افراد ہلاک

    اماراتی ریاست عجمان میں ہولناک آتش زدگی، 3 افراد ہلاک

    ابوظبی : متحدہ عرب امارات کی ریاست عجمان میں چھ منزلہ عمارت میں خوفناک آتشزدگی کے نتیجے میں ایک ہی خاندان کے 3 افراد جاں بحق ہوگئے۔

    تفصیلات کے مطابق متحدہ عرب امارات کی ریاست عجمان کے علاقے الراشدیہ میں واقع کثیر المنزلہ رہائشی عمارت میں ہولناک آتشزدگی کے نتیجے میں 2 بچوں اور ایک بزرگ شہری سمیت 3 افراد جاں بحق ہوگئے جبکہ عمارت میں موجود کرائے دار بحفاظت باہر نکال لیے گئے ہیں۔

    اماراتی خبر رساں ادارے کا کہنا تھا کہ خوفناک آتشزدگی میں ہلاک ہونے والے بچوں کی عمر 4 اور 2 برس تھی جبکہ ہلاک ہونے والا برزگ شہری 69 برس کا تھا۔

    عجمان کی سول ڈیفنس کے ڈائریکٹر بریگیڈئر عبدالعزیز الشمسی کا کہنا تھا کہ الراشدیہ میں واقع 6 منزلہ عمارت کے چوتھے فلور پر اچانک آگ بھڑک اٹھی تھی۔

    مقامی خبر رساں ادارے کا کہنا تھا کہ آتشزدگی کے واقعے میں ہلاک ہونے والے افراد کی لاشوں کو خلیفہ اسپتال منتقل کر دیا گیا ہے۔

    عجمان سول ڈیفنس کی جانب سے جاری کردہ اعلامیے میں کہا گیا ہے کہ مذکورہ واقعہ آج دوپہر 12 بج کے 6 منٹ پر پیش آیا تھا۔

    اماراتی خبر رساں ادارے کا کہنا تھا کہ عمارت میں بھڑکنے والی آگ نے گھر کا سارا  سامان جلا کر راکھ کردیا۔

    مزید پڑھیں : متحدہ عرب امارات، گھر میں ہولناک آتشزدگی، 8 افراد جاں بحق

    یاد رہے کہ رواں ماہ 2 تاریخ کو متحدہ عرب امارات کی ریاست و دارالحکومت ابوظبی کے علاقے بنی یاس میں ایک مکان میں ہولناک آتشزدگی کے نتیجے میں چھ بچوں اور دو خاتون سمیت 8 افراد جاں بحق ہوئے تھے، جبکہ گھر کی مالکن کو تشویشناک حالت میں اسپتال منتقل کردیا گیا ہے۔

  • جرمنی میں نجی طیارہ حادثے کا شکار،3 افراد ہلاک، 5 زخمی

    جرمنی میں نجی طیارہ حادثے کا شکار،3 افراد ہلاک، 5 زخمی

    برلن : جرمنی کی وسطی ریاست ہیسے میں چھوٹا مسافر بردار طیارہ حادثے کا شکار ہوگیا، جس کے نتییجے میں 3 افراد ہلاک جبکہ 5 زخمی ہوگئے۔

    تفصیلات کے مطابق جرمنی کی ریاست ہیسے کے فلوڈا ٹاؤن میں گذشتہ روز سنگل والا طیارہ دوران پرواز حادثے کا شکار ہوگیا، طیارہ واسّرکوپّی کے پہاڑوں لے قریب گرکر تباہ ہوا تھا۔

    غیر ملکی خبر رساں ادارے کا کہنا تھا کہ حادثے کا شکار طیارے کا پائلٹ لینڈنگ کی ناکام کوشش کے بعد دوبارہ اڑان بھر رہا تھا کہ اچانک جہاز پر کنٹرول کھو بیھٹا، جس کے باعث طیارہ حادثے کا شکار ہوگیا۔

    پولیس کا کہنا ہے کہ طیارہ حادثے کے نتیجے میں دو خواتین سمیت تین افراد ہلاک ہوئے ہیں جبکہ 56 سالہ پائلٹ سمیت 5 مسافر زخمی ہوئے تھے جن میں ایک شخص کی حالت تشویش ناک ہے۔

    جرمن پولیس کے مطابق حادثے میں لقمہ اجل بننے والا نوجوان کی عمر 10 برس بتائی جارہی ہے۔

    مزید پڑھیں : سوئٹزرلینڈ میں مسافر طیارہ گر کر تباہ، 20 افراد ہلاک

    یاد رہے کہ رواں برس اگست میں جنگ عظیم دوئم کا جنکر طیارہ سیگناس کی پہاڑیوں پر گر کر تباہ ہوا تھا جس کے نتیجے میں 20 افراد ہلاک ہوئے تھے، طیارے میں 17 مسافر اور عملے کے تین ارکان سوار تھے۔

    خیال رہے کہ طیارہ 1939 میں جرمنی میں تعمیر کیا گیا تھا، پولیس کا کہنا ہے کہ جہاز سطح سمندر سے 8 ہزار 333 فٹ بلند چوٹی پر گرا تاہم دشوار راستوں اور خراب موسم کے باعث امدادی کارروائیوں میں مشکلات کا سامنا کرنا پڑا۔

    پولیس ترجمان انیتا سینتی کے مطابق ہلاک ہونے والوں میں 11 مرد اور 9 خواتین شامل ہیں جبکہ آسٹریلین جوڑا اور ان کا بیٹا بھی ہلاک ہوا تھا۔

  • فلوریڈا میں فائرنگ، حملہ آور سمیت تین افراد ہلاک، 11 زخمی

    فلوریڈا میں فائرنگ، حملہ آور سمیت تین افراد ہلاک، 11 زخمی

    واشنگٹن: امریکی ریاست فلوریڈا میں ڈیوڈ کٹز نامی شخص کی فائرنگ کے نتیجے میں ’میڈن این ایف ایل فٹبال‘ کے 2 کھلاڑی ہلاک اور 11 افراد زخمی ہوگئے۔

    تفصیلات کے مطابق فائرنگ کا واقعہ امریکی ریاست فلوریڈا کے شہر جیکسن ولی میں پیش آیا جہاں ایک شخص نے فائرنگ کر کے 2 افراد کو موت کے گھاٹ اتار دیا جبکہ حادثے کے نتیجے میں 11 شہری زخمی ہوئے ہیں۔

    امریکی میڈیا کے مطابق جیکسن ولی میں قائم لینڈنگ اینڈ انٹرٹینمنٹ کیمپلیکس میں ویڈیو گیم کے مقابلے جاری تھے کہ اسی دوران ڈیوڈ کٹز نامی حملہ آور نے فائرنگ کردی جس کے باعث متعدد افراد گولیوں کی زد آکر زخمی جبکہ 2 نوجوان ہلاک ہوگئے۔

    مقامی پولیس کا کہنا ہے کہ فائرنگ کا یہ ایک بڑا واقعہ ہے تاہم حملہ آور نے ویڈیو گیم کھیلنے والوں پر گولیاں برسانے کے بعد خود کو بھی گولی مار کر خود کشی کرلی تھی۔

    مزید پڑھیں : فلوریڈا کے ہائی اسکول میں فائرنگ، 17 افراد ہلاک

    حکام کا کہنا ہے کہ ہلاک ہونے والے گیمرز کی شناخت 21 سالہ ایلی کلیٹن اور 27 سالہ ٹیلر رابرٹ سن کے نام ہوئی ہے اور ہلاک ہونے والے دونوں افراد ’میڈن این ایف ایل امریکن فٹبال‘ ویڈیو گیم کے نامور کھلاڑی تھے۔

    فلوریڈا پولیس کا کہنا ہے ویڈیو گیم ٹورنامنٹ کے دوران فائرنگ کرنے والا 24 ڈیوڈ کٹز امریکی ریاست میری لینڈ کے شہر بالٹی مور کا رہائشی تھا اور مذکورہ شخص نے فائرنگ کے دوران ایک ہی بندوق کا استعمال کیا تھا۔

    غیر ملکی خبر رساں ادارے کا کہنا تھا کہ سیکیورٹی اداروں کی جانب سے واقعے کی مزید تحقیقات کے لیے حملہ آور کے گھر کی تلاشی لی جارہی ہے۔

    امریکی میڈیا کا کہنا ہے کہ فائرنگ کرنے والا ڈیوڈ کٹز سنہ 2017 میں ’میڈن این ایف ایل امریکن فٹبال‘ ویڈیو گیم چیمپیئن شپ کا فاتح رہ چکا ہے۔

    عینی شاہدین کا کہنا تھا کہ حملہ آور کی فائرنگ کے بعد ہر طرف افراتفری پھیل گئی تھی، اور لوگ اپنی اپنی جان بچانے کے لیے اِدھر اُدھر بھاگ رہے تھے، خوف کے مارے لوگوں کی حالت انتہائی بری تھی۔

    غیر ملکی خبر رساں ادارے کا کہنا تھا کہ ویڈیو گیم مقابلے میں شریک ایک 19 سالا کھلاڑی ڈرینی گجو کا نے سماجی رابطے کی ویب سائٹ ٹویٹر پر ٹویٹ کیا کہ ’یہ واقعہ میری زندگی کا بدترین دن تھا‘۔

    ایک اور ٹویٹ میں گوجا کا کا کہنا تھا کہ ’میں خوش قسمت تھا کہ گولی صرف میرے انگوٹھے میں لگی‘۔

    جیکسن وائل کے میئر کا کہنا تھا کہ گذشتہ روز پیش آنے والے واقعہ ہم سے تقاضا کرتا ہے کہ ہم اپنے شہریوں کی حفاظت کے لیے مزید اقدامات کریں۔

    خیال رہے کہ رواں سال فروری میں امریکی ریاست فلوریڈا کے ہائی اسکول میں فائرنگ سے 17 افراد ہلاک اور درجن بھر سے زائد زخمی ہوگئے تھے، بعد ازاں پولیس نے حملہ آور کو گرفتار کرلیا تھا۔

  • چلی میں مٹی کا تودہ گرنےسے3 افراد ہلاک

    چلی میں مٹی کا تودہ گرنےسے3 افراد ہلاک

    سینٹیاگو: چلی میں مٹی کا تودہ گرنے سے دوخواتین سمیت تین افراد ہلاک اور پندرہ افراد لاپتہ ہوگئے۔

    تفصیلات کے مطابق چلی حکام کا کہنا ہے کہ مٹی کا تودہ گرنے کا واقعہ جنوبی چلی کےشہرسینٹ لوسیا میں پیش آیا، حادثے میں ایک غیرملکی سیاح اور دومقامی خواتین سمیت 3 افراد ہلاک ہوگئے۔

    حادثے میں 15 افراد مٹی کے تودے تلے دبے ہوئے ہیں انہیں ریسکیو کرنے کا کام جاری ہے جبکہ شدید بارش کے باعث رضا کاروں کو امدای سرگرمیوں میں مشکل سامنا ہے۔

    لینڈ سلائنڈنگ کے باعث ایک اسکول اور کئی مکانات سمیت صدارتی انتخاب کے پولنگ بوتھ کو بھی نقصان پہنچا ہے۔

    محکمہ موسمیات کے مطابق سینٹ لوسیا میں اب تک چار اعشاریہ پانچ انچ سے زائد بارش ریکارڈ کی جاچکی ہے۔

    گوئٹے مالا :مٹی کا تودہ گرنے سے 130 سے زائد افراد ہلاک

    یاد رہے کہ رواں برس 6 اکتوبرکو وسطی امریکی ملک گوئٹے مالا میں مٹی کا تودہ گرنے سے 130 سے زائد افراد ہلاک جبکہ تین سو سے زائد افراد لاپتہ ہوگئے تھے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • فلوریڈا میں چھوٹا طیارہ گرکرتباہ‘ 3 افراد ہلاک

    فلوریڈا میں چھوٹا طیارہ گرکرتباہ‘ 3 افراد ہلاک

    واشنگٹن : امریکی ریاست فلوریڈا میں چھوٹا طیارہ گرکرتباہ ہوگیا، حادثے میں پائلٹ سمیت تین افراد ہلاک ہوگئے۔

    تفصیلات کے مطابق امریکی ریاست فلوریڈا میں چھوٹا طیارہ گر کرتباہ ہوگیا جس کے نتیجے میں 3 افراد جان کی بازی ہار گئے۔

    امریکی حکام کے مطابق نجی کمپنی کا یہ طیارہ دوران پرواز فنی خرابی کے با عث فلوریڈا کی ہرنائی جھیل میں گرکر تباہ ہوگیا۔

    واقعے کی اطلاع ملتے ہی ریسکیو اہلکاروں نے جائے وقوع پر پہنچ کرحادثے میں ہلاک پائلٹ اور مسافروں کی لاشوں کو جھیل سے نکال لیا۔

    امریکی ریاست اوٹا میں طیارہ گرکرتباہ‘ 4 افراد ہلاک

    خیال رہے کہ رواں سال 27 جولائی کو امریکی ریاسٹ اوٹا کے شہر سالٹ لیک سٹی میں ہائی وے پر چھوٹا طیارہ گرکرتباہ ہوگیا تھا، حادثے کے نتیجے میں 4 افراد ہلاک ہوگئے تھے۔

    امریکی فوجی طیارہ گرکر تباہ‘ 16 افراد ہلاک

    یاد رہے کہ 11 جولائی 2017 کو جنوبی امریکی ریاست مسی سپی میں امریکی فوجی طیارہ گرکر تباہ ہوگیا تھا جس کے نتیجے میں 16 افراد ہلاک ہوگئے تھے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔