کراچی: منگھوپیر نادرن بائی پاس سے تین افراد کی دو روز پرانی تشدد زدہ نعشیں برآمد ہوئی ہیں۔
تفصیلات کے مطابق آج صبح منگھوپیر نادرن بائی پاس کے قریب ایک ویران مقام سے تین ناقابل شناخت تشدد زدہ نعشیں برآمد ہونے کی اطلاع موصول ہوئی۔
اطلاع موصول ہونے کے بعد پولیس کی بھاری نفری ریسکیو حکام کے ہمراہ جائے وقوعہ پہنچی اور نعشوں کو قبضے میں لے کر مزید قانونی کارروائی کے لیے سرکاری اسپتال منتقل کردیا گیا۔
پولیس حکام کے مطابق تینوں نعشیں ویران علاقے میں ایک ساتھ پڑی ہوئی تھیں، نعشوں کے قریب سے کوئی ایسی چیز نہیں ملی جس سے مقتولین کی شناخت ہوسکے ۔
حکام نے مزید بتایا کہ تینوں افراد کے قتل کی وجوہات کے حوالے سے کچھ کہنا قبل از وقت ہوگا، واقعے کی تمام پہلوؤں سے تحقیقات کی جارہی ہیں۔
پولیس کے مطابق قانونی کارروائی کے بعد تینوں نعشوں کو ایدھی سرد خانے منتقل کردیا گیا ہے، مزید تفیش جاری ہے۔
