راولپنڈی: پاکستان کےقبائلی علاقے خیبر ایجنسی میں پاکستانی چیک پوسٹوں پر دہشت گردوں کےحملے کو ناکام بناتے ہوئے سیکورٹی فورسز کی جوابی کارروائی میں 3دہشت گرد مارے گئے۔
تفصیلات کےمطابق وفاق کےزیرانتظام قبائلی علاقے خیبرایجنسی میں دہشت گردوں کےسرحد پار سےپاکستانی چیک پوسٹوں پرحملے کاسیکورٹی فورسزنےمنہ توڑ جواب دیتے ہوئے3دہشت گردوں کوہلاک کردیا۔
خیال رہےکہ دو روز قبل خیبرپختونخواہ کےعلاقےشبقدر میں ایف سی سینٹر پردہشت گردوں کےحملے کو سیکورٹی فورسز نے ناکام بناتے ہوئےدوخودکش بمباروں کو ہلاک کردیاتھا۔
مزید پڑھیں:شبقدر میں ایف سی سینٹرپردہشتگردوں کاحملہ ناکام ‘2خودکش بمبارہلاک
ڈی پی او سہیل خالدکے مطابق دہشت گردوں کےساتھ فائرنگ کے تبادلے میں ایک اہلکار شہیدجبکہ 2 زخمی ہوگئےتھےجنہیں طبی امداد کے لیے اسپتال منتقل کردیاگیاتھا۔
مزید پڑھیں: خیبرایجنسی: دہشت گردوں کاحملہ‘ 2اہلکارشہید‘ 6دہشتگرد ہلاک
یاد رہےکہ دوروزقبل وفاق کے زیر انتظام قبائلی علاقے خیبرایجنسی میں دہشت گردوں کے سرحد پار سے ایف سی چیک پوسٹ پرحملے کاپاک فوج نے منہ توڑ جواب دیتے ہوئے 6دہشت گردوں کوہلاک کردیاتھا۔
پاک فوج کے شعبہ تعلقات عامہ آئی ایس پی آر کےمطابق دہشت گردوں سے فائرنگ کےتبادلے میں 2ایف سی اہلکار شہید ہوئےتھے۔
مزید پڑھیں:وادی راجگال میں دہشت گردوں کے ٹھکانوں پر بمباری، متعدد ہلاک
واضح رہےکہ 17مارچ کہ خیبر ایجنسی میں پاک افغان سرحدی علاقے وادی راجگال میں پاک فوج نے دہشت گردوں کے ٹھکانوں پر فضائی بمباری کی جس میں متعدد دہشت گرد ہلاک اور ان کے کئی ٹھکانے تباہ ہوگئےتھے۔