Tag: 3 دہشت گرد گرفتار

کراچی: سندھ رینجرز اور ایس آئی یو نے مشترکہ کارروائی کرتے ہوئے3 دہشت گردوں کو گرفتار کر لیا۔

تفصیلات کے مطابق سندھ رینجرز اور ایس آئی یو پولیس نے انٹیلی جنس معلومات کی بنیاد پر مشترکہ کارروائی کرتے ہوئے متعدد جرائم میں ملوث انتہائی مطلوب 3 دہشت گردوں کو گرفتار کر کے قانونی کارروائی کے لیے پولیس کے حوالے کر دیا گیا۔

ترجمان رینجرز نے بتایا کہ گرفتار ملزمان وسیع اللہ، محمد فاضل ، محمد رضوان کا تعلق ایم کیو ایم لندن سے ہے،گرفتار ملزمان سے اسلحہ اور دستی بم بھی برآمد ہوئے۔

سندھ رینجرز کے ترجمان کا کہنا تھا کہ ملزمان نے اعتراف کیا ان کاتعلق وجیہ ایم کیو ایم لندن کی ٹیم سے ہے،وجیہ ایم کیو ایم لندن سے احکامات لے کر دہشتگردی کا منصوبہ بنا رہا تھا۔

ترجمان نے بتایا کہ وجیہ گرفتار ملزمان کو اسلحہ اور فنڈ بھی مہیا کر چکا تھا،ملزمان نےنجی ٹی وی اینکر کوٹارگٹ کرنے کا منصوبہ بنا رکھا تھا۔

سندھ رینجرز کے ترجمان کا کہنا تھا کہ متحدہ لندن کراچی میں چھوٹے گروپ ترتیب دے کر دہشت گردی کا منصوبہ تیار کر رہی ہے۔

کراچی پولیس کی بڑی کارروائی، را کے دہشت گرد ونگ کا سربراہ پکڑا گیا

یاد رہے کہ رواں سال مارچ میں کراچی پولیس نے بڑی کارروائی کرتے ہوئے را کے دہشت گرد ونگ کے سربراہ شاہد عرف متحدہ کو 2 ساتھیوں سمیت گرفتار کیا تھا۔

لاہور: پنجاب میں کاؤنٹرٹیررازم ڈیپارٹمنٹ (سی ٹی ڈی) نے فیصل میں کارروائی کرتے ہوئے کالعدم تنظیم کے 3 مبینہ دہشت گردوں کو گرفتار کرلیا۔

تفصیلات کے مطابق صوبہ پنجاب کے شہر فیصل آباد میں سی ٹی ڈی نے بڑی کارروائی کرتے ہوئے 3 مبینہ دہشت گردوں کو گرفتار کر کے سیفٹی فیوزز، 3ڈیٹو نیٹرز ، اسلحہ اور دیگر سامان برآمد کرلیا۔

ترجمان سی ٹی ڈی نے بتایا کہ مبینہ دہشت گردوں عبداالسلام،مائودود چشتی، علی خان کا تعلق کلعدم تنظیم سے ہے، دہشت گردوں نے حساس اداروں کو نشانہ بنانے کی منصوبہ بندی کر رکھی تھی۔

سی ٹی ڈی کی کارروائی، بہاولنگر ہارون آباد سے 3 دہشت گرد گرفتار

یاد رہے کہ گزشتہ ماہ پنجاب کے شہر بہاولنگر ہارون آباد بائی پاس سے سی ٹی ڈی نے کامیاب کارروائی کرتے ہوئے 3 دہشت گردوں کو گرفتار کیا تھا۔

سی ٹی ڈی حکام کے مطابق مبینہ دہشت گردوں نے بہاولنگر میں حساس تنصیبات کو نشانہ بنانا تھا، ملزمان سے 2 تھیلوں میں 869 اور 613 گرام دھماکا خیز مواد برآمد کرلیا گیا ہے۔

پشاور: صوبہ خیبرپختونخواہ کے علاقے کرک میں سی ٹی ڈی نے کارروائی کرتے ہوئے 3 دہشت گردوں کو گرفتار کرکے اسلحہ برآمد کرلیا۔

تفصیلات کے مطابق سی ٹی ڈی کوہاٹ ریجن نے کرک میں خفیہ اطلاع پر آپریشن کے دوران 3 دہشت گردوں کو گرفتار کرکے بارودی مواد برآمد کرلیا۔

سی ٹی ڈی حکام کے مطابق گرفتاردہشت گردوں کا تعلق وزیرستان اورکرک سے ہے جبکہ ان کے قبضے سے موٹرسائیکل ، دستی بم، پستول، بارودی مواد، بال بیرنگ اورڈیٹونیٹربھی برآمد کیا گیا۔

ترجمان سی ٹی ڈی کا کہنا ہے کہ دہشت گردوں کا تعلق کالعدم ٹی ٹی پی سے ہے، گرفتاردہشت گردبھتہ خوری میں پولیس کومطلوب تھے۔

پشاور میں حساس اداروں کی کارروائی‘ 2 دہشت گرد گرفتار

خیال رہے کہ 30 ستمبر2017 کو صوبہ خیبرپختونخواہ کے دارالحکومت پشاور میں پولیس اور حساس اداروں نے مشترکہ کارروائی کرتے ہوئے 2 دہشت گردوں کو گرفتار کیا تھا۔

دہشت گردوں کے قبضے سے سات دستی بم ، دو آئی ای ڈی ، اور دو میگنیٹ بم بھی برآمد ہوئے تھے۔

خیبر پختونخواہ میں دہشت گردی کے واقعات میں 52 فیصد کمی

یاد رہے کہ دو روز قبل خیبر پختونخواہ پولیس نے سال2017 میں ہونے والی دہشت گردی اور کرائم گراف پر رپورٹ جاری کی تھی جس کے مطابق صوبے میں دہشت گردی کے واقعات میں 52 فیصد کمی آئی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔