Tag: 3 ملزمان گرفتار

کراچی: رینجرز نے شہر قائد میں خفیہ اطلاع پر کارروائی کرتے ہوئے انتہائی مطلوب ڈکیت گروہ کے3 ملزمان کو گرفتار کر لیا۔

تفصیلات کے مطابق پاکستان رینجرز سندھ نے انٹیلی جنس بنیاد پر کارروائی کرتے ہوئے دوران ڈکیتی مزاحمت پر قتل کرنے اور جرائم کی متعدد وارداتوں میں ملوث انتہائی مطلوب ڈکیت گروہ کے3 ملزمان کو گرفتار کر لیا۔

ترجمان رینجرز نے بتایا کہ گرفتار ملزمان کی شناخت امیر نواز، حیدر خان اور سعید محمد سے ہوئی ہے۔

سندھ رینجرز کے ترجمان کا کہنا تھا کہ ملزمان کوہاٹ انتظامیہ اور کوہاٹ پولیس کو مطلوب تھے، ملزمان گرفتاری کے ڈر سے کوہاٹ سے فرار ہو کر کراچی میں روپوش تھے۔

ترجمان نے بتایا کہ ملزمان جرائم کی 150 سے زائد وارداتوں میں ملوث ہیں، ملزمان کو قانونی کارروائی کے لیے کوہاٹ پولیس کے حوالے کر دیا گیا۔

کراچی میں رینجرز کی کارروائیاں، کالعدم تنظیم کے 2 دہشت گرد گرفتار

یاد رہے کہ 23 جنوری کو کراچی کے مختلف علاقوں میں رینجرز نے کارروائیاں کرتے ہوئے کالعدم تنظیم کے 2 مطلوب دہشت گردوں کو گفتار کیا تھا۔

کراچی: شہر قائد کے علاقے گلشن معمار میں پولیس نے کارروائی کرتے ہوئے 3 ملزمان کو گرفتار کرکے مسروقہ سامان برآمد کرلیا۔

تفصیلات کے مطابق کراچی کے علاقے گلشن معمار میں پولیس نے کارروائی کے دوران اسٹریٹ کرمنل سمیت 3 ملزمان کو گرفتار کرلیا۔

ایس ایس پی ملیر کے مطابق ملزمان موٹرسائیکل لفٹنگ،منشیات فروشی میں ملوث تھے، پولیس نے اسنیپ چیکنگ کے دوران کارروائی کی۔

ایس ایس پی نے بتایا کہ ملزمان سے اسلحہ، 500 گرام چرس، موبائل فونز، مسروقہ موٹرسائیکل برآمد کرلی گئی۔

ایس ایس پی ملیر کے مطابق گرفتار ملزمان نے اسٹریٹ کرائم کی وارداتوں کا اعتراف کیا، ملزمان کے خلاف مقدمات درج، کرمنل ریکارڈ اکٹھا کیا جا رہا ہے۔

کراچی، 111 افراد کا ٹارگٹ کلر گرفتار، مصباح کا مبینہ قاتل بھی پکڑا گیا

یاد رہے کہ گزشتہ روز کراچی پولیس نے میڈیکل کی طالبہ مصباح کے مبینہ قاتل کو حراست میں لیا تھا، 57 مقدمات میں پولیس کو مطلوب ایم کیو ایم لندن کا ٹارگٹ کلر بھی پکڑا گیا تھا۔

ایس ایس پی ایسٹ کا کہنا تھا کہ ڈکیتی مزاحمت پر قتل ہونے والی ہمدرد یونیورسٹی کی طالبہ مصباح کا قاتل چھ دن کے اندر پکڑا گیا، ملزم سے مصباح کا فون بھی برآمد ہوا۔

ایس ایس پی ایسٹ غلام اظفر مہیسر نے پریس کانفرنس کرتے ہوئے کہا تھا کہ گرفتار ٹارگٹ کلر عبدالسلام عرفان کا تعلق ایم کیو ایم لندن سے ہے، ملزم نے سیاسی جماعتوں کے کارکنوں، پاک فوج، پاک بحریہ اور پولیس کے اہلکاروں سمیت ایک سو گیارہ افراد کے قتل کا اعتراف کیا۔

کراچی: شہر قائد کے علاقے گلستان جوہر میں سی ٹی ڈی انویسٹی گیشن نے کارروائی کرتے ہوئے وائٹ کرولا گینگ کے 3 کارندے گرفتار کرلیے۔

تفصیلات کے مطابق کراچی کے علاقے گلستان جوہر میں سی ٹی ڈی انویسٹی گیشن نے کارروائی کے دوران وائٹ کرولا گینگ کے 3 کارندے گرفتار کرلیے۔

ایس ایس پی الطاف سرور کے مطابق گرفتارملزمان بینکوں سے رقم لے کرنکلنے والوں کو لوٹتے تھے، گرفتار ملزمان میں واحد بخش عرف فوجی، شاہد علی، شوکت علی شامل ہیں۔

ایس ایس پی نے بتایا کہ ملزمان سے 2 کلاشنکوف اور3 تیس بور پستول برآمد ہوئے ہیں، کارروائی میں پولیس اورملزمان میں فائرنگ کا تبادلہ بھی ہوا، مقابلے میں 3ملزمان اندھیرے کا فائدہ اٹھاتے فرار ہوگئے۔

انہوں نے کہا کہ گرفتارملزمان نے دوران تفتیش اہم انکشافات کیے، گرفتارہونے والے ملزمان سے مزید تفتیش کی جا رہی ہے۔

ایس ایس پی کے مطابق وائٹ کرولا گینگ جرائم کی سیکڑوں وارداتوں میں ملوث ہے، مفرورملزمان کی گرفتاری کے لیے کوششیں کی جا رہی ہیں۔

کراچی پولیس کی بڑی کارروائی: داعش کے 5 دہشت گرد گرفتار

یاد رہے کہ رواں سال 15 اپریل کو کراچی میں پولیس نے بڑی کارروائی کرتے ہوئے تیئسرٹاوٴن میں کمپاونڈ سے کالعدم داعش کے پانچ مبینہ دہشت گردوں کو گرفتار کیا تھا۔

کراچی: شہر قائد کے علاقے سائٹ حبیب چورنگی کے قریب پولیس نے کارروائی کے دوران 3 ملزمان کو گرفتار کرلیا۔

تفصیلات کے مطابق کراچی میں سائٹ حبیب چورنگی کے قریب پولیس نے کارروائی کرتے ہوئے 3 ملزمان کو گرفتار کرلیا جبکہ 2 فرار ہونے میں کامیاب ہوگئے۔

پولیس کے مطابق ملزمان سے پستول، گیس سلنڈر، پولیس کیپ، دھماکا خیزڈیوائس برآمد کی گئی ہے، ملزمان اے ٹی ایم مشین توڑنے کے لیے آئے تھے۔

ایس ایس پی ویسٹ کا کہنا ہے کہ گرفتارملزمان میں وقار، شان اورزوہیب شامل ہیں، مفرورملزمان میں کامران اورسکندر شامل ہیں۔

ایس ایس پی ویسٹ شوکت علی کھٹیان نے بتایا کہ ملزم وقارسافٹ ویئر انجینیر ہے۔

کراچی پولیس کی بڑی کارروائی: داعش کے 5 دہشت گرد گرفتار

یاد رہے کہ رواں سال 15 اپریل کو کراچی پولیس نے بڑی کارروائی کرتے ہوئے تیئسرٹاوٴن میں کمپاونڈ سے کالعدم داعش کے پانچ مبینہ دہشت گردوں کو گرفتار کیا تھا۔

ایس ایس پی ملیرکے مطابق ملزمان سوشل میڈیا کے ذریعے لوگوں کو داعش میں شمولیت کے لیے ترغیب دیتے تھے۔ ملزمان کے خلاف دہشت گردی اور ٹیلی گراف ایکٹ سمیت دیگر دفعات کے تحت مقدمات کا اندراج کر کے مزید تفتیش کی جا رہی ہے۔

کراچی: شہرقائد کے مختلف علاقوں میں رینجرز نے کارروائیاں کرتے ہوئے 3 ملزمان کو گرفتار کرکے اسلحہ برآمد کرلیا۔

تفصیلات کے مطابق کراچی کے مختلف علاقوں میں رینجرز نے کارروائیاں کرتے ہوئے 3 ملزمان کو گرفتار کرلیا۔

ترجمان رینجرز کے مطابق لیاری میں دستی بم حملے کا واقعہ ہوا جس پرکارروائی کی گئی، حملے کی تحقیقات کے لیے خصوصی ٹیم تشکیل دی گئی، تحقیقات کی روشنی میں لیاری اورگارڈن میں کارروائیاں کی گئیں۔

سندھ رینجرز کے ترجمان نے بتایا کہ کارروائیوں کے دوران عبدالعزیز، ماجد اور سہیل عرف سنی نامی ملزمان گرفتار ہوئے، ملزمان کھڈا مارکیٹ اور اطراف میں بھتہ خوری میں ملوث ہیں۔

ترجمان رینجرز کے مطابق ملزمان نے بھتہ نہ ملنے پرمیڈیکل اسٹورکے قریب دستی بم پھینکا تھا، ملزمان نے اسٹورکے قریب العدم تنظیم کا پمفلٹ بھی پھینکا تھا۔

سندھ رینجرز کے ترجمان نے بتایا کہ ملزمان نے شیرا ذکری گروپ کے لیے سہولت کاری کا بھی اعتراف کیا ہے۔

کراچی: احسن آباد کے قریب متحدہ لندن کا ٹارگٹ کلر گرفتار

یاد رہے کہ رواں سال 20 جنوری کو کراچی پولیس نے احسن آباد کے قریب کارروائی کرتے ہوئے متحدہ لندن سے تعلق رکھنے والا ایک ٹارگٹ کلر گرفتار کیا تھا۔

پولیس حکام کے مطابق ملزم نے ٹارگٹ کلنگ، بھتہ خوری اور ہڑتالوں کے دوران جلاؤ گھیراؤ کا اعتراف کیا۔