ایران کے صوبہ سیستان و بلوچستان میں دہشت گردوں کے حملے کے نتیجے میں 3 پولیس افسران زندگی کی بازی ہار گئے، حملے کی ذمہ داری جہادی گروپ نے قبول کی ہے۔
غیر ملکی ذرائع ابلاغ کے مطابق ایران کی سرکاری نیوز ایجنسی ارنا کا اس حوالے سے کہنا ہے کہ صوبہ سیستان و بلوچستان کے علاقے میرجاوہ میں دہشت گردوں کے حملے میں پولیس فورس کے تین اہلکار جاں بحق اور شہری زخمی ہوا ہے۔
نیوز ایجنسی ارنا کی رپورٹ کے مطابق پولیس افسران کو ایک پیٹرول سٹیشن پر نشانہ بنایا گیا جبکہ جہادی گروپ جیش العدل نے سوشل میڈیا ایپ ٹیلی گرام پر حملے کی ذمہ داری قبول کرلی ہے۔
اس سے قبل افغانستان کے صوبے دائی کنڈی میں داعش کے حملے میں 14 شہری لقمہ اجل بن گئے جبکہ متعدد زخمی ہوگئے۔
حزب اللہ کا اسرائیل کے ائیر ڈیفنس بیس پر راکٹ حملہ
افغان نیوز ایجنسی کی رپورٹس کے مطابق واقعے میں 15 شہری ہلاک جبکہ متعدد زخمی ہوئے ہیں۔ طالبان کے اقتدار میں آنے کے بعد یہ افغانستان کے صوبے دائی کنڈی میں شہریوں پر پہلا حملہ ہے۔ عرب میڈیا کا کہنا ہے کہ داعش نے اس حملے کی ذمے داری قبول کرلی ہے۔