پنڈی بھٹیاں: کوٹ نکہ میں 6 بچوں نے چاول کی زہریلی گولیاں کھالیں، جس سے 3 بچے جاں بحق ہوگئے جبکہ 3 کی حالت تشویشناک ہے۔
کوٹ نکہ میں ایک انتہائی افسوسناک واقعہ پیش آیا ہے، واقعے کی تفصیل بتاتے ہوئے ریسکیو حکام نے کہا کہ کوٹ نکہ میں زہریلی چیز کھانے سے 3 بچے جاں بحق ہوگئے، تین بچوں کی حالت انتہائی غیر ہے، متاثرہ بچوں کا تعلق ایک ہی خاندان سے ہے۔
ریسکیوحکام کا مزید کہنا تھا کہ زہریلی چیز کھانے سے بچوں کی ہلاکت کے بعد تھانہ صدر پولیس موقع پر پہنچ گئی اور تفتیش جاری ہے۔
کچھ عرصہ قبل زہریلا دودھ پینے سے 11 افراد کی ہلاکت کا واقعہ بھی پیش آیا تھا، پوسٹ مارٹم رپورٹ میں اہم انکشافات سامنے آئے تھے۔
خیرپور میں زہریلا دودھ پینے سے 11 افراد کی ہلاکت کی پوسٹ مارٹم رپورٹ جاری کی گئی تھی جس میں بتایا گیا تھا نشہ آور چیزاور زہر دینے کی وجہ سے لوگ جاں بحق ہوئے۔
پوسٹ مارٹم رپورٹ میں بتایا گیا تھا کہ معدہ، ناک اور جسم کے دیگر اعضاسے سیمپل لئے گئے تھے جس میں نشہ آور اشیااور زہریلی دوائی کی رپورٹ مثبت تھی۔
https://urdu.arynews.tv/peshawarbride-died-groom-is-critical/