کراچی: اے آر وائی فلمز اور وادی اینیمیشن کی مشترکہ پیش کش فلم ’تین بہادر رائز آف دی واریئرز‘ کا ٹریلر جاری کردیا گیا۔
تفصیلات کے مطابق اے آر وائی فلمز اور وادی اینیمیشن کے بینر تلے بنائی جانے والی فلم تین بہادر رائز آف دی واریئرز میں ہدایت کاری کے انجام آسکر ایوارڈ یافتہ شرمین عبید چنائے اور ایگزیکٹو ڈائریکٹر کے فرائض اے آر وائی سی ای او سلمان اقبال نے انجام دے رہے ہیں۔
رائز آف واریئرز میں اداکار فہد مصطفیٰ اور نامور پاکستانی اداکارہ مہوش حیات نے اپنے صلاحیتوں کے جوہر دکھائے جبکہ دیگر کاسٹ میں بہروز سبزواری، ثروت گیلانی، نمرہ بُچہ اور خالد ملک شامل ہیں۔
تین بہادر کا نیا پارٹ 14 دسمبر سے ملک بھر کے سینیما گھروں میں نمائش کے لیے پیش کی جائے گی۔
مزید پڑھیں: فہد مصطفیٰ ’تین بہادر‘کے سیکوئل میں صداکاری کریں گے
تین بہادر ایسے باہمت تین بچوں کی کہانی ہے جو ناقابل یقین طاقت کی مدد سے اپنے معاشرے کو جرائم کے شر سے نجات دلانے کی کوشش کرتے ہیں۔
ٹریلر کے آغاز میں دیکھا جاسکتا ہے کہ بچے آپس میں کرکٹ کھیل رہے ہوتے ہیں تو اسی دوران بیٹسمین اونچا شارٹ کھیلتا ہے جس پر فیلڈر اپنی پوشیدہ طاقت استعمال کرتے ہوئے فضا میں بلند ہوکر گیند کو پکڑ لیتا ہے اور پھر سب آؤٹ ہونے کا جشن مناتے ہیں، اسی دوران کھیلنے والی ٹیم کا ایک کھلاڑی اعتراض اٹھاتا ہے کہ ’اس (فیلڈر) نے اپنی پاور استعمال کی ہے‘۔
جس کے بعد وہ گھر واپس آتاہے تو دیگر دو دوست اُسے سمجھاتے ہیں کہ ’اپنی طاقت کا غلط استعمال نہیں کرو‘۔ اس پر ننھا اداکار شکوہ کرتا ہے کہ ’اب پاور کا کیا کریں، نہ باہر بچے اپنے ساتھ کرکٹ کھیلاتے ہیں اور نہ ہی لڑنے کے لیے غنڈے باقی ہیں‘۔
یہ بھی پڑھیں: فلم تین بہادر باکس آفس پر سپرہٹ
قبل ازیں کراچی کے مقامی سینیما میں ٹریلر لانچ کی تقریب کا انعقاد کیا گیا جس میں اے آر وائی ڈیجیٹل کے چیف ایگزیکٹو آفیسر جرجیس سیجا، ہدایت کارہ شرمین عبید چنائے، اداکار فہد مصطفیٰ سمیت فلم کی پوری کاسٹ نے شرکت کی۔
The entire team of #3BahadurRiseofTheWarriors at the trailer launch of the movie. Releasing in cinemas on #14thDec2018! #ARYFilms #WaadiAnimations #FahadMustafa #WaadiAnimations #NimraBucha #SarwatGilani #KhalidMalik #FaheemKhan #BehrozeSabzwari pic.twitter.com/Tlk0B09Sdx
— ARY Films (@aryfilmsary) October 24, 2018
واضح رہے کہ شرمین عبید چنائے کی ہدایت کاری میں بننے والی فلم ’تین بہادر‘ پاکستان کی پہلی اینیمیٹد فلم تھی جسے ملک بھر میں نہ صرف بچوں بلکہ بڑوں میں بھی بھرپور پذیرائی ملی تھی۔
The talented actor and host #FahadMustafa who is also a part of #3BahadurRiseoftheWarriors spotted at the trailer launch. Releasing on #14thDec2018 Happening now in #Karachi! @fahadmustafa26#ARYFilms #WaadiAnimations pic.twitter.com/jN8JXVgfAt
— ARY Films (@aryfilmsary) October 24, 2018
