ARYNews.tv | Urdu – Har Lamha Bakhabar

Tag: 3 killed

  • ٹریلر اور وین میں تصادم، 3 افراد جاں بحق، متعدد زخمی

    ٹریلر اور وین میں تصادم، 3 افراد جاں بحق، متعدد زخمی

    حیدرآباد: موٹروے ایم نائن کے قریب ٹریلر اور وین میں تصادم کے نتیجے میں 3 افراد لقمہ اجل بن گئے جبکہ متعدد زخمی ہوگئے۔

    اے آر وائی نیوز کے مطابق ریسکیو ذرائع کا کہنا ہے کہ افسوسناک حادثے کے نتیجے میں مرنے والوں کی لاشوں اور زخمیوں کو ایل ایم یو اسپتال جامشورو منتقل کردیاگیا ہے۔

    ریسکیو حکام کے مطابق مسافر وین کراچی سے حیدرآباد جا رہی تھی کہ اچانک خوفناک حادثے کا شکار ہوگئی۔

    دوسری جانب کورنگی بلال کالونی میں گھر کے باہر بیٹھے دو افراد کو ملزمان نے فائرنگ کرکے قتل کردیا۔

    پولیس ذرائع کا کہنا ہے کہ مقتولین کی شناخت محمد علی اور امتیاز کے نام سے ہوئی، موٹر سائیکل سوار ملزمان نے فائرنگ کی اور فرار ہوگئے۔

    پولیس کے مطابق مقتولین بلال کالونی کے ہی رہائشی ہیں،جبکہ لاشوں کو ضروری کارروائی کے لئے اسپتال منتقل کردیا گیا ہے۔

    کراچی میں ڈاکوؤں نے شہری سے 8 لاکھ روپے لوٹ لیے

    ملزمان نے مقتولین سے کوئی بھی چیز نہیں چھینی، واقعہ بظاہر ذاتی دشمنی کاشاخسانہ معلوم ہوتا ہے، تحقیقات شروع کردی گئی ہیں۔

  • دو ہیلی کاپٹروں میں تصادم، 3 افراد جل کر ہلاک

    دو ہیلی کاپٹروں میں تصادم، 3 افراد جل کر ہلاک

    کیلیفورنیا : امریکا میں دوران پرواز دو ہیلی کاپٹروں کو حادثہ پیش آیا جس کے بعد خوفناک آگ بھڑک اُٹھی جس کے نتیجے میں تین افراد ہلاک ہوگئے۔

    امریکی ریاست کیلیفورنیا میں فلاحی ادارے کے دو ہیلی کاپٹر دوران پرواز پائلٹ سے بے قابو ہوکر آپس میں ٹکرا گئے، حادثے کے بعد ہیلی کاپٹروں میں آگ لگ گئی۔

    آگ اس قدر شدید تھی کہ ایک ہیلی کاپٹر میں موجود افراد کو بچنے کیلئے کوئی اقدام اٹھانے کا موقع نہ مل سکا اور جائے وقوعہ پر جل کر جان سے گئے۔

    غیر ملکی خبر رساں ادارے کی رپورٹ کے مطابق دونوں ہیلی کاپٹرز ریسکیو ادارے کی ملکیت تھے اور آگ بجھانے کے لیے استعمال ہوتے تھے،حادثے کے وقت بھی دونوں ہیلی کاپٹرز جنوبی کیلیفورنیا کے علاقے کیبازون میں لگی آگ بجھانے کی ڈیوٹی پر مامور تھے۔

    رپورٹ کے مطابق ایک ہیلی گر کر تباہ ہوگیا، اور اس میں سوار تینوں افراد ہلاک ہوگئے جبکہ دوسرے ہیلی کاپٹر کا پائلٹ اسے بحفاظت زمین پر اتارنے میں کامیاب رہا۔

    مذکورہ ہیلی کاپٹر حادثے میں ہلاک ہونے والوں میں پائلٹ کے ساتھ ایک کیپٹن اور فائر فائٹنگ ڈپارٹمنٹ کے ڈویژن چیف شامل ہیں۔

  • لاہور، مدرسے کی دیوار گرنے سے 3 افراد جاں بحق، 5 زخمی

    لاہور، مدرسے کی دیوار گرنے سے 3 افراد جاں بحق، 5 زخمی

    لاہور: صوبہ پنجاب کے شہر لاہور میں مدرسے کی دیوار گرنے کے نتیجے میں 3 افراد جاں بحق اور 5 زخمی ہوگئے۔

    اے آر وائی نیوز کے مطابق لاہور کے علاقے چونگی امرسدھو میں مدرسے کی دیوار گرگئی، دیوار گرنے سے 3 افراد جاں بحق اور 5 زخمی ہوگئے۔

    حادثے میں جاں بحق افراد کی شناخت 50 سالہ کریم، 50 سالہ ارشاد اور 23 سالہ ندیم کے ناموں سے ہوئی ہے۔

    حادثے میں جاں بحق اور زخمی افراد کو قریبی اسپتال منتقل کردیا گیا جہاں زخمیوں کو طبی امداد کی فراہمی جاری ہے۔ریسکیو ذرائع کا کہنا ہے کہ واقعہ مدرسہ میں کھدائی کے باعث پیش آیا۔

    مزید پڑھیں: چارسدہ، مکان کی چھت گر گئی، 3 بچے جاں بحق

    واضح رہے کہ چند روز قبل صوبہ خیبرپختونخوا کے شہر چارسدہ میں مکان کی چھت گر گئی تھی جس کے نتیجے میں 3 بچے جاں بحق ہوگئے تھے۔

    پولیس کا کہنا تھا کہ جاں بحق اور زخمی بچے گھر میں قرآن پڑھ رہے تھے، بچوں کی لاشیں اور زخمیوں کو اسپتال منتقل کردیا گیا تھا۔

    یاد رہے کہ گزشتہ ماہ صوبہ بلوچستان کے علاقے چمن میں مکان کی چھت گرنے سے 6 افراد جاں بحق اور 2 زخمی ہوگئے تھے۔

  • صومالیہ: یورپی یونین کے فوجی قافلے پر خودکش حملہ، تین افراد ہلاک، 4 زخمی

    صومالیہ: یورپی یونین کے فوجی قافلے پر خودکش حملہ، تین افراد ہلاک، 4 زخمی

    موغادیشو: افریقی ملک صومالیہ میں یورپی یونین کے فوجی قافلے پر خود کش حملے کے نتیجے میں تین افراد ہلاک اور چار زخمی ہوگئے۔

    تفصیلات کے مطابق صومالیہ کے دارالحکومت موغادیشو میں فوجی قافلے پر کارسوار خودکش حملہ آور نے بارود سے بھری کار ٹکرا دی جس کے باعث 3 افراد ہلاک اور چار زخمی ہوگئے۔

    غیر ملکی خبر رساں ادارے کا کہنا ہے کہ اس حملے میں کسی فوجی اہلکار کی ہلاکت نہیں ہوئی تاہم ہلاک ہونے والے تینوں افراد کا تعلق صومالیہ سے ہے۔

    ریسکیو حکام کا کہنا ہے کہ حملے کے باعث زخمی ہونے والوں میں بچے اور خواتین بھی شامل ہیں، زخمیوں کو مقامی اسپتال میں طبی امداد فراہم کی جارہی ہے۔

    دوسری جانب مذکورہ حملے کی ذمے داری شدت پسند تنظیم الشباب نے قبول کرلی ہے، اطالوی فوج نے کہا ہے کہ اس واقعے میں ان کا کوئی بھی فوجی زخمی یا ہلاک نہیں ہوا۔

    صومالیہ کی سرکاری عمارت پر خودکش دھماکا، 6 افراد جاں بحق

    خیال رہے کہ یورپی یونین کے افواج صومالیہ میں فوجی مشن کے تحت موجود ہیں، جس قافلے پر حملہ کیا گیا تھا ان میں اطالوی فوجی موجود تھے۔

    واضح رہے کہ صومالیہ انیس سو نوے کی دہائی کے بعد سے بدامنی کا شکار ہے اور وہاں اقوام متحدہ نے امن فوجی تعینات کر رکھے ہیں۔

    یاد رہے کہ گذشتہ ہفتے صومالی دارالحکومت کے ہوڈان ڈسٹرکٹ میں خودکش حملہ آور نے بارود سے بھری گاڑی سرکاری عمارت سے ٹکرا دی تھی، جس کے باعث 6 افراد جاں بحق جبکہ 16 زخمی ہوگئے تھے۔

  • امریکا: بینک ہیڈکوارٹر میں فائرنگ، 3 افراد ہلاک، دو زخمی

    امریکا: بینک ہیڈکوارٹر میں فائرنگ، 3 افراد ہلاک، دو زخمی

    واشنگٹن: امریکی ریاست اوہائیو میں قائم ایک بینک ہیڈکوارٹر میں فائرنگ کے نتیجے میں 3 افراد ہلاک اور دو زخمی ہوگئے۔

    تفصیلات کے مطابق ریاست اوہائیو کے شہر چنچناٹی میں قائم بینک ہیڈکوارٹر میں گھس کر حملہ آور نے اندھا دھند فائرنگ شروع کردی جس کے باعث تین افراد ہلاک ہوگئے جبکہ 2 زخمی ہیں۔

    امریکی میڈیا کے مطابق آج صبح مسلح حملہ آور نے بینک کی عمارت میں گھس کر فائرنگ کی جبکہ پولیس کی جوابی کارروائی میں حملہ آور ہلاک ہوگیا۔

    شہر کے میئر جون کلرنی کا کہنا تھا کہ اس افسوس ناک واقعے میں ہلاک ہونے والوں کے لواحقین سے اظہار تعزیت کرتے ہیں، یہ ایک خوفناک منظر تھا۔

    میئر کا مزید کہنا تھا کہ پولیس اہکار بروقت کارروائی کرتے ہوئے مسلح شخص کو ہلاک کرنے میں کامیاب ہوئے اور انھوں نے خطرے پر فوری طور پر قابو پا لیا ہے۔

    امریکا: نرسنگ ہوم میں فائرنگ‘4 افراد ہلاک‘ حملہ آورکی خودکشی

    دوسری جانب بینک کے نزدیک واقع دفتر میں کام کرنے والے عینی شاہدین کا کہنا تھا کہ ہم نے درجن سے زیادہ گولیاں چلنے کی آواز یں سنی ہیں، فائرنگ کے واقعے کے بعد بنک کے ارد گرد لوگ بھاگ رہے تھے۔

    خیال رہے کہ رواں سال جولائی میں امریکی ریاست ٹیکساس کےعلاقے رابزٹاؤن کے نرسنگ ہوم میں نامعلوم حملہ آور نے گھس کر اندھا دھند فائرنگ کردی تھی جس کے نتیجے میں ایک خاتون سمیت 4 افراد جان کی بازی ہار گئے تھے۔

    یاد رہے کہ رواں سال 15 فروری کو فلوریڈا کے ہائی اسکول میں 19 سالہ حملہ آور نے اسکول کے اندر گھستے ہی فائرنگ کردی تھی جس کے نتیجے میں 17 افراد ہلاک جبکہ متعدد زخمی ہوگئے تھے۔

  • فلسطین: اسرائیلی فوج کی فائرنگ، تین فلسطینی شہید

    فلسطین: اسرائیلی فوج کی فائرنگ، تین فلسطینی شہید

    غزہ: فلسطین میں قابض اسرائیلی فوج نے ایک بار پھر نہتے فلسطینیوں پر حملہ کردیا جس کے نتیجے میں تین فلسطینی شہید ہوگئے۔

    تفصیلات کے مطابق غاضب صیہونی فورسز کی جانب سے غزہ بارڈر کے قریب فائرنگ کی گئی جس کے باعث تین نہتے فلسطینی شہید ہوئے۔

    غیر ملکی خبر رساں ایجنسی کے مطابق فلسطین کی وزارت صحت نے غزہ پٹی پر اسرائیلی فوج کی فائرنگ سے تین فلسطینیوں کی شہادات کی تصدیق کی ہے۔

    دوسری جانب اسرائیلی فوج نے ہرزہ سرائی کرتے ہوئے کہا ہے کہ ان فلسطینی باشندوں نے سرحد کے قریب اسرائیلی فوجیوں پر گولیاں چلائی تھیں جس کے ردعمل میں اسرائیلی فوج نے ان پر حملہ کیا اور یہ ہلاک ہوئے۔

    اسرائیلی فوج کا فضائی حملہ، ایک فلسطینی شہید

    خیال رہے کہ گذشتہ روز فلسطین میں قابض صیہونی فورسز نے فضائی حملہ کیا تھا جس کے نتیجے میں ایک فلسطینی شہید ہوگیا تھا۔

    علاوہ ازیں اسرائیل کی جانب سے فلسطین کے علاقے رفاہ میں بھی فضائی کارروائی کی گئی تھی تاہم اس حملے میں کوئی جانی نقصان نہیں ہوا جبکہ تین فلسطینی شدید زخمی ہوئے تھے۔

    یاد رہے کہ گزشتہ ماہ فلسطین میں قابض اسرائیلی فوج نے فائرنگ کرکے چار نہتے فلسطینیوں کو شہید اور سینکڑوں کو زخمی کردیا تھا۔

    واضح رہے کہ 2014ء میں اسرائیلی افواج نے غزہ کی ساحلی پٹی پرشدید بمباری کی تھی جس کے نتیجے میں 2 ہزار 2 سو زائد فلسطینی شہید ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • دبئی: ٹرک اور وین میں تصادم، 3 افراد جاں بحق، 8 زخمی

    دبئی: ٹرک اور وین میں تصادم، 3 افراد جاں بحق، 8 زخمی

    دبئی: متحدہ عرب امارات میں ٹرک اور وین کے درمیان تصادم ہوا جس کے نتیجے میں 3 افراد جاں بحق اور 8 زخمی ہوگئے۔

    عرب میڈیا کے مطابق حادثہ دوپہر ایک بجے امارات سے شارجہ جانے والی شاہراہ پر تیز رفتاری کی وجہ سے پیش آیا، حادثے کے بعد جائے وقوعہ پر موجود لوگوں نے مقامی انتظامیہ اور ریسکیو اداروں کو مطلع کیا جس کے بعد زخمیوں کو اسپتال منتقل کیا گیا۔

    اسپتال منتقل کیے جانے والے 8 میں سے 3 شدید زخمی ہونے والے افراد راستے میں ہی دم توڑ گئے جبکہ دو کو تشویشناک حالت کے باعث انتہائی نگہداشت وارڈ میں رکھا گیا ہے۔

    مقامی انتظامیہ کے حکام کا کہنا ہے کہ ’حادثہ تیز رفتاری اور غفلت برتنے کی وجہ سے پیش آیا، دونوں گاڑیوں کے ڈرائیورز نے مخصوص فاصلہ نہیں رکھا تھا‘۔

    محکمہ پولیس کے سربراہ کا کہنا ہے کہ ہائی وے پر آنے والے ڈرائیورز کو متنبہ کیا جاچکا ہے کہ وہ گاڑی چلانے کے دوران احتیاط اور حاضر دماغی سے کام لیں۔

    اُن کا کہنا تھا کہ ’ہم ٹریفک حادثات سے بچنے کے لیے لوگوں کو آگاہی دیتے ہیں اور سرکاری سطح پر اقدامات بھی کرتے ہیں تاہم ابھی تک سارے عوام کو شعور نہیں دیا جاسکا‘۔

    واضح رہے کہ حادثات کی روک تھام کے سلسلے میں دبئی حکام کی جانب سے نیا قانون بھی متعارف کروایا گیا تھا جس کے تحت ٹریفک قوانین کی خلاف ورزی کرنے والے افراد کی گاڑیوں کو مالک کے گھر کے باہر ہی کھڑا کردیا جائے گا۔

    یاد رہے کہ دبئی میں ٹریفک قوانین کے خلاف ورزی کرنے پر بھاری جرمانہ عائد کرنے کے ساتھ ساتھ گاڑیاں بھی ضبط کی جاچکی ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مہمند ایجنسی اور ڈی جی خان میں رینجرز کی کارروائی، 5 دہشت گرد ہلاک

    مہمند ایجنسی اور ڈی جی خان میں رینجرز کی کارروائی، 5 دہشت گرد ہلاک

    مہمند ایجنسی: فاٹا کے ضلعے مہمند ایجنسی اور ڈیرہ غازی خان میں رینجرز کی جانب سے کارروائی کی گئی جس کے نتیجے میں پانچ دہشت گرد ہلاک ہوگئے جبکہ اسلحہ اور بارودی مواد بر آمد کر لیا گیا۔

    تفصیلات کے مطابق قانون نافذ کرنے والے اداروں نے مہمند ایجنسی اور ڈیرہ غازی خان میں دہشت گردی کے بڑے منصوبے ناکام بنا دیے،  رینجرز نے کارروائی کرتے ہوئے پانچ مبینہ دہشت گرد ہلاک کردیے، مارے گئے دہشت گردوں سے راکٹ لانچر، ریمورٹ کنٹرول بم، خود کش جیکٹس، بارودی مواد اور اسلحہ برآمد کرلیا گیا۔

    ذرائع کے مطابق ڈیرہ غازی خان کے علاقے سخی سرور میں رینجرز کی جانب سے جب آپریشن کا آغاز کیا گیا تو رینجرز کو دیکھ کر دہشت گردوں نے فائرنگ شروع کردی اس دوران فائرنگ سے ایک اہلکار زخمی بھی ہوا جبکہ جوابی کارروائی سے تین دہشتگرد ہلاک ہوگئے۔

    ڈی جی خان میں رینجرز کی کارروائی‘ 3 دہشت گرد ہلاک

    دوسری جانب مہمند ایجنسی میں قانون نافذ کرنے والوں نے کارروائی کر کے دو دہشت گردوں کو ہلاک کیا، مارے گئے دہشت گردوں میں سے دو کی شناخت ہوچکی ہے، جن میں حق نواز اور اس کا ساتھی محسن شامل ہے۔

    خیال رہے کہ رواں ماہ 6 مارچ کو پاک افغان سرحدی علاقے چمن میں سی ٹی ڈی اور حساس ادارے نے مشترکہ کارروائی کرتے ہوئے 4 دہشت گردوں کو ہلاک کرکے اسلحہ اور دھماکہ خیز مواد برآمد کیا تھا۔

    مہمند ایجنسی: پاکستانی چیک پوسٹوں پرحملہ‘ 5اہلکار شہید‘ 10دہشت گردہلاک

    یاد رہے کہ گزشتہ ماہ 17 فروری کو ڈیرہ غازی خان میں پنجاب رینجرز اورایلیٹ پولیس نے کارروائی کرتے ہوئے 3 دہشت گرد ہلاک کردیے تھے جبکہ 2 اہلکار زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بلدیہ ٹاؤن میں رینجرزاورسی ٹی ڈی کا دہشتگردوں سے مقابلہ، تین ہلاک

    بلدیہ ٹاؤن میں رینجرزاورسی ٹی ڈی کا دہشتگردوں سے مقابلہ، تین ہلاک

    کراچی : بلدیہ ٹاؤن میں سی ٹی ڈی اور رینجرز نے سرچ آپریشن کے دوران مقابلے میں تین دہشتگردوں کو ہلاک کردیا جبکہ فائرنگ کے تبادلے میں ایک سی ٹی ڈی اور دو رینجرز اہلکار زخمی ہوگئے، دہشت گردوں سے دو خود کش جیکٹس، بلاک بم اوربارودی مواد برآمد ہوا ہے۔

    تفصیلات کے مطابق کراچی کے علاقے بلدیہ ٹاؤن میں سی ٹی ڈی اور رینجرز نے دہشتگردوں کے خلاف مشترکہ آپریشن کیا۔

    ترجمان رینجرز کے مطابق دوران آپریشن دہشت گردوں نے بھاگنے کی کوشش میں اہلکاروں پر فائرنگ کردی، فائرنگ کے تبادلے میں تین دہشت گرد مارے گئے، ہلاک دہشت گردوں کی شناخت کا عمل جاری ہے۔

    مقابلے میں دو رینجرز اہلکار اور ایک سی ٹی ڈی اہلکار بھی زخمی ہوا، ترجمان رینجرز نے کہا کہ دہشت گردوں سے دو خودکش جیکٹس، بلاک بم اور بارودی مواد ،دو آئی ای ڈیز ،دو ایس ایم جیز اور دیگر اسلحہ برآمد ہواہے۔

    رینجرز حکام کا مزید کہنا ہے کہ تاریکی کا فائدہ اٹھا کر کچھ دہشت گرد فرار ہونے میں کامیاب ہوگئے۔

    رینجرزاور پولیس کی کارروائیاں، 15ملزمان گرفتار، اسلحہ منشیات برآمد

    علاوہ ازیں کراچی میں جرائم پیشہ عناصر کے خلاف قانون کا گھیرا تنگ کردیا گیا، رینجرز نے مختلف علاقوں میں کارروائیاں کرکے چھ ملزمان کو گرفتار کرلیا، ترجمان رینجرز کے مطابق گرفتار ملزمان سے اسلحہ اور منشیات برآمد کی گئی ہیں۔

    دوسری جانب موچکو پولیس نے پسند کی شادی کرنے پر بیٹی کو قتل کرنے والے ملزم احمد علی کو حراست میں لے لیا، محمود آباد چنسیر گوٹھ میں پولیس نے کارروائی کرکے منشیات اڈا چلانے والی ملزمہ کو ہتھکڑیاں لگادیں۔

    اس کے علاوہ لیاقت آباد میں پولیس نے کارروائی کرکے چھ جرائم پیشہ عناصر کو گرفتارکر لیا جبکہ ناظم آباد سے ایک ڈکیت گینگ کا کارندہ پکڑا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • کرم ایجنسی : پاک افغان سرحد پر امریکی ڈرون حملہ، 3 جاں بحق

    کرم ایجنسی : پاک افغان سرحد پر امریکی ڈرون حملہ، 3 جاں بحق

    کرم ایجنسی : پاک افغان سرحد پر واقع مکان پر امریکی ڈرون حملے سے 3 افراد جاں بحق ایک زخمی ہوگیا، حملہ میں مکان مکمل طور پر تباہ ہوگیا۔

    تفصیلات کے مطابق پاک افغان سرحد پر واقع کرم ایجنسی میں دہشت گردوں کی موجودگی کی اطلاع پر امریکی ڈرون حملہ کیا گیا۔

    سرکاری ذرائع کا کہنا ہے کہ کرم ایجنسی میں امریکی ڈرون طیارے نے ایک مکان پر دو میزائل فائر کیے، جس کے نتیجے میں مکان میں موجود تین افراد موقع پر ہی ہلاک ہوگئے، حملے میں مکان مکمل طور پر تباہ ہوگیا۔

    ویڈیو دیکھیں:

    تازہ ترین اطلاعات کے مطابق ڈرون حملہ پاکستانی حدود غوزگڑھی اپر کرم ایجنسی میں کیا گیا، یہ علاقہ افغان صوبے پکتیا اپرکرم ایجنسی کا سرحدی علاقہ ہے۔

    طالبان دور میں افغان سفیر کا داماد مارے جانے کی اطلاع

    ڈرون حملہ طالبان رہنما مولانا محب کے گھر پرہوا ہے،  حملے میں طالبان دور حکومت میں افغان سفیر مولانا عبدالسلام کے داماد کے مارے جانے کی اطلاعات ہیں۔