لندن: الطاف حسین نے ایک بار پھرمتحدہ قومی موومنٹ کی قیادت چھوڑنے کا اعلان کر دیا، الطاف حسین کا کہنا ہے کہ وفاقی وزیرِ خواجہ آصف بیان سے اقلیتی صوبوں کےمہاجروں کی توہین ہوئی ہے۔
الطاف حُسین ایک بار پھر پارٹی کی قیادت چھوڑنے کا اعلان کردیا ہے، ایک نجی ٹی وی سے گفتگو کرتے ہوئے اُن کا کہنا تھاکہ خواجہ آصف نے اپنے انٹرویو میں کہا ہے کہ اصل میں مہاجر وہ ہیں، جنہوں نے جالندھر اور لدھیانا سے ہجرت کی۔
الطاف حسین نے کہا کہ تقسیم ہند کے وقت بیس لاکھ افراد نے پاکستان ہجرت کی، جس میں مشرقی پنجاب کے علاوہ ، یوپی ، سی پی ، بہار ، حیدر آباد دکن ، علی گڑھ ، لکھنؤ، آگرہ کے افراد بھی شامل ہیں۔
خواجہ آصف کے بیان نے مسلم اقلیتی صوبوں کے مسلمانوں کی قربانیوں پر خط تنسیخ کھینچ دیا ہے۔
الطاف حسین نے کہا کہ ہمارا مذاق اڑایا گیا۔ اور اسمبلی تماشائی بنی رہی سینتیس سال جدوجہد کرکے مسلم اقلیتی صوبوں سے ہجرت کرنے والوں کو متحد کرنے کی کوشش کی مگر اب بہت ہو چکا ،میں اب قیادت نہیں کر سکتا
