Tag: 3 Robber killed

  • پولیس سے مقابلہ : تین ڈاکو مارے گئے، اسلحہ اور نقدی برآمد

    پولیس سے مقابلہ : تین ڈاکو مارے گئے، اسلحہ اور نقدی برآمد

    ٹوبہ ٹیک سنگھ : پنجاب کے شہر ٹوبہ ٹیک سنگھ کے نواحی علاقے میں مبینہ پولیس مقابلے میں تین ڈاکو گولیاں لگنے سے ہلاک ہوگئے، ہلاک ڈاکوؤں کے قبضے سے اسلحہ، نقدی، اور موٹر سائیکل برآمد ہوئی ہے۔

    تفصیلات کے مطابق ٹوبہ ٹیک سنگھ کے نواحی علاقے میں مبینہ پولیس مقابلہ ہوا ہے جس میں3ملزمان کے ہلاک ہونے کی اطلاعات ہیں۔

    اس حوالے سے پولیس ذرائع کا کہنا ہے کہ کچھ ڈاکو تھانہ رجانہ کی حدود میں لوٹ مار کررہے تھے کہ اس دوران علاقہ پولیس کے پہنچنے پرڈاکوؤں سے فائرنگ کا تبادلہ ہوا۔

    مقابلے دوران فائرنگ سے 3ڈاکو موقع پر ہی ہلاک ہوگئے، پولیس حکام کا کہنا ہے کہ تینوں ڈاکو اپنے ساتھیوں کی فائرنگ کی زدمیں آکر مارے گئے ہیں، ہلاک ڈاکوؤں سے اسلحہ، نقدی، اور موٹر سائیکل برآمد ہوئی ہے۔

  • کراچی : گلشن جمال میں پولیس مقابلہ، تین ڈاکو موقع پر ہلاک، اسلحہ برآمد

    کراچی : گلشن جمال میں پولیس مقابلہ، تین ڈاکو موقع پر ہلاک، اسلحہ برآمد

    کراچی : راشد منہاس روڈ پر مبینہ پولیس مقابلے کے دوران 3 ڈاکو ہلاک ہوگئے، ملزمان ایک گھر میں ڈکیتی کی واردات کے بعد فرار ہورہے تھے کہ پولیس سے سامنا ہوگیا۔

    تفصیلات کے مطابق کراچی کے علاقے گلشن جمال میں مبینہ مقابلے کے دوران پولیس نے تین ڈاکو مار گرائے، پولیس کا کہنا ہے کہ تینوں ڈاکو گھر میں ڈکیتی کی واردات کے بعد فرار ہونے کی کوشش کررہے تھے کہ پولیس کے بروقت پہنچنے پر فائرنگ کا تبادلہ ہوا۔

    پولیس مقابلے کی سی سی ٹی وی فوٹیج اے آر وائی نیوز نےحاصل کرلی، فوٹیج میں پولیس اہلکاروں کےساتھ سادہ لباس میں موجود اہلکاروں کو بھی ڈاکوؤں پرفائرنگ کرتے ہوئے دیکھا جاسکتا ہے جبکہ مقابلے کے دوران ایک شہری بھی آگیا۔

    اس حوالے سے ایس ایس پی ایسٹ غلام اظفر مہیسر کا کہنا ہے کہ ملزمان گھر میں ڈکیتی کررہے تھے، پولیس کے پہنچے پر فائرنگ کا تبادلہ ہوا۔

    ایس ایس پی ایسٹ کا کہنا ہے کہ ملزمان کے فنگر پرنٹس بھی حاصل کرلئےہیں، اسلحہ فرانزک ٹیسٹ کیلئے بھجوا دیا ہے، پولیس مقابلے کے بعد علاقے میں سیکیورٹی مزید سخت کردی گئی ہے۔

  • کراچی، گلشن اقبال  سے 3 ڈاکو گرفتار، چار فرار

    کراچی، گلشن اقبال سے 3 ڈاکو گرفتار، چار فرار

    کراچی: گلشن اقبال میں پولیس نے کامیاب کارروائی کرتے ہوئے 3 ڈاکو گرفتار کرلیے، ملزمان کے 4 ساتھی فرار ہوگئے، ایس پی کے مطابق پولیس ملزمان کی گرفتاری کے لیے چھاپے مار رہی ہے۔

    تفصیلات کے مطابق کراچی کے علاقے گلشن اقبال میں پولیس نے کامیاب کارروائی کرتے ہوئے 3 ڈاکو گرفتار کرلیے جب کہ 4 ملزمان فرار ہونے میں کامیاب ہوگئے۔

    ایس پی ایسٹ کے مطابق ملزمان سے 3 پسٹل، موبائل فون، نقدی اور موٹر سائیکل برآمد کرلی گئی، گرفتار ملزمان میں باسط و دیگر شامل جبکہ ملزمان کے چار ساتھی فیصل، ناصر، سجاد، وسیم فرار ہوگئے۔

    واضح رہے کہ گزشتہ دنوں ابو الحسن اصفہانی روڈ پر کارروائی کرتے ہوئے مبینہ ٹاؤن پولیس نے بھی چار اسٹریٹ کرمنلز گرفتار کرکے موبائل فون، نقدی اور موٹر سائیکل برآمد کی تھی۔

    مزید پڑھیں: ابو الحسن اصفہانی روڈ اسٹریٹ کرمنلز کی محفوظ ترین آماجگاہ