ARYNews.tv | Urdu – Har Lamha Bakhabar

Tag: 31 october 1986 incident

  • امریکی پاپ پرنسسز ٹیلرسوئفٹ کانیا البم 1989چارٹس پرچھا گیا

    امریکی پاپ پرنسسز ٹیلرسوئفٹ کانیا البم 1989چارٹس پرچھا گیا

    امریکی پاپ پرنسس ٹیلرسوئفٹ کا نیا البم نائنٹین ایٹی نائن دوہزار چودہ میں میوزک انڈسٹری پر چھاگیا ہے۔

    اپنی مدھر آواز کےذریعے لوگوں پر سحرطاری کرنے والی گلوکارہ ٹیلرسوئفٹ نے اپنے نئےالبم کا نام اپنی پیدائش کےسال پر رکھا ہے،نائنٹین ایٹی نائن سوئفٹ کا پانچواں میوزک البم ہےجس نے ریلیزکے ساتھ ہی مقبولیت کی بلندیوں کو چھو لیا ہے۔

    نائنٹین ایٹی نائن میں تیرہ گانے شامل ہیں۔ میوزک چارٹس کی پہلی پوزیشن پر قبضہ جما ئے البم کی ایک ہفتے میں تیرہ لاکھ کاپیاں فروخت ہوچکی ہیں،البم میں شامل گانے شیک اٹ آف، نے ریلیز کے بعد سے لوگوں کو اپنےسحر میں جکڑ رکھا ہے۔

  • داعش کاخطرہ پاکستان میں داخل ہوگیا، الطاف حسین

    داعش کاخطرہ پاکستان میں داخل ہوگیا، الطاف حسین

       کراچی: ایم کیوایم کے قائد الطاف حسین نے کہا کہ جنگجنو گروہ داعش پاکستان میں داخل ہو چکا ہے، صادق آباد سے اسلام آباد تک داعش کے بے پناہ جھنڈے ہیں۔

    ٹیلی فونک پریس کانفرنس کرتےہوئےالطاف حسین کاکہناتھاکہ داعش القاعدہ اور طالبان سے بھی زیادہ خطرناک ہے، طالبان بڑی تعداد میں داعش میں شمولیت اختیار کر رہے ہیں، صرف فوج ہی پاکستان کو نہیں بچا سکتی سب کو مل کر اپنا کردار ادا کرنا چاہیے۔

    متحدہ قائد کا کہنا تھا کہ 10 سال سے طالبانائزیشن کیخلاف آواز اٹھا رہا ہوں،انہوں نے آرمی چیف، آئی ایس آئی اور آئی بی چیف سے درخواست کر دی کہ تحقیقاتی اداروں کو فعل کیا جائے اور داعش کی کارروائیوں پر نظر رکھی جائے ۔۔

    الطاف حسین نے طاہر القادی اور عمران خان کو مخاطب کرتے ہوئے کہا کہ ملک اور عوام رہے گی تو سیاست بھی زندہ رہے گی، عمران خان اور طاہر القادری کی سیاست میں آنے سے قبل ہی جاگیر دارانہ نظام کیخلاف جدوجہد کر رہا ہوں۔

  • سانحہ اکتیس اکتوبرالمناک دن کی حیثیت رکھتا ہے،الطاف حسین

    سانحہ اکتیس اکتوبرالمناک دن کی حیثیت رکھتا ہے،الطاف حسین

    لندن: متحدہ قومی موومنٹ کے قائد الطاف حسین نے کہا ہے کہ اکتیس اکتوبرانیس سوچھیاسی ان کیلئے المناک دن کی حیثیت رکھتا ہے جب ایم کیوایم کو کچلنے کی بھرپورکوشش کی گئی۔

    سانحہ اکتیس اکتوبرکے شہدا کی برسی پرایم کیوایم کے قائدالطاف حسین نے سانحے کے شہدا کو خراج عقیدت پیش کیا ۔ انھوں نے کہا کہ پکا قلعہ حیدرآباد میں جلسے کے موقع پرایم کیوایم کو ختم کرنے کی پوری قوت کے ساتھ کوشش کی .

    انھوں نے بتایا کہ جلسے کے بعد حیدرآباد سے کراچی جانے والے کارکنوں کی بڑے پیمانے پر گرفتاریاں کی گئیں اورانھیں بھی گھگھر پھاٹک سے گرفتار کرلیا گیا تھا ۔ الطاف حسین نے کہا کہ ان پردباؤ ڈالا گیا تھا کہ جوکچھ لکھ کردیا جارہا ہے اس پردستخط کردیں تاہم انھوں نےایسا کرنے سے انکار کردیا۔ الطاف حسین نے اپنی گفتگومیں سانحہ اکتیس اکتوبرکے پس منظر،اس کے اسباب اوراس کے بعد ریاستی مظالم کے واقعات پرتفصیلی روشنی ڈالی۔

  • سانحہ 31اکتوبر کے شہداء کی قربانیاں یاد رکھی جائینگی، الطاف حسین

    سانحہ 31اکتوبر کے شہداء کی قربانیاں یاد رکھی جائینگی، الطاف حسین

    لندن : ایم کیو ایم کے قائد الطاف حسین نے کہا ہے کہ اکتیس اکتوبر انیس سو چھیاسی کے شہداء کی تحریک کے لئے قربانیاں ہمیشہ یاد رکھی جائیں گی۔

    سانحہ اکتیس اکتوبر انیس سو چھیاسی کے شہداء کی اٹھائیس ویں برسی پر بیان میں الطاف حسین نے کہا کہ سانحہ اکتیس اکتوبر ایم کیوایم کو اس کی جدوجہد کے ابتدائی دورہی میں ختم کرنے کی ایک بھیانک سازش کا حصہ تھا، جب حیدرآباد میں ایم کیوایم کے دوسرے عوامی جلسہ میں شرکت کیلئے کراچی سے حیدرآباد جانیوالے ایم کیوایم کے جلوسوں پر سہراب گوٹھ کراچی اور مارکیٹ چوک حیدرآباد پر مسلح دہشت گردوں کے ذریعے وحشیانہ فائرنگ کرائی گئی تھی۔

    جسکے نتیجے میں ایم کیوایم کے درجنوں کارکنان شہید و زخمی ہوگئے تھے۔

    الطاف حسین نے کہا کہ ایم کیوایم کے پُرعزم کارکنوں نے جس عزم وہمت ،جوانمردی اور ایثاروقربانی کا مظاہرہ کیا اور تحریک کے جلسہ عام کے انعقاد کو یقینی بنایا وہ ناقابلِ فراموش ہے۔

    انہوں نے دعا کی کہ اللہ تعالیٰ تحریک کے ان شہداء کی قربانیوں کو قبول فرمائے اورانہیں جنت الفردوس میں اعلیٰ مقام عطا کرے۔