Tag: 38 Killed

  • افغانستان : خوست کی جامع مسجد میں خود کش دھماکہ ،28افراد جاں بحق، 38زخمی

    افغانستان : خوست کی جامع مسجد میں خود کش دھماکہ ،28افراد جاں بحق، 38زخمی

    کابل : افغانستان میں جامع مسجد میں دھماکے سے28افراد جاں بحق اور38زخمی ہوگئے، خود کش دھماکہ نماز جمعہ کی ادائیگی کے دوران کیا گیا۔

    تفصیلات کے مطابق افغانستان کے علاقے خوست میں آرمی کی جامع مسجد میں لوگ نماز جمعہ کی ادائیگی میں مصروف تھے کہ اچانک زوردار دھماکہ ہوا، ابتدائی طور پر دھماکے سے28 افراد کے جاں بحق اور 38 زخمی ہونے کی اطلاعات ہیں۔

    ہ افغان صوبے خوست کے ضلع مندوزئی میں افغان آرمی کی سیکنڈ رجمنٹ کے ترجمان کیپٹن عبداللہ کے مطابق مسجد میں ہونے والا دھماکہ خود کش تھا، ہلاک ہونے والوں میں دس جوانوں کا تعلق افغان نیشنل آرمی کی سیکنڈ رجمنٹ سے تھا۔

    زخمیوں کو قریبی اسپتال منتقل کردیا گیا ہے جہاں چھ افراد کی حالت تشویشناک ہونے کے باعث ہلاکتوں میں اضافے کا خدشہ ہے، خود کش دھماکے کی ذمہ داری تاحال کسی شدت پسند گروہ نے قبول نہیں کی ہے۔

    یاد رہے کہ اس سے قبل گذشتہ روز عید میلاد النبی کی مناسبت سے کابل میں ہونے والے علماء کرام کے ایک پروگرام میں بھی دھماکہ ہوا تھا جس میں 50 سے زاند افراد جاں بحق ہوئے تھے ۔

    افغانستان میں حالیہ دنوں میں تشدد کی ایک نئی لہر شروع ہوگئی ہے اور دوسری جانب امریکہ کی جانب سے طالبان کے ساتھ امن مذاکرات کا سلسلہ بھی جاری ہے۔

    تشدد کی نئی لہر کے متعلق بعض مبصرین کا خیال ہے کہ افغان طالبان مذاکرات کی میز پر اپنی پوزیشن کو مضبوط کرنے کی خاطر بڑے بڑے حملے کررہے ہیں۔

    مزید پڑھیں: افغانستان، طالبان کا پولیس چیک پوائنٹ پر حملہ، 5 اہلکار ہلاک

    واضح رہے کہ گزشتہ ہفتے افغانستان کے شمال مغربی صوبے بادغیس میں طالبان کی جانب سے ایک چیک پوائنٹ پر حملے کے نتیجے میں 5 اہلکار ہلاک ہوگئے تھے۔

    حملہ آوروں کا پولیس کے ساتھ ایک گھنٹے تک فائرنگ کا تبادلہ ہوا تھا اور اس میں طالبان بھی مارے گئے ہیں، حملے میں تین پولیس اہلکار زخمی بھی ہوئے اور ایک اہلکار کو حملہ آور اغوا کر کے لے گئے۔

  • بغداد میں دوخود کش حملے،38افراد جاں بحق، درجنوں زخمی

    بغداد میں دوخود کش حملے،38افراد جاں بحق، درجنوں زخمی

    بغداد : عراق کے دارالحکومت بغداد کے ایوی ایشن اسکوائر میں دو خود کش حملے کیے گئے جس کے نتیجے میں38افراد ہلاک اور درجنوں زخمی ہو گئے، حملوں کی ذمہ داری تاحال کسی گروپ نے نہیں لی۔

    تفصیلات کے مطابق عراق کے دارالحکومت بغداد میں پیر کے روز بارودی بیلٹیں باندھے دو خود کش بم باروں کے حملے کے نتیجے میں 38 افراد ہلاک اور 105 زخمی ہو گئے۔

    واقعہ بغداد کے وسط میں ایوی ایشن اسکوائر پر پیش آیا، حملے کے بعد پولیس نے علاقے کو گھیرے میں لے لیا، امدادی ٹیموں نے ہلاک اور زخمی ہونے والوں کو اسپتال منتقل کیا، کئی زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے۔

    اس سے قبل ہفتے کے روز بغداد کے شمال میں سکیورٹی فورسز کی چیک پوسٹ کے نزدیک بارودی بیلٹ باندھے ایک خود کش بمبار کے حملے میں کم از کم 5 افراد ہلاک ہو گئے تھے۔

    یاد رہے کہ ایوی ایشن اسکوائر یومیہ اجرت کے مزدوروں کے جمع ہونے کا مقام ہے جہاں وہ صبح سویرے پہنچ کر کام حاصل کرنے کے منتظر رہتے ہیں۔