Tag: 3rd day

  • جمیکا ٹیسٹ : پاکستان نے اننگز ڈکلیئر کردی، ویسٹ انڈیز کی بیٹنگ جاری

    جمیکا ٹیسٹ : پاکستان نے اننگز ڈکلیئر کردی، ویسٹ انڈیز کی بیٹنگ جاری

    کنگسٹن : جمیکا ٹیسٹ کے تیسرے روز پاکستان نے اپنی پہلی اننگز 9 کھلاڑی آؤٹ 302 رنز پر ڈکلیئر کردی۔ ویسٹ انڈیز نے پہلی اننگز میں 3 وکٹوں کے نقصان پر39رنز بنا لیے۔

    پاکستان اور ویسٹ انڈیز کے درمیان کھیلے جانے والے ٹیسٹ میچ کا تیسرا دن اپنے اختتام کو پہنچا، پاکستان نے 9وکٹوں پر302رنز بنا کر پہلی اننگز ڈکلیئر کی جس کے بعد ویسٹ انڈیز کے پہلی اننگز میں 3 وکٹوں کے نقصان پر39رنز بنالیے۔

    دوسرے ٹیسٹ کے پہلے دن ریٹائرڈ ہرٹ ہونے والے فواد عالم نے اپنے کیریئر کی پانچویں سنچری بنائی، وہ 124رنز بنا کر ناٹ آؤٹ رہے۔ پاکستان کی جانب سے بابراعظم 75، محمد رضوان 31 اور فہیم اشرف 26 رنز بنا کر نمایاں رہے۔

    ویسٹ انڈیز کی طرف سے کیماروچ اور جیڈن سیلز نے 3، 3 کھلاڑیوں کو آؤٹ کیا جبکہ جیسن ہولڈر کے حصے میں 2 وکٹیں آئیں۔

    302رن کے جواب میں تیسرے دن کے اختتام پر ویسٹ انڈیز کے 39 رنز پر 3 کھلاڑی آؤٹ ہوگئے ہیں، دو وکٹیں شاہین شاہ آفریدی نے لیں جبکہ ایک کھلاڑی کو فہیم اشرف نے آؤٹ کیا۔

  • پاک انگلینڈ کرکٹ سیریز : تیسرے دن کا کھیل بارش کی نذر

    پاک انگلینڈ کرکٹ سیریز : تیسرے دن کا کھیل بارش کی نذر

    ساؤتھ ہمپٹن : پاکستان اور انگلینڈ کی کرکٹ ٹیموں کے درمیان ساؤتھ ہمپٹن میں کھیلے جانے والے دوسرے ٹیسٹ کے تیسرے دن کا کھیل خراب موسم اور بارش کے باعث شروع   نہ ہوسکا۔

    تفصیلات کے مطابق ساؤتھ ہمپٹن میں جاری پاکستان اور انگلینڈ کے مبین کھیلے جانے والے دوسرے ٹیسٹ کا تیسرا دن بھیئ بارش کی نذر ہوگیا۔

    تیسرے دن قومی ٹیم نے اپنی اننگز دو سو تئیس رنز نو کھلاڑی آؤٹ سے آغاز کرنا تھا لیکن میچ سے پہلے  ہی دوبارہ بارش کے باعث کھیل روکنا پڑا۔

    قبل ازیں دوسرے روز وکٹ کیپر بیٹسمین محمد رضوان نے ذمہ دارنہ بیٹنگ کرتے ہوئے نصف سنچری بنائی تھی، بابراعظم سینتالیس اور عابد علی ساٹھ رنز بنا کر آؤٹ ہوئے تھے۔

  • کراچی میں بارش : تین دن میں10 افراد جان کی بازی ہارگئے

    کراچی میں بارش : تین دن میں10 افراد جان کی بازی ہارگئے

    کراچی : سندھ میں مسلسل تیسرے روز بھی مون سون کی بارش ہوئی اور کراچی میں مختلف واقعات میں دس افراد جاں بحق ہوئے، زیادہ تر ہلاکتیں کرنٹ لگنے سے ہوئیں۔

    تفصیلات کے مطابق کراچی میں تین دن کی بارش کے دوران مختلف حادثات میں10 افراد جان کی بازی ہارگئے، مون سون کے چوتھے اسپیل کے تحت تیسرے روز بھی شہر کے بیشتر علاقوں میں گرج چمک کے ساتھ موسلادھار بارش ہوئی جس کی وجہ سے ایک بار پھر شہر کا نظام درہم برہم ہوگیا۔

    سڑکیں تالاب کا منظر پیش کرنے لگیں، ٹریفک جام ہوگیا جس کے سبب مسافروں کا منٹوں کا سفر گھنٹوں میں طے ہوا۔ بارشوں کا سلسلہ شہر کے مضافاتی علاقوں سے شروع ہوا جس کے بعد شہر بھر میں کہیں درمیانی اور کہیں تیز بارشیں ہوئیں۔

    ریسیکیو ذرائع اور انتظامیہ کے مطابق 3 افراد بجلی کا کرنٹ لگنے سے جاں بحق ہوئے جبکہ 12 سالہ بچہ بارش سے جمع ہونے والے پانی میں ڈوب کر انتقال کرگیا۔

    اطلاعات کے مطابق جمعرات کی شام 2 افراد کرنٹ لگنے سے جاں بحق ہوئے، گلستان جوہرمیں گھر میں کرنٹ لگنے سے ایک شخص جاں بحق ہوا، کٹی پہاڑی پرکرنٹ لگنے سے 13 سالہ لڑکا انتقال کرگیا جبکہ جمعہ کو مختلف حادثات میں 7 افراد جان سے گئے۔

    میوہ شاہ قبرستان کے قریب کرنٹ لگنے سے ایک شخص جاں بحق ہوا، لانڈھی نمبر4 میں دکان کےشٹرسے کرنٹ لگنے سے ایک شخص جاں بحق ہوا، سٹی کوٹ اور سول اسپتال کے قریب کرنٹ لگنےسے2افرادانتقال کرگئے۔

    ایک بچہ سرجانی ندی میں ڈوب کر جاں بحق ہوا بنارس میٹروسنیماکے قریب ندی میں ڈوبنےسے6 سالہ بچہ جاں بحق ہوا، ملیرماڈل کالونی میں دوپہرکوکرنٹ لگنے سے ایک شخص جاں بحق ہوا۔

    اس کے علاوہ گلشن اقبال بلاک 13 ڈی میں کرنٹ لگنے سے نوجوان جاں بحق ہوا، آج صبح بلدیہ اتحاد ٹاون میں ایک شخص کرنٹ لگنے سے جاں بحق ہوا۔

    واضح رہے کہ کراچی میں گزشتہ روز بارش کے بعد مختلف سڑکوں پر پانی تاحال موجود ہے، اولڈ سٹی ایریا میں بارش کا پانی سڑکوں پر کھڑا ہے، شارع فیصل پر مختلف مقامات پر تاحال بارش کا پانی موجود ہے، گورا قبرستان قیوم آباد کی سڑک کورنگی روڈ پر پانی جگہ جگہ موجود ہونے کے باعث ٹریفک کی آمدورفت میں کافی پریشانی کا سامنا ہے۔

  • عالمی اردو کانفرنس کے تیسرے روز کی شام نامور شخصیات نے یادگار بنا دی

    عالمی اردو کانفرنس کے تیسرے روز کی شام نامور شخصیات نے یادگار بنا دی

    کراچی : آرٹس کونسل کراچی میں منعقدہ 12 ویں عالمی اردو کانفرنس کا تیسرا دن بھی یادگار رہا، نعیم بخاری نے اپنے چٹکلوں اور مزاحیہ اندازسے حاضرین کے دل جیت لیے۔

    تفصیلات کے مطابق آرٹس کونسل کراچی میں عالمی اردو کانفرنس زور و شور سے جاری ہے۔ کانفرنس کے تیسرے روز کی شام نامور شخصیات نے یادگاربنا دی, طنز و مزاح کی محفل، صحافیوں کی نشست اور شاعروں کا کلام سن کر شرکا داد دیئے بغیر نہ رہ سکے۔

    شہر قائد میں سجے عالمی اردو کانفرنس کے تیسرے روز معروف قانون دان اور میزبان نعیم بخاری نے اپنے چٹکلوں اور مزاحیہ انداز سے حاضرین کے دل جیت لیے۔ نعیم بخاری نے ماضی کی سنہری یادوں کو دوبارہ تازہ کردیا۔

    اردو سے جڑے موضوعات پر سحر انگیز بحث و مباحثہ میں اظہار خیال کرتے ہوئے سینئر اداکار قوی خان،خالد انعم اور مصنفہ سیماغزل نے اردو زبان کی اہمیت اپنے الفاظ میں بیان کی۔

    ہفتے کو ہونے والے سیشنز میں جاپان سے آئے ادیب سویا مانے یاسر لوگوں کی توجہ بنے رہے، جن کا کہنا تھا کہ ہم نے ایک نئی بستی میں اردو کا چراغ جلایا ہے امید ہے کہ یہ جلتا رہے گا۔

    اس کے علاوہ میڈیا کتنا قید اور کتنا آزاد ہے کے نام سے سینئر صحافیوں اور تجزیہ کاروں نے بھی محفل سجائی، کانفرنس کا اختتام مشاعرے پر ہوا جس میں نامور شاعروں نے اپنے کلام سے تیسرے روز کی اختتامی نشست یادگار بنادی۔

  • ینگ ڈاکٹروں کی ہڑتال تیسرے روز بھی جاری، مریض در در کی ٹھوکریں کھانے پر مجبور

    ینگ ڈاکٹروں کی ہڑتال تیسرے روز بھی جاری، مریض در در کی ٹھوکریں کھانے پر مجبور

    کراچی : سندھ بھر میں ڈاکٹروں کی ہڑتال تیسرے روز بھی جاری رہی، پریشان حال مریض در در کی ٹھوکریں کھاتے رہے، علاج نہ ملنے پر دادو میں ایک مریضہ دم توڑ گئی۔

    تفصیلات کے مطابق کراچی سمیت صوبے بھر کے سرکاری اسپتالوں میں ڈاکٹروں نے اپنے مطالبات کے حق میں تیسرے دن بھی او پی ڈی کابائیکاٹ جاری رکھا۔

    ڈاکٹروں نے مریضوں پر اسپتال کے دروازے بند کردیے، حکومت سندھ نے اب تک کوئی نوٹس نہیں لیا۔ مریضوں کا کہنا ہے کہ اسپتال پر تالے لگے ہیں، کوئی ہماری مدد نہیں کرتا۔

    دوسری جانب سندھ کے شہر دادو میں ڈاکٹرز کی ہڑتال کے دوران مریضہ دم توڑ گئی۔ ورثا کے احتجاج پر ڈاکٹر نے عملے کے ساتھ مل کر تشدد کیا۔۔۔ مریضہ وزیراں میمن کے لواحقین نےالزام لگایا کہ چار گھنٹے تک ماں تڑپتی رہی مگر ڈاکٹروں نے علاج سے انکار کردیا۔

    علاج نہ کرنے پرمریضہ کی جان چلی گئی۔ خاتون کی ہلاکت کے بعد ورثانے ڈاکٹرز کےخلاف احتجاج کیا۔ ورثاکا الزام ہے کہ احتجاج کرنے پر ڈاکٹر نے عملے کےساتھ مل کرتشدد کیا ۔واقعے کے بعد ڈاکٹر اسپتال سے رفو چکرہوگیا، پولیس اسپتال پہنچ گئی۔

  • پرتھ ٹیسٹ : بھارت 283 رنز پر آؤٹ، آسٹریلیا کو چار وکٹ پر175 رنز کی برتری

    پرتھ ٹیسٹ : بھارت 283 رنز پر آؤٹ، آسٹریلیا کو چار وکٹ پر175 رنز کی برتری

    پرتھ : بھارتی ٹیم پہلی اننگز میں دو سو تراسی رنزبنا کر آؤٹ ہوگئی، ویرات کوہلی کا کیچ متنازع بن گیا،  پرتھ ٹیسٹ میں میزبان ٹیم کی مجموعی برتری ایک سو پجھتر رنز کی ہوگئی۔

    تفصیلات کے مطابق بھارت اور آسٹریلیا کے درمیان کھیلے جارہے پرتھ ٹیسٹ کے تیسرے روز کھیل کے اختتام تک آسٹریلیا نے چار وکٹوں کے نقصان پر132رنز بنالیے، جس کے بعد آسٹریلیا کو 43رنز کی سبقت حاصل ہوگئی۔

    بعد ازاں بھارت کی ٹیم283رنز بنا کر آؤٹ ہوگئی، آسٹریلوی اوپنر فنچ ہاتھ پر گیند لگنے سے زخمی ہونے کےبعد گراؤنڈ سے باہر چلے گئے۔ بھارت کی جانب سے محمد شامی نے دو، ایشانت شرما اور جیسپرت بمبرا نے ایک ایک کھلاڑی کو آؤٹ کیا۔

    دوسری اننگز میں اب تک آسٹریلیا کے چار کھلاڑی آؤٹ ہوگئے، بھارتی بولرز کے جلد وکٹیں حاصل کرنے کیلئے کوشش جاری ہے،   تیسرے روز کھیل کے اختتام تک کینگروزٹیم کےعثمان خواجہ 41 اور کپتان ٹم پین 8 رنز کے ساتھ کریز پر موجود تھے۔

    دوسری جانب پرتھ ٹیسٹ میں ویرات کوہلی کا کیچ متنازع بن گیا۔ بھارتی کپتان کوہلی آؤٹ ہیں یا ناٹ آؤٹ؟ ٹوئٹرپر مداحوں نے شدید تنقید کرتے ہوئے ٹیکنالوجی پرسوالات اٹھا دیئے، مداحوں کا کہنا ہے کہ گیند زمین پر لگنے کے بعد فیلڈر نے پکڑی۔ امپائر نے کوہلی کاغلط آؤٹ دیا جس کا نقصان ٹیسٹ میچ میں بھارت کو ہوسکتا ہے۔

  • لارڈز ٹیسٹ: تیسرا روز، انگلینڈ کے6وکٹوں کے نقصان پر235رنز

    لارڈز ٹیسٹ: تیسرا روز، انگلینڈ کے6وکٹوں کے نقصان پر235رنز

    لندن : انگلینڈ کی ٹیم 6وکٹوں پر235رنز بنا کر ایک اننگز کی شکست سے بچ گئی، انگلش ٹیم کو پاکستان پر56رنز کی برتری حاصل ہوگئی۔

    تفصیلات کے مطابق لارڈز کے میدان میں جاری پاکستان اور انگلینڈ کے درمیان کھیلے جارہے پہلے ٹیسٹ کے تیسرے روز کا کھیل ختم ہوگیا، آج کا دن بھی پاکستان کے نام رہا۔

    انگلینڈ نے کھیل کے اختتام پر چھ وکٹ پر دو سو پینتس رنز بنالئے۔ انگلینڈ کو پاکستان پر چھپن رنز کی برتری حاصل ہے، لارڈز ٹیسٹ میں انگلینڈ پر شکست کے بادل منڈلانے لگے، انگلینڈ نےپاکستان کا رنز کاخسارا تو ختم کردیا لیکن جیت اب بھی پاکستان کے قریب ہے ۔

    دوسری اننگز میں بھی انگلش بیٹنگ لائن لڑکھڑا گئی،179رنز خسارے میں جانے کے بعد انگلش بلے باز کے ہاتھ پاؤں پھول گئے، اوپنرز کےجلد آؤٹ ہونے کےبعد جو روٹ اور ڈیوڈ ملان کی شراکت خطرہ بننے ہی والی تھی کہ محمد عامر نے اوپر تلے دو وکٹیں اڑا دیں، ایک سو دس رنز پر انگلینڈ کی چھ وکٹیں گرچکی تھیں۔

    تیسرے د ن کے کھیل میں انگلینڈ کی اننگ ایک لمحہ ایسابھی آیا جہاں ایسالگ رہا تھا کہ پاکستان ٹیم انگلینڈ کو ایک اننگ کی شکست دے کر نیاریکارڈ قائم کرلے گا کیونکہ آج تک کسی بھی ایشائی ٹیم نے انگلینڈ کو لارڈز میں ایک اننگ کی شکست نہیں دی لیکن اس وقت جوز بٹلر اور ڈومینک بیس کی سنچری شراکت نے انگلینڈ کو اننگز کی شکست سے بچایا۔

    دونوں کھلاڑیوں نے بالترتیب66اور55رنز بنائے۔ کھیل کے اختتام پر انگلینڈ نے235 رنزبنالئے، انگلینڈ کو پاکستان پر56رنز کی برتری حاصل ہے اوراس کی چار وکٹیں باقی ہیں، محمد عامر، محمد عباس اور شاداب خان نے2،2 وکٹیں حاصل کیں۔


    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • ایڈیلیڈ ٹیسٹ: تیسرا روز، انگلینڈ کی ٹیم پہلی اننگز میں227رنز پرآؤٹ

    ایڈیلیڈ ٹیسٹ: تیسرا روز، انگلینڈ کی ٹیم پہلی اننگز میں227رنز پرآؤٹ

    ایڈیلیڈ : انگلینڈ اور آسٹریلیا کے درمیان ڈے نائٹ ٹیسٹ میچ میں انگلینڈ کی ٹیم نے آسٹریلیا پر نفسیاتی برتری حاصل کرلی، انگلینڈ کی ٹیم پہلی اننگز میں دو سو ستائیس رنز پر ڈھیر ہوگئی۔

    تفصیلات کے مطابق ایڈیلیڈ میں ہونے والے ڈے نائٹ ٹیسٹ پر آسٹریلیا کی گرفت مضبوط ہوگئی، ایشیز کی تاریخ کا پہلا  ٹیسٹ انگلینڈ کے ہاتھوں سے نکلنے لگا۔

    اس وقت آسٹریلیا کو 268 رنز کی مجموعی برتری حاصل ہے اوراس کی چھ وکٹیں باقی ہیں، کھیل کا تیسرا روز آسٹریلین بولرز کے نام رہا، انگلینڈ کا کوئی بلے باز نصف سنچری تک نہ بنا سکا۔

    اسپنر نیتھن لائن معین علی کا کیچ پکڑنے کیلئے سپر مین بن گئے، فاسٹ بولر مچل اسٹارک نے بھی اپنی گیند پر خوب کیچ تھاما، انگلش ٹیم کا بوریا بستر دو سو ستائیس رنزپر گول ہوگیا۔

    لائن نے چار اور مچل اسٹارک نے3 وکٹیں حاصل کیں، آسٹریلیا نے فالو آن کے بجائے خود بیٹنگ کا فیصلہ کیا، تیسرے روز کھیل کے اختتام تک آسٹریلیا نے4 وکٹ پر53 رنز بنالئے تھے۔


    مزید پڑھیں: ایڈیلیڈ ٹیسٹ، دوسرا روز: آسٹریلیا کی اننگز442 رنز پر ڈکلیئر


    پہلی اننگز میں شاندار برتری کی بدولت اسے انگلینڈ پر مجموعی طور پر 268 رنز کی سبقت حاصل ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • میلبرن ٹیسٹ : تیسرا دن، آسٹریلیا کےدو وکٹوں کے نقصان پر 278 رنز

    میلبرن ٹیسٹ : تیسرا دن، آسٹریلیا کےدو وکٹوں کے نقصان پر 278 رنز

    میلبرن : پاکستان اور آسٹریلیا کے درمیان کھیلے جانے والے دوسرے ٹیسٹ میچ کے تیسرے روزکے اختتام پر آسٹریلیا نے اپنی پہلی اننگز میں دو وکٹوں کے نقصان پر 278 رنز بنالئے۔ جس میں اوپنر ڈیوڈ وارنر کی شاندار سنچری بھی شامل ہے۔

    تفصیلات کے مطابق باکسنگ ڈے ٹیسٹ میچ کے تیسرے روز آسٹریلیا نے پاکستان کے 443 رنز کے جواب میں 278 رنز دو وکٹوں کے نقصان پر بنالیے۔ آسٹریلوی اوپنر بلے باز ڈیوڈ وارنر کی شاندار سنچری اور آسٹریلوی نژاد پاکستانی بلے باز عثمان خواجہ نے ناقابل شکست 95 رنز اسکور کیے۔

    match-post-1

    کینگروز کپتان اسٹیو اسمتھ 10 رنز کے ساتھ کریز پر موجود ہیں۔ آسٹریلیا کی پہلی وکٹ جلد گرنے کے بعد وارنر اور عثمان خواجہ نے اپنا کمال دکھا دیا۔ دونوں نے تیز کھیلتے ہوئے دوسری وکٹ کیلئے ایک سو اٹھانوے رنزبنائے۔ وارنر نے موقع ملنے کے بعد سینچری داغ دی۔ وہ ایک سو چوالیس رنزبناکر آؤٹ ہوئے۔

    match-post-2

    آسٹریلیا نے ون ڈے کی طرح کھیلتے ہوئے صرف اٹھاون اوورز میں دو سو اٹھتر رنزبنالئے۔ عثمان خواجہ سنچری سے صرف پانچ رنز دوری پرہیں۔

    match-post-3

    قبل ازیں رین شو کو یاسر شاہ نے پویلین کی راہ دکھائی جبکہ ڈیوڈ وارنر کو اپنی نو بالز کے ذریعے نئی زندگی دینے والے فاسٹ باؤلر وہاب ریاض نے ہی سرفراز احمد کے ہاتھوں کیچ آؤٹ کرایا۔ محمد عامر، سہیل خان اور اظہر علی کے حصے میں کوئی وکٹ نہ آئی۔

    match-post-4

    واضح رہے کہ پاکستان نے اپنی پہلی اننگز 443 رنز 9 کھلاڑیوں کے نقصان پر ڈیکلیئرڈ کی تھی۔ نائب کپتان نے ذمہ داری کا مظاہرہ کرتے ہوئے اپنے کیریئر کی پہلی ناقابل شکست ڈبل سنچری اسکور کی۔

    match-post-5

    فاسٹ باؤلر سہیل خان نے بھی برق رفتار نصف سنچری بنائی۔ وہ رن آؤٹ ہوئے۔ جس میں 6 چوکے اور 4 بلند و بالا چھکے شامل ہیں۔ میزبان ٹیم کو پاکستان کا اسکور برابرکرنے کے لئے مزید ایک سو پینسٹھ رنزدرکار ہیں۔

  • برسبین ٹیسٹ: پاکستان کے دو وکٹوں کے نقصان پر 70 رنز

    برسبین ٹیسٹ: پاکستان کے دو وکٹوں کے نقصان پر 70 رنز

    برسبین : پاکستان اور آسٹریلیا کے درمیان جاری برسبین ٹیسٹ میں آسٹریلیا کی گرفت مزید مضبوط ہوگئی۔ چار سو نوے رنزکے تعاقب میں پاکستان نے دو وکٹ پر ستر رنز بنالئے۔ پاکستانی ٹیم کو جیتنے کے لیے 490 رنز درکار ہیں ، شاہین ہدف سے اب بھی 420 رنز دوری پر ہیں اور 8 وکٹیں باقی ہیں۔

    تفصیلات کے مطابق برسبین ٹیسٹ کے تیسرے روز کھیل کے اختتام پر پاکستان نے 490 رنز کے ہدف کے تعاقب میں 2 وکٹوں کے نقصان پر 70 رنز بنا لئے ہیں جبکہ اسے جیت کیلئے مزید 420 رنز درکار ہیں اور دو روز کا کھیل باقی ہے۔

    پاکستان کی جانب سے اظہر علی 41 اور یونس خان 0 سکور کے ساتھ کریز پر موجود ہیں جو چوتھے روز کھیل کا آغاز کریں گے۔ شاہینوں کیلئے برسبین ٹیسٹ بچانا مشکل ہوگیا۔ ایسے میں کوئی معجزہ ہی ٹیم پاکستان کو بچاسکتا ہے۔

    تیسرےروزکھیل شروع ہوا تو سرفرازاحمد اکیلے سپاہی کی طرح آسٹریلین گولہ باری کا سامنا کرتے رہے۔ لیکن ٹیل اینڈرز نے ساتھ نہ دیا۔ پوری ٹیم صرف ایک سو بیالیس رنزپر ڈھیر ہوگئی۔

    آسٹریلیا نے فالو آن کی بجائے خود بیٹنگ کا فیصلہ کیا۔ دو سوستاسی رنزکی برتری ملتے ہی کینگروز شیر بن گئے۔ ٹیسٹ کو ٹی ٹوئنٹی میں بدل دیا۔ انہوں نے محمد عامر، یاسر اور وہاب ریاض کسی کو نہ بخشا۔ دوسری اننگز دو سو دو رنزپر اننگز ڈیکلیئر کی۔

    پاکستان کےسامنے چار سو نوے رنزکا پہاڑ کھڑا کیا۔ بڑے ہدف کےسامنے بلے باز ڈر ڈر کر کھیلے۔ سمیع اسلم اسٹارک کا شکار بنے۔

    بابر اعظم کو نیتھن لائن نےاسپن جال میں پھنسایا۔ اظہرعلی اکتالیس اور یونس خان انیس گیندیں کھیلنے کے بعد بھی صفر پرناٹ آؤٹ ہیں۔