بلوچستان کے علاقے سنجاوی میں سیکورٹی فورسز کی کارروائی میں سات دہشتگرد مارے گئے۔
سیکورٹی ذرائع کے مطابق خفیہ اطلاع پر فورسز نے بلوچستان کے علاقے سنجاوی میں کارروائی کی جس کے نتیجے میں کالعدم تحریک طالبان پاکستان سے تعلق رکھنے والے سات دہشتگرد مارے گئے ہیں ذرائع کے مطابق مارے جانے والے دہشتگردوں میں کالعدم تحریک طالبان کا اہم کمانڈر شامل ہے ، قتل کئے گئے دہشتگردوں کی لاشیں سول ہسپتال کوئٹہ منتقل کردی گئی ہیں۔
کوئٹہ: سانحۂ پشاور کے بعد ملک بھر میں دہشت گردوں کے خلاف کارروائیاں میں تیزی آگئی ہے، کراچی، کوئٹہ اور لاہور میں کارروائیوں کے دوران کالعدم تنظیموں کے درجن سے زائد کارندوں کو گرفتار کرلیا ہے۔
سیکیورٹی ذرائع کے مطابق کوئٹہ کے مشرقی بائی پاس پر کالعدم تحریکِ طالبان پاکستان کے چار مبینہ دہشت گردوں کو گرفتار کرلیا گیا ہے، گرفتار دہشت گردوں سے بھاری مقدار میں دھماکاخیزمواد اور اسلحہ برآمد ہوا ہے۔
ذرائع کے کہنا ہے کہ تین دہشتگردوں کا تعلق وزیرستان سے اور ایک ازبک باشندہ ہے، گرفتار ملزمان کو تفتیش کیلئے خفیہ مقام پرمنتقل کردیا گیا ہے۔
ترجمان رینجرز کا کہنا ہے کہ کراچی میں قصبہ کالونی ،فرنٹیر کالونی اور اتحاد ٹاؤن میں ٹارگٹڈ کارروائی کی گئی، جس میں کالعدم تنظیم کے پانچ کارندے گرفتار کرلیے گئے ہیں، گرفتار ملزمان سے بھاری مقدار میں اسلحہ برآمد ہوا ہے۔