Tag: 4 افراد جاں بحق

حیدرآباد: صوبہ سندھ کے شہر حیدرآباد میں گھر میں گیس لیکیج سے ایک ہی خاندان کے 4 افراد جاں بحق ہوگئے۔

تفصیلات کے مطابق حیدرآباد کے علاقے لطیف آباد 12 میں گھر میں گیس لیکیج سے ایک ہی خاندان کے 4 افراد جاں بحق ہوگئے، جاں بحق افراد میں میاں بیوی اور 2 بچے شامل ہیں۔

پولیس حکام کے مطابق لواحقین نے صبح اہل خانہ کے نہ اٹھنے پر کمرے کا دروازہ توڑا تو کمرے میں دھواں بھرا ہوا تھا، افسوس ناک واقعے میں وقار اور ان کی اہلیہ سمیت 2 بچے جان کی بازی ہار گئے۔

پولیس حکام نے بتایا کہ واقعے میں جاں بحق ہونے والے چاروں افراد کی لاشوں کو بھٹائی اسپتال لایا گیا ہے جہاں ان کا پوسٹ مارٹم کیا جا رہا ہے۔

کوئٹہ، گھر میں گیس لیکیج سے 5 افراد جاں بحق

کوئٹہ کے علاقے سبزل روڈ پر گزشتہ روز گھر میں گیس لیکیج سے ایک ہی خاندان کے 5 افراد جاں بحق ہوگئے تھے، جاں بحق افراد میں میاں بیوی اور 3 بچے شامل تھے۔

یاد رہے کہ گزشتہ سال دسمبر میں کوئٹہ کے علاقے کلی شاہ زمان میں کمرے میں گیس بھرنے سے دم گھٹنے کے باعث 3 افراد جاں بحق ہوگئے تھے۔

لاہور: صوبہ پنجاب کے دارالحکومت لاہور میں ٹریکٹر ٹرالی نے موٹرسائیکل کو کچل دیا، حادثے میں خاتون اور تین بچے جاں بحق ہوگئے۔

تفصیلات کے صوبہ پنجاب کے شہر لاہور میں ٹریکٹر ٹرالی کی موٹرسائیکل کو ٹکرسے خاتون سمیت 4 افراد جان کی بازی ہارگئے۔ حادثے کے بعد ڈرائیور جائے وقوعہ سے فرار ہوگیا۔

پولیس کے مطابق یہ افسوس ناک حادثہ گجرکالونی کے قریب اُس وقت پیش آیا جب تیز رفتار ٹریکٹرٹرالی ڈرائیور سے بےقابو ہو کر موٹرسائیکل سے جا ٹکرائی حادثے میں خاتون اور تین بچے جاں بحق ہوگئے۔

پولیس حکام کا کہنا ہے کہ بائیک کمسن لڑکا چلا رہا تھا، پولیس نے ٹریکٹر ٹرالی کو تحویل میں لے لیا جبکہ ڈرائیور موقع سے فرار ہوگیا۔ پولیس نے قانونی کارروائی کے بعد لاشوں کو ورثا کے حوالے کردیا ہے۔

یاد رہے کہ رواں سال مارچ میں کراچی کے علاقے لانڈھی داؤد چورنگی کے قریب ٹرالر کی ٹکر سے موٹرسائیکل پر سوار دو خواتین جاں بحق جبکہ ایک شخص زخمی ہوگیا تھا۔

حادثے کے بعد پولیس نے موقع پر پہنچ کر لاشوں اور زخمی کو اسپتال منتقل کیا تھا۔ پولیس نے ٹرالر کو تحویل میں لے لیا تھا جبکہ ڈرائیور موقع سے فرار ہوگیا تھا۔

میانوالی: صوبہ پنجاب کے شہر میانوالی میں کار اور ٹریلر کے درمیان تصادم کے نتیجے میں 4 افراد جان کی بازی ہارگئے۔

تفصیلات کے مطابق میانوالی میں موسیٰ خیل روڈ پر کار اور ٹریلر کے درمیان تصادم کے نتیجے میں بچوں سمیت 4 افراد جاں بحق ہوگئے

ترجمان اسلام آباد پولیس کے مطابق حادثے میں ایک ہی خاندان کے 4 افراد جاں بحق ہوئے۔ حادثے میں اہلکارمحمد خان، اہلیہ ،2 بچے جاں بحق، 2 بچے زخمی ہوگئے۔

ترجمان کے مطابق اہلکارمحمد خان چیف جسٹس اسلام آباد ہائی کورٹ کے گھر پر تعینات تھا۔

یاد رہے کہ گزشتہ ماہ فتح جنگ کے قریب راولپنڈی کوہاٹ روڈ پرآئل ٹینکراور وین میں تصادم کے نتیجے میں 2 افراد جان کی بازی ہار گئے جبکہ 5 افراد زخمی ہوگئے تھے۔

کرک: مسافر کوچ کو حادثہ، خوفناک آتشزدگی سے 15 افراد جھلس کر جاں بحق

رواں سال 7 فروری کو خیبرپختونخواہ کے علاقے ضلع کرک میں انڈس ہائی وے پر کار اور مسافر کوچ میں تصادم کے بعد بس میں خوفناک آگ بھڑک اٹھی تھی جس کے نتیجے میں 15 افراد جھلس کر جاں بحق ہوگئے۔

واضح رہے کہ 21 جنوری 2019 کو بلوچستان کے ضلع لسبیلہ کی تحصیل بیلہ کراس کے قریب مسافر بس اور ٹرک کے مابین ہونے والے تصادم کے باعث 26 افراد جاں بحق جبکہ17 افراد زخمی ہوگئے تھے۔