Tag: 4 افراد ہلاک

مونٹانا(2 اگست 2025): امریکی ریاست مونٹانا کے بار میں فائرنگ کے نتیجے میں چار افراد جان سے گئے۔

امریکی میڈیا رپورٹ کے مطابق امریکی ریاست مونٹانا کے علاقے اناکانڈا میں یہ فائرنگ کا واقعہ پیش آیا ہے جس کے نیتجے میں کم از کم چار افراد ہلاک ہو گئے۔

مونٹانا پولیس کے مطابق فائرنگ کے واقعے کے بعد علاقے میں خوف وہراس پھیل گیا اور مشتبہ حملہ آورکی تلاش جاری ہے کئی رہائشی علاقوں کو سیل کردیا گیا ہے۔

حکام کا کہنا ہے کہ حملہ آور کو اناکانڈا کے مغرب میں واقع اسٹمپ ٹاؤن کے علاقے میں دیکھا گیا ہے، پولیس اور سیکیورٹی ادارے علاقے کی مکمل نگرانی کر رہے ہیں۔

شہریوں کو گھروں میں رہنے کی ہدایت دی گئی ہے، واقعے کے محرکات فوری طور پر سامنے نہیں آ سکے، واضح رہے کہ امریکا میں بڑے پیمانے پر فائرنگ کے واقعات عام ہیں، جہاں اسلحہ رکھنے کے آئینی حق کو اکثر سخت قوانین کی مخالفت میں پیش کیا جاتا ہے۔

موٹرسائیکل پر پٹاخے لے کر جانے والا شخص کی ذرا سی غلطی چار لوگوں کی موت کا باعث بن گئی، جلتے کوڑ کے باعث پٹاخوں نے آگ پکڑی۔

بھارتی ریاست تامل ناڈو میں بائیک پر پٹاخے کے بنڈل لے جانے والا شخص جلتے ہوئے کوڑے کے سامنے سے گزار تو پٹاخوں نے آگ پکڑ لی، اس دوران دھماکا اتنا زوردار تھا کہ قریبی مکانوں کی کھڑکیوں اور دیواروں کو نقصان پہنچا۔ پورا علاقہ دھوئیں سے بھر گیا۔

یہ واقعہ جمعہ کی رات تقریباً 9 بجے پیش آیا دھماکے کی لپیٹ میں آکر دو بچوں سمیت چار افراد اپنی جان سے ہاتھ دھو بیٹھے۔

تامل ناڈو کے سالیم ضلع میں 27 سال بعد دروپتی اماں مندر کا میلہ منعقد ہو رہا ہے، اسی سلسلے میں 29 سالہ سیلوا راج بائیک پر 300 کلو گرام وزنی پٹاخوں کا بنڈل لے جا رہا تھا۔

پوسری پٹی کے علاقے میں سڑک کے کنارے کوڑا جلایا جا رہا تھا۔ وہاں موٹر سائیکل بے قابو ہو کر جلتے ہوئے کوڑے میں جا گری جس کی وجہ سے پٹاخوں کے بنڈل میں آگ لگ گئی اور مسلسل دھماکے ہونے شروع ہوگئے۔

نوجوان سیلوا راج موقع پر ہی جاں بحق ہوگیا، قریب ہی کھیلتا ہوا 11 سالہ کارتی اور 12 سالہ تمل سیلوان بھی حادثے میں جاں بحق ہوا۔

اس حادثے میں 20 سالہ لوکیش شدید زخمی ہوا، اسے سیلم کے سرکاری اسپتال لے جایا گیا لیکن رات دیر گئے اس کی بھی موت ہوگئی۔

تامل ناڈو کے وزیراعلیٰ ایم کے اسٹالن نے اس واقعے پر دکھ کا اظہار کرتے ہوئے مرنے والوں کے لواحقین کے لیے مالی امداد کا اعلان کیا ہے۔

اٹلی کے جنوبی صوبے نیپلز میں دھماکے سے دو منزلہ عمارت گرگئی جس کے نتیجے میں ایک ہی خاندان کے 4 افراد ہلاک ہو گئے۔

میڈیا رپورٹس کے مطابق اس حادثے میں ہلاک ہونے والوں میں ماں، دو کمسن بچے اور انکی دادی شامل ہیں، اس کے علاوہ ایک بیٹے اور والد کی حالت تشویشناک بتائی جارہی ہے۔

پولیس کے مطابق دھماکہ گیس لیکج کے سبب ہوا، فائر فائٹرز کے ترجمان کا کہنا تھا کہ ریسکیو بہت محتاط طریقے سے کیا جارہا ہے تاکہ نئے منہدم ہونے سے بچ سکیں۔