کراچی : شہرقائد کے علاقے لیاقت آباد سپرمارکیٹ میں پولیس نے کارروائی کرتے ہوئے خاتون سمیت 4 ڈاکوؤں کو گرفتار کرلیا۔
تفصیلات کے مطابق کراچی کے علاقے لیاقت آباد میں پولیس نے کارروائی کرکے 4 ڈاکوؤں کو گرفتار کر کے اسلحہ اور مسروقہ سامان برآمد کرلیا۔
پولیس حکام کے مطابق ملزمان بینک سے رقم لے کر نکلنے والوں کو لوٹتے تھے اور گھروں میں لوٹ مار کی بھی کئی وارداتوں میں بھی ملوث ہیں۔
ایس ایس پی سینٹرل عرفان بلوچ کے مطابق ملزمان سے اسلحہ اور مسروقہ سامان بر آمد کرلیا گیا ہے اور ان کے خلاف مقدمہ درج کرکے تفتیش شروع کردی گئی ہے۔
کراچی: رینجرز کی کارروائیاں، بی ایل اے کمانڈر سمیت 19 گرفتار
خیال رہے کہ گزشتہ روز قانون نافذ کرنے والے ادارے نے کراچی کے مختلف علاقوں میں کارروائیاں کرتے ہوئے بلوچ لبریشن آرمی کے کمانڈر اور سیاسی جماعت سے تعلق رکھنے والے 3 کارکنان سمیت 19 ملزمان کو گرفتار کیا تھا۔
یاد رہے کہ گزشتہ ماہ 23 جنوری کو کراچی کے مختلف علاقوں میں رینجرز نے کارروائی کرتے ہوئے 8 ملزمان کو گرفتار کیا تھا۔
