ایڈیلیڈ : آسٹریلیا نے بھارت کے خلاف ایڈیلیڈ ٹیسٹ میں تین سو تریسٹھ رنز کی مجموعی برتری حاصل کرلی۔ تفصیلات کے مطابق ایڈیلیڈ میں کھیلے جانے والے ٹیسٹ کے چوتھے روز بھارت نے پہلی نامکمل اننگز تین سو انہتر رنز پانچ کھلاڑی آؤٹ پر دوبارہ شروع کی ۔
پجھتر رنز کے اضافے کے بعد پوری ٹیم چار سو چوالیس رنزبناکر آؤٹ ہوگئی۔ ویرات کوہلی ایک سو پندرہ رنزبناکر نمایاں رہے۔ نیتھن لائن نے پانچ وکٹیں حاصل کیں۔
آسٹریلیا نے تیہتر رنز کی برتری کے ساتھ دوسری اننگز کا آغاز کیا اور چوتھے روز کے اختتام تک پانچ وکٹوں پر دو سو نوے رنزبنالئے۔ وارنر نے مسلسل دوسری سینچری اسکور کی۔ وہ ایک سو دو رنزبناکر آؤٹ ہوئے۔ آسٹریلیا کو میچ میں تین سو تریسٹھ رنز کی مجموعی برتری حاصل ہوگئی ہے