ARYNews.tv | Urdu – Har Lamha Bakhabar

Tag: 5 افراد جاں بحق

  • پنڈدادن خان: ٹریلر اور بس میں تصادم، 5 افراد جاں بحق

    پنڈدادن خان: ٹریلر اور بس میں تصادم، 5 افراد جاں بحق

    جہلم : صوبہ پنجاب کے علاقے پنڈدادن خان میں ٹریلر اور بس میں تصادم کے نتیجے میں 5 افراد جاں بحق جبکہ 12 افراد زخمی ہوگئے۔

    تفصیلات کے مطابق جہلم کی تحصیل پنڈدادن خان میں موٹروے سالٹ رینج پر ٹریلر اور بس میں تصادم ہوا جس کے نتیجے میں 5 افراد جان کی بازی ہار گئے۔

    ریسکیو حکام کے مطابق افسوس ناک حادثے میں زخمی ہونے والے افراد کو اسپتال منتقل کردیا گیا جہاں انہیں طبی امداد دی جا رہی ہے۔ پولیس حکام کے مطابق زائرین کی بس سرگودھا سے کلرکہارجا رہی تھی۔

    یاد رہے کہ گزشتہ روز اسکردو سے راولپنڈی جانے والی مسافر کوچ موڑ کاٹتے ہوئے بابوسرٹاپ کے قریب گٹی داس کے مقام پر پہاڑ سے ٹکرا گئی تھی، حادثے میں خواتین اور بچوں سمیت 26 افراد جاں بحق ہوگئے تھے۔

    آئی ایس پی آر کے مطابق زخمیوں کو آرمی ایوی ایشن کے ہیلی کاپٹرز کے ذریعے سی ایم ایچ گلگت پہنچایا گیا تھا جبکہ 26 افراد کی لاشیں بھی اسپتال پہنچا دی گئی تھیں۔

    سکھیکی کے قریب بس الٹ گئی، 2 افراد جاں بحق

    یاد رہے کہ رواں سال اگست میں صوبہ پنجاب کے علاقے سکھیکی کے قریب موٹروے ایم ٹو کوٹ سرور انٹرچینج کے قریب بس الٹ گئی تھی جس کے نتیجے میں 2 افراد جاں بحق 15 زخمی ہوگئے تھے۔

  • خیبرپختونخواہ میں بارشوں کے باعث مختلف حادثات‘5 افرادجاں بحق

    خیبرپختونخواہ میں بارشوں کے باعث مختلف حادثات‘5 افرادجاں بحق

    پشاور: صوبہ خیبرپختونخواہ کے مختلف علاقوں میں تیز بارش کے باعث مختلف حادثات میں 5 افراد جاں بحق اور 5 مکانات مکمل طور پر تباہ ہوگئے۔

    پرونشل ڈیزاسٹرمینجمنٹ اتھارٹی نے خیبرپختونخوا میں بارشوں اور سیلاب سے ہونے والے نقصانات کی رپورٹ جاری کی ہے جس میں تباہ کاریوں کی صورت حال سے آگاہ کیا گیا ہے۔

    رپورٹ میں بتایا گیا کہ بارشوں کے باعث مختلف حادثات میں 5 افراد جاں بحق ہوئے جن میں 2 بچے اور ایک خاتون بھی شامل ہے۔

    پرونشل ڈیزاسٹرمینجمنٹ اتھارٹی کی رپورٹ کے مطابق بونیر اور مانسہرہ میں ایک ایک اور شانگلہ میں 2 افراد جاں بحق ہوئے ہیں جبکہ ایبٹ آباد میں 5 سالہ بچہ برساتی نالے میں گر کر جاں بحق ہوا۔

    پی ڈی ایم اے کی رپورٹ میں بتایا گیا کہ موسلا دھار بارش کے باعث مختلف واقعات میں 18 افراد بھی زخمی ہوئے جن میں 6 خواتین اور ایک بچہ بھی شامل ہے۔

    رپورٹ کے مطابق بارشوں سے 5 مکانات اور ایک اسکول مکمل طور پر تباہ ہوگئے جبکہ 2 مکان اور دو اسکولوں کو جزوی نقصان پہنچا۔

    پی ڈی ایم اے کا کہنا ہے کہ چترال میں بھی تیز بارش اور سیلابی صورت حال سے نقصانات کا اندیشہ ہے۔ ضلعی انتظامیہ کے مطابق سیلابی ریلے کے باعث ترچ، کوشٹ، شیشیکوہ روڈ ٹریفک کے لیے بند ہیں۔

  • ایبٹ آباد میں باراتیوں کی جیپ کھائی میں جا گری، 5 افراد جاں بحق

    ایبٹ آباد میں باراتیوں کی جیپ کھائی میں جا گری، 5 افراد جاں بحق

    ایبٹ آباد: صوبہ خیبرپختونخواہ کے علاقے ایبٹ آباد میں باراتیوں کی جیپ گہری کھائی میں گرگئی جس کے نتیجے میں 5 افراد جاں بحق اور 3 زخمی ہوگئے۔

    تفصیلات کے مطابق ایبٹ آباد میں باراتیوں کی جیپ کھائی میں گرنے سے 5 افراد جان کی بازی ہار گئے جبکہ 3 افراد زخمی ہوگئے۔ جاں بحق اور زخمی افراد کو گڑھی حبیب اللہ اسپتال منتقل کر دیا گیا۔

    پولیس حکام کے مطابق جیپ میں سوار ایک ہی خاندان کے افراد شادی کی تقریب سے واپس آرہے تھے کہ گلی میرا کے قریب جیپ گہری کھائی میں جا گری۔

    چلاس: شکدآباد کے قریب مسافر جیپ کھائی میں گر گئی، 7 افراد جاں بحق

    یاد رہے کہ گزشتہ ہفتے گلگت بلتستان کے علاقے چلاس میں شکدآباد کے قریب مسافر جیپ کھائی میں گرنے سے 7 افراد جاں بحق ہو گئے تھے۔

    شکارپور میں ٹریفک حادثہ، 6 افراد جاں بحق

    واضح رہے کہ 25 جون کو شکارپور میں انڈس ہائی وے پر مسافر کوچ اور کار میں تصادم ہوا تھا جس کے نتیجے میں کار میں سوار 3 خواتین سمیت 6 افراد جان کی بازی ہار گئے تھے جبکہ 15 سے زائد افراد زخمی ہوگئے تھے۔

  • اسکردو میں آسمانی بجلی گرنے سے 5 افراد جاں بحق

    اسکردو میں آسمانی بجلی گرنے سے 5 افراد جاں بحق

    اسکردو: گلگت بلتستان کے شہر اسکردو میں آسمانی بجلی گرنے سے 5 افراد جاں بحق جبکہ 7 سے زائد مکانات جل گئے۔

    تفصیلات کے مطابق اسکردو کے ضلع شگر کے نواحی گاؤں میں آسمانی بجلی گرنے سے 3 بچوں سمیت 5 افراد جان کی بازی ہار گئے۔ واقعے کی اطلاع ملتے ہی ریسکیو اہلکار جائے وقوعہ پر پہنچے اور 5 افراد کی لاشوں کو اسپتال منتقل کردیا۔

    ریسکیو حکام کے مطابق آسمانی بجلی گرنے کے باعث 7 سے زائد مکانات جل گئے۔

    صوبہ بلوچستان کے ضلع شیرانی میں تین روز قبل آسمانی بجلی گرنے سے ایک شخص جاں بحق ہوگیا تھا۔

    یاد رہے کہ گزشتہ ماہ حافظ آباد کے علاقے پریم کوٹ، دھاڑیوال اور پیرکمال میں آسمانی بجلی گرنے سے 3 افراد جاں بحق جبکہ دو نوجوان زخمی ہوگئے تھے۔

  • نارووال میں مسافرکوچ اور وین میں تصادم، 5 افراد جاں بحق

    نارووال میں مسافرکوچ اور وین میں تصادم، 5 افراد جاں بحق

    نارووال: صوبہ پنجاب کے شہر نارووال میں مسافر کوچ اور وین میں تصادم کے نتیجے میں آگ لگ گئی جس کے نتیجے 5 افراد جاں بحق جبکہ 10 زخمی ہوگئے۔

    تفصیلات کے مطابق نارووال میں ظفروال روڈ پر مسافر کوچ اور وین میں ٹکر ہونے سے سی این جی سلنڈرپھٹنے سے وین میں آگ لگ گئی۔

    ریسکیو حکام کے مطابق حادثے میں خاتون اور بچے سمیت 5 افراد جھلس کر جاں بحق جبکہ 10 زخمی ہوگئے۔

    پولیس کے مطابق حادثے میں زخمی ہونے والے افراد کو طبی امداد کے لیے ڈسٹرکٹ ہیڈ کوارٹر اسپتال منتقل کردیا گیا جہاں انہیں طبی امداد دی جا رہی ہے۔ وین میں 15 افراد سوار تھے۔

    یاد رہے کہ گزشتہ ہفتے بھکر میں ایم ایم روڈ پر فاضل اڈا کے قریب بس اور ٹریک میں تصادم ہوا تھا جس کے نتیجے میں 5 افراد جاں بحق جبکہ 18 زخمی ہوگئے تھے۔

    کوئٹہ قومی شاہراہ پر ہولناک ٹریفک حادثہ، 13 افراد جاں بحق

    یاد رہے کہ رواں ماں 3 جون کو بلوچستان کے شہر ژوب میں کوئٹہ قومی شاہراہ پر قلعہ سیف اللہ کے قریب ٹرک اور وین میں آپس میں ٹکرا گئی تھی جس کے باعث تیرہ افراد جاں بحق ہوئے تھے۔

    پولیس کا کہنا تھا کہ حادثے میں جاں بحق ہونے والے 5افراد کا تعلق ایک ہی خاندان سے ہے، مسافر وین کوئٹہ سے ژوب آرہی تھی

  • سکھیکی میں مسافر بس الٹ گئی، 5 افراد جاں بحق

    سکھیکی میں مسافر بس الٹ گئی، 5 افراد جاں بحق

    سکھیکی: صوبہ پنجاب کے علاقے سکھیکی میں بس رفتاری کے باعث مسافر بس الٹ گئی، حادثے میں 5 افراد جاں بحق اور 15 زخمی ہوگئے۔

    تفصیلات کے مطابق سکھیکی میں موٹروے ایم ٹوسروس ایریا کے قریب مسافربس الٹ گئی جس کے نتیجے میں 5 افراد جان کی بازی ہارگئے جبکہ 15 زخمی ہوگئے۔

    ریسکیو حکام کے مطابق حادثے کی اطلاع ملتے ہی ریسکیو اہلکار جائے وقوع پرپہنچے اور زخمیوں کو تحصیل ہیڈکوارٹرز اسپتال منتقل کردیا جہاں انہیں طبی امداد دی جا رہی ہے۔

    دوسری جانب بلوچستان کے علاقے وندر میں وین اور ٹرک کے درمیان تصادم کے نتیجے میں خاتون سمیت 7 افراد جاں بحق ہوگئے۔

    ریسکیو حکام کے مطابق لاشوں اورزخمی افراد کوسول اسپتال کراچی منتقل کردیا گیا ہے۔

    یاد رہے کہ 8 جون کو صوبہ پنجاب کے شہر بھکر میں مسافر بس اور ٹریلر میں تصادم کے نتیجے میں 5 افراد جان کی بازی ہار گئے تھے۔

    کوئٹہ قومی شاہراہ پر ہولناک ٹریفک حادثہ، 13 افراد جاں بحق

    واضح رہے کہ رواں ماہ 3 جون کو بلوچستان کے شہر ژوب میں کوئٹہ قومی شاہراہ پر قلعہ سیف اللہ کے قریب ٹرک اور وین میں آپس میں ٹکرا گئی تھی جس کے باعث تیرہ افراد جاں بحق ہوئے تھے۔

    پولیس کا کہنا تھا کہ حادثے میں جاں بحق ہونے والے 5افراد کا تعلق ایک ہی خاندان سے ہے، مسافر وین کوئٹہ سے ژوب آرہی تھی۔

  • بھکر میں ٹریفک حادثہ، 5 افراد جاں بحق

    بھکر میں ٹریفک حادثہ، 5 افراد جاں بحق

    بھکر: صوبہ پنجاب کے شہر بھکر میں مسافر بس اور ٹریلر میں تصادم کے نتیجے میں 5 افراد جان کی بازی ہار گئے۔

    تفصیلات کے مطابق بھکر میں ایم ایم روڈ پر فاضل اڈا کے قریب بس اور ٹریک میں تصادم ہوا جس کے نتیجے میں 5 افراد جاں بحق جبکہ 18 زخمی ہوگئے۔

    ریسکیو ذرائع کے مطابق زخمیوں کو ڈی ایچ کیو اسپتال منتقل کردیا گیا جہاں انہیں طبی امداد دی جا رہی ہے۔ بس کراچی سے مانسہرہ جا رہی تھی۔

    دوسری جانب لاہور روڈ پر دو مختلف ٹریفک حادثات میں 2 افراد جاں بحق اور3 زخمی ہوگئے، زخمیوں کو ٹی ایچ کیو اسپتال منتقل کر دیا گیا۔

    کوئٹہ قومی شاہراہ پر ہولناک ٹریفک حادثہ، 13 افراد جاں بحق

    یاد رہے کہ رواں ہفتے 3 جون کو بلوچستان کے شہر ژوب میں کوئٹہ قومی شاہراہ پر قلعہ سیف اللہ کے قریب ٹرک اور وین میں آپس میں ٹکرا گئی تھی جس کے باعث تیرہ افراد جاں بحق ہوئے تھے۔

    پولیس کا کہنا تھا کہ حادثے میں جاں بحق ہونے والے 5افراد کا تعلق ایک ہی خاندان سے ہے، مسافر وین کوئٹہ سے ژوب آرہی تھی۔

    واضح رہے کہ رواں سال 7 فروری کو خیبرپختونخواہ کے علاقے ضلع کرک میں انڈس ہائی وے پر کار اور مسافر کوچ میں تصادم کے بعد بس میں خوفناک آگ بھڑک اٹھی تھی جس کے نتیجے میں 15 افراد جھلس کر جاں بحق ہوگئے۔

  • خضدارمیں 3 مسافربسیں آپس میں ٹکرا گئیں، 5 افراد جاں بحق

    خضدارمیں 3 مسافربسیں آپس میں ٹکرا گئیں، 5 افراد جاں بحق

    خضدار: صوبہ بلوچستان کے ضلع خضدار میں قومی شاہراہ پر پیش آنے والے ٹریفک حادثے میں 5 افراد جاں بحق جبکہ 20 افراد زخمی ہوگئے۔

    تفصیلات کے مطابق خضدار میں قومی شاہراہ پر وڈھ کے قریب تین مسافر بسیں آپس میں ٹکرا گئیں، افسوس ناک حادثے میں 5 افراد جاں بحق ہوگئے۔

    ڈپٹی کمشنر خضدار کے مطابق حادثے میں زخمی ہونے والے افراد کو طبی امداد کے لیے اسپتال منتقل کردیا گیا ہے۔

    پولیس حکام کے مطابق سڑک پر دو بسیں پہلے سے کھڑی تھیں جن سے ایک تیسری تیزرفتار بس ٹکرائی۔

    بھکرمیں رکشہ بس کی زد میں آگیا‘ 7 افراد جاں بحق

    یاد رہے کہ رواں سال 30 مارچ کو بھکر میں جھنگ روڈ جیسے والا کے قریب رکشہ بس کی زد میں آگیا تھا، افسوس ناک حادثے میں 7 افراد جان کی بازی ہار گئے تھے۔

    ریسکیو حکام کے مطابق جاں بحق افراد میں 6 طالبات اور رکشہ ڈرائیور شامل تھا، طالبات نویں جماعت کا پرچہ دینے کے بعد گھر جا رہی تھیں۔

    واضح رہے کہ کہ 29 مارچ کو صوبہ پنجاب کے شہر مظفرگڑھ میں مسافر بس اور تیز رفتاری کے باعث ٹرک سے ٹکرا گئی تھی جس کے نتیجے میں 3 افراد جاں بحق جبکہ درجنوں زخمی ہوگئے تھے۔

  • کندھ کوٹ: وین میں سلنڈر پھٹنے سے 5 افراد جاں بحق

    کندھ کوٹ: وین میں سلنڈر پھٹنے سے 5 افراد جاں بحق

    کندھ کوٹ: صوبہ سندھ کے شہر کندھ کوٹ میں وین میں سلنڈر پھٹنے سے 2 بچوں سمیت 5 افراد جھلس کر جاں بحق ہوگئے۔

    تفصیلات کے مطابق کشمور کے قریب وین میں سلنڈر پھٹنے سے آگ لگ گئی جس کے نتیجے میں وین میں سوار 2 خواتین اور 2 بچوں سمیت 5 افراد جھلس کر جاں بحق ہوگئے۔

    افسوس ناک حادثے میں 10 افراد زخمی ہوگئے جنہیں طبی امداد کے لیے اسپتال منتقل کردیا گیا۔

    پولیس حکام کے مطابق جاں بحق افراد میں ایک ہی خاندان کے 3 افراد شامل ہیں۔

    یاد رہے کہ گزشتہ ہفتے جہلم میں جی ٹی روڈ پرمسافروین میں گیس سلنڈر پھٹنے کے باعث لگنے والی آگ سے 8 مسافر جاں بحق جبکہ 4 مسافر زخمی ہوگئے۔

    مسافر وین گوجرانوالہ سے راولپنڈی جا رہی تھی، تیز رفتاری کے باعث وین بے قابو ہو کر ٹرالر سے ٹکرا گئی جس کے باعث میں اس میں آگ بھڑک اٹھی۔

    واضح رہے کہ رواں سال فروری میں کرک کے علاقے تبی خواہ کے قریب مسافر وین کا سلنڈر پھٹنے سے 14 افراد جاں بحق ہوگئے تھے۔

  • کراچی میں زیرتعمیرعمارت کی لفٹ گرگئی،5 افراد جاں بحق

    کراچی میں زیرتعمیرعمارت کی لفٹ گرگئی،5 افراد جاں بحق

    کراچی: شہر قائد کے علاقے بوٹ بیسن میں زیر تعمیرعمارت میں لفٹ گرنے سے 5 افراد جاں بحق ہوگئے۔

    تفصیلات کے مطابق کراچی کے علاقے بوٹ بیسن میں زیرتعمیرعمارت میں تعمیراتی لفٹ گرگئی، حادثے میں 5 افراد جان کی بازی ہار گئے۔

    حادثے کے فوراً بعد کی  ویڈیو میں دیکھا جاسکتا ہے کہ جاں بحق ہونے والے  مزدور زمین پر  پڑے ہوئے ہیں، درد ناک مناظر کے سبب ویڈیو یہاں شیئر نہیں کی جارہی ہے۔

    ایس ایس پی ساؤتھ کے مطابق واقعہ تعمیراتی لفٹ ٹوٹنے کے باعث پیش آیا، مزدور زیرتعمیرعمارت میں شیشہ لگانے میں مصروف تھے۔

    وزیراعلیٰ سندھ مراد علی شاہ نے بوٹ بیسن میں زیرتعمیر عمارت میں لفٹ گرنے کے واقعے کا نوٹس لیتے ہوئے کمشنر کراچی سے رپورٹ طلب کرلی۔

    ترجمان وزیراعلیٰ سندھ کے مطابق وزیراعلیٰ سندھ نے مزدوروں کے جاں بحق ہونے پرگہرے دکھ کا اظہار کیا۔

    وزیراعلیٰ سندھ مراد علی شاہ نے کہا کہ عمارت کی تعمیرکی کوالٹی کو کون مانیٹرکررہا تھا، کوئی زخمی ہے تو فوری علاج کی سہولتیں فراہم کی جائیں۔

    کراچی: ملیرجعفرطیارمیں 3منزلہ عمارت گرگئی‘ 4 افراد جاں بحق

    یاد رہے کہ گزشتہ ماہ 25 فروری کو کراچی کےعلاقے ملیر جعفرطیار میں 3 منزلہ عمارت گر گئی تھی جس کے نتیجے میں 2 خواتین سمیت 4 افراد جاں بحق ہوگئے تھے۔