ARYNews.tv | Urdu – Har Lamha Bakhabar

Tag: 5 افراد جاں بحق

  • کوہاٹ: انڈس ہائی وے پرکوچ میں آگ لگنے سے 5 افراد جاں بحق

    کوہاٹ: انڈس ہائی وے پرکوچ میں آگ لگنے سے 5 افراد جاں بحق

    کوہاٹ: صوبہ خیبرپختونخواہ کےشہرکوہاٹ میں مسافر کوچ میں آگ لگنے سے 5 افراد جاں بحق جبکہ 6 افراد زخمی ہوگئے۔

    تفصیلات کے مطابق کوہاٹ میں انڈس ہائی وے پرمسافرکوچ میں آگ لگ گئی جس کے نتیجے میں 5 افراد جان کی بازی ہار گئے جبکہ 6 افراد زخمی ہیں۔

    ریسکیو اہلکاروں نے مسافر کوچ میں آگ لگنے سے جاں بحق ہونے والے 5 افراد کی لاشوں اور زخمیوں کو اسپتال منتقل کردیا۔

    پولیس حکام کے مطابق مسافرکوچ پشاور سے ڈیرہ اسماعیل خان جا رہی تھی کہ انڈس ہائی وے پر گیس لیک ہونے سے اس میں آگ لگ گئی۔

    ایبٹ آباد: ٹریفک حادثہ، 10 افراد جاں بحق، 6 زخمی

    خیال رہے کہ رواں ماہ 11 مئی کوسبزی منڈی موڑ کے قریب ایک گندم سے بھرا ٹرک وین پر الٹ گیا تھا جس کے نتیجے میں 10 افراد جاں بحق اور 6 شدید زخمی ہوگئے تھے۔

    حیدرآباد: ہوسڑی میں ٹریفک حادثہ ‘ 10 افراد جاں بحق

    یاد رہے کہ رواں سال 16 فروری کو ٹنڈو محمد خان روڈ پر دو گاڑیوں کے درمیان تصادم کے نتیجے میں 10 افراد جان کی بازی ہار گئے تھے جبکہ متعدد افراد زخمی ہوئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • خیرپور: مسافر وین اورٹرالر میں تصادم‘ 5 افراد جاں بحق

    خیرپور: مسافر وین اورٹرالر میں تصادم‘ 5 افراد جاں بحق

    خیرپور: صوبہ سندھ کے شہر خیرپور میں لاڑکانہ پل پرٹنڈو مستی کے قریب مسافر وین اور ٹرالر کے تصادم کے نتیجے میں 5 افراد جاں بحق جبکہ 4 زخمی ہوگئے۔

    تفصیلات کے مطابق ٹنڈو مستی اور لاڑکانہ پل کے مقام پرمسافر وین اورٹرالر میں تصادم ہوا جس سے 5 مسافر جان کی بازی ہار گئےجبکہ 4 افراد شدید زخمی ہوگئے۔

    حادثے میں ہلاک ہونے والے دو افراد کی شناخت وڈیرو شیر اور علی گل کے ناموں سے ہوئی ہے جبکہ دیگر تین کی شناخت نہیں ہوسکی۔

    لاشوں کو قانونی کارروائی کے لیے قریبی ٹنڈو مستی اسپتال منتقل کیا گیا جبکہ زخمیوں کو بھی طبی امداد کے لیے اسی اسپتال لایا گیا۔

    شیخوپورہ میں بس الٹنے سے7 مسافرجاں بحق ‘ 30 زخمی

    خیال رہے کہ گزشتہ روز صوبہ پنجاب کے شہر شیخوپورہ میں تیزرفتاری کے باعث بس الٹنے سے 7 مسافر جاں بحق جبکہ 30 افراد زخمی ہوگئے تھے۔

    جامشورومیں انڈس ہائی وے پرٹریفک حادثہ‘ 10 افراد جاں بحق

    یاد رہے کہ 24 دسمبر 2017 کو صوبہ سندھ میں جامشورو کے قریب انڈس ہائی وے پروین اور دو مسافربسوں میں تصادم کے نتیجے میں 10 افراد جاں بحق ہوگئے تھے۔

    واضح رہے کہ گزشتہ سال 27 نومبرکو کراچی اور نوری آباد کے درمیان سپرہائی وے پر ٹرالر اور ویگن میں تصادم کے نتیجے میں 8 افراد ہلاک جبکہ 5 شدید زخمی ہوگئے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • خضدارمیں تیزرفتاری کےباعث مسافرکوچ الٹنےسے5 افراد جاں بحق

    خضدارمیں تیزرفتاری کےباعث مسافرکوچ الٹنےسے5 افراد جاں بحق

    خضدار: صوبہ بلوچستان کے ضلع خضدار میں تیزرفتاری کے باعث کوچ الٹ گئی جس کے نتیجے میں 5 افراد جاں بحق جبکہ 35 زخمی ہوگئے۔

    تفصیلات کے مطابق خضدار میں قومی شاہراہ کے قریب زاوہ کے مقام پرتیزرفتاری کے باعث مسافرکوچ الٹنے سے 5 افراد جان کی بازی ہار گئے۔

    لیویز ذرائع کے مطابق حادثے میں زخمی ہونے والے افراد کو فوری طور پرطبی امداد کے لیے اسپتال منتقل کردیا گیا ہے، زخمیوں میں خواتین اور بچے بھی شامل ہیں۔

    لیویز ذرائع کا کہنا ہے حادثے کا شکارہونے والی مسافرکوچ کراچی سے کوئٹہ جا رہی تھی کہ خضدار میں قومی شاہراہ کے قریب زاوہ کے مقام پرتیزرفتاری کے باعث الٹ گئی۔

    کوئٹہ: مسافر بس اور کار میں تصادم‘ 4 مسافر جاں بحق

    خیال رہے کہ رواں سال یکم فروری کو بلوچستان کے علاقے لک پاس میں کوچ اور کار کے درمیان تصادم کے نتیجے میں 4 مسافرجاں بحق اور 10 زخمی ہو گئے تھے، حادثہ تیز رفتاری کے باعث پیش آیا تھا۔

    کوئٹہ : سبی شاہراہ پربس اور وین میں تصادم ‘ 14 افراد جاں بحق

    یاد رہے کہ گزشتہ سال 7 اکتوبرکو صوبہ بلوچستان میں کے علاقے دشت میں بس اور وین کے درمیان تصادم کے نتیجے میں 14 افراد جاں بحق جبکہ 27 زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پشاور: جی ٹی روڈ پرواقع ہوٹل میں دھماکہ‘ 5 افراد جاں بحق

    پشاور: جی ٹی روڈ پرواقع ہوٹل میں دھماکہ‘ 5 افراد جاں بحق

    پشاور: صوبہ خیبرپختونخواہ کے دارالحکومت پشاور میں واقع ہوٹل میں زور دار دھماکہ ہوا جس کے نتیجے میں 5 افراد جاں بحق جبکہ 2 زخمی ہوگئے۔

    تفصیلات کے مطابق پشاور میں جی ٹی روڈ پر واقع ہوٹل کی تیسری منزل پرزوردار دھماکہ ہوا جس کے نتیجے میں 5 افراد جان کی بازی ہار گئے۔

    ریسکیوحکام کا کہنا ہے کہ دھماکے میں جاں بحق ہونے والے افراد کا تعلق ایک ہی خاندان سے ہے جبکہ دو زخمیوں کو طبی امداد کے لیے لیڈی ریڈنگ اسپتال منتقل کردیا گیا۔

    دھماکے کے بعد ہوٹل میں لگی آگ بھڑک اٹھی اور فوراََ ریسکیو کو اطلاع دی گئی جس کے بعد ریسکیو اہلکاروں نے ہوٹل میں لگی آگ پرقابو پالیا۔

    ریسکیو اہلکاروں نے ہوٹل میں موجود دیگر افراد کو باحفاظت نکال لیا جبکہ پولیس، فائربریگیڈ، اور بم ڈسپوزل اسکواڈ جائے وقوعہ پرموجود ہیں۔

    ریسکیو حکام کے مطابق ابتدائی طورپردھماکہ گیس لیکج کا لگتا ہے، دھماکے کے وقت ہوٹل کی تیسری منزل پر 6 افراد موجود تھے۔

    اے آئی جی شفقت ملک

    ایڈیشنل آئی جی شفقت ملک نے میڈیا سے گفتگو کرتے ہوئے کہا کہ لگتا ہے کہ آگ لگنے کی وجہ گیس لیکیج ہے، آگ سے شیشے ٹوٹ کرنیچے بھی آئے، اس لیے نقصان زیادہ لگ رہا ہے۔

    شفقت ملک کا کہنا ہے کہ یہ دھماکہ نہیں ہے، نہ ہی ایکپسلوسیوکا استعمال ہوا ہے، ہوٹل میں سلنڈرموجود تھا، ممکنہ طور پراسی کی وجہ سے دھماکہ ہوا۔

    پشاور: رنگ روڈ پردھماکہ‘ 3 افراد زخمی

    خیال رہے کہ رواں سال 23 فروری کو صوبہ خیبرپختونخواہ کے دارالحکومت پشاور میں رنگ روڈ روڈ پردھماکے کے نتیجے میں 3 افراد زخمی ہوگئے تھے۔

    پشاوردھماکےمیں ایڈیشنل آئی جی اشرف نوراورگن مین شہید

    یاد رہے کہ گزشتہ سال 24 نومبرکو پشاور کےعلاقے حیات آباد میں پولیس کی گاڑی کے قریب دھماکے کے نتیجے میں ایڈیشنل آئی جی اشرف نور اور ان کے محافظ شہید جبکہ 6 اہلکار زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لاہور: بیکری میں آگ لگنے سے 5 افراد جاں بحق

    لاہور: بیکری میں آگ لگنے سے 5 افراد جاں بحق

    لاہور: صوبہ پنجاب کے دارالحکومت لاہورمیں برکت مارکیٹ کی بیکری میں آگ لگنے سے 5 افراد جاں بحق ہوگئے۔

    تفصیلات کے مطابق لاہور کے علاقے گارڈن ٹاؤن کی برکت مارکیٹ میں علی الصبح بیکری میں اچانک آگ بھڑک اٹھی جس کے نتیجے میں بیکری میں موجود 5 افراد دم گھٹنے سے جان کی بازی ہار گئے۔

    آگ لگنے کی اطلاع ملنے پرفائربریگیڈ کے عملے نے موقع پرپہنچ کر آگ بجھانے کا عمل شروع کیا جس کے دوران بیکری کے دروازے اور دیواریں توڑ کر عملہ اندر داخل ہوا۔

    ریسکیوذرائع کا کہنا ہے کہ تمام افراد کی ہلاکت دم گھنٹے سے ہوئی ہے جبکہ بیکری کی بالائی منزلوں پر موجود دفاتر اور فلیٹس کو چیک کرنے کا عمل جاری ابھی جاری ہے۔

    افسوس ناک واقعے میں جاں بحق ہونے والوں میں 15 سالہ شکیل، 30 سالہ طالب، 25 سالہ شہباز اور 40 سالہ شاہد شامل ہیں جبکہ ایک لاش کی شناخت نہیں ہو سکی۔

    ریسکیو اہلکاروں کے مطابق آگ لگنے کی حتمی وجہ کا تعین نہیں ہوسکا تاہم ہوسکتا ہے کہ آگ شارٹ سرکٹ کے باعث لگی ہو۔

    لاہور: گھرمیں آگ لگنے سے 4 افراد جاں بحق

    خیال رہے کہ گزشتہ ماہ 17 مارچ کو لاہور کے علاقے واپڈا ٹاؤن میں میں گھر میں آگ لگنے سے 4 افراد جھلس کر جاں بحق ہوگئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • آزاد کشمیرمیں مسافروین گھائی میں گرگئی‘ 5 افراد جاں بحق

    آزاد کشمیرمیں مسافروین گھائی میں گرگئی‘ 5 افراد جاں بحق

    مظفرآباد : میرپور آزاد کشمیر میں مسافر وین کھائی میں جا گری جس کے نتیجے میں پانچ افراد جاں بحق جبکہ 10 زخمی ہوگئے۔

    تفصیلات کے مطابق میرپور آزاد کشمیر میں پنجواڑا کے قریب مسافر وین تیزرفتاری کے باعث کھائی میں جا گری، حادثے میں پانچ افراد جان کی بازی ہار گئے جبکہ زخمی ہونے والوں میں خواتین اور بچے بھی شامل ہیں۔

    ریسکیو ذرائع کے مطابق حادثے میں جاں بحق ہونے والوں میں 2 خواتین سمیت 5 افراد شامل ہیں جبکہ زخمیوں کو طبی امداد کے لیے قریبی اسپتال منتقل کردیا گیا ہے۔

    ریسکیو حکام کا کہنا ہے کہ افسوس ناک حادثے میں جاں بحق ہونے والے افراد کا تعلق ایک ہی خاندان سے تھا۔

    آزاد کشمیر:مسافربس کھائی میں گرنے سے8 افراد جاں بحق

    خیال رہے کہ رواں سال 5 مئی 2017 کو آزاد کشمیر میں مسافروین کھائی میں گرنے سے 8 افراد جاں بحق جبکہ 4 شدید زخمی ہوگئے تھے۔

    یاد رہے کہ گزشتہ برس 14 اگست 2016 کو آزاد کشمیر کے ضلع پلندری میں باراتیوں‌ سے بھری ایک بس کھائی میں‌ جاگری تھی جس کے نتیجے میں 22 افراد جاں بحق ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • فیصل آباد: ٹریکٹر ٹرالی اور ویگن میں تصادم‘ 5 افراد جاں بحق

    فیصل آباد: ٹریکٹر ٹرالی اور ویگن میں تصادم‘ 5 افراد جاں بحق

    فیصل آباد: صوبہ پنجاب کے شہرفیصل آباد میں ڈجکوٹ کے قریب ٹریکٹر ٹرالی اورویگن کے درمیان تصادم کے نتیجے میں 5 افراد جاں بحق جبکہ 2 افراد زخمی ہوگئے۔

    تفصیلات کے مطابق فیصل آباد میں ڈجکوٹ کے قریب ٹریکٹر ٹرالی اور ویگن میں تصادم کے باعث 5 افراد جان کی بازی ہارگئے جبکہ 2 افراد زخمی ہوگئے۔

    حادثے میں جاں بحق افراد کے لواحقین نے پولیس اورانتظامیہ کے خلاف احتجاج کرتےہوئے ڈجکوٹ سمندری روڈ بند کردیا جس کے باعث سمندری روڈ پردونوں طرف گاڑیوں کی لمبی قطاریں لگ گئیں۔

    کوئٹہ:مسافرکوچ اورٹریکٹرٹرالی میں تصادم‘4 افراد جاں بحق

    خیال رہے کہ 24 ستمبر کوکوئٹہ کے نواحی علاقے اخترآباد کے قریب مسافرکوچ اور ٹریکٹرٹرالی میں تصادم کے باعث حادثے میں 3 خواتین سمیت 4 افراد جان کی بازی ہارگئے جبکہ 8 افراد زخمی ہوگئے تھے۔

    اوکاڑہ میں ٹریکٹرٹرالی اورایمبولینس میں تصادم ‘ 4 افراد جاں بحق

    یاد رہے کہ گزشتہ ماہ 25 اگست کو اوکاڑہ میں میں دیپالپورقصورروڈ پرمظہر آباد کے قریب ٹریکٹر ٹرالی اور ایمبولینس کے درمیان تصادم کے نتیجے میں ایمبولینس ڈرائیور اور دو خواتین سمیت چار افراد جاں بحق اور دو زخمی ہو گئے تھے۔

    بہاولپور میں مسافر بس پل سےگرگئی‘ 7افراد جاں بحق

    واضح رہے کہ رواں برس 16 جون کو صوبہ پنجاب کے شہر بہاولپور میں چنی گوٹھ کے قریب مسافر بس پل سےکھائی میں جاگری تھی جس کے نتیجے میں 7 افراد جان کی بازی ہار گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

     

  • کراچی میں ٹرک اور پک اپ میں تصادم‘ 6 افراد جاں بحق

    کراچی میں ٹرک اور پک اپ میں تصادم‘ 6 افراد جاں بحق

    کراچی: شہرقائد کے علاقے گلشن حدید میں ٹرک اور پک اپ میں تصادم کے نتیجے میں 6 افراد جاں بحق جبکہ 5 زخمی ہوگئے۔

    تفصیلات کے مطابق کراچی کے علاقے گلشن حدید لنک روڈ کے قریب ٹرک اور پک اپ میں تصادم کے نتیجے میں 6 افراد جان کی بازی ہار گئے جبکہ 5 افراد زخمی ہوگئے۔

    ریسکیو ذرائع کا کہنا ہے کہ حادثے میں 2 بچوں اور خاتون سمیت 6 افراد جاں بحق ہوگئے جن کی لاشوں کو اسپتال متقل کردیا گیا ہے جبکہ زخمیوں کو طبی امداد دی جارہی ہے۔

    شیخوپورہ : کاراورٹرک میں تصادم‘ 3 افراد جاں بحق

    خیال رہے کہ 29 اگست کو پنجاب کے شہر شیخوپورہ میں ہرن مینار انٹرچینج موٹروے پرکار اور ٹرک میں تصادم کے نتیجے میں 3 افراد جاں بحق ہوگئے۔

    اوکاڑہ میں ٹریکٹرٹرالی اورایمبولینس میں تصادم ‘ 4 افراد جاں بحق

    یاد رہے کہ گزشتہ ماہ پنجاب کے شہر اوکاڑہ کےقریب ٹریفک حادثے میں دو خواتین سمیت چار افراد جاں بحق اور دو زخمی ہو گئے تھے۔

    لیہ میں بس اورٹرک میں تصادم ‘ 11 افراد جاں بحق

    واضح رہے کہ رواں سال 5 جولائی کو صوبہ پنجاب کے ضلع لیہ میں بس اور منی ٹرک میں تصادم کے نتیجے میں 11افراد جاں بحق جبکہ 21 افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی پولیس کی کارروائی 7دہشت گرد ہلاک

    کراچی پولیس کی کارروائی 7دہشت گرد ہلاک

    کراچی: شہرقائد کےعلاقے سہراب گوٹھ میں پولیس مقابلےکے دوران سات دہشت گردہلاک ہوگئے۔

    کراچی میں دہشت گردوں کےخلاف کامیاب ایکشن، پولیس سہراب گوٹھ کےعلاقےمچھرکالونی میں چھپے دہشت گردوں کوپکڑنے گئی توملزمان بوکھلاہٹ کاشکارہوگئےاورپولیس پرفائرنگ کردی، تین ملزمان توفرارہوگئے لیکن سات پولیس سے ہونےمقابلے کے دوران مارے گئے۔

    ایس ایس پی ملیرراؤانوارنے بتایا کہ ملزمان کے قبضے سے بھاری تعداد میں اسلحہ دستی بم اورگولہ بارود برآمد ہواہے، ملزمان بال بم سےحملے کرتے تھے۔

    پولیس کے مطابق کارروائی کے دوران بارودی مواد پھٹنے ایک کمرے میں آگ بھی لگ گئی، ملزمان کی شناخت تو نہیں ہوسکی لیکن پولیس کاکہناہے ہلاک ملزمان کاتعلق دہشت گرد تنظیم سے ہے۔

  • کراچی میں بدامنی جاری، باپ بیٹےسمیت پانچ افرادجاں بحق

    کراچی میں بدامنی جاری، باپ بیٹےسمیت پانچ افرادجاں بحق

    کراچی: ٹارگٹ کلنگ میں پھرتیزی آگئی، فائرنگ اور پُرتشدد واقعات میں باپ بیٹے سمیت پانچ افراد جان سے گئے، سی آئی ڈی نے کالعدم تنظیم کے پانچ ملزمان کو گرفتارکرکے اسلحہ برآمد کرلیا ہے۔

    کراچی میں سیکیورٹی اداروں کی ٹارگٹڈ کارروائیاں بھی فائرنگ اورپُرتشدد واقعات میں کمی نہ لاسکیں، اورنگی ٹاؤن سیکٹر گیارہ میں صابری چوک کے قریب نامعلوم دہشت گردوں نے ہوٹل پر فائرنگ کردی، جس سے سابق کونسلر رشید اپنے صاحبزادے عادل سمیت جاں بحق ہوگئے۔

    پولیس کے مطابق مقتولین کا تعلق سیاسی جماعت سے تھا، گلبہار قبرستان کے قریب سے ایک شخص کی تشدد زدہ بوری بند لاش ملی، ملیرمیمن گوٹھ سے خاتون کی گولیوں کا نشانہ بنی لاش ملی۔

    کورنگی کے علاقے زمان ٹاؤن سے چالیس سالہ رکشہ ڈرائیور جاوید کی لاش ملی، جسے تشدد کے بعد گلے میں پھندہ ڈال کرقتل کیا گیا۔

    دوسری جانب سی آئی ڈی پولیس نے کارروائی کرتے ہوئےکالعدم تنظیم کے پانچ ملزمان کو گرفتار کرکےاسلحہ برآمد کرلیا ہے، دورانِ تفتیش ملزمان نے انکشاف کیا کہ وہ تربیت حاصل کرنے افغانستان جارہےتھے۔