Tag: 5 افراد قتل

  • بدین میں زمین کے تنازع پر خونریز تصادم، 5 افراد قتل

    بدین میں زمین کے تنازع پر خونریز تصادم، 5 افراد قتل

    بدین: کھورواہ کے نواحی گاؤں انگارو خاصخیلی میں زمینی تنازعہ پر 5 افراد قتل جبکہ 7 زخمی ہوگئے جن میں 3 کی حالت تشویشناک ہے۔

    تفصیلات کے مطابق کھورواہ کے نواحی گاؤں انگارو خاصخیلی میں زمینی تنازعہ پر خاصخیلی اور راھموں برادری کے مابین جھگڑا ہوا جس میں فائرنگ لاٹھیوں اور کلہاڑیوں کے وار لگنے کے باعث دونوں برادریوں کے 5 افراد موقع پر قتل جبکہ 7 افراد زخمی ہوئے ہیں جن میں 3 کی حالت نازک ہے۔

    تصادم کی اطلاع ملتے ہی علاقے کے ڈی ایس پی، ایس ایچ اوز اور تھانہ کھورواہ کے سب انسپکٹر جبکہ ایس ایچ او تھانہ کڑیو گھنور پولیس کی بھاری نفری کے ہمراہ جائے وقوعہ پر پہنچ گئے اور علاقے کو گھیرے میں لیا جس کے بعد مزید جانی نقصان پر قابو پا لیا گیا ہے۔

    ایس ایس پی بدین قمر رضا جسکانی کے مطابق ضلع بھر سے اضافی پولیس نفری بھی طلب کرلی گئی ہے، تمام زخمیوں کو علاج کیلئے گولاڑچی اسپتال منتقل کردیا گیا ہے۔

    پولیس کا کہنا ہے کہ زمین کے تنازع پر خونریز تصادم ہوا، مکمل قانونی کاروائی عمل میں لائی جائیگی، پولیس نے دونوں برادریوں کے مقتولین اور زخمیوں کی تفصیلات جاری کردی ہے۔

    پولیس کے مطابق جاں بحق ہونیوالوں میں انور ولد عبدالله راھموں، مدد علی، محمد صديق، عبدالمجيد اور احمد شامل ہے جبکہ زحمی ہونیوالوں میں گل حسن، محمد جمن، يوسف، مينھن وسايو، غلام محمد، واحد بخش اور گل شير شامل ہے۔

  • پشاور میں پرانی دشمنی پر گاڑی پر فائرنگ، 5 افراد قتل

    پشاور میں پرانی دشمنی پر گاڑی پر فائرنگ، 5 افراد قتل

    خیبر پختونخوا کے دارالحکومت پشاور کے علاقہ بڈھ بیر میں گاڑی پر فائرنگ سے 5 افراد جاں بحق ہوگئے۔

    تفصیلات کے مطابق پشاور کے علاقے بڈھ بیر میں پرانی دشمنی پر فائرنگ سے 5 افراد کو قتل کردیا گیا، فائرنگ کا واقعہ رات 2 بجے ماشو خیل میں پیش آیا۔

    پولیس کا کہنا ہے کہ فائرنگ کی وجہ ذاتی دشمنی کا شاخسانہ ہے، ملزمان کی گرفتاری کیلئے چھاپے مارے جارہے ہیں۔

    دوسری جانب 5 افراد کے قتل کے واقعےکا مقدمہ تھانا بڈھ بیر میں درج کیا گیا ہے، مقدمے کے مدعی کے مطابق مقتولین کو گاڑی میں فائرنگ کا نشانہ بنایا گیا۔

    پولیس کے مطابق مقدمے میں امتیاز، سرفراز، علی گوہر اور شعیب کو نامزد کیا گیا ہے جس کی گرفتاری کے لیے کوششیں کی جا رہی ہیں اور معاملے کی مزید تفتیش بھی شروع کر دی گئی ہے۔

    یاد رہے کہ خیبر پختونخوا میں قبائلی اضلاع سے تعلق رکھنے والے افراد میں ذاتی دشمنیوں کا سلسلہ عام ہے، فریقین ایک دوسرے پر فائرنگ کرتے ہیں، جس کے نتیجے میں ہلاکتیں رپورٹ ہوتی رہتی ہیں، ان واقعات میں شہری زخمی بھی ہوتے ہیں۔

    بیشتر فریقین کے درمیان تنازعات جائیداد اور پسند کی شادیوں کے بعد پیدا ہوتے ہیں، جس کے نتیجے میں دشمنی کا سلسلہ کئی نسلوں تک بھی چلتا رہتا ہے۔

  • بھارت میں مسلم خاندان کے 5 افراد کا بے رحمی سے قتل

    بھارت میں مسلم خاندان کے 5 افراد کا بے رحمی سے قتل

    بھارت کی ریاست اترپردیش کے میرٹھ کے لِسادری گیٹ پولیس اسٹیشن کے علاقے میں ایک مسلم خاندان کے 5 افراد کو بے رحمی سے قتل کر دیا گیا۔ مرنے والوں میں شوہر بیوی اور تین کمسن بچیاں شامل ہیں۔

    غیر ملکی ذرائع ابلاغ کے مطابق یہ افسوسناک واقعہ سہیل گارڈن میں پیش آیا جہاں قتل کے بعد نعشیں بوریوں میں باندھ کر کے بستر کے اندر چھپادی گئی تھیں۔

    رپورٹس کے مطابق قتل کی اس اندوہناک واردات کے بعد علاقے میں خوف و ہراس پھیل گیا، مقتولین میں شوہر معین، بیوی اسماء، اور ان کی تین بیٹیاں، اقصیٰ (8)، عزیزہ (4) اور ادیبہ (1) شامل ہیں۔

    مقتول معین مستری کا کام کرتا تھا۔ اس واردات کا علم اس وقت ہوا جب معین کا بھائی سلیم، اپنی بیوی کے ساتھ پہنچا، دروازہ اندر سے بند تھا، دروازہ توڑا گیا تو لاشیں برآمد ہوئیں۔

    پولیس کے مطابق قتل میں پتھر کاٹنے والی مشین کو استعمال کیا گیا ہے، مرنے والوں کے سروں پر گہری چوٹوں کے نشانات موجود ہیں، قتل کی وجوہات ابھی تک واضح نہیں ہوسکی ہیں اور پوسٹ مارٹم رپورٹ کے بعد ہی مزید تفصیلات کا علم ہوسکے گا۔

    پولیس کا کہنا ہے کہ سی سی ٹی وی فوٹیج کا جائزہ لے رہے ہیں اور محلے کے دیگر افراد سے بھی پوچھ گچھ کا سلسلہ جاری ہے، پڑوسیوں کے مطابق، کسی نے بھی متاثرہ خاندان کو نہ گھر سے باہر جاتے ہوئے دیکھا اور نہ ہی گھر کے اندر کسی کو داخل ہوتے ہوئے دیکھا۔

    پولیس نے کرائم برانچ، فورینسک ٹیم، اور ڈاگ اسکواڈ کی مدد سے تحقیقات کا آغاز کردیا ہے، جبکہ گھر کے آس پاس کے سی سی ٹی وی کیمروں کو بھی چیک کیا جارہا ہے۔ واضح رہے کہ بھارت میں اقلیتیں مکمل طور پر غیر محفوظ ہیں۔

    اس سے قبل مقبوضہ کشمیر کے سری نگر میں ایک ہی خاندان کے 5 افراد کی گھر سے لاشیں برآمد ہوئی تھیں۔

    حکام کے مطابق یہ دل دہلا دینے والا واقعہ سری نگر میں پیش آیا جہاں دم گھٹنے سے میاں بیوی اور ان کے تین بچے زندگی کی بازی ہار گئے۔

    رپورٹس کے مطابق سری نگر میں کرائے کے مکان میں رہنے والے ایک خاندان کے پانچ افراد دم گھٹنے سے بے ہوش ہونے کے بعد شام دیر گئے جان کی بازی ہار گئے۔ ڈاکٹروں نے پانچوں افراد کی موت کی تصدیق کردی۔

    چھٹی جماعت کا طالب علم سوئمنگ پول میں ڈوب کر جاں بحق

    رپورٹس کے مطابق بدقسمت خاندان کرائے کے مکان میں زندگی بسر کررہا تھا اور اصل میں وہ بارہمولہ کے رہائشی تھے، دریں اثنا، ان کی شناخت کی تصدیق نہ ہوسکی، جبکہ اس حوالے سے مزید تحقیقات کا آغاز کردیا گیا ہے۔

  • ذہنی مریض کا گھر کے افراد کے ساتھ خوفناک سلوک، ناقابل یقین واقعہ

    ذہنی مریض کا گھر کے افراد کے ساتھ خوفناک سلوک، ناقابل یقین واقعہ

    لکھنؤ: بھارت میں ایک شخص نے مبینہ طور پر اپنے خاندان کے پانچ افراد کو قتل کرنے کے بعد خودکشی کر لی۔

    بھارت میں یوپی کے سیتا پور میں قتل عام کا سنسنی خیز واقعہ پیش آیا ہے۔ ذہنی طور پر بیمار شخص نے اپنے خاندان کے 5 افراد کو قتل کر کے گولی مار کر خودکشی کر لی۔

    بھارتی میڈیا کے مطابق 45 سالہ انوراگ سنگھ نے پہلے اپنی ماں کو گولی ماری، پھر بیوی کو ہتھوڑے سے مارا اور 3 بچوں کو چھت سے پھینک دیا، اس کے بعد خود کو گولی مار لی۔

    رپورٹ کے مطابق ذہنی طور پر بیمار انوراگ سنگھ، 62 سالہ ماں ساوتری دیوی، 40 سالہ بیوی پرینکا سنگھ ، 12 سالہ بیٹی اشوی، 8 سالہ بیٹا انوراگ اور بیٹی آرناکی موقع پر ہی موت ہوگئی تھی۔

     بھارتی پولیس کے مطابق ملزم  نشے کا عادی تھا اور ذہنی مریض تھا، اس کے اہل خانہ اسے اسپتال لے جانا چاہتے تھے، اس بات کو لے کر رات کو جھگڑا شروع ہوگیا جس کے بعد انوراگ سنگھ نے رات میں ہی اس واردات کو انجام دیا۔

  • چونیاں میں زمین کے تنازع پر فائرنگ، 5 افراد قتل

    چونیاں میں زمین کے تنازع پر فائرنگ، 5 افراد قتل

    قصور: صوبہ پنجاب کے علاقے چونیاں میں جائیداد کے تنازع پر فائرنگ کے نتیجے میں 5 افراد جاں بحق ہوگئے۔

    تفصیلات کے مطابق قصور کی تحصیل چونیاں میں افسوس ناک واقعہ پیش آیا جاں بھائی نے جائیداد کے تنازع پر فائرنگ کر کے بھائی اور 4 بھتیجوں کو قتل کر دیا۔

    فائرنگ کے واقعے کی اطلاع ملتے ہی تھانہ الہ آباد، ریسکیو، اسپیشل برانچ ٹیمیں جائے وقوعہ پر پہنچ گئیں۔

    پولیس حکام کا کہنا ہے کہ لاشوں کو اسپتال منتقل کر دیا گیا ہے جہاں قانونی کارروائی کے بعد لاشوں کو ورثا کے حوالے کیا جائے گا۔

    میرانشاہ: بھائی نے فائرنگ کر کے بھائی، بھابھی اور 2 بھتیجوں کو قتل کر دیا

    اس سے قبل 27 اگست کو شمالی وزیرستان کے علاقے میرانشاہ میں بھائی نے فائرنگ کر کے بھائی، بھابھی اور 2 بھتیجوں‌ کو قتل کر دیا تھا۔پولیس حکام کا کہنا تھا کہ دونوں بھائیوں کے درمیان زمین کا تنازع چلا آ رہا تھا۔

    دیربالا:جائیداد کے تنازع پر فائرنگ،9 افراد قتل،2زخمی

    یاد رہے کہ رواں سال 30 جولائی کو صوبہ خیبر پختونخواہ کے علاقے دیربالا میں جائیداد کے تنازع پر فائرنگ کے نتیجے میں 9 افراد جاں بحق جبکہ 2 افراد زخمی ہوگئے تھے۔

  • کندھ کوٹ میں 2 گروپوں میں فائرنگ، 5 افراد جاں بحق

    کندھ کوٹ میں 2 گروپوں میں فائرنگ، 5 افراد جاں بحق

    کندھ کوٹ: صوبہ سندھ کے علاقے کندھ کوٹ میں 2 گروپوں میں دیرینہ دشمنی پر فائرنگ سے 5 افراد جاں بحق اور 2 افراد شدید زخمی ہوگئے۔

    تفصیلات کے مطابق کندھ کوٹ کے نواحی علاقے غوث پور کے کچے کے علاقے میں لولائی اور جاگیرانی قبائل میں دیرینہ دشمنی پر فائرنگ سے 2 خواتین سمیت 5 افراد جان کی بازی ہار گئے جبکہ 2 افراد شدید زخمی ہوگئے۔

    فائرنگ کے واقعے سے علاقے میں خوف وہراس پھیل گیا۔ پولیس نے موقع واردات پر پہنچ کر لاشوں اور زخمیوں کو جائے وقوعہ سے اسپتال منتقل کیا جہاں قانونی کارروائی کے بعد لاشیں ورثاء کے حوالے کردی گئیں۔

    پولیس کے مطابق فائرنگ کے تبادلے میں جاں بحق ہونے والے افراد میں 2 خواتین بھی شامل ہیں۔ جاں بحق افراد میں حرمت خاتون لولائی، بیگی خاتون لولائی، جاگن لولائی، لکہن لولائی اور عبدالقدوس شامل ہیں۔

    وزیراعلیٰ سندھ نے کندھ کوٹ کے کچے کےعلاقے میں 2 گروپوں میں تصادم کا نوٹس لیتے ہوئے پولیس اورضلعی انتظامیہ کو فوری متحرک ہونے کی ہدایت کر دی۔

    مراد علی شاہ نے کہا کہ تصادم میں جانی نقصان کی اطلاع پر افسوس ہے، ایسے واقعات کی روک تھام کے لیے ضلعی انتظامیہ اقدام کرے، اسلحہ اٹھا کر خود اپنے جھگڑوں کا فیصلہ کرنے کی اجازت نہیں دے سکتے۔

    خیال رہے کہ اس سے قبل بھی دونوں قبائل کے 7 افراد پہلے بھی دیرینہ دشمنی کے شکار ہوچکے ہیں۔

    ٹھٹھہ میں فائرنگ سے 2 افراد جاں بحق

    یاد رہے کہ 6 اکتوبر کو صوبہ سندھ کے ضلع ٹھٹھہ کی درگاہ ستیوں کے قریب موٹرسائیکل سوار مسلح ملزمان نے رکشے پر فائرنگ کر کے 2 افراد نور محمد اور رمضان کو قتل کردیا تھا۔ پولیس حکام کے مطابق مقتولین کا تعلق شہداد کوٹ سے تھا۔

  • چنیوٹ میں خاوند نے بیوی بچوں کو قتل کرکے خودکشی کرلی

    چنیوٹ میں خاوند نے بیوی بچوں کو قتل کرکے خودکشی کرلی

    چنیوٹ: صوبہ پنجاب کے شہر چنیوٹ میں سفاک شوہر نے بیوی اور تین بچوں کو قتل کرکے خودکشی کرلی۔

    تفصیلات کے مطابق چنیوٹ کے علاقے رائے چند میں اعجاز نامی شخص نے اپنی بیوی اور بچوں کو گولیاں مارکر خودکشی کرلی۔

    پولیس حکام کا کہنا ہے کہ ابتدائی تفتیش میں واقعہ گھریلو ناچاقی کی وجہ سے پیش آیا، مزید تحقیقات کر رہے ہیں، ضروری کارروائی کے بعد لاشوں کو پوسٹ مارٹم کے لیے اسپتال منتقل کردیا گیا۔

    پولیس کے مطابق افسوس ناک واقعے میں جاں بحق ہونے والوں میں اعجاز کی بیوی ، دو بیٹیاں اور بیٹا شامل ہے۔

    یاد رہے کہ گزشتہ ماہ صوبہ پنجاب کے شہر گجرات میں خاوند نے بیوی، دو بیٹیوں اور بیٹے کو بے دردی سے قتل کرنے کے بعد خود کو کمرے میں بند کر کے آگ لگا کرخودکشی کرلی تھی۔

    پولیس حکام کا کہنا تھا کہ 2 بچوں نے بھاگ کر جان بچائی جن کی عمر 7 سے 10 سال کے درمیان تھی۔

    واضح رہے کہ رواں سال 30 جنوری کو کوئٹہ میں محمد عاشق نامی شخص نے گھریلو ناچاقی پر اندھا دھند فائرنگ کردی تھی جس کے نتیجے میں اس کی اہلیہ جاں بحق جبکہ بیٹی شدید زخمی ہوگئی تھی۔

  • سرگودھا : نامعلوم افراد کی فائرنگ‘ 5 افراد جاں بحق

    سرگودھا : نامعلوم افراد کی فائرنگ‘ 5 افراد جاں بحق

    سرگودھا : صوبہ پنجاب کے شہرسرگودھا میں نامعلوم افراد نے گھر میں گھس کرفائرنگ کردی جس کے نتیجے میں ایک ہی خاندان کے 5 افراد جاں بحق ہوگئے۔

    تفصیلات کے مطابق سرگودھا کے علاقے بھوال کے چک 11 میں نامعلوم افراد نے فائرنگ کرکے گھر کے سربراہ طفیل سمیت 5 افراد کو قتل کردیا۔

    فائرنگ کے واقعے میں میاں بیوی سمیت 3 بچے جاں بحق جبکہ ایک زخمی ہوگیا، واقعے کی اطلاع ملتے ہی پولیس جائے وقوع پر پہنچی اور لاشوں اور زخمی بچے کو اسپتال منتقل کردیا۔

    ڈی ایس پی بھلوال کے مطابق شواہد اکٹھے کرنے کے بعد تفتیش کا آغاز کردیا گیا ہے جبکہ ملزمان کی گرفتاری کے لیے چھاپے مارے جا رہے ہیں۔

    پولیس حکام کے مطابق قتل ہونے والوں میں 50 سالہ محمد طفیل، 40 سالہ مجیدہ بی بی سمیت ان کے دو بیٹے اور ایک بیٹی شامل ہیں جن کی عمریں 20،18 اور 16 سال ہیں۔

    دادو : زمین کے تنازعہ پر قبائلی تصادم، فائرنگ سے چھ افراد جاں بحق

    خیال رہے کہ گزشتہ روز صوبہ سندھ کے شہر دادو میں مری اور لاشاری قبیلے کے درمیان زرعی زمین کے تنازعے میں مسلح افراد کی فائرنگ سے چھ افراد زندگی کی بازی ہار گئے تھے۔

    لاہورکےعلاقےنشترکالونی میں فائرنگ‘ میاں بیوی جاں بحق

    واضح رہے کہ رواں ماہ 5 جون کو صوبہ پنجاب کے دارالحکومت لاہور میں نامعلوم شخص نے گھر میں گھس کرمیاں بیوی کو گولیاں مار کرقتل کردیا تھا۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • بلوچستان میں فائرنگ کےدو واقعات میں5افرادجاں بحق

    بلوچستان میں فائرنگ کےدو واقعات میں5افرادجاں بحق

    کوئٹہ :صوبہ بلوچستان کے دو مختلف علاقوں میں فائرنگ کے واقعات میں لیویز فورس کے ایک اہلکار سمیت پانچ افرادجاں بحق ہوگئے.

    تفصیلات کے مطابق بلوچستان کے ضلع آواران کے علاقے جھاؤ میں نامعلوم مسلح افراد نے ایک گھر کے اندر گھس کر فائرنگ کی جس کےنتیجے میں ایک ہی خاندان کے تین افراد جان کی بازی ہارگئے، مرنے والوں میں ایک کمسن بچہ بھی شامل ہے.

    ذرائع کے مطابق مارے جانے والے افراد کو کسی سے کوئی دشمنی نہیں تھی،گزشتہ چند ماہ کے دوران آواران میں گھروں کے اندر گھس کر لوگوں کو ہلاک کرنے کے متعدد واقعات میں اضافہ ہواہے.

    *بلوچستان کے ضلع ہرنائی میں فائرنگ،4افراد جاں بحق

    دوسری جانب آواران سے متصل ضلع کیچ کے علاقےزعمران میں نامعلوم موٹر سائیکل سواروں کی فائرنگ سےلیویز فورس کاایک اہلکار جان کی بازی ہار گیا.

    *بلوچستان کے دارالحکومت کوئٹہ اور آوران میں فائرنگ،بچی سمیت دو افراد جاں بحق

    کیچ ہی کے علاقے کپکپار میں نامعلوم مسلح افراد نے مچھلی فروش کو قتل کیا.ذرائع کا کہنا تھا کہ اس واقعے کے محرکات تاحال معلوم نہیں ہوسکے.

    واضح رہے کہ آواران اور کیچ کا شمار بلوچستان کے ان علاقوں میں ہوتا ہے جو کہ شورش سے زیادہ متاثر ہیں.