لاہور: ٹوبہ ٹیک سنگھ میں زمین کے تنازع پر پانچ افراد کو قتل کردیا گیا، مرنے والوں میں دو خواتین اور تین سال کا بچہ بھی شامل ہیں۔
تفصیلات ٹوبہ ٹیک سنگھ کے علاقے ہیرا کالونی کے ایک گھرمیں چار افراد کو قتل کردیا گیا، مقتولین میں ماں، باپ، تین سالہ بچہ اور اس کی نانی شامل ہیں۔
فائرنگ کی آواز سن کر پڑوسیوں نے پولیس کو اطلاع دی، پولیس کے پہنچنے پر گھر کے دروازے کھلے ہوئے تھے۔
پولیس نے بتایا چاروں افراد عبدالقادر، فرحت بی بی، نین طاہراورمعمر خاتون کو گولیاں مار کر قتل کیا گیا ہے۔
پولیس کا کہنا تھا کہ مقتول عبد القادر کے خاندان کو قتل کرنے کے بعد اُس کے ہم زلف عبدالخالق کو بھی قتل کردیا گیا، جس کے بعد مقتولین کی تعداد پانچ ہوگئی۔
حکام نے بتایا زمین کے تنازع پر پانچ افراد کا قتل کیا گیا، تاہم واقعے کا مقدمہ عمران سمیت 2نامعلوم افراد کیخلاف تھانہ سٹی میں درج کرلیا گیا ہے۔
وزیراعلیٰ پنجاب محسن نقوی نے پانچ افرادکے قتل پر آئی جی پولیس سے رپورٹ طلب کرکے قاتلوں کی جلدگرفتاری یقینی بنانےکا حکم دیا ہے۔
محسن نقوی کا کہنا تھا کہ ملزمان کوقانون کی گرفت میں لاکرمزید کارروائی کی جائے، مقتولین کےلواحقین کوانصاف کی فراہمی ہرقیمت پریقینی بنائی جائے۔
ٹوبہ ٹیک سنگھ:ہیرا کالونی میں زمین کےتنازع پر5افراد کےقتل کاواقعہ
پولیس کی جانب سے عمران سمیت 2نامعلوم افراد کیخلاف تھانہ سٹی میں مقدمہ
.
