ARYNews.tv | Urdu – Har Lamha Bakhabar

Tag: 5 ملزمان گرفتار

  • کراچی کے مختلف علاقوں میں پولیس مقابلے، 5 ملزمان اسلحہ سمیت گرفتار

    کراچی کے مختلف علاقوں میں پولیس مقابلے، 5 ملزمان اسلحہ سمیت گرفتار

    کراچی میں پولیس نے مختلف مقامات پر فائرنگ کے تبادلہ کے بعد 5 ملزمان کو اسلحہ سمیت حراست میں لے لیا۔

    تفصیلات کے مطابق پولیس نے اورنگی ٹائون سیکٹر سکس ای میں مبینہ مقابلہ کے بعد دو ملزمان کو حراست میں لے لیا، ملزم کی شناخت فضل اور صدیق کے نام سے ہوئی ہے۔

    پولیس کا کہنا ہے کہ گرفتار ملزمان سے اسلحہ تین موبائل فون، موٹر سائیکل، اور نقدی برآمد کی، اس کے علاوہ گبول ٹاؤن میں پولیس نے مبینہ مقابلہ کے بعد تین ملزمان گرفتار لئے، ملزمان سے اسلحہ، موبائل فون اور دیگر سامان برآمد ہوا۔

    دوسری جانب کورنگی میں گودام چورنگی کے قریب فیکٹری میں اتفاقیہ گولی چلنے سے پینتالیس سالہ گارڈ اسحاق جاں بحق ہوگیا لاش اسپتال منتقل کر دی گئی۔

  • رینجرز اور پولیس کی مشترکہ کارروائی، 5 ملزمان گرفتار

    رینجرز اور پولیس کی مشترکہ کارروائی، 5 ملزمان گرفتار

    کراچی: کراچی میں رینجرز اور پولیس نے مشترکہ کارروائی کرتے ہوئے 5 ملزمان کو گرفتار کرلیا۔

    تفصیلات کے مطابق رینجرز اور پولیس نے قذافی روڈ اورنگی میں مشترکہ کارروائی کرتے ہوئے 5 ملزمان کو گرفتار کرلیا، گرفتار ملزمان سے 4 پستول اور 74 گولیاں برآمد ہوئیں۔

    ترجمان رینجرز کے مطابق معمول کی اسنیپ چیکنگ پر تعینات رینجرز اہلکاروں نے گاڑی کو روکا، کار سوار ملزمان کی حرکات مشکوک محسوس ہونے پر جامع تلاشی لی گئی۔

    ترجمان رینجرز نے بتایا کہ دوران تلاشی غیر قانونی اسلحہ برآمد ہونے پر ملزمان کو گرفتار کر لیا گیا، گرفتار ملزمان کو اسلحہ و ایمونیشن سمیت پولیس کے حوالے کر دیا گیا، گرفتار ملزمان میں ابوبکر، عثمان، بادشاہ، دوست محمد اور عتیق الرحمان شامل ہیں۔

  • ڈکیتی کی متعدد وارداتوں میں ملوث افغان ڈکیت گروہ کے 5 ملزمان گرفتار

    ڈکیتی کی متعدد وارداتوں میں ملوث افغان ڈکیت گروہ کے 5 ملزمان گرفتار

    کراچی: رینجرز اورپولیس نے مشترکہ کارروائی کرتے ہوئے افغان ڈکیت گروہ کے پانچ ملزمان کو گرفتار کرلیا۔

    تفصیلات کے مطابق رینجرز اورپولیس نے سہراب گوٹھ میں مشترکہ کارروائی کرتے ہوئے افغان ڈکیت گروہ کے پانچ ملزمان گرفتار کرلئے، ملزمان کے قبضے سے ڈکیتیوں میں استعمال ہونے والا اسلحہ وایمونیشن برآمد ہوا۔

      ترجمان رینجرز کے مطابق پکڑے جانے والے ملزمان میں رضوان، حکیم عرف نواب عرف چیچو، طالب، آصف عرف وسیم عرف منا اور محمد عجب خان شامل ہیں، ملزمان سہراب گوٹھ، گلشن اقبال ، گلبرگ، لیاقت آباد اور اطراف کے علاقوں میں لوٹ مار کرنے اور شہریوں کو فائرنگ کرکے زخمی کرنے کی وارداتوں میں ملوث ہیں،

    ترجمان کے مطابق ملزم رضوان اور حکیم نواب عرف چیچو نے چاند رات کو بلاک 21 ایف بی ایریا گلبرگ سے دو شہریوں کو گن پوائنٹ پر نقدی اور موٹرسائیکل چھینے کا اعتراف کیا جبکہ ملزم آصف عرف وسیم عرف منا نے ساتھیوں کے ہمراہ عائشہ منزل کے قریب شہری فیضان اسلم کو دوران ڈکیتی فائرنگ کر کے زخمی کرنے کا اعتراف کیا۔

     ترجمان رینجرز نے کہا کہ ملزمان نے تین ہٹی پر چائے کے ہوٹل سے اسلحے کے زور پر شہریوں سے موبائل فونز اور نقدی لوٹنے کا بھی اعتراف کیا، ملزمان کے خلاف متعدد تھانوں میں ایف آئی آر درج ہیں، گرفتار ملزمان کو اسلحہ سمیت قانونی کارروائی کے لیے پولیس کے حوالے کر دیا گیا ہے۔

  • کراچی میں شہریوں سے لوٹ مار کرنے والے 5 ملزمان گرفتار

    کراچی میں شہریوں سے لوٹ مار کرنے والے 5 ملزمان گرفتار

    کراچی: شہر قائد میں شہریوں سے لوٹ مار کرنے والے 5 ملزمان کو گرفتار کرلیا ، ملزمان بینک سے رقم لیکر نکلنے والے شہریوں کو لوٹتے تھے۔

    تفصیلات کے مطابق کراچی میں ایس آئی یو اورسی آئی اے نے لیاقت آباد میں کارروائی کی اور کارروائی میں شہریوں سے لوٹ مار میں ملوث 5 ملزمان
    کو گرفتار کرلیا۔

    ایس ایس پی ایس آئی یوعارف عزیز نے بتایا کہ ملزمان میں کامران کامی،علی رضا،کامران عظیم،شہزاداورعمران شامل ہیں۔

    عارف عزیز کا کہنا تھا کہ گرفتار 2 ملزمان بینک سےرقم لیکرنکلنےوالےشہریوں کولوٹتے تھے جبکہ دیگر 3 ملزمان شہریوں اور دکانداروں سے لوٹ مار کرتے تھے۔

    حکام نے بتایا ملزم کامران کامی ناظم آباد بینک ڈکیتی جبکہ ملزمان8 بینک،2 پولیس مقابلوں سمیت 26 مقدمات میں بھی ملوث ہیں۔

    دوران تفتیش ملزمان نے کراچی کے متعددعلاقوں میں درجنوں لوٹ ماروارداتوں کا انکشاف کیا ، ملزمان سے اسلحہ اورموبائل فون برآمد کرلیا ہے۔

  • کراچی میں رینجرز کی کارروائیاں، 5 انتہائی مطلوب ملزمان گرفتار

    کراچی میں رینجرز کی کارروائیاں، 5 انتہائی مطلوب ملزمان گرفتار

    کراچی: شہر قائد کے مختلف علاقوں میں رینجرز نے کارروائیوں کے دوران 5 انتہائی مطلوب ملزمان کو گرفتار کر لیا۔

    تفصیلات کے مطابق کراچی کے لیاقت آباد اور بھینس کالونی میں رینجرز نے انٹیلی جنس معلومات پر کارروائیاں کرتے ہوئے انتہائی مطلوب ڈکیت گروہ کے 5 ملزمان کو گرفتار کر لیا۔

    ترجمان رینجرز نے بتایا کہ ملزمان اسٹریٹ کرائم،ڈکیتیوں کی متعدد وارداتوں میں ملوث ہیں،ملزمان منظم طریقے سے مختلف علاقوں میں وارداتیں کرتے، ملزمان بینک،منی چینجر سے رقم نکلوانے والے افراد کو بھی لوٹتے۔

    ترجمان کا کہنا تھا کہ ملزمان کے قبضے سے وارداتوں میں استعمال ہونے والا اسلحہ، موٹرسائیکل،زیورات،نقدی،فون اورمسروقہ سامان بھی برآمد کیا گیا ہے۔انہوں نے بتایا کہ ملزمان کوقانونی کارروائی کے لیے پولیس کے حوالے کر دیاگیا۔

    کراچی: رینجرز کی مختلف علاقوں میں کارروائیاں، 10ملزمان گرفتار

    اس سے قبل گزشتہ ہفتے شہرقائد کے مختلف علاقوں میں رینجرز نے کارروائیاں کرتے ہوئے 10 ملزمان کو گرفتار کیا تھا، گرفتار ملزمان سنگین وارداتوں میں مطلوب تھے۔

    یاد رہے کہ رواں سال 5 جون کو کراچی میں سی ٹی ڈی نے کارروائی کرتے ہوئے انتہائی مطلوب دہشت گرد جان عالم کو گرفتار کیا تھا۔

    سی ٹی ڈی کے مطابق جان عالم پرانی سبزی منڈی میں انسپکٹر شفیق تنولی پر خودکش حملہ کرانے اور اے این پی سندھ کے جنرل سیکرٹری بشیر جان پر بم دھماکے میں بھی ملوث تھا۔

  • مختلف کارروائیوں میں 5 ملزمان گرفتار، اسلحہ اور موٹر سائیکل برآمد

    مختلف کارروائیوں میں 5 ملزمان گرفتار، اسلحہ اور موٹر سائیکل برآمد

    کراچی : پولیس نے مختلف کارروائیوں میں 5 ملزمان کو گرفتار کرلیا، ملزمان کے قبضے سے اسلحہ اور موٹر سائیکل برآمد کر کے مقدمہ درج کرلیا۔

    تفصیلات کے مطابق شارع نورجہاں پولیس نے کارروائی کرکے دو ملزمان گرفتار کرلیے، ملزمان کے قبضے سے اسلحہ اور موٹر سائیکل برآمد کر کے مقدمہ درج کرلیا گیا۔

    ملزمان شہری سے لوٹ مار کررہے تھے، دوسری جانب سکھن میں پولیس مقابلہ کے بعد تین ملزمان کو گرفتار کرلیا، ملزمان کے تین ساتھی فرار ہونے میں کامیاب ہوگئے۔

    اس حوالے سے ایس ایس پی ملیر نے بتایا کہ دو موٹر سائیکلوں پر سوار چھ ملزمان لوٹ مار کررہے تھے، پولیس کے پہنچنے پر ملزمان نے فائرنگ کردی۔

    ملزمان کی فائرنگ سے پولیس موبائل پربھی دو گولیاں لگیں، دو زخمی ملزمان کو اسپتال منتقل کردیا گیا، ملزمان نے7مئی کو سکھن میں شہری سے95ہزار روپے،موبائل فونز چھینے تھے۔

  • کراچی کے مختلف علاقوں میں پولیس کی کارروائیاں‘ 5 ملزمان گرفتار

    کراچی کے مختلف علاقوں میں پولیس کی کارروائیاں‘ 5 ملزمان گرفتار

    کراچی : شہرقائد کے مختلف علاقوں میں پولیس نے کارروائیوں کے دوران 5 ملزمان کو گرفتار کرکے ان کے قبضے سے اسلحہ برآمد کرلیا۔

    تفصیلات کے مطابق کراچی کے علاقے فیڈرل بی ایریا میں پولیس نے فائرنگ کے تبادلے کے بعد ملزم کو زخمی حالت میں گرفتار کرکے اسلحہ برآمد کرلیا۔ پولیس کے مطابق ملزم کی شناخت عرفان کے نام سے ہوئی ہے۔

    دوسری جانب کراچی کے علاقے پی ای سی ایچ ایس میں پولیس اور ڈاکوؤں کے درمیان فائرنگ کا تبادلہ ہوا جس کے نتیجے میں ایک ملزم کو زخمی حالت میں گرفتار کرلیا گیا جبکہ دیگر 4 ملزمان فرار ہونے میں کامیاب ہوگئے۔

    پولیس حکام کا کہنا ہے کہ ملزمان علاقے میں واقع بنگلے میں ڈکیتی کررہے تھے، ملزمان کے زیراستعمال بغیر نمبر پلیٹ والی گاڑی اور اسلحہ بھی برآمد کرلیا گیا۔

    ادھر کراچی کے علاقے سہراب گوٹھ کے علاقے سٹاگبول گوٹھ میں پولیس مقابلے ہوا جس کے نتیجے میں 3 ملزمان یعقوب، امجد اور شیر ولی کو گرفتار کرلیا گیا۔

    پولیس کے مطابق ملزمان کے قبضے سے 2 پستول، چھینا گیا پرس اورنقدی، شہریوں سے چھینے گئے موبائل فونز، مسروقہ موٹرسائیکل بھی برآمد ہوئی ہے۔

    کراچی: پولیس کی کارروائی‘ 2 انتہائی مطلوب ملزمان گرفتار

    یاد رہے کہ 3 روز قبل کراچی میں سائٹ سپرہائی وے پولیس نے کارروائی کرتے ہوئے 2 انتہائی مطلوب ملزمان کو گرفتار کرکے ان کے قبضے سے اسلحہ برآمد کیا تھا۔