Tag: 5 arrest

کراچی: پولیس نے تین مختلف علاقوں میں مقابلوں کے بعد دو مشتبہ ڈاکوؤں اور ایک ٹارگٹ کلر سمیت پانچ ملزمان گرفتار کرلیے۔

کراچی کے علاقے پرانا گولی مار میں مقابلے کے بعد پولیس نے ٹارگٹ کلرارشد عرف پپو کو گرفتار کرلیا، ملزم کا تعلق سیاسی جماعت سے ہے، ٹارگٹ کلر سے نائن ایم ایم پستول، گولیاں اور چھینی گئی موٹر سائیکل بھی برآمد کی گئی۔

پولیس کے مطابق گرفتار ٹارگٹ کلر کئی مقدمات میں مطلوب ہے، سولجر بازار میں پولیس مقابلے کے بعد دو مشتبہ ڈاکوؤں کو گرفتار کرلیا گیا۔

پولیس کا کہنا ہے کہ ڈاکوؤں سےاسلحہ، لوٹی ہوئی رقم اورموٹر سائیکل برآمد کی گئی، سرجانی ٹاؤن میں بھی پولیس اور ملزمان کے درمیان مقابلہ ہوا، جسکے بعد پولیس نے زخمی حالت میں دو ملزمان کو گرفتار کرلیا اور ان کے قبضے سے اسلحہ اور دستی بم برآمد کرلیے، پولیس کا کہنا ہے کہ ملزمان سے مزید تفتیش جاری ہے۔