کراچی : رینجرز نے کراچی کے مختلف علاقوں میں کارروائیاں کرتے ہوئے عسکری ونگ کے ٹارگٹ کلر، بھتہ خور اور کالعدم جماعت کے دہشت گردوں سمیت پانچ ملزمان کو گرفتار کرکے اسلحہ برآمد کرلیا۔
ترجمان رینجرز کے مطابق رینجرز نے رنچھوڑ لائن میں کارروائی کرکے عسکری ونگ کے ٹارگٹ کلر کو گرفتار کرلیا، ملزم کے قبضے سے اسلحہ برآمد کرلیا۔
دوسری جانب بنارس کے علاقے میں کارروائی کے دوران کالعدم تنظیم کے دودہشت گردوں کو گرفتار کرکے اسلحہ برآمد کیاگیا۔
ایک اور کارروئی میں شاہ فیصل کالونی میں چھاپہ مار کر دو بھتہ خوروں کو گرفتار کرکے اسلحہ برآمد کرلیا گیا۔
سہراب گوٹھ سبزی منڈی کے قریب پولیس مقابلہ میں ایک ڈاکو ہلاک ہوگیا، ہلاک ڈاکو کے قبضے سے اسلحہ،رکشہ اور مسروقہ سامان برآمد ہوا ہے ۔
