Tag: 5 halak

ناظم آباد میں دہشت گردی، متحدہ کا سوگ کا اعلان

کراچی : متحدہ قومی موومنٹ پاکستان نے سانحہ ناظم آباد کے غم میں کل اتوار کو سوگ کا اعلان کردیا، اس موقع پر تمام سیاسی سرگرمیاں معطل رہیں گی، دفاتر پر قرآن خوانی وفاتحہ خوانی کے اجتماعات منعقد کیے جائیں گے۔

ایم کیوایم کے اعلامیے کے مطابق اتوار کو تمام تنظیمی سرگرمیاں معطل رہیں گی جبکہ کراچی، حیدرآباد، میرپورخاص اور اندرون سندھ سمیت ملک بھر میں قائم ایم کیو ایم کے تمام زونل اور تنظیمی دفاتر پر ظہر تا عصر قرآن خوانی وفاتحہ خوانی کے اجتماعات منعقد کیے جائیں گے۔

اس سلسلے کا مرکزی اجتماع پیر الہیٰ بخش کالونی میں واقع ایم کیوایم کے عارضی مرکز پرمنعقد ہوگا جس میں سانحہ ناظم آباد کے شہدا کی مغفرت،ان کے درجات کی بلندی کے لیے فاتحہ خوانی اور سانحے میں زخمی ہونے والوں کی جلد و مکمل صحت یابی کے لیے خصوصی دعائیں کی جائیں گی۔

قرآن خوانی کے مرکزی اجتماع میں ایم کیوایم کی رابطہ کمیٹی کے اراکین، حق پرست اراکین سینیٹ، قومی وصوبائی اسمبلی، منتخب بلدیاتی نمائندے ایم کیوایم کے ذمہ داران و کارکنان بازوں پرسیاہ پٹیاں باندھ کر شرکت کریں گے۔

مزید پڑھیں : ناظم آباد میں مجلس پر فائرنگ، 5 افراد جاں بحق متعدد زخمی

یاد رہے کہ آج شام ناظم آباد چار نمبر کے علاقے میں واقع لاروش ہوٹل کے قریب نامعلوم مسلح افراد نے فائرنگ کی، اندوہناک واقعے میں 5 افراد جاں بحق جبکہ تین زخمی ہوگئے تھے۔

فائرنگ خواتین کی مجلس عزا پر کی گئی۔ واردات کے بعد مسلح ملزمان جائے وقوعہ سے فرار ہونے میں بآسانی کامیاب ہوگئے۔ واقعے کا گورنر سندھ ڈاکٹر عشرت العباد، وزیراعلیٰ سندھ سید مراد علی شاہ نے سختی سے نوٹس لیتے ہوئے آئی جی سندھ سے رپورٹ طلب کرلی ہے۔

اکتوبر 29, 2016
سعودی عرب : مسجد پردہشت گردوں کی فائرنگ خاتون سمیت 5 شہری شہید

ریاض : سعودی عرب میں مسجد کےباہر فائرنگ سے خاتون سمیت پانچ افرادجاں بحق ہوگئے۔ پولیس کی جوابی کارروائی میں ایک حملہ ہلاک اور دو کو گرفتار کرلیاگیا۔

تفصیلات کے مطابق دہشت گردوں نے ایک بار پھر سعودی عرب کو اپنی ناپاک اور مذموم سرگرمیوں کا ہدف بنا یا ہے۔

سعودی عرب کے مشرقی شہر سیہات میں دہشت گردوں کی مسجد پر فائرنگ سے بھگدڑ مچ گئی۔ مسجد کےباہر فائرنگ سے زخمی پانچ افراد زخموں کی تاب نہ لاتے ہوئے چل بسے۔

جاں بحق ہونے والوں میں ایک خاتون بھی شامل ہے، پولیس نے ایک حملہ آور کو ہلاک کر کے دو ملزمان کو حراست میں لے لیاہے۔

پولیس حکام کے مطابق مسلح شخص نے مسجد کے ہال میں پہنچنے کی کوشش کی لیکن مسجد سے کچھ فاصلے پر بنے چیکنگ پوائنٹ پر جب اسے روکا گیا تو اس نے فائرنگ شروع کردی۔جس میں متعدد افراد شدید زخمی ہوئے۔

زخمیوں اور جاں بحق افراد کی لاشوں کو قریبی اسپتال منتقل کردیاگیا۔ زخمیوں میں سے پانچ افراد نے دوران علاج دم توڑ دیا، بعض کی حالت تشویش ناک بتائی جا رہی ہے۔

دہشت گردی کا یہ واقعہ سعودی عرب کے مشرق صوبے قطیف میں پیش آیا۔ پولیس واقعے کی مزید تفتیش کررہی ہے۔

واضح رہے کہ اس سے قبل سعودی عرب کے مغربی شہر القدیح میں مئی کے مہینے میں خود کش حملہ آور نے جمعے کی نماز کے وقت دھماکہ کر کے 21افراد کو شہید اور 81کو زخمی کیا تھا ۔اس حملے کی ذمہ داری داعش نے قبول کی تھی ۔

اکتوبر 17, 2015
پولیس مقابلے میں لیاری گینگ وار کے5کارندے ہلاک

کراچی :پولیس سے مقابلے کے دوران لیاری گینگ وار کے پانچ کارندے مارے گئے۔ ماڑی پور سے کالعدم تنظیم کے دو کارندے گرفتار کرلئے گئے۔

تفصیلات کے مطابق کراچی سے دہشت گردوں کےخاتمے کے لئے سیکیورٹِی ادارے متحرک ہوگئے، پولیس نے نیپئر کے علاقے میں خطرناک ملزمان کی موجودگی کی اطلاع پر فوری کارروائی کی اور مقابلے میں بدنام زمانہ ملزم صادق گڈانی سمیت پانچ دہشت گرد مار دیئے۔

آئی جی سندھ غلام حیدر جمالی کے مطابق ہلاک ملزم صادق گڈانی کی وجہ سے لیاری میں امن متاثر رہتا تھا۔ مقابلے میں ایس ایچ او اور ایک پولیس اہلکار زخمی بھی ہوا، کراچی کے علاقے ناظم آباد میں ایک کار سے گولیوں کے چوبیس ڈبوں میں ہزار وں ایس ایم جیز کی گولیاں بر آمد ہوئیں۔

قانون نافذ کرنے والے اداروں نے خدشہ ظاہر کیا ہے کہ گولیاں شہر میں قتل و غارت کے لیے استعمال کی جانی تھیں ۔

پولیس نے ماری پور سے کالعدم تنظیم کے دو کارندے گرفتار کرلئے، دونوں گرفتار ملزمان وزیرستان میں تحریک طالبان کے امیر خالد عمر خراسانی کی نگرانی میں ٹریننگ حاصل کرچکے ہیں۔

ڈی آئی جی ساؤتھ ڈاکٹر جمیل کا کہنا ہے کہ ملزمان کراچی میں تحریک طالبان کے لئے لوگوں کو بھرتی کرتے ہیں۔

اگست 22, 2015
ماڈل ٹاؤن : ایک گھر سے گولیاں لگی پانچ افراد لاشیں برآمد

لاہور : ماڈل ٹاؤن کے ایک گھر سے پانچ لاشیں برآمد ہوئی ہیں پولیس کے مطابق خاوند نے اپنی بیوی اور تین بچوں کو قتل کرنے کے بعد خودکشی کرلی۔

تفصیلات کے مطابق ماڈل ٹاؤن سے ایک خاندان کے پانچ افراد کی لاشیں برآمدہوئیں۔ پولیس کو شبہ ہے کہ گھر کے سربراہ نے بیوی اور تین بچوں کو قتل کرنے کے بعد خودکشی کی۔

پولیس نے لاشیں پوسٹ مارٹم کیلئے جناح اسپتال منتقل کر دیں۔ ماڈل ٹاؤن میں لوگوں کی اطلاع پر پولیس پہنچی تو زمیندار چالیس سالہ بشارت، اس کی اہلیہ فائزہ آٹھ سالہ بیٹے عبد اللہ چھ سالہ عبدالحادی اور پانچ سالہ بیٹی حبہ کی لاشیں گھر کے ایک کمرے میں پڑی تھیں اور اندر سے کنڈی لگی ہوئی تھی۔

متوفیان کے عزیز واقارب کا کہنا ہے کہ دونوں میاں بیوی میں کبھی جھگڑا نہیں ہوا۔ ابتدائی تحقیقات کے مطابق بشارت نے بیوی بچوں کو قتل کرنے کے بعد خودکشی کی۔

مرنے والے تمام افراد کے سر پر گولیاں لگی ہیں۔ شبہ ہے کہ مقتولین کو قتل کرنے سے پہلے نشہ آور چیز پلائی گئی۔ پولیس کا کہنا ہے کہ ابتدائی تحقیقات کے مطابق یہ خود کشی کا واقعہ ہی لگتا ہے۔

پانچ افراد کے قتل کی تحقیقات کے لئے لاہور پولیس نے فرانزک ماہرین کی خدمات حاصل کرلی ہیں۔

جون 24, 2015
کوئٹہ میں فائرنگ سے باپ بیٹے سمیت پانچ افراد جاں بحق

کوئٹہ : بلوچستان کے شہر کوئٹہ کے معروف تجارتی علاقے میں نامعلوم افراد کی فائرنگ سے باپ بیٹے سمیت پانچ افراد جاں بحق ہوگئے۔

واقعے کے بعد شہر کے وسطی علاقے کی دکانیں اور کاروبار مراکز بند ہوگئے، پولیس حکام کے مطابق شہر کے معروف تجارتی علاقے باچاخان چوک کے قریب سرکلر روڈ پر واقع چائے کی پتی کی دوکان پر نامعلوم موٹرسائیکل سواروں نے آکر فائر کھول دیا۔

جس سے باپ بیٹے سمیت تین افراد موقع پر جاں بحق اور تین زخمی ہوگئے ،زخمیوں کو سول ہسپتال اور سی ایم ایچ منتقل کردیا گیا، جہاں زخموں کی تاب نہ لاکر دونوں زخمی چل بسے ۔

پولیس حکام کے مطابق حملہ آور موٹرسائیکلوں پر آئے تھے جو واردات کے بعد ہوائی فائرنگ کرتے ہوئے فرار ہوگئے۔

واقعے کے بعد باچاخان چوک سرکلر روڈ اور ملحقہ علاقوں کی دکانیں اور کاروبار مراکز بند ہوگئے ۔

جاں بحق افراد کی نعشیں ضروری کارروائی کے بعد ورثاء کے حوالے کردی گئیں، جنہوں نے باچاخان چوک پر ہی نعشیں رکھ کر احتجاج کیا اور مشتعل افراد نے مسجد روڈ اور فاطمہ جناح روڈ کی دکانیں بھی بند کروادیں۔

جون 7, 2015
شمالی وزیرستان:شوال میں ڈرون حملہ،5افرادہلاک،2زخمی

پشاور : شمالی وزیرستان کےعلاقے شوال میں ڈرون طیارےنےمکان پردومیزائل داغےجس کےنتیجےمیں پانچ افرادہلاک جبکہ دوزخمی ہوگئے۔

تفصیلات کے مطابق شمالی وزیرستان ایجنسی میں پاک افغان سرحد کے قریب تحصیل شوال میں امریکی ڈرون طیاروں نے ایک مکان پر دو میزائل داغے جس کے نتیجے میں پانچ افراد ہلاک جبکہ دو زخمی ہوگئے۔

ذرائع کے مطابق مزید ہلاکتوں کا خدشہ ہے علاقہ مکینوں نے اپنی مدد آپ کے تحت ملبے سے لاشیں نکالیں اور زخمیوں کو قریبی طبی مرکز میں منتقل کردیا۔

سیکوریٹی ذرائع کا کہنا ہے کہ اس مہینے کا یہ پہلا ڈرون حملہ ہے۔

مئی 17, 2015
سیکیورٹی اداروں کی کراچی میں کارروائی، پانچ دہشت گرد ہلاک

کراچی : شہر کے مختلف علاقوں میں قانون نافذ کرنے والے اداروں کی کارروائی کے دوران پانچ دہشت گرد مارے گئے،اورنگی ٹاؤن، بلدیہ میں پولیس نے سرچ آپریشن کے دوران تیس سے زائد مشتبہ افراد کو حراست میں لے لیا ۔

کراچی میں دہشت گردوں کیخلاف پولیس نے گھیرا تنگ کردیا۔ کراچی اورنگی ٹاؤن کےعلاقےطوری بنگش کالونی میں کاؤنٹر ٹیررازم ڈیپارٹمنٹ نےخفیہ اطلاع پرایک گھر پرچھاپہ مارا۔

جہاں چھپے ہوئےملزمان نےسی ٹی ڈی کےاہلکاروں پر فائرنگ کردی۔ مقابلےکے دوران دودہشت گرد ہلاک ہوگئے۔ انچارچ سی ٹی ڈی کے مطابق گھر کی تلاشی کے دوران ایک تیار بم اور بھاری مقدار میں بارودی مواد برامد ہوا۔

دوسری جانب منگھوپیر میں دہشت گردوں کی اطلاع پرپولیس نے چھاپہ مارا تو ملزمان نے پولیس پر فائرنگ کردی۔ پولیس کی جوابی کارروائی میں تین دہشت گرد مارے گئے جبکہ ایک پولیس اہلکار زخمی ہوگیا۔

ملزمان سےاسلحہ اور دستی بم برآمد ہوئے۔پولیس کےمطابق دہشت گردوں کاتعلق کالعد م تنظیم سے تھا۔پولیس نے بلدیہ ٹاؤن پیرآباداور اورنگی ٹاؤن میں چھاپہ مار کرکالعدم تنظیم کے تین کارندوں سمیت تیس سے زائد مشتبہ افراد کوگرفتار کرکے اسلحہ اور بال بم برآمد کرلیے۔

پولیس حکام کے مطابق گرفتار ملزمان احسان اللہ،ولی خان اور دوست محمد نے دوران تفتیش پولیس موبائل پر دستی بم حملوں ،حیدری مارکیٹ میں بال بم حملے سمیت لیبراسکوائر پر پولیس اہلکارکو شہید کرنے کا اعتراف کیا ہے۔

مارچ 22, 2015
کراچی: رینجرز سے مقابلہ پانچ ملزمان ہلاک، تین گرفتار

کراچی : لیاقت آباد میں رینجرز کی کارروائی میں دو ملزم ہلاک ہوگئے۔گلشن غازی سے تین ملزمان گرفتار ہوئے جن کے قبضے سےایس ایم جی سمیت دیگراسلحہ اور جہادی لٹریچربرآمد ہوا۔

تفصیلات کے مطابق کراچی کو جرائم سے پاک کرنے کیلئے پولیس اور رینجرز کی تابڑ توڑ کارروائیاں جاری ہیں۔ رینجرز نےگرفتار ملزم زیارت گل کی نشاندہی پرلیاقت آبادمیں اغواکاروں کیخلاف کارروائی کی ۔

اس دوران ملزمان سے مقابلے میں عامر نامی اغواء کار مارا گیا۔ موقع سے فرار کی کوشش میں ملزم زیارت گل بھی رینجرز کی گولیوں کا نشانہ بنا۔ترجمان رینجرز کےمطابق ملزمان سائٹ ایریامیں شارٹ ٹرم کڈنیپنگ میں ملوث تھے۔

لیاری کےعلاقے بغدادی میں پولیس کارروائی کے دوران تین گینگ وارملزمان عبدالرحمان عرف لمبا، سبحان عرف گرینیڈ اور علی شان عرف شان مارےگئے۔

پولیس کےمطابق ہلاک ملزمان تیس سےزائدافرادکی ٹارگٹ کلنگ،بھتہ خوری سمیت سنگین وارداتوں میں ملوث تھے۔ناظم آبادنمبردو اور سہراب گوٹھ میں رینجرز اور پولیس کی کارروائی میں دو ملزمان مارے گئے۔

مارچ 8, 2015
کراچی میں پولیس مقابلہ: پانچ ملزمان مارے گئے،اسلحہ برآمد

کراچی : پولیس اور رینجرز کی کارروائیوں کے دوران پانچ ملزمان مارے گئے۔ نامعلوم افراد کی فائرنگ سے ایک شخص جاں بحق ہوگیا۔

ناظم آباد دو نمبر میں پولیس اور رینجرزکی مشترکہ کارروائی کےدوران ملزمان اورقانون نافذ کرنیوالے اداروں کےدرمیان فائرنگ کےتبادلے میں ایک ملزم ماراگیا۔

سہراب گوٹھ انڈس پلازہ کےقریب رینجرز کی چھاپہ مارکارروائی میں دو طرفہ فائرنگ کےنتیجے میں ایک ملزم ہلاک ہوگیا، ہلاک ملزمان کی شناخت نہیں ہوسکی،ملزمان کےقبضےسےاسلحہ بھی ملا ہے۔

لیاری کےعلاقےبغدادی میں لیاری گینگ وار ملزمان کی موجودگی کی اطلاع پر پولیس نےسرچ آپریشن کیاجس کےدوران گینگ وار ملزمان اور پولیس کی جانب سےفائرنگ کےتبادلے میں گینگ وار کے تین ملزمان مارےگئے۔

ہلاک ملزمان کی شناخت عبدالرحمان عرف لمبا،سبحان عرف گرنیڈاور علی شان عرف شان کےناموں سےکی گئی۔

پولیس کےمطابق ہلاک ملزمان تیس سےزائد افرادکی ٹارگٹ کلنگ، بھتہ خوری اوراغوا برائےتاوان کی وارداتوں میں ملوث تھے۔

ملزمان کے قبضے سےایوان لانچر،سولہ گولےاور اسلحہ بھی ملاہے۔پراناگولیماربلوچ پاڑہ کےقریب نامعلوم افرادکی فائرنگ سےہارون نامی شخص جاں بحق ہوگیا۔

مارچ 8, 2015
خاتون نے شوہر اورتین بچوں کو قتل کرکے خود کشی کرلی

اسلام آباد :تھانہ آبپارہ کے علاقے میں ایک ماں نے تین بچوں اور شوہر کو قتل کرنے کے بعد اپنے آپ کو بھی گولی مار کر ختم کر لیا۔

تفصیلات کے مطابق ماں نے تین بچوں اور شوہرکو قتل کر کے خود کشی کرلی،واقعہ تھانہ آبپارہ کے علاقے جی سکس ون تھری میں پیش آیا ۔زخمی ہونے والے11 سالہ محمد رافع نے پولیس کو بتایا کہ والدہ اور والد کے درمیان اکثر جھگڑارہتا تھا ۔

آج صبح جب والدہ ناشتہ بنا رہی تھیں اس دوران والد اور والدہ کے درمیان کسی بات پر جھگڑا ہورہا تھا،ہمارے والد نے ہمیں آج پارک میں گھومنے کے لئے لے جانا تھا۔

والدہ نے ناشتہ کرنے کے بعد پستول سے فائر کر کے 3 بچوں اوروالد فاروق خٹک کو قتل کرنے کے بعد اپنے آپ کو گولی مارلی ۔ ایک گولی مجھے چھوتے ہوئے گزر گئی، پولیس نے فوری طور پر لاشیں پولی کلینک منتقل کردیں۔

فروری 21, 2015

Tag: 5 halak

مزید پڑھیں : ناظم آباد میں مجلس پر فائرنگ، 5 افراد جاں بحق متعدد زخمی