Tag: 5 may

ہرارے: زمبابوے نے دورہ پاکستان کیلئے سولہ رکنی ٹیم کا اعلان کردیا، چھ برس بعد ہوم سیریز کیلئے سیلکٹرز رواں ہفتے سرجوڑ کر بیٹھیں گے۔

 زمبابوے نے پاکستان کیخلاف دو ٹی ٹوئنٹی اور تین ون ڈے میچز کیلئے سولہ رکنی ٹیم کا اعلان کردیا، ایلٹن چگمبورا ٹیم کی قیادت کریں گے، گرین شرٹس کیخلاف سیریز میں چھ کھلاڑیوں نے کم بیک کیا ہے۔

زمبابوے سابق کپتان برینڈن ٹیلر کی کمی شدت سے محسوس کی جائے گی، ٹیلر نے انٹرنیشنل کرکٹ کو خیر باد کہہ کر انگلش کاؤنٹی سے تین سال کا معاہدہ کیا، چھ سال بعد ہوم گراؤنڈ پر کون کون سے کھلاڑی ایکشن میں ہوں گے، سلیکٹرز رواں ہفتے سر جوڑ کر بیٹھیں گے۔

 قومی سپر ایٹ ٹی ٹوئنٹی ٹورنامنٹ میں کھلاڑیوں کی پرفارمنس کو مانیٹر کیا جارہا ہے، بنگلہ دیش سے وطن واپس پہنچ کر کھلاڑیوں نے ایونٹ میں حصہ لینا شروع کردیا ہے۔

 ذرائع کے مطابق محمد عرفان اور صہیب مقصود کو فٹ ہونے میں وقت درکار ہے، ٹی ٹوئنٹی اسکواڈ میں زیادہ تبدیلوں کا امکان نہیں ہے، زمبابوے کی ٹیم انیس مئی کو پاکستان پہنچے گی، سیریز کے تمام میچز قذافی اسٹیڈیم لاہور میں کھیلے جائیں گے۔

لاہور: زمبابوے سیکورٹی ٹیم کے انچارج ایلیسٹر کیمبل کا کہنا ہے کہ پاکستان کے دیگر شہروں میں بھی کھیلنے کے خواہشمند ہیں لیکن آغاز لاہور سے کیاہے، سیکورٹی انتظامات سے مطمئن ہیں۔

زمبابوے کرکٹ بورڈ کا چھ رکنی وفد سیکورٹی انتظامات کا جائزہ لینے کے لئے پاکستان کے دورے پر ہے، وفد نے نیشنل کرکٹ اکیڈمی کے بعد قذافی اسٹیڈیم میں سیکورٹی انتظامات کا جائزہ لیا۔

پاکستان کرکٹ بورڈ کے چیف آپریٹنگ آفیسر سبحان احمد نے سیکورٹی ٹیم کو بریفنگ دی، سیکورٹی وفد اتنظامات کا مکمل جائزہ لینے کے بعد اپنی رپورٹ زمبابوےکرکٹ بورڈکو پیش کریگا۔

سیکیورٹی کلئیرنس ملنے کے بعد ہی زمبابوے کرکٹ ٹیم شیڈول کے مطابق پاکستان آئیگی۔سیکورٹی ٹیم کے سربراہ ایلسٹیر کیمبل سیریز کے کامیاب اور پرامن انعقاد کے لئے پر امید ہیں۔

لاہور : زمبابوے کرکٹ بورڈ کی سیکیورٹی ٹیم انتظامات کا جائزہ لینے کیلئے پانچ مئی کو لاہور پہنچے گی۔

پی سی بی ذرائع کے مطابق زمبابوے کرکٹ بورڈ کی سیکیورٹی ٹیم کو نیشنل کرکٹ اکیڈمی میں ٹھہرایا جائے گا۔ پی سی بی نے اکیڈمی کی تزئین و آرائش کا کام مکمل کر لیا ہے۔

پی سی بی اور حکومت پنجاب کے آفیشلز سیکیورٹی ٹیم کو چھ مئی کو نیشنل کرکٹ اکیڈمی میں ہی بریفنگ دیں گے۔ سیکیورٹی ٹیم بریفنگ لینے کے بعد اپنی رپورٹ زمبابوے کرکٹ بورڈ کو جمع کرائے گی۔

زمبابوے کرکٹ ٹیم کے دورہ پاکستان کے شیڈول کا اعلان پہلے ہی کیا جا چکا ہے۔