Tag: 5 people died

  • بھارتی فضائیہ کا ائیر شو دیکھنے آئے 5 افراد جان سے گئے

    بھارتی فضائیہ کا ائیر شو دیکھنے آئے 5 افراد جان سے گئے

    چنئی میں بھارتی فضائیہ کے ائیر شو میں افراتفری مچ گئی جس کے نتیجے میں پانچ افراد جان سے گئے۔

    بھارتی میڈیا کے مطابق بھارتی فضائیہ کی 92 ویں سالگرہ منانے کے لیے منعقد کیے گئے ایئر شو کی وجہ سے چنئی میں لاکھوں لوگ پھنس گئے، ایئر شو دیکھنے کے لیے آںے والے 5 افراد افراتفری میں ہلاک ہوگئے۔

    ڈاکٹروں نے بتایا کہ ہیٹ اسٹروک اور پانی کی کمی کے باعث دو سو سے زیادہ افراد بے ہوش ہوگئے جبکہ دیگر 230 افراد کو اسپتال میں داخل کرایا گیا ہے۔

    بھارتی میڈیا کے مطابق ائیر شو دیکھنے پندرہ لاکھ افراد مرینا بیچ پہنچے، بنیادی سہولیات نہ ہونے کی وجہ سے لوگوں کی حالت بگڑ گئی، انتظامیہ نے پانی کی دستیابی اور دیگر بنیادی سہولیات پر بالکل توجہ نہیں دی۔

  • خوفناک ٹریفک حادثہ : ایک ہی خاندان کے 5 افراد جاں بحق

    خوفناک ٹریفک حادثہ : ایک ہی خاندان کے 5 افراد جاں بحق

    فیصل آباد میں تیز رفتار گاڑی کی ٹکر سے رکشہ میں سوار ایک ہی خاندان کے پانچ افراد جاں بحق ہوگئے ، مرنے والوں میں چار خواتین شامل ہیں۔

    تفصیلات کے مطابق فیصل آباد میں جھمرہ فلائی اوور کے قریب تیز رفتار گاڑی نے لوڈر رکشے کو ٹکر ماردی۔

    خوفناک حادثے کے نتیجے میں ایک ہی خاندان کے پانچ افراد جاں بحق اورتین شدید زخمی ہوگئے مرنے والوں کی لاشیں اور زخمیوں کو طبی امداد کیلئے مقامی اسپتال منتقل کیا گیا۔

    مرنے والوں میں ماں، دو کمسن بیٹیاں، ایک بیٹا اور ساس شامل ہیں، ڈرائیور جائے حادثہ پر گاڑی چھوڑ کر فرار ہوگیا۔

    پولیس کے مطابق سکندرپور کا رہائشی محنت کش امجد اپنے گھر والوں کے ہمراہ رکشے میں گھر جارہا تھا کہ اچانک ایکسپریس وے پر گاڑی نے ٹکر مار دی۔

    امجد اور اس کے دو بیٹے حادثے میں زخمی ہوگئے جنہیں الائیڈ اسپتال منتقل کردیا گیا ہے، پولیس نے مقدمے کے اندراج کے بعد مفرور ڈرائیور کی تلاش شروع کردی۔