کانپور : جنوبی افریقہ نے ون ڈے سیریز کے پہلے میچ میں بھارت کو سنسنی خیز مقابلے کے بعد پانچ رنز سے شکست دے دی ہے۔ بھارت کو ناقابل یقین شکست کا سامنا کرنا پڑا۔
تفصیلات کے مطابق کانپور میں کھیلے گئے سیریز کے پہلےمیچ میں جنوبی افریقہ نےٹاس جیت کر بیٹنگ کافیصلہ کیا۔ جنوبی افریقہ نے اے بی ڈی ویلیئرزکی دھواں دھار سنچری کی بدولت پانچ وکٹوں پر تین سو تین رنز بنائے۔
ہدف کے تعاقب میں بھارت کو ابتداء میں ہی نقصان اٹھاناپڑا۔رہانے اور روہت شرمانے ایک سو انچاس رنز کی شراکت جوڑ کرپوزیشن مستحکم بنائی۔ رہانے کے آؤٹ ہوتے ہی بلے بازوں کی لائن لگ گئی۔
روہت شرما ایک سو پچاس رنزبناکرآؤٹ ہوئے۔ بھارتی ٹیم مقررہ اوورز میں سات وکٹوں پر دو سو اٹھانوے رنز ہی بناسکی، ڈی ویلیئرز پلیئر آف دی میچ قرار پائے۔
