Tag: .

اسلام آباد : جے یو آئی کے سینیٹر کامران مرتضیٰ نے سزا کے باوجود بانی پی ٹی آئی کے مذاکرات جاری رکھنے کے اعلان پر حیرانگی کا اظہار کیا۔

تفصیلات کے مطابق جے یو آئی کے سینیٹر کامران مرتضیٰ نے اے آر وائی نیوز سے خصوصی گفتگو کرتے ہوئے کہا کہ اسٹیبلشمنٹ اور پی ٹی آئی کے درمیان معاملات طے ہو چکے تھے مگر اب لائن کٹ چکی ہے، اسٹیبلشمنٹ نو مئی کے واقعات سے پیچھے نہیں ہٹے گی حکومت کے پاس نو مئی سے متعلق فیصلے کا کوئی اختیار نہیں۔

جے یو آئی کے سینیٹر کا کہنا تھا کہ سزا کے باوجود بانی پی ٹی آئی کا مذاکرات جاری رکھنے کا اعلان حیران کن ہے۔

انھوں نے کہا کہ حیران ہوں جن کے چالان پیش ہو چکے پی ٹی آئی آن کے لئیے جوڈیشل کمیشن کے قیام کا مطالبہ کر رہی ہے، جوڈیشنل کمیشن اورسیاسی ورکرز کی رہائی کا مطالبہ کسی بیوقوفی سے کم نہیں۔

مذاکرات سے متعلق سوال پر ان کا کہنا تھا کہ لگتا نہیں ان مذاکرات کاکوئی نتیجہ نکلے گا، دوسری طرف والے کیا ان کوسیاسی ورکرمانیں گے۔

اسلام آباد : وزیراعظم شہباز شریف کا کہنا ہے کہ لڑکیوں کی تعلیم بڑا چیلنج ہے، مسلم ملکوں کو بڑے پیمانے پر کام کرنا ہوگا۔

تفصیلات کے مطابق وزیراعظم شہبازشریف نے مسلم ممالک میں لڑکیوں کی تعلیم کے حوالے سے کانفرنس سے خطاب کرتے ہوئے کہا کہ شرکاکوعالمی کانفرنس میں شرکت پرخوش آمدید کہتے ہیں، عالمی کانفرنس کا انعقاد پاکستان کیلئے اعزاز ہے۔

وزیراعظم کا کہنا تھا کہ شاہ سلمان،محمدبن سلمان کے کانفرنس میں تعاون پرشکرگزارہیں اور ملالہ یوسفزئی کی کانفرنس میں شرکت باعث فخر ہے ، ملالہ یوسفزئی بہادری اورہمت کی علامت ہیں۔

وزیراعظم نے شہیدبینظیربھٹو کی خدمات کو خراج عقیدت پیش کرتے ہوئے کہا کہ ہرمعاشرے میں تعلیم کا حصول بنیادی حق ہے، لڑکیوں کی تعلیم کے حوالے سے یہ کانفرنس بہت اہم ہے۔

انھوں نے کہا کہ قائداعظم نے ہمیشہ قوم کی ترقی میں خواتین کے کردار کواہم سمجھاہے، دنیابھرمیں خواتین کو حقوق کی فراہمی کیلئے چیلنجز کا سامناہے اور لڑکیوں کی تعلیم تک رسائی کا چیلنج درپیش ہے تاہم تعلیم کے شعبےمیں درپیش چیلنجزکو ہرصورت ختم کرنا ہے۔

شہباز شریف کا کہنا تھا کہ پاکستان سمیت مسلم دنیا میں لڑکیوں کی تعلیم ایک بڑا چیلنج ہے ، اس کیلئے آواز بلند کرنا ہوگی، لڑکیوں کو معیاری تعلیم کی فراہمی سے ہی معاشرہ مضبوط اور ترقی یافتہ ہوگا۔

انھوں نے کہا کہ بین الاقوامی اور پاکستانی تنظیموں سے کہتے ہیں آئیں لڑکیوں کو تعلیم کی راہ میں درپیش چیلنجوں سے نمٹنے اور مسائل کے حل کیلئے مل کرکام کریں۔

وزیراعظم کا مزید کہنا تھا کہ طالبات اپنی قابلیت سے بین الاقوامی معیشت میں بھرپور کردار ادا کر سکتی ہیں، لڑکیوں کو تعلیم نہ دینا اُن کو روشن مستقبل کے حصول سے روکتا ہے۔

انھوں نے کہا کہ مریم نواز پنجاب کی پہلی خاتون وزیراعلیٰ ہیں، خواتین مردوں کے شانہ بشانہ ترقی کیلئے کردار ادا کریں، ہماری حکومت طلباکی بہترتعلیم اور روزگار کیلئے کوشاں ہے۔

کراچی : ڈی آئی جی ساؤتھ اسد رضا نے سوشل میڈیا پر اداکارہ نمرہ خان کی وائرل ویڈیو کا نوٹس لیتے ہوئے ایس ایس پی ساؤتھ سے تفصیلات طلب کرلی۔

تفصیلات کے مطابق کراچی کے علاقے ڈیفنس فیز8میں نجی ہوٹل کے باہر سے اداکارہ کے مبینہ اغوا کی کوشش کا واقعہ سامنے آیا۔

ڈی آئی جی ساؤتھ اسدرضا نے سوشل میڈیا پر اداکارہ نمرہ خان کی وائرل ویڈیو کا نوٹس لیتے ہوئے ایس ایس پی ساؤتھ سے تفصیلات طلب کرلی۔

پولیس حکام نے بتایا کہ خاتون نے ابھی تک پولیس سے رابطہ نہیں کیا، خاتون کے رابطہ کرنے پر شکایت درج کی جائے گی۔

یاد رہے اداکارہ نمرہ خان نے مزاحمت کر کے اپنی اغوا کی کوشش ناکام بنادی تھی ، اداکارہ نے سوشل میڈیا پر ویڈیو میں انکشاف کیا تھا کہ کہ ایک روز قبل انہیں اغوا کرنے کی کوشش کی جسے انہوں نے مزاحمت کرکے ناکام بنا دیا۔

اداکارہ واقعے کی تفصیل بتاتے ہوئے رو پڑیں اور بتایا کہ وہ کل ایک ہوٹل کے باہر اپنی گاڑی کا انتظار کر رہی تھی کہ گاڑی میں سوار تین مسلح افراد میرے پاس آئے اور مجھے زبردستی گاڑی میں بٹھانے کی کوشش کی، انہوں نے مجھےہراساں کیا۔ اس وقت بارش ہورہی تھی میرے پاس موبائل فون اور بیگ تھا اور میں اپنی فیملی کا انتظار کر رہی تھی۔ وہ اسلحے کے زور پرمجھے اپنی گاری میں گھسیٹ رہے تھے۔

ادا کارہ کا کہنا تھا کہ میں نے مدد کے لیے لوگوں کو پکارا، مگر کوئی بھی میری مدد کرنے نہیں آیا، میں نے اپنی مدد آپ کے تحت انہیں دھکا دیا اور بھاگنا شروع کر دیا جبکہ قریب موجود افراد میں سے کسی نے مجھے بچانے کی کوشش نہیں کی۔

اداکارہ نے مزید کہا کہ سڑک سے گزرنے والی ایک گاڑی کو روکا اوراس میں موجود فیملی نے اور ہوٹل کے اسٹاف نے میری مدد کی۔

مداحوں، دوستوں اور سوشل میڈیا صارفین نے اس افسوسناک واقعے پر اداکارہ سے ہمدردی کا اظہار کیا ہے اور واقعے میں ملوث افراد کی جلد از جلد گرفتاری کا مطالبہ بھی کیا ہے۔

لاہور : پیٹرن انچیف اپٹما وسابق نگراں وزیر ڈاکٹر گوہر اعجاز نے سوال کیا کہ 24روپے یونٹ والی بجلی صنعت ،عوام کو 60 روپے کیوں بیچی جارہی؟

تفصیلات کے مطابق پیٹرن انچیف اپٹما و سابق نگراں وزیر ڈاکٹر گوہر اعجاز نے گفتگو کرتے ہوئے کہا کہ آج آئی پی پیز پر کانفرنس میں پاکستان کے مستقبل کا فیصلہ کریں گے، سابق وزیر اعظم انوار الحق کاکڑ بھی ہمارےساتھ موجودہونگے،سابق وزیر اعظم آئی پی پیز معاہدوں پر اہم بات کریں گے۔

سابق نگراں وزیر کا کہنا تھا کہ مہنگے ترین آئی پی پیز معاہدے قوم سے ظلم ہے، لاہور ہم اس آڑ میں بدانتظامی نااہلی کرپشن کو سامنے لا رہے ہیں،24روپے یونٹ والی بجلی صنعت ،عوام کو 60 روپے کیوں بیچی جارہی۔

انھوں نے کہا کہ لاہور نیپرا کا کردار انتہائی منفی اور عوام دشمن ہے ، آئی پی پیز معاہدوں پر فوری نظر ثانی نہ کی تو کاروبار بند ہو گا۔

سابق وزیر کا مزید کہنا تھا کہ سرکاری پاور ہاؤسز کو کپیسٹی چارجزبند کئے جائیں اور شرح سود کو فوری سنگل ڈیجیٹ میں لایا جائے۔

گلگت: پاکستان میں بڑھتے ہوئے درجہ حرارت کے باعث موسمیاتی الرٹ جاری کردیا گیا، جس میں کہا ہے گلیشیئر سے بنی جھیلیں بپھرنے کا خدشہ پیدا ہوگیا ہے۔

تفصیلات کے مطابق پاکستان میٹرولوجیکل ڈیپارٹمنٹ نے بڑھتے ہوئے درجہ حرارت کے پیش نظر گلگت بلتستان کیلئے موسمیاتی الرٹ جاری کردیا۔

جس میں کہا ہے کہ 21تا 27 مئی تک گلگت بلتستان اور کےپی میں درجہ حرارت بڑھےگا، درجہ حرارت میں 4 سے 6 ڈگری تک اضافہ ہوگا۔

محکمہ موسمیات کی جانب سے وارننگ جاری کی گئی ہے کہ موسمیاتی صورت حال سے گلیشیئر جھیلوں کے پھٹنے کے امکانات ہے۔

درجہ حرارت بڑھنےسے فلیش فلڈز آنےکےامکانات بڑھ جائیں گے، جبکہ چترال کے علاقوں میں برفانی جھیلیں پھٹنے سے سیلاب آسکتے ہیں۔

محکمہ موسمیات نے ضلعی انتظامیہ،مقامی آبادیوں کو محتاط رہنے کی ہدایت کرتے ہوئے کہا متعلقہ اداروں کو چوکس رہنے کی ضرورت ہے۔

اسلام آباد : پی ٹی آئی رہنماؤں کے بیانات پر سنی اتحاد کونسل کے سربراہ صاحبزادہ حامد رضا پھٹ پڑے اور کہا فضول کی میڈیاپبلسٹی کے لئے بانی پی ٹی آئی کابرانہیں سوچ سکتا۔

تفصیلات کے مطابق سنی اتحاد کونسل کے سربراہ صاحبزادہ حامدرضا نے پی ٹی آئی رہنماؤں کی جانب سے بیانات پر ردعمل دیتے ہوئے کہا کہ پی ٹی آئی کےدوست اپنے معاملات گھرمیں ہی حل کریں تو بہترہے۔

حامدرضا کا کہنا تھا کہ پی ٹی آئی ارکان کی سنی اتحادکونسل میں شمولیت کافیصلہ بانی پی ٹی آئی نےکیاتھا، ارکان کی شمولیت کی میری طرف سےکوئی درخواست نہیں کی گئی تھی۔

سربراہ سنی اتحاد کونسل نے کہا کہ انتخابی نشان سے لے کر مخصوص نشستوں تک میرے پاس بتانے کو بہت کچھ ہے، ٹاک شوز میں باتیں کردیں تو کئی لوگ شکل دکھانے کے قابل بھی نہیں رہیں گے۔

انھوں نے مزید کہا کہ میری کمٹمنٹ بانی پی ٹی آئی کےساتھ ہےاورہمیشہ رہےگی، میں فضول کی میڈیاپبلسٹی کےلئےبانی پی ٹی آئی کابرانہیں سوچ سکتا، ہدایات لےکرپھوٹ مت ڈلوائیں۔