Tag: .

واشنگٹن : عالمی مالیاتی فنڈ (آئی ایم ایف) کی ایم ڈی کرسٹالینا جارجیوا نے پاکستان کے ساتھ معاہدے کا اشارہ دیتے ہوئے کہا کہ کہ پاکستان کے ساتھ ڈیل کے بہت قریب ہیں۔

تفصیلات کے مطابق عالمی مالیاتی فنڈ (آئی ایم ایف) کی ایم ڈی کرسٹالینا جارجیوا نے بلومبرگ سے بات چیت کرتے ہوئے کہا کہ پاکستان مشکل وقت میں پروگرام پر قائم ہے تاہم پاکستان کے ساتھ ڈیل کے قریب ہے۔

کرسٹالینا جارجیوا کا کہنا تھا کہ معیشت کا جائزہ لینے کیلئےآئی ایم ایف ٹیم پاکستان کا دورہ کر رہی ہے، پاکستان کو700 ملین ڈالر کا قرضہ منظوری کے بعدجاری ہو گا۔

خیال رہے پاکستان اورآئی ایم ایف میں پالیسی سطح مذاکرات کاآج آخری راؤنڈ ہوگا، پاکستان اور آئی ایم ایف کا تقریباً تمام نکات پر اتفاق ہوگیا اور پاکستان آئی ایم ایف مذاکرات کامیابی سے قریب تر پہنچ گئے۔

ذرائع نے بتایا کہ بجلی سبسڈی سے متعلق پاکستان اور آئی ایم ایف میں پالیسی مذاکرات بھی کامیاب ہوگئے ہیں ، جس کے تحت نگران حکومت بجلی کا بنیادی ٹیرف نہیں بڑھائے گی، مارچ تک بجلی کے بنیادی ٹیرف میں کوئی اضافہ نہیں ہوگا۔

ذرائع کے مطابق آئی ایم ایف نے سرکلر ڈیٹ کابوجھ کم کرنے کیلئے عارضی سرچارج لگانے کا مطالبہ کردیا ہے۔

مذاکرات کی کامیابی پر پاکستان اورآئی ایم ایف میں اسٹاف سطح معاہدہ ہوگا ، جس کے تحت پاکستان کوتقریباً 70کروڑڈالرز کی دوسری قسط ملے گی۔

اسلام آباد : خصوصی عدالت نے آفیشل سیکرٹ ایکٹ کے تحت درج سائفر گمشدگی کے مقدمے میں شاہ محمودقریشی کو 4 روزہ جسمانی ریمانڈ پر ایف آئی اے کے حوالے کردیا۔

تفصیلات کے مطابق اسلام آباد میں قائم ہونے والی آفیشل سیکرٹ ایکٹ مقدمے کی خصوصی عدالت میں ان کیمرہ سماعت کا آغاز ہوگیا۔

پی ٹی آئی کے وائس چیئرمین شاہ محمود قریشی کو سائفر گمشدگی کیس میں خصوصی عدالت میں پیش کردیاگیا ، انسداددہشتگردی عدالت کے جج ابوالحسنات ذوالقرنین نے سماعت کی۔

ایف آئی اے وکیل نے شاہ محمود قریشی کے جسمانی ریمانڈ کی استدعا کرتے ہوئے کہا کہ سائفرسےمتعلق دستاویزکی برآمدگی کیلئےجسمانی ریمانڈدرکارہے۔

وکیل شعیب شاہین نے دلائل کا آغاز کرتے ہوئے شاہ محمود قریشی کے جسمانی ریمانڈ کی مخالفت کردی، دلائل کے بعد خصوصی عدالت نے شاہ محمود قریشی کےجسمانی ریمانڈ کی استدعا پر فیصلہ محفوظ کرلیا۔

وکیل بیرسٹر گوہر نے بتایا کہ ایف آئی اے نے شاہ محمود قریشی کے 13 روزہ جسمانی ریمانڈ کی استدعا کی ، بعد ازاں پولیس شاہ محمود قریشی کو عدالت سے واپس لے کر روانہ ہوگئی۔

بعد ازاں آفیشل سیکرٹ ایکٹ کےتحت قائم عدالت نے شاہ محمود قریشی کے جسمانی ریمانڈ پر محفوظ فیصلہ سنادیا، عدالت نے شاہ محمود قریشی کا 4 روزہ جسمانی ریمانڈ منظورکرلیا۔

یاد رہے گذشتہ روز سائفر کیس میں شاہ محمود قریشی کو گرفتار کرکے عدالت میں پیش کیا گیا تھا، جہاں عدالت نے پی ٹی آئی کےوائس چیئرمین کو ایک روزہ جسمانی ریمانڈ پرایف آئی اے کے حوالے کیا تھا۔

دوران سماعت ایف آئی اے کی جانب سے شاہ محمود قریشی کے چودہ روزہ جسمانی ریمانڈ کی استدعا کی گئی تھی۔

عدالت کی جانب سے تحریری فیصلے میں کہا گیا تھا کہ ملزم پرآفیشل سیکرٹ ایکٹ اورتعزیرات پاکستان کی دفعہ34کےتحت مقدمہ درج ہے اور قانون کے مطابق جسمانی دینے کا اختیار خصوصی عدالت کو ہے۔

تحریری فیصلے میں کہنا تھا کہ تفتیشی افسر ملزم کا میڈیکل کروائیں اور 21 اگست کو ملزم کو خصوصی عدالت میں پیش کریں اور ملزم کےجسمانی ریمانڈسےمتعلق استدعاخصوصی عدالت کےسامنے رکھیں۔

اسلام آباد : پاکستان نے تاریخ میں پہلی بار حج کوٹہ سعودی عرب کوواپس کردیا، کم درخواستیں موصول ہونے پر حج کوٹہ واپس کرنا پڑا۔

تفصیلات کے مطابق پاکستان کی تاریخ میں پہلی بارحج کوٹہ سعودی عرب کوواپس کر دیا گیا ، وزارت مذہبی امور نے بتایا کہ سرکاری اسکیم کا 8 ہزارعازمین کو ملنے والا حج کوٹہ واپس کردیا ہے۔

وزارت کا کہنا تھا کہ کم درخواستیں موصول ہونےپر حج کوٹہ واپس کرنا پڑا، حج کوٹہ واپس نہ کیا جاتا تو رہائش گاہوں کے کرایہ و دیگر اخراجات کی مد میں 24 ملین ڈالرز ادا کرنے پڑتے۔

مذہبی امور نے مزید بتایا کہ حج کوٹے کی واپسی کا فیصلہ وفاقی کابینہ نےکیا، مہنگے حج کے سبب متعددپاکستانی درخواستیں ہی نہیں دے سکے۔

یاد رہے رواں سال حج کے لیے پاکستان کا کوٹہ ایک لاکھ 79 ہزار افراد کا تھا، پاکستان کا رواں سال سرکاری حج اسکیم کا مجموعی کوٹہ 79 ہزار 600 ہے، جب کہ اسپانسر شپ کے تحت کوٹہ 43 ہزار تھا۔

اسپانسر شپ کے تحت صرف 6 ہزار درخواستیں موصول ہوئی ہیں، جب کہ ریگولر اسکیم میں 43 ہزار کے کوٹے میں 30 ہزار سے زائد درخواستیں موصول ہوئیں، مجموعی طور پر 86 ہزار کے کوٹے میں صرف 36 ہزار سے زائد درخواستیں موصول ہوئیں۔