ARYNews.tv | Urdu – Har Lamha Bakhabar

Tag: 5G technology

  • 5 جی ٹیکنالوجی 10 ماہ میں متعارف کرانے کے ہدف پر ٹیلی کام انڈسٹری کا رد عمل

    5 جی ٹیکنالوجی 10 ماہ میں متعارف کرانے کے ہدف پر ٹیلی کام انڈسٹری کا رد عمل

    ٹیلی کام انڈسٹری نے 10 ماہ میں 5 جی ٹیکنالوجی متعارف کرانے کا ہدف مسترد کر دیا ہے۔

    ذرائع ٹیلی کام انڈسٹری کے مطابق نگراں حکومت نے 10 ماہ میں فائیو جی ٹیکنالوجی متعارف کرانے کا ہدف رکھا ہے، تاہم ٹیلی کام صنعت نے یہ ہدف مسترد کر دیا ہے۔

    ذرائع نے بتایا کہ معاشی چیلنجز اور زرمبادلہ کی دستیابی میں مشکلات 5 جی ٹیکنالوجی کی راہ میں رکاوٹ ہے، موجودہ حالات اور زرمبادلہ کے مسائل کی وجہ سے فائیو جی ٹیکنالوجی کا آغاز ممکن نہیں ہے۔

    ذرائع کے مطابق درآمدات پر پابندی کی وجہ سے ٹیلی کام نیٹ ورک کی اپ گریڈیشن بھی شدید متاثر ہے، فائیو جی کے لیے اربوں ڈالرز کے آلات کی درآمد کرنا مشکل ہے۔

    پاکستان کی تقریباً آدھی آبادی انٹرنیٹ استعمال نہیں کرتی، ملک کی 20 فی صد آبادی ٹیلی کام سروسز سے ہی محروم ہے، 5 جی ٹیکنالوجی استعمال کرنے والے اسمارٹ فونز کی تعداد بھی ایک فی صد سے بھی کم ہے، اور 5 جی اسمارٹ فون کی کم سے کم قیمت 250 ڈالر ہے جو بیش تر پاکستانیوں سے دور ہے۔

    کیا نئے آئی فون کی رونمائی نئے چارجر کے ساتھ ہوگی؟

    ٹیلی کام انڈسٹری کا مؤقف ہے کہ 5 جی ٹیکنالوجی سے قبل ٹیلی کام شعبے کو موجودہ سنگین مسائل کے حل کی ضرورت ہے۔

  • پاکستان میں 5 جی ٹیکنالوجی کے استعمال کے حوالے سے اہم خبر

    پاکستان میں 5 جی ٹیکنالوجی کے استعمال کے حوالے سے اہم خبر

    پشاور : وزیر سائنس و ٹیکنالوجی خیبر پختونخواہ عاطف خان کا کہنا ہے کہ پاکستان میں5جی ٹیکنالوجی استعمال کرنےکی کوشش کی جارہی ہے ، 5 جی ٹیکنالوجی کی اسپیڈ 10گنا زیادہ ہوگی۔

    تفصیلات کے مطابق وزیر سائنس و ٹیکنالوجی خیبر پختونخواہ عاطف خان نے اپنے بیان میں کہا ہے کہ ٹیکنالوجی سےمیڈیکل اوردوسرےشعبوں میں آسانیاں پیدا کررہے ہیں، 5جی کے استعمال سے متعلق منفی تاثر دیا جاتا ہے جو کہ بے بنیاد ہے۔

    عاطف خان کا کہنا تھا کہ پاکستان میں5 جی ٹیکنالوجی استعمال کرنے کی کوشش کی جارہی ہے ، 5جی ٹیکنالوجی کی اسپیڈ 10گنا زیادہ ہوگی۔

    صوبائی وزیر سائنس و ٹیکنالوجی نے مزید کہا کہ ، 40 کنال پرمشتمل پشاورمیں ڈیجیٹل کمپلیکس اور مردان میں اسپیشل اکنامک زون بنایاجائےگا جبکہ سوات میں آئی ٹی پارک کی تعمیربھی منصوبوں میں شامل ہیں۔

    گذشتہ روز وزارت آئی ٹی کے تحت بنوں میں ملک کا 20 واں سافٹ ویئر ٹیکنالوجی پارک قائم کیا گیا ، پارک بنوں یونیورسٹی آف سائنس و ٹیکنالوجی میں خیبر پختونخواہ آئی ٹی بورڈ کے اشتراک سے قائم کیا گیا۔

    اس حوالے سے پاکستان سافٹویئر ایکسپورٹ بورڈ، خیبرپختونخواہ آئی ٹی بورڈ اور یونیورسٹی آف سائنس اینڈ ٹیکنالوجی بنوں کے مابین مفاہمتی یاداشت پر دستخط کیئے گئے۔

  • 5 جی ٹیکنالوجی اور سستے موبائل فونز ، پاکستانی صارفین کیلئے بڑی خوشخبری

    5 جی ٹیکنالوجی اور سستے موبائل فونز ، پاکستانی صارفین کیلئے بڑی خوشخبری

    اسلام آباد : وفاقی وزیر برائے انفارمیشن ٹیکنالوجی امین الحق کا کہنا ہے کہ پاکستان میں موبائل فون بنناشروع ہورہےہیں اور 22 دسمبر 2022 تک فائیو جی کو لانچ کیا جائے گا۔

    تفصیلات کے مطابق چترال اپر اور لوئر دیر براڈبینڈ انٹرنیٹ سے متعلق معاہدے پر دستخط کی تقریب کا انعقاد کیا گیا ، تقریب میں یو ایس ایف اوروزارت آئی ٹی نے معاہدے پر دستخط کیے۔

    معاون خصوصی زلفی بخاری نے تقریب سے خطاب کرتے ہوئے کہا میں یونی سیف اور وزرات آئی ٹی کا مشکور ہوں ، چترال میں فائیو اسٹار ہوٹل بننے جارہا ہے ، انٹرنیٹ کی وسعت سے ٹورازم کو بھی فروغ ملے گا۔

    زلفی بخاری کا کہنا تھا کہ رابطےسے چترال لوئر اور اپر دیر میں بھی حالات بہتر ہونگے، ٹورازم آفس کےلیے بھی کوشش ہے کہ آفس کھلے ماحول میں بنیں، خواہش تھی 26 سائٹ کھلیں اور سیاحتی سرگرمیاں فراہم کریں۔

    اس موقع پر وفاقی وزیر برائے انفارمیشن ٹیکنالوجی امین الحق نے کہا کہ وزیراعظم کاوژن ڈیجیٹل پاکستان ہے اسی کو لے کر آگے بڑھ رہے ہیں ، چترال لوئر اور اپر دیر میں براڈ بینڈ انٹرنیٹ کا1.3 بلین کا پراجیکٹ ہے۔

    امین الحق کا کہنا تھا کہ شمالی بلوچستان میں بھی انٹرنیٹ کے مسائل پر کام جاری ہے وزارت کی پالیسی ہے کہ جہاں پر سیاحت ہے وہاں انٹرنیٹ موجود ہوگا۔

    وفاقی وزیر نے کہا کہ اسلام آباد میں ٹیکنالوجی زون تیار ہے ،آئندہ ہفتے وزیراعظم گراؤنڈ بریکنگ کریں گے، 22 دسمبر 2022 تک فائیو جی کو لانچ کیا جائے گا ، خواہش ہے وزیراعظم عمران کی موجودگی میں پاکستان میں فائیو جی آئے ،امین الحق

    ان کا کہنا تھا کہ پاکستان میں موبائل فون بنناشروع ہورہےہیں ہمارا وژن ہے کہ ہر شہری کے ہاتھ میں سستا موبائل فون ہو۔

  • پاکستان میں 5 جی ٹیکنالوجی لانے کے لیے کام کررہے ہیں: خالد مقبول صدیقی

    پاکستان میں 5 جی ٹیکنالوجی لانے کے لیے کام کررہے ہیں: خالد مقبول صدیقی

    اسلام آباد: انفارمیشن ٹیکنالوجی کے وفاقی وزیر خالد مقبول صدیقی نے کہا ہے کہ ملک میں 5 جی ٹیکنالوجی لانے کے لیے کام کررہے ہیں.

    ان خیالات کا اظہار انھوں نے پاکستان اسپورٹس بورڈ میں تقریب سے خطاب کرتے ہوئے کیا.

    خالد مقبول صدیقی کا کہنا تھا کہ چھوٹے ادارے قومی ادارے بنانے میں کردار ادا کرتے ہیں، جو قومیں کھیلوں میں آگے ہوں وہ عالمی سطح پرنام روشن کرتی ہیں.

    وفاقی وزیر نے کہا کہ پاکستان میں ہرسطح پربے پناہ ٹیلنٹ موجود ہے، پاکستان کو ڈیجیٹل کرنا ہمارا خواب ہے، پاکستانیوں کوعالمی معیار کی تعلیم دینے پرکام کر رہے ہیں.

    خالدمقبول صدیقی کا کہنا تھا کہ ڈیجیٹل اور شارٹ کورسز پرمنصوبہ بندی جاری ہے، براڈ بینڈ اور کلاؤڈ کی توسیع پر کام جاری ہے، جلد اس ضمن میں پیش رفت ہوگی.

    وفاقی وزیرخالدمقبول صدیقی نے کہا کہ اسمارٹ فون کی مینوفیکچرنگ کی پاکستان میں اشد ضرورت ہے، ساتھ ہی 5 جی ٹیکنالوجی پاکستان لانے کے لیے بھی مصروف عمل ہیں.

    مزید پڑھیں: پندرہ فروری کے بعد تمام غیر رجسٹرڈ موبائل فون بلاک کردئیے جائیں گے

    .خیال رہے کہ 5 جی  سیلولر کمیونیکشن ٹیکنالوجی کے میدان میں جدید اور تیز ترین ٹیکنالوجی ہے

    یاد رہے کہ خالد مقبول صدیقی ایم کیو ایم پاکستان کے کنوینر ہیں، وہ این اے255 سے رکن قومی اسمبلی منتخب ہوئے. پی ٹی آئی سے اتحاد کے بعد انھوں نے وفاقی وزیر برائے انفارمیشن ٹیکنالوجی کا منصب سنبھالا.