راولپنڈی : سال 1965کی جنگ کے موقع پر بھارت میں چار دہائیوں تک قیدی بنائے گئے پاک فوج کے بہادر سپاہی مقبول حسین کا آج 5واں یوم وفات منایا جا رہا ہے۔
تاریخ گواہ ہے کہ وطن سے محبت اورعقیدت میں ہمارے فوجی جوانوں کا کوئی ثانی نہیں، ایسی ہی بےمثال جرات اور بہادری کی لازوال داستان سپاہی مقبول حسین کی ہے، سپاہی مقبول حسین کا تعلق آزاد کشمیر کےعلاقےتراڑکھل سے تھا اور وہ چارآزاد کشمیر رجمنٹ میں شامل تھے۔
سال 1965کی جنگ میں زخمی حالت میں سپاہی مقبول حسین کو بھارتی فوج نے گرفتارکرلیا تھا۔ دوران قید بھارتی فوج نے اپنا بغض نکالتے ہوئے سپاہی مقبول حسین پر بدترین ذہنی اور جسمانی تشدد کیا اورپاکستان مردہ باد کہلوانے پرمجبورکرتی رہی۔
سپاہی مقبول حسین کے مسلسل انکار پربھارتی فوج نے ان کی زبان کاٹ ڈالی جس کے بعد وہ بولنے کی صلاحیت سےمحروم ہوگئے اور ذہنی طور پر بھی معذور ہوگئے۔ چار دہائیوں تک سپاہی مقبول حسین بھارتی قید میں رہنے کے بعد سترہ ستمبر دوہزار پانچ کو واہگہ بارڈر پرقیدیوں کے تبادلے میں رہا ہوئے۔
سپاہی مقبول حسین کو 2008کو حکومت پاکستان نے ستارہ جرات سے نوازا، 28اگست 2018 کو اٹک کے مقام پر سپاہی مقبول حسین کی وفات ہوئی، ان کو 29 اگست کو مکمل فوجی اعزاز کے ساتھ سپردخاک کیا گیا۔
پہلی خاتون فائٹر پائلٹ نے 6 مئی 2011 میں پاکستان ایئر فورس کو جوائن کیا اور 24 ستمبر 2014 کو ایئر فورس سے گریجویشن مکمل کی، وہ 132 ویں جی ڈی پائلٹ کورس میں شریک تھیں، انھوں نے پی اے ایف اکیڈمی رسالپور میں فائٹر جیٹ پائلٹ کی تربیت حاصل کی۔
