Tag: 5th one day

ابوظہبی: نیوزی لینڈ نے پاکستان کو آخری اور فیصلہ کن میچ میں اڑسٹھ رنز سے شکست دیکر ون ڈے سیریز جیت لی۔

کیویز نے پاکستانی شاہینوں کو فیصلہ کن معرکہ میں چاروں شانے چت کرتے ہوئے ون ڈے سیریز اپنے نام کرلی، ٹیسٹ اور ٹی ٹوئنٹی ڈرا ہونے کے بعد کیویز نے اڑسٹھ رنز سے کامیابی حاصل کرتے ہوئے ون ڈے سیریز تین دو سےاپنے نام کی۔

کیوی کپتان نے ٹاس جیت کر بیٹنگ کافیصلہ کیا، مارٹن گپٹل کے جلد ہونے کےبعد کین ولیمسن نے بولرز کا ڈٹ کر مقابلہ کیا، راس ٹیلر نے بھی کوئی کسر نہ چھوڑی، کپتان کے ساتھ مل کر ایک سو سولہ رنز کی شراکت قائم کی۔ نیوزی لینڈ نے مقررہ اوورز میں شار وکٹ پر دو سو پچہتر رنز بنائے۔

ہدف کے تعاقب میں قومی ٹیم شروعات سے ہی مشکلات کا شکار رہی، احمد شہزاد اور یونس خان کی ضرورت سے زیادہ محتاط بیٹنگ نے شکست کا گھیرا تنگ کیا، حارث سہیل پینسٹھ اور احمد شہزاد نے چوون رنز کے ساتھ کچھ مزاحمت کرسکے،میٹ کینری کی تباہ کن بولنگ نے بیٹنگ لائن کی دھجیاں بکھیر دی، کینری نے پانچ شاہینوں کا شکار کرکےقومی ٹیم کا ڈبا دو سو سات پر گول کردیا۔

ابوظہبی: نیوزی لینڈ نے پاکستان کو سیریز کے پانچویں اور فیصلہ کن ون ڈے میں جیت کیلئے دو سو چھہتر رنز کا ہدف دیا ہے۔

پانچ میچوں کی سیریز کے آخری میچ میں نیوزی لینڈ نے ٹاس جیت کر بیٹنگ کا آغاز کیا تو اوپنر گپٹل ساتھی بیٹسمین براؤنلی کا زیادہ دیر ساتھ نہ دے سکے اور تیسرے اوور میں 8 رنز بنا کر محمد عرفان کا شکار بنے۔

اس موقع پرکپتان ولیم سن اوربراؤنلی نے 66 رنزکی شراکت داری کی اور ذوالفقار بابر نے 34 رنز پر اوپنر براؤنلی کو پویلین بھیج دیا، تیسری وکٹ کی شراکت داری میں ولیم سن کا ساتھ راس ٹیلر نے دیا جس میں کپتان نے شاندار ففٹی بنائی اور 97 رنز بنا کرپاکستانی کپتان شاہد آفریدی کی گیند پر وکٹ کیپر سرفراز احمد کے ہاتھوں کیچ آؤٹ ہوئے۔

رونچی بھی زیادہ دیر جم کر نہ کھیل سکے اور 16 رنز بنا کر محمد عرفان کی گیند پر شاہد آفریدی آفریدی کے ہاتھوں اپنی وکٹ گنوا بیٹھے جس کے بعد راس ٹیلر نے ٹام لیتھم کے ہمراہ بیٹنگ کا سلسلہ جاری رکھا اور مقررہ پچاس اوورز کے اختتام پر کیویز کا سکور 275 تک لیجانے میں کامیاب رہے۔ٹیلر 88 رنز پرجبکہ لیتھم نے 18گیندوں پر 22رنز بناکر ناٹ آؤٹ رہے۔

 پاکستان کی جانب سے محمد عرفان نے دو جبکہ شاہد آفریدی اور ذوالفقار بابر نے ایک، ایک وکٹ حاصل کی۔