ARYNews.tv | Urdu – Har Lamha Bakhabar

Tag: 6 افراد جاں بحق

  • ہنگومیں مسافر کوچ پر فائرنگ، 6 افراد جاں بحق

    ہنگومیں مسافر کوچ پر فائرنگ، 6 افراد جاں بحق

    پشاور: خیبرپختونخوا کے ضلع ہنگو میں مسافر کوچ پر مسلح افراد کی فائرنگ سے 6 افراد جاں بحق ہوگئے۔

    تفصیلات کے مطابق ہنگو کے علاقے زرگری میں نامعلوم مسلح افراد نے مسافر کوچ پر فائرنگ کی جس کے نتیجے میں 6 افراد جاں بحق اور 4 زخمی ہوگئے۔

    واقعے کی اطلاع ملتے ہی سیکیورٹی اہلکار جائے وقوعہ پر پہنچے، امدادی رضاکاروں نے لاشوں اور زخمیوں کو ڈی ایچ کیو اسپتال منتقل کیا جہاں زخمیوں کی حالت تشویشناک بتائی جارہی ہے۔

    رپورٹ کے مطابق فائرنگ سے ہلاک ہونے والوں میں ایک سال کا بچہ اور خاتون بھی شامل ہیں۔

    پولیس کی بھاری نفری نے علاقے کو گھیرے میں لے لیا اور تحقیقات کا آغاز کردیا گیا ہے، پولیس حکام کا کہنا ہے کہ فائرنگ کا واقعہ ذاتی دشمنی کا نتیجہ ہے، ملزمان کی گرفتاری کے لیے چھاپے مارے جارہے ہیں۔

    واضح رہے کہ رواں سال جنوری میں ہنگو میں قاضی پمپ کے قریب سیکیورٹی فورسز نے کارروائی کرتے ہوئے کالعدم تنظیم کے کمانڈر سمیت 4 دہشت گردوں کو ہلاک کیا تھا۔

  • کراچی میں بارش، کرنٹ لگنے سے 6 افراد جاں بحق

    کراچی میں بارش، کرنٹ لگنے سے 6 افراد جاں بحق

    کراچی: شہر قائد کے مختلف علاقوں میں گرج چمک کے ساتھ بارش کا سلسلہ جاری ہے جبکہ 6 افراد کرنٹ لگنے سے جاں بحق ہوگئے۔

    تفصیلات کے مطابق کراچی میں بارش کے باعث کرنٹ لگنے سے 6 افراد جاں بحق ہوگئے، کرنٹ لگنے کے واقعات کھارادر، اورنگی ٹاؤن، سولجر بازار، منگھوپیر اور کورنگی میں پیش آئے۔

    کراچی میں کئی گھنٹے تک جاری رہنے والی بارش کے باعث شاہراہ فیصل، ڈیفنس، کلفٹن، گلستان جوہر، ایئرپورٹ، نیپا چورنگی، کورنگی، نارتھ ناظم آباد، بہادرآباد، اسٹیڈیم روڈ، لیاقت آباد اور ایف سی ایریا میں مختلف مقامات پر کئی فٹ تک پانی جمع ہوگیا۔

    کراچی میں رات بھرطوفانی بارش نے تباہی مچا دی

    محکمہ موسمیات کے مطابق 24 گھنٹے میں سب سے زیادہ بارش سرجانی ٹاؤن میں 150.6ملی میٹر اور گلشن حدید میں 149 ملی میٹر بارش ریکارڈ کی گئی۔

    یاد رہے کہ گزشتہ روز وقفے وقفے سے شہر کے مختلف علاقوں میں موسلادھار بارش ہوئی تھی جس کی وجہ سے نشیبی علاقوں میں پانی جمع ہوگیا تھا اور کچھ علاقوں میں بجلی بھی منقطع ہوگئی تھی۔

    محکمہ موسمیات کے مطابق بارشوں کا سلسلہ پیر تک جاری رہنے کی توقع ظاہر کی گئی ہے، آج گرج چمک کے ساتھ ہونے والی تیز بارشوں کے سبب اربن فلڈنگ کا بھی خدشہ ہے۔

  • شکارپور میں ٹریفک حادثہ، 6 افراد جاں بحق

    شکارپور میں ٹریفک حادثہ، 6 افراد جاں بحق

    شکارپور: صوبہ سندھ کے شہر شکارپور میں مسافرکوچ اور کار میں تصادم کے نتیجے میں 6 افراد جاں بحق جبکہ 15 سے زائد افراد زخمی ہوگئے۔

    تفصیلات کے مطابق شکارپور میں انڈس ہائی وے پر مسافر کوچ اور کار میں تصادم ہوا جس کے نتیجے میں کار میں سوار 3 خواتین سمیت 6 افراد جان کی بازی ہار گئے جبکہ 15 سے زائد افراد زخمی ہوگئے۔

    پولیس حکام کے مطابق لاشوں اور زخمیوں کو اسپتال منتقل کردیا گیا ہے، زخمیوں کو طبی امداد دی جا رہی ہے۔

    دوسری جانب چمن بائی پاس روڈ پر تیز رفتار آئل ٹینکر دکان میں گھس گیا، حادثے میں دکاندار زخمی ہوگیا۔ حادثے میں ٹینکر میں موجود آئل بہہ گیا، دکان زمین بوس ہوگئی۔

    یاد رہے کہ 9 جون کو صوبہ بلوچستان میں پسنی کوسٹل ہائی وے پر تیز رفتاری کے باعث گاڑی الٹ گئی تھی جس کے نتیجے میں 3 افراد جاں بحق جبکہ 9 افراد زخمی ہوگئے تھے۔

    کوئٹہ قومی شاہراہ پر ہولناک ٹریفک حادثہ، 13 افراد جاں بحق

    واضح رہے کہ 3 جون کو بلوچستان کے شہر ژوب میں کوئٹہ قومی شاہراہ پر قلعہ سیف اللہ کے قریب ٹرک اور وین میں آپس میں ٹکرا گئی تھی جس کے باعث تیرہ افراد جاں بحق ہوئے تھے۔

    پولیس کا کہنا تھا کہ حادثے میں جاں بحق ہونے والے 5افراد کا تعلق ایک ہی خاندان سے ہے، مسافر وین کوئٹہ سے ژوب آرہی تھی۔

  • جہلم: کنویں کی زہریلی گیس سے 6 افراد جاں بحق

    جہلم: کنویں کی زہریلی گیس سے 6 افراد جاں بحق

    جہلم : صوبہ پنجاب کے شہر جہلم میں کنویں کی زہریلی گیس سے باپ، بیٹے سمیت خاندان کے 6 افراد جاں بحق ہوگئے۔

    تفصیلات کے مطابق جہلم کے علاقے دھنیالا میں کنویں کی زہریلی گیس سے باپ اور دو بیٹوں سمیت 6 افراد جان کی بازی ہار گئے۔

    پولیس حکام کے مطابق گھر کے قریب کنویں کے اندر پیٹرانجن چلانے کے لیے نوجوان گیا تو واپس نہ آیا، نوجوان کو بچانے کے لیے مزید 5 لوگ بھی کنویں میں گئے لیکن کوئی بھی واپس نہیں آیا۔

    افسوس ناک حادثے میں جاں بحق ہونے والوں میں محمد اقبال، محمد سلیمان، حیدر علی، محمد آصف، خالد محمود اور عامر شہزاد شامل ہیں۔

    پولیس حکام کے مطابق ریسکیو ٹیم نے تمام لاشوں کو نکال کر ورثا کے حوالے کردیا۔

    جہلم: جی ٹی روڈ پر مسافر وین میں آگ، 8 مسافر جھلس کر جاں بحق

    یا رہے کہ چار روز قبل جہلم میں مسافر وین میں گیس سلینڈر پھٹنے سے آگ بھڑک اٹھی تھی جس کے نتیجے میں 8 مسافر جھلس کر جاں بحق اور دیگر زخمی ہوگئے تھے۔

    آگ لگنے کا واقعہ سوہاوہ کے قریب بکڑالہ پل کے مقام پر گجرانوالہ سے راولپنڈی جانے والی مسافر بس میں پیش آیا تھا جس میں 3 مسافر معجزانہ طور پرمحفوظ رہے۔

  • اٹک میں مکان کی چھت گرنے سے 6 افراد جاں بحق

    اٹک میں مکان کی چھت گرنے سے 6 افراد جاں بحق

    اٹک : صوبہ پنجاب کے شہر اٹک میں مکان کی چھت گرنے سے 2 خواتین سمیت 6 افراد جاں بحق ہوگئے۔

    تفصیلات کے مطابق اٹک کے گاؤں اڑانگ میں مکان کی چھت گرنے سے 4 بچوں سمیت 6 افراد جان کی بازی ہار گئے۔

    افسوس ناک واقعے کی اطلاع ملتے ہی ریسکیو اہلکار جائے وقوعہ پر پہنچے اور حادثے میں جاں بحق ہونے والے افراد کی لاشیں نکال لیں۔

    پولیس حکام کے مطابق جاں بحق افراد کی لاشوں کواسپتال منتقل کردیا گیا ہے، مرنے والوں میں 2 خواتین اور 4 بچے شامل ہیں۔

    لودھراں میں مکان کی چھت گرنے سے 2 افراد جاں بحق

    یاد رہے کہ گزشتہ ماہ لودھراں کے علاقے بستی سرداروالی میں مکان کی چھت گرنے سے ماں اور بیٹی جان کی بازی ہار گئی تھیں۔

    پشین میں مکان کی چھت گرنے سے4 بچے جاں بحق

    واضح رہے کہ 5 فروری 2019 کو بلوچستان میں ضلع پشین کے علاقے یعقوب کالونی میں مکان کی چھت گرنے سے 4 بچے جان کی بازی ہار گئے تھے۔

    پولیس حکام کے مطابق حادثے میں جاں بحق ہونے والے بچوں کا تعلق ایک ہی خاندان سے تھا۔

  • صومالیہ کی سرکاری عمارت پر خودکش دھماکا، 6 افراد جاں بحق

    صومالیہ کی سرکاری عمارت پر خودکش دھماکا، 6 افراد جاں بحق

    موگاڈیسو : صومالی دارالحکومت کے ہوڈان ڈسٹرکٹ میں خودکش حملہ آور نے بارود سے بھری گاڑی سرکاری عمارت سے ٹکرا دی، جس کے باعث 6 افراد جاں بحق جبکہ 16 زخمی ہوگئے۔

    تفصیلات کے مطابق براعظم افریقہ کے ملک صومالیہ کے دارالحکومت موگاڈیسو میں پیر کے روز ڈسٹرکٹ ہوڈان کے سرکاری دفتر کی عمارت میں خودکش کار بم دھماکے کے نتیجے میں 6 افراد جاں بحق ہوگئے۔

    واقعے کے عینی شاہدین کا کہنا ہے کہ زور دار دھماکے کے باعث شہر بھر میں دھوئیں کے بادل چھا گئے۔

    ایمبولینس سروس کے ڈائریکٹر عبد القادر کا کہنا ہے کہ ’ہنگامی خدمات انجام دینے والی ٹیموں نے 6 افراد کی لاشیں اٹھائی ہیں جبکہ افسوس ناک حادثے میں 16 افراد زخمی ہوئے ہیں۔

    موگاڈیسو سیکیورٹی فورس کے ترجمان کا کہنا ہے کہ خودکش حملہ آور  نے بارود سے بھری ہوئی گاڑی ہوڈان ڈسٹرکٹ کی سرکاری عمارت کے مرکزی دروازے سے ٹکرا دی جس کے باعث زور دار دھماکا ہوا۔

    غیر ملکی خبر رساں اداورں کی جانب سے لی جانے والی تصاویر میں دیکھا جاسکتا ہے کہ ہوڈان ڈسٹرکٹ آفس کی عمارت دھماکے کے نتیجے میں مکمل طور ہر تباہ ہوچکی ہے۔

    واقعے کے عینی شاہد حسین عثمان نے میڈیا کو بتایا کہ میں ایک تیز رفتار گاڑی کو سرکاری دفتر میں مرکزی دروازے سے ٹکراتے دیکھا جس کے بعد روز دار دھماکے کی آواز سنائی دی اور عمارت زمین بوس ہوگئی۔

    صومالی حکام کا کہنا ہے کہ فی الحال کسی بھی دہشت گرد تنظیم نے خودکش دھماکے کی ذمہ داری قبول نہیں کی۔

    یاد رہے کہ گذشتہ ہفتے صومالی دارالحکومت میں ایک اور سرکاری عمارت کو خودکش دھماکا اور اندھا دھند فائرنگ کا نشانہ بنایا گیا تھا جس کے نتیجے میں دو بچوں سمیت 6 افراد جاں بحق ہوئے تھے، جس کی ذمہ داری شدت پسند تنظیم الشباب نے قبول کی تھی۔

  • حب : اوتھل زیروپوائنٹ پرکوچ اور ٹرک میں تصادم‘ 6 افراد جاں بحق

    حب : اوتھل زیروپوائنٹ پرکوچ اور ٹرک میں تصادم‘ 6 افراد جاں بحق

    حب : صوبہ بلوچستان کے شہر اوتھل کے قریب کوچ اور ٹرک میں تصادم کے نتیجے میں 6 افراد جاں بحق جبکہ متعدد افراد زخمی ہوگئے۔

    تفصیلات کے مطابق بلوچستان کے شہراوتھل کے قریب کوئٹہ سے کراچی آنے والی کوچ اور ٹرک میں تصادم ہوا جس کے نتیجے میں 6 افراد جان کی بازی ہارگئے۔

    پولیس حکام کے مطابق حادثہ اوتھل کے قریب سی ڈی شاہراہ پرزیروپوائنٹ کے قریب پیش آیا، حادثے میں زخمی ہونے والے افراد کو طبی امداد کے لیے اسپتال منتقل کردیا گیا۔

    دوسری جانب وزیراعلیٰ بلوچستان عبدالقدوس بزنجو نے حادثے میں زخمی ہونے والے افراد کو طبی امداد فراہم کرنے کی ہدایت کی ہے۔

    حیدرآباد: ہوسڑی میں ٹریفک حادثہ ‘ 10 افراد جاں بحق

    خیال رہے کہ گزشتہ ماہ 12 فروری کو ٹنڈو محمد خان روڈ پر ہوسڑی کے قریب تیز رفتار ٹرک اور وین کے درمیان ہونے والے تصادم کے باعث 10 افراد جان کی بازی ہارگئے تھے۔

    پولیس حکام کے مطابق حادثے میں 9 خواتین سمیت 10 افراد جاں بحق ہوئے ہیں، خواتین نجی کمپنی کی سیلز ویمن تھیں۔

    جامشورومیں انڈس ہائی وے پرٹریفک حادثہ‘ 10 افراد جاں بحق

    یاد رہے کہ گزشتہ برس 24 دسمبر کو صوبہ سندھ میں جامشورو کے قریب انڈس ہائی وے پروین اور دو مسافربسوں میں تصادم کے نتیجے میں 10 افراد جاں بحق ہوگئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • وزیرآباد : مسافروین اوربس میں تصادم‘ 6 افراد جاں بحق

    وزیرآباد : مسافروین اوربس میں تصادم‘ 6 افراد جاں بحق

    گوجرانوالہ : صوبہ پنجاب کے شہر وزیرآباد میں مسافروین اور بس میں تصادم کے نتیجے میں 6 افراد جاں بحق جبکہ 10 افراز زخمی ہوگئے۔

    تفصیلات کے مطابق وزیرآباد میں مسافر وین اور بس میں تصادم کے باعث 6 افراد جان کی بازی ہار گئے جبکہ 10 افراد زخمی ہوگئے۔

    حادثے میں زخمی ہونے والے افراد کو طبی امداد کے لیے قریبی اسپتال منتقل کردیا گیا ہے جہاں انہیں طبی امداد دی جارہی ہے۔

    پولیس حکام کا کہنا ہے کہ حادثے میں جاں بحق افراد کی لاشوں کو تحویل میں لے کر اسپتال منتقل کردیا گیا ہے جہاں قانونی کارروائی کے بعد لاشوں کو ورثا کے حوالے کردیا جائے گا۔

    حیدرآباد: ہوسڑی میں ٹریفک حادثہ ‘ 10 افراد جاں بحق

    خیال رہے کہ گزشتہ روز ٹنڈو محمد خان روڈ پر ہوسڑی کے قریب تیز رفتار ٹرک اور وین کے درمیان ہونے والے تصادم کے باع 10 افراد جان کی بازی ہارگئے تھے۔

    حادثے میں 9 خواتین سمیت 10 افراد جاں بحق ہوئے ہیں، خواتین نجی کمپنی کی سیلز ویمن تھیں۔

    جامشورومیں انڈس ہائی وے پرٹریفک حادثہ‘ 10 افراد جاں بحق

    یاد رہے کہ گزشتہ برس 24 دسمبر کو صوبہ سندھ میں جامشورو کے قریب انڈس ہائی وے پروین اور دو مسافربسوں میں تصادم کے نتیجے میں 10 افراد جاں بحق ہوگئے تھے۔

  • باجوڑ ایجنسی میں گھر کی چھت گرنے سے6 افراد جاں بحق

    باجوڑ ایجنسی میں گھر کی چھت گرنے سے6 افراد جاں بحق

    پشاور : باجوڑ ایجنسی کے علاقے خار میں گھر کی چھت گرنے سے 6 افراد جاں بحق جبکہ پانچ زخمی ہوگئے۔

    تفصیلات کے مطابق پولیٹکل اتظامیہ کا کہنا ہے کہ باجوڑایجنسی کی تحصیل خارمیں صبح کے وقت ابراہیم نامی شخص کے گھرکی چھت گرنے سے ایک ہی خاندان کے6 افراد جاں بحق جبکہ پانچ زخمی ہوگئے

    واقعے کے بعد مقامی لوگوں نے اپنی مدد آپ کے تحت امدادی سرگرمیاں سرانجام دی، ملبے تلے دبے زخمیوں کونکال کرمقامی اسپتال منتقل کیا جہاں پراب ان کی حالت خطرے سے باہرہے۔

    پولیٹیکل انتظامیہ نے 7 افراد کے جاں بحق ہونے کی تصدیق کی ہے جن میں بچے اور خواتین بھی شامل ہیں جبکہ پانچ افراد زخمی ہیں۔

    وزیراعلیٰ پنجاب شہبازشریف نے چھت گرنے سے 6 افراد کے جاں بحق ہونے پر اظہار افسوس کیا ہے اور جاں بحق افراد کے اہل خانہ سے تعزیت کی ہے۔

    سوات میں مکان کی چھت گرنے سے 3افراد جاں بحق

    یاد رہے کہ رواں سال 23 مئی کو صوبہ خیبرپختونخواہ کے علاقے سوات میں مکان کی چھت گرنے سے ایک ہی خاندان کے 3 افراد جاں بحق ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • سرگودھا میں پہاڑی تودہ گرنے سے6 مزدورجاں بحق

    سرگودھا میں پہاڑی تودہ گرنے سے6 مزدورجاں بحق

    سرگودھا: سرگودھا کے نواحی علاقے میں پہاڑی تودہ گرنے سے 6 مزدور جاں بحق جبکہ 2 کو زخمی حالت میں باہر نکال لیا گیا۔

    تفصیلات کے مطابق سرگودھا کے نواحی علاقے 126 جنوبی میں پہاڑوں پر پتھر کی کرشنگ میں مصروف تھے کہ اچانگ پہاڑی تودہ ان پر آگر جس کے نتیجے میں 6 مزدور جان کی بازی ہار گئے جبکہ 2 زخمی ہوگئے۔

    حادثے کی اطلاع ملتے ہی ریسکیو ٹیمیں جائے وقوعہ پر پہنچیں اورپہاڑی تودے کے نیچے دب کر جاں بحق ہونے والے 6 مزدوروں کی لاشیں نکال لیں جبکہ 2 مزدوروں کو زخمی حالت میں نکالا گیا اور طبی امداد کے لیے اسپتال منتقل کردیا گیا۔

    دوسری جانب وزیراعلیٰ پنجاب شہبازشریف نے سرگودھا میں مزدوروں کے جاں بحق ہونے پرافسوس کا اظہار کرتے ہوئے واقعے کی رپورٹ طلب کرلی۔

    شہبازشریف نے حادثے میں زخمی ہونے والے مزدوروں کو بہترین طبی سہولیات فراہم کرنے کی بھی ہدایت کی۔

    سرگودھا:موٹروے انٹرچینج کے قریب ٹریفک حادثہ،5 افرادجاں بحق

    واضح رہے کہ رواں برس 29 جون کو سرگودھا میں موٹر وے انٹر چینج کے قریب ٹریفک حادثہ کے نتیجے میں پانچ افراد جاں بحق جبکہ آٹھ زخمی ہوگئے تھے، جاں بحق ہونے والوں میں دوخواتین اور تین بچے شامل تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں