ARYNews.tv | Urdu – Har Lamha Bakhabar

Tag: 6 افراد جاں بحق

  • کراچی: مکان کی چھت گرنے سے خاتون، بچوں سمیت 6 افراد جاں بحق

    کراچی: مکان کی چھت گرنے سے خاتون، بچوں سمیت 6 افراد جاں بحق

    کراچی: مکان کی چھت گرنے سے خاتون اور بچوں سمیت 6 افراد جاں بحق ہوگئے، اندوہناک واقعے میں 4 افراد زخمی بھی ہوئے۔

    تفصیلات کے مطابق کراچی کے علاقے گلشن معمار افغان بستی میں افسوسناک واقعہ پیش آیا ہے جہاں مکان کی چھت گرنے سے وہاں موجود 6 افراد موت کے منہ میں چلے گئے، مرنے والوں میں خاتون اور بچے بھی شامل ہیں۔

    کراچی: لیاری میں مکان کی چھت گر گئی، 2 افراد جاں بحق

    پولیس نے بتایا کہ چھت گرنے سے 5 خاتون، بچوں سمیت 6 افراد جاں بحق ہوئے، حادثے کی شکار فیملی کا تعلق بنوں سے ہے۔

    ریسکیو حکام نے بتایا کہ لاشیں نجی اسپتال سے عباسی شہید اسپتال منتقل کی جارہی ہیں، پولیس نے بتایا کہ حادثے کی مزید معلومات حاصل کی جارہی ہیں۔

    پولیس نے بتایا کہ لینٹرکی چھت کو مضبوط کرنے کیلئے کام جاری تھا، گھر کی چھت ریتی بجری کا وزن برداشت نہیں کرسکی، جاں بحق اور زخمی تمام افراد کا تعلق ایک ہی خاندان سے ہے.

    ریسکیوحکام نے بتایا کہ متاثرہ فیملی اپنے ماموں کے گھر ٹھہرنے آئی تھی، جاں بحق بچیوں میں 7 سال کی ایشل، 8 سال کی نسرین، 7 سال کی عائشہ شامل ہے، حادثے کے 4 زخمیوں کو طبی امداد فراہم کی جارہی ہے۔

    علاقہ مکین نے بتایا کہ گھر میں تعمیراتی کام جاری تھا اس دوران حادثہ پیش آیا، چھت گرنے سے گھر میں موجود لوگ ملبے تلے دب گئے تھے۔
    https://urdu.arynews.tv/bannu-2-women-died-roof-collapsed-due-to-lightning/

  • ٹرالر اور وین میں تصادم، 6 افراد جاں بحق

    ٹرالر اور وین میں تصادم، 6 افراد جاں بحق

    سندھ کے شہر نوشہروفیروز میں ٹرالر اور وین میں خوفناک تصادم کے باعث 6 افراد جاں بحق اور 15 زخمی ہوگئے۔

    تفصیلات کے مطابق نوشہروفیروز میں ایک افسوسناک واقعہ پیش آیا ہے جہاں ٹریفک حادثے نے 6 افراد کی جان لے لی جبکہ 15 افراد زخمی ہوگئے۔

    پولیس کا کہنا ہے کہ حادثہ قومی شاہراہ پر چار میل کے قریب پیش آیا، زخمیوں کو مورو اور نوابشاہ کے اسپتالوں میں منتقل کردیا گیا، وین سوار حیدر آباد سے شادی کی تقریب سے واپس آرہے تھے۔

    دوسری جانب، پنجاب کے ضلع جھنگ میں گڑھ موڑ کے قریب ہائی روف اور ٹریکٹر ٹرالی میں تصادم کے نتیجے میں 12 افراد زخمی ہوگئے۔

    پولیس ذرائع کے مطابق حادثہ ہائی روف کے بریک فیل ہونے کے باعث پیش آیا، تمام زخمیوں کا تعلق ایک ہی خاندان سے ہے۔

    پولیس کے مطابق ہائی روف فیصل آباد سے فتح پور جارہی تھی، حادثے میں زخمی ہونے والے تمام افراد کو اسپتال منتقل کردیا گیا ہے۔

    اس سے قبل لونی کوٹ کے مقام پر رات درمیانی شب ٹرالر اور مسافر وین میں تصادم ہوا تھا، جس کے نتیجے میں 3 مسافرجاں بحق اور 14 زخمی ہو گئے تھے۔

    پولیس نے بتایا تھا کہ حادثہ تیز رفتاری کے باعث پیش آیا، مزید کہا تھا کہ تمام زخمیوں کو جامشورو اسپتال منتقل کر دیا گیا ہے، 3 افراد کی حالت تشویش ناک ہے۔

    بعد ازاں، پولیس نے بتایا  تھا کہ مقام ٹریفک حادثے کے مزید 3 زخمی دم توڑ گئے، جس کے بعد جاں بحق افراد کی تعداد 6 ہوگئی۔

  • شادی کی تقریب میں فائرنگ، 6 افراد جاں بحق، متعدد زخمی

    شادی کی تقریب میں فائرنگ، 6 افراد جاں بحق، متعدد زخمی

    لکی مروت میں رات گئے شادی کی تقریب میں فائرنگ کا واقعہ پیش آیا ہے، جس کے باعث 6افراد جاں بحق، متعدد زخمی ہوگئے۔

    اے آر وائی نیوز کے مطابق پولیس کا کہنا ہے کہ فائرنگ کے واقعے میں جاں بحق اور زخمیوں کو اسپتال منتقل کردیا گیا ہے، جبکہ واقعہ کی تحقیقات شروع کردی گئی ہیں۔

    اس سے قبل پنجاب کے شہر چکوال میں منوال پیپر ملز میں زہریلی گیس سے 4 مزدور جاں بحق ہو گئے۔

    ریسکیو حکام کے مطابق چکوال میں واقع منوال پیپر ملز کے اندر چار مزدور صفائی کرتے ہوئے 8 فٹ گہرے ٹینک میں گر گئے، جس سے وہ جاں بحق ہو گئے۔

    سکیورٹی فورسز کا پشین میں آپریشن، 3 دہشتگرد ہلاک

    جاں بحق ہونے والے مزدوروں کے نام عامر، ذیشان، محمد ثاقب اور جمشید بتائے گئے ہیں، حادثے کے بعد پولیس اور انتظامیہ نے پیپرز مل کو سیل کر دیا ہے۔پیپرز مل کے مالک کی گرفتاری کے لیے بھی چھاپے مارے جا رہے ہیں۔

  • لاہور میں گھر کی چھت گرنے سے ایک ہی خاندان کے 6 افراد جاں بحق

    لاہور میں گھر کی چھت گرنے سے ایک ہی خاندان کے 6 افراد جاں بحق

    لاہور : ٹیکسالی میں چھت گرنے سے ایک ہی خاندان کے چھ افراد جاں بحق اورچار زخمی ہو گئے ، وزیر اعلی پنجاب عثمان بزدارنے ڈپٹی کمشنر لاہور سے واقعہ کی رپورٹ طلب کرلی۔

    تفصیلات کے مطابق ٹیکسالی کے رہائشی جاوید اور اشتیاق دونوں بھائی اپنی فیملیز کے ہمراہ گھر میں سو رہے تھے کہ رات تین بجے کے قریب اچانک چھت گر گئی۔

    چھت گرنے سے آٹھ افرادملبے تلےدب گئے، جنہیں ریسکیو حکام نےملبے سے نکال کا سید مٹھا اورمیواسپتال منتقل کیا، جہاں چھ افراد زخموں کی تاب نہ لاتے ہوئےچل بسے۔

    ریسکیو حکام کا کہنا ہے کہ جاں بحق ہونے والوں میں ساٹھ سالہ جاوید، ان کی اہلیہ گھر میں موجود تین بچے چار سالہ ایان، پانچ سالہ ضیغم اور سات سالہ حسن شامل ہیں جبکہ ایک مہمان لڑکی بھی حادثہ میں جاں بحق ہوئی۔

    گھر میں موجود اشتیاق نامی شخص نےگھر سے بھاگ کرجان بچائی، زخمیوں میں گوجرانوالہ سے آئی تین مہمان خواتین بھی شامل ہیں، اہل علاقہ نے مطالبہ کیا کہ حکومت غریبوں کے خستہ حال گھر گرا کر انہیں دوبارہ بنا کر دے تاکہ ایسے واقعات نہ ہوں۔

    وزیراعلیٰ پنجاب نے چھت گرنے کے واقعے پرگہرے دکھ اورافسوس کااظہار کرتے ہوئے کمشنر لاہور ڈویژن سے رپورٹ طلب کر لی ہے۔

    عثمان بزدار نے واقعے کی ہر پہلو سے تحقیقات کی ہدایت کرتے ہوئے لواحقین سے دلی ہمدردی واظہار تعزیت کیا اور کہا زخمیوں کوعلاج کی بہترین سہولتیں فراہم کی جائیں۔

  • رنگ پور: وین اور کار میں تصادم، 6 افراد جاں بحق

    رنگ پور: وین اور کار میں تصادم، 6 افراد جاں بحق

    رنگ پور: صوبہ پنجاب کے شہر مظفرگڑھ میں وین اور کار میں تصادم کے نتیجے میں 6 افراد جاں بحق جبکہ 15 افراد زخمی ہوگئے۔

    تفصیلات کے مطابق مظفرگڑھ کے علاقے رنگ پور میں خدائی اڈا کے قریب وین اور کار آپس میں ٹکرا گئے، حادثے میں 6 افراد جان کی بازی ہار گئے جبکہ 15 افراد زخمی ہوگئے۔

    ریسکیو حکام کا کہنا ہے کہ حادثے میں زخمی ہونے والے افراد کو طبی امداد کے لیے اسپتال منتقل کر دیا گیا ہے۔جاں بحق افراد میں 2 خواتین اور ایک بچہ بھی شامل ہیں۔

    وزیراعلیٰ پنجاب سردار عثمان بزدار نے مظفرگڑھ ٹریفک حادثے میں قیمتی جانوں کے ضیاع پر اظہار افسوس کرتے ہوئے زخمیوں کو بہترین طبی سہولتیں فراہم کرنے کی ہدایت کر دی۔سردار عثمان بزدار نے حادثے سے متعلق فوری رپورٹ طلب کر لی۔

    پنجاب: ہولناک ٹریفک حادثات، میاں بیوی اور 2 بچوں سمیت 9 افراد جاں بحق

    یاد رہے کہ گزشتہ ماہ 26 جولائی کو صوبہ پنجاب کے دو مختلف شہروں میں خطرناک ٹریفک حادثات کے نتیجے میں میاں بیوی اور 2 بچوں سمیت 9 افراد زندگی کی بازی ہار گئے تھے۔

  • کراچی میں آج کرنٹ لگنے سے 6 افراد چل بسے

    کراچی میں آج کرنٹ لگنے سے 6 افراد چل بسے

    کراچی: شہر قائد کے مختلف علاقوں میں کرنٹ لگنے سے بچے سمیت 6 افراد جاں بحق ہوگئے۔

    تفصیلات کے مطابق کراچی کے علاقے ناگن چورنگی مسلم ٹاؤن میں گھر میں کرنٹ لگنے سے بچہ جاں بحق ہوگیا، ناگن چورنگی کے قریب کرنٹ لگنے سے 30 سالہ شخص جان کی بازی ہار گیا۔

    کارساز روڈ پر بجلی کے تار سے کرنٹ لگنے سے موٹر سائیکل سوار جاں بحق ہوگیا، ماڈل کالونی کے ایک مکان میں کام کے دوران کرنٹ لگنے ایک شخص چل بسا۔ہجرت کالونی اور کریم آباد میں بھی کرنٹ لگنے سے ایک ایک شخص جاں بحق ہوگیا۔

    محکمہ موسمیات کے مطابق شہر میں حالیہ بارشوں کا اسپیل آج ختم ہوجائے گا کیونکہ کل سے مون سون ہواؤں کا رخ پنجاب کی طرف ہوجائے گا۔

    کراچی میں آج صدر، آئی آئی چندریگر روڈ، اولڈ سٹی ایریا، صدر، شاہراہ قائدین، بہادرآباد، شاہ فیصل،گلستان جوہر اور سمیت مختلف علاقوں میں کہیں ہلکی اور کہیں تیز بارش ہوئی۔

    بارش کے ساتھ کے الیکٹرک کی جانب سے مختلف علاقوں میں بجلی کی بندش نے شہریوں کی پریشانیوں میں اضافہ کر دیا۔

    واضح رہے کہ کراچی میں تین روز میں بارش کے باعث مختلف حادثات میں 15 افراد جاں بحق ہوچکے ہیں۔

  • خیرپور اور کرک میں دو مختلف حادثات میں 6 افراد جاں بحق

    خیرپور اور کرک میں دو مختلف حادثات میں 6 افراد جاں بحق

    خیرپور: صوبہ سندھ کے شہر خیرپور اور کرک میں دو مختلف حادثات میں باپ بیٹے سمیت 6 افراد جان کی بازی ہار گئے۔

    تفصیلات کے مطابق صوبہ سندھ کے شہر خیرپور میں ببرلو کے قریب صبح سویرے تیز رفتار کار الٹنے سے چارافراد جاں بحق اور ایک خاتون زخمی ہوگئی۔پولیس کے مطابق کار سوار فیملی کراچی سے پنجاب جا رہی تھی۔

    دوسری جانب صوبہ خیبرپختونخوا کے شہر کرک کےگرگری میں دو موٹرسائیکلوں میں تصادم سے باپ بیٹا جاں بحق ہوگئے۔پولیس نے لاشیں پوسٹ مارٹم کے اسپتال کے اسپتال منتقل کر دیں، قانونی کارروائی کے بعد لاشیں ورثا کے حوالے کی جائیں گی۔

    یاد رہے کہ دو روز قبل فیصل آباد کے علاقے کھدر والا میں تیز رفتار کار بے قابو ہو کر ٹریلر سے ٹکرا گئی تھی جس کے نتیجے میں 5 افراد جاں بحق اور 3 شدید زخمی ہوگئے تھے۔

    پولیس حکام کا کہنا تھا کہ حادثہ سمندری کے قریب کھدر والا کے مقام سے گزرنے والے ایم تھری موٹروے پر اس وقت پیش آیا تھا جب خانیوال سے قصور جانے والی کار اچانک ٹائر پھٹنے سے بے قابو ہو کر ٹریلر سے جا ٹکرائی تھی۔

  • چمن میں مکان کی چھت گرنے سے 6 افراد جاں بحق

    چمن میں مکان کی چھت گرنے سے 6 افراد جاں بحق

    چمن : صوبہ بلوچستان کے علاقے چمن میں مکان کی چھت گرنے سے 6 افراد جاں بحق جبکہ 2 افراد زخمی ہوگئے۔

    تفصیلات کے مطابق چمن میں کلی لقمان میں مکان کی چھت گرنے سے ملبے تلے آکر 6 افراد جان کی بازی ہار گئے جبکہ 2 افراد زخمی ہوگئے۔

    ذرائع کے مطابق چھت بارش کے باعث گری اور گھر میں موجود تمام افراد ملبے کی نیچے دب گئے، مقامی افراد نے اپنی مدد آپ کے تحت لاشوں اور زخمیوں کو باہر نکالا۔

    ذرائع کے مطابق افسوس ناک واقعے میں جاں بحق ہونے والوں میں 4 خواتین سمیت 6 افراد شامل ہیں۔

    کوہاٹ کے علاقے گھمکول میں 4 روز قبل مکان کی چھت گرنے سے خاتون سمیت 2 افراد جاں بحق ہوگئے تھے۔ مذکورہ کچے مکان کی چھت کمزور ہونے کے باعث گری تھی۔

    لاہور، مکان کی چھت گر گئی، ماں اور 2 بچے جاں بحق

    یاد رہے کہ گزشتہ ہفتے لاہور کے علاقے یوحنا آباد میں خستہ حال مکان کی چھت گرنے کے نتیجے میں ماں اور 2 بچے جاں بحق ہوگئے تھے۔

  • بغداد دھماکوں سے لرز اٹھا، 6 افراد جاں بحق

    بغداد دھماکوں سے لرز اٹھا، 6 افراد جاں بحق

    بغداد: عراق کے دارالحکومت بغداد میں تین بم دھماکوں میں 6 افراد جاں بحق جبکہ 15 افراد زخمی ہوگئے۔

    تفصیلات کے مطابق شمالی بغداد میں الشعب کالونی میں موٹرسائیکل میں نصب بم پھٹنے سے 3 افراد جان کی بازی ہار گئے جبکہ 5 افراد زخمی ہوگئے۔ بغداد کے علاقے البیاع میں بھی موٹرسائیکل میں نصب بم پھٹ گیا جس کے نتیجے میں 2 افراد جاں بحق جبکہ 6 افراد زخمی ہوگئے۔

    دوسری جانب عراقی داالحکومت کے مشرقی بلدیہ محلے میں بم پھٹنے سے ایک شخص جان کی بازی ہار گیا جبکہ 4 افراد زخمی ہوگئے۔ بغداد میں ہونے والے دھماکوں کی ذمہ داری فی الحال کسی گروپ نے قبول نہیں کی۔

    اس سے قبل گزشتہ ہفتے بغداد میں ہونے والے دھماکے کے نتیجے میں 2 افراد جاں بحق جبکہ 20 افراد زخمی ہوگئے تھے۔

    عراق میں حکومت مخالف مظاہرے، ہلاکتوں کی تعداد 339 ہوگئی

    واضح رہے کہ عراق کے مختلف شہروں میں کرپشن اور مہنگائی کے خلاف شہری سراپا احتجاج ہیں، گزشتہ دنوں جنوبی شہر بصریٰ اور نصیریہ میں پولیس اور مظاہرین کے درمیان جھڑپوں کے نتیجے میں 6 افراد ہلاک ہوئے تھے، جبکہ عراقی شہر ام قصر میں پولیس کی فائرنگ سے 9 مظاہرین جان کی بازی ہار گئے تھے۔

    اس طرح اکتوبر سے جاری مظاہروں میں اموات کی تعداد 340 ہوگئی، اقوام متحدہ نے سنگین صورت حال پر شدید تشویش کا اظہار کرتے فریقین کو معاملہ حل کرنے پر زور دیا ہے۔

  • لیہ میں تیز رفتار پک اپ کو حادثہ، 6 افراد جاں بحق

    لیہ میں تیز رفتار پک اپ کو حادثہ، 6 افراد جاں بحق

    لیہ: صوبہ پنجاب کے علاقے لیہ میں تیز رفتار پک بے قابو ہو کر الٹ گئی جس کے نتیجے میں 6 افراد جاں بحق جبکہ 15 افراد زخمی ہوگئے۔

    تفصیلات کے صوبہ پنجاب کے ضلع لیہ میں جیسل روڈ کے قریب تیز رفتار پک موڑ کاٹتے ہوئے الٹ گئی، حادثے میں 6 افراد جان کی بازی ہار گئے جبکہ 15 افراد زخمی ہوگئے۔

    ریسکیو حکام کے مطابق 15 زخمیوں کو ڈسٹرکٹ ہیڈ کوارٹر اسپتال لیہ منتقل کر دیا گیا جہاں انہیں طبی امداد دی جا رہی ہے۔ پولیس کے مطابق حادثے میں جاں بحق ہونے والے افراد کی لاشوں کو قانونی کارروائی کے بعد ورثا کے حوالے کیا جائے گا۔

    قلات کے قریب دو گاڑیوں میں تصادم، 4 افراد جاں بحق

    اس سے قبل بلوچستان کے علاقے قلات کے قریب دو گاڑیوں میں تصادم ہوا جس کے نتیجے میں 4 افراد جان کی بازی ہار گئے۔ جاں بحق ہونے والوں میں کمشنر مکران ڈویژن کیپٹن ریٹائرڈ طارق زہری ان کا ڈرائیور اور گن مین بھی شامل ہیں۔

    لیویز ذرائع کے مطابق کمشنر مکران ڈویژن کوئٹہ سے مکران جا رہے تھے کہ مخالف سمت سے آنے والی ایرانی اسمگل شدہ پیٹرول سے بھری پک اپ ان کی گاڑی سے ٹکرا گئی جس کے بعد دونوں گاڑیوں میں آگ لگ گئی۔