Tag: 6 سالہ بچہ

لندن : چھ سالہ بچہ ریان نے مقبول ترین ویڈیو شیئرنگ ویب سائٹ یوٹیوب پر سب سے زیادہ پیسے کما کر سب کو حیران کردیا۔

یوٹیوب جہاں انٹرنیٹ صارفین کے لیے تفریح کا ذریعہ ہے وہیں بہت سے افراد کے لیے کمائی کا ایک ذریعہ بھی ہے، امریکی جریدے فوربس نے یوٹیوب کی معروف شخصیات کی فہرست جاری کردی ہے، جس میں ایک چھ سالہ بچے کی بڑی دھوم ہے۔

یہ بچہ سالانہ گیارہ ملین ڈالر کما رہا ہے، جو پاکستانی ایک ارب 10 کروڑ روپے بنتے ہیں، چھ سالہ بچہ یو ٹیوب پر کھلونوں کے ریویوز کی ویڈیوز بناتا ہے، جو دنیا بھر میں مقبول ہیں۔

فوربز کی یوٹیوب سیلیبرٹی کی فہرست میں ریان کا 8 واں نمبر ہیں۔

ٹوئے ریویوز کے نام سے یوٹیوب پر پروگرام کرنے والا یہ ننھا میزبان ریان اس وقت کروڑ پتی ہے اور یوٹیوب پر اس بچے کے دس ملین سبسکرائبرز ہیں۔

ریان 3 برس کی عمر سے مختلف کھلونوں پر تجزیاتی ویڈیوز بنا رہا ہے اور یوٹیوب پر شیئر کررہا ہے۔

ریان کو یوٹیوب سے پیسے کمانے والی کم عمر ترین شخصیات میں سے ایک ہونے کا اعزاز بھی حاصل ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔