ARYNews.tv | Urdu – Har Lamha Bakhabar

Tag: 6 halak

  • پٹھان کوٹ ائیربیس : مزید ایک مبینہ دہشت گرد ہلاک، تعداد چھ ہوگئی

    پٹھان کوٹ ائیربیس : مزید ایک مبینہ دہشت گرد ہلاک، تعداد چھ ہوگئی

    پٹھان کوٹ : بھارت میں پٹھان کوٹ ائیربیس کو چوبیس گھنٹے سے زائد گزرنے کے باجود کلئیر نہ کرایا جاسکا۔ بھارتی سیکورٹی فورسز نے آج کی کارروائی کے دوران مزید ایک مبینہ دہشت گرد کو ہلاک کرنے کا دعوی کیا ہے۔

    تفصیلات کے مطابق پٹھان کوٹ ائیر بیس ایک بار پھر گولیوں کی تڑتڑاہٹ سے گونج اٹھا۔ دھماکہ کے نتیجہ میں چار بھارتی فورسز کے اہلکار زخمی ہوگئے۔

    بھارتی میڈیا کے مطابق ایک دہشت گرد اب بھی ائیر بیس میں موجود ہے۔ دہشت گردی کے مزید واقعات نے ایک بار پھر بھارت میں کھلبلی مچا دی۔ ممبئی اور دہلی ریلوے اسٹیشن پر بم کی اطلاع نے انتظامیہ کی دوڑیں لگوا دیں۔

    تمام ریلوے اسٹیشن کو سرچ کیا گیا۔ جس کے پیش نظر ٹرینوں کی آمد و رفت تاخیر کا شکا ر ہو ئیں۔ بعد میں ریلوے اسٹیشنوں کو کلیئر قرار دیدیا گیا۔

    گزشتہ روز مبینہ دہشت گرد حملے میں پانچ حملہ آور اور چار بھارتی فوجی ہلاک جبکہ چھ زخمی ہوئے تھے۔ معاملے کی تحقیقات کے لئے چار رکنی کمیٹی بھی تشکیل دے دی گئی ہے۔

  • شیخوپورہ: حساس اداروں کی کارروائی، 6دہشت گردہلاک، 2فرار

    شیخوپورہ: حساس اداروں کی کارروائی، 6دہشت گردہلاک، 2فرار

    شیخوپورہ : حساس اداروں نے شیخوپورہ میں کارروائی کرکے چھ دہشت گردوں کو ہلاک کردیا، مقابلے کے بعد دو دہشت گرد فرارہوگئے۔

    دہشت گردوں کے قبضے سےاسلحہ اور بھاری مقدار میں بارودی مواد برآمد کر لیا گیا۔ پولیس حکام کے مطابق حساس اداروں نے خفیہ اطلاع پر شیخوپورہ کے نواحی علاقے لانگراں میں ایک مکان پر چھاپہ مارا تو وہاں رہائش پذیر دہشت گردوں نے سخت مزاحمت کرتے ہوئے پولیس پرفائرنگ شروع کر دی۔

    تاہم حساس اداروں کے اہلکاروں نے جوابی فائرنگ کر کے 6 دہشت گردوں کو ہلاک کر دیا جبکہ 2 دہشت گرد فرار ہونے میں کامیاب ہو گئے۔

    فرار ہونے والے دہشت گردوں کی گرفتاری کیلئے سرچ آپریشن بھی شروع کردیا ہے، جبکہ مارے جانے والے دہشت گردوں کی لاشوں کو پوسٹ مارٹم کے لئے مردہ خانے منتقل کر دیا گیا ہے۔

    مارے جانے والے دہشت گرد شہر میں بڑی کارروائی کرنا چاہتے تھے۔ ذرائع کا کہنا ہے کہ دہشت گردوں کے قبضے سے 2کلاشنکوف،4پستول، 300گولیاں اور بھاری مقدار میں دھماکہ خیز مواد برآمد ہوا ہے۔

  • چکوال موٹر وے پر ٹرالراور بس میں تصادم 6 افراد جاں بحق 22 زخمی

    چکوال موٹر وے پر ٹرالراور بس میں تصادم 6 افراد جاں بحق 22 زخمی

    چکوال : موٹر وے پر مسافر بس اور ٹرالر میں خوفناک تصادم کے باعث چھ افراد جان سے گئے، حادثے میں 22 افراد زخمی ہوگئے۔

    تفصیلات کے مطابق چکوال کے قریب پنڈدادن خان میں سالٹ رینج کےقریب مسافر بس اور ٹرالرکے تصادم میں چھ افرادجاں بحق جبکہ بائیس زخمی ہوگئے۔

    بدقسمت بس راولپنڈی سےجھنگ جارہی تھی کہ کلر کہار سے پانچ کلو میٹر کے فاصلے پر سالٹ رینج کے علاقے میں پیچھے سے آنے والا ٹرالر کی بریک فیل ہونے کے باعث بس سے ٹکرا گیا۔ جس کے نتیجے میں دو افراد موقع پر ہی جاں بحق ہوگئے جبکہ چار زخمیوں نے اسپتال پہنچ کر دم توڑ دیا۔

    اسپتال ذرائع کے مطابق جاں بحق ہونےوالوں میں ابوبکر،یاسرعلی،احمدسعید،محمدارشداورمحمدنعیم شامل ہیں، زخمیوں میں دوخواتین اورایک بچہ بھی شامل ہےجبکہ چارزخمیوں کی حالت تشویشناک ہے۔

  • کراچی میں فائرنگ سے چھ افراد جان سے گئے

    کراچی میں فائرنگ سے چھ افراد جان سے گئے

    کراچی : شہر قائد میں فائرنگ کے مختلف واقعات میں پی آئی اے کے ملازم سمیت چھ افراد جان کی بازی ہار گئے۔

    پولیس کے مطابق گلستان جوہر پی آئی اے سوسائٹی کے قریب نامعلوم افراد کی فائرنگ سے ریاض حسین نامی شخص جان کی بازی ہار گیا، مقتول پی آئی اے میں آڈٹ شعبے سے وابستہ تھا۔

    پاک کالونی جہان آباد میں نامعلوم افراد کی فائرنگ سے ایک شخص جان بحق اور ایک زخمی ہوگیا، گلستان جوہر ہی کے علاقے بلاک بارہ میں ڈ کیتی مزاحمت پر ڈاکووں کی فائرنگ سے ایک شخص جاں بحق ہوگیا جس کی شناخت وسیم حیدر کے نام سے ہوئی۔

    بلدیہ ٹاون میں مسیحی قبرستان کے قریب سے ایک شخص کی تشدد زدہ لاش ملی جسے ضابطے کی کاروائی کیلئے اسپتال منتقل کردیا گیا۔

    رات گئے گلشن اقبال میں راشد منہاس روڈ پرنامعلوم افراد نے گاڑی پرفائرنگ کردی جس کے نتیجے میں دوافرادشدید زخمی ہوگئے۔ دونوں زخمیوں کو طبی امداد کیلئے اسپتال منتقل کیاگیا جہاں زخموں کی تاب نہ لاتے ہوئے عمارنامی شخص چل بساجبکہ عبدال سلیم نامی شخص کی حالت بھی تشویشناک ہے۔

    پولیس کاکہنا ہے کہ ابتدائی تحقیقات سے واقعہ ڈکیتی مزاحمت کامعلوم ہوتا ہے۔پرانی سبزی منڈی میں دوافرادفائرنگ کاشکارہوگئے جن میں سے ایک جاں بحق ایک شدیدزخمی ہوگیا۔

    لیاری کے مختلف علاقوں میں پولیس اوررینجرزنے سرچ آپریشن کرتے ہوئے چھ مشتبہ افرادکو گرفتارکرلیا۔

  • شمالی وزیرستان میں ایک اور ڈرون حملہ، 6 افراد ہلاک، دو زخمی

    شمالی وزیرستان میں ایک اور ڈرون حملہ، 6 افراد ہلاک، دو زخمی

    شمالی وزیرستان : امریکی ڈورن حملے میں6افراد ہلاک اور2زخمی ہوگئے، ہلاکتوں میں مزید اضافے کا خدشہ ہے۔

    تفصیلات کے مطابق شمالی وزیرستان ایجنسی پاک افغان سرحد کےقریب تحصیل شوال کے علاقے زوئی نرائے میں امریکی ڈرون طیاروں نے ایک مکان اور ایک گاڑی پر چار میزائل داغے ہیں۔

    ابتدائی رپورٹ کے مطابق امریکی ڈورن حملے میں چھ افراد جاں بحق اور دو زخمی ہوئے ہیں، ہلاکتوں میں مزید اضافے کا خدشہ ہے۔

    علاقے کے مقامی افراد نے اپنی مدد آپ کے تحت ملبے سے لاشیں اور زخمی نکال لئے ہیں۔ حملے کے باوجود امریکی ڈرون طیاروں کی علاقے میں پروازیں بدستور جاری ہیں۔

    جس سے علاقے میں شدید خوف و ہراس پایا جاتا ہے۔ رواں ماہ میں علاقے میں ہونے والا یہ دوسرا ڈرون حملہ ہے۔ اس سے قبل  تحصیل شوال میں ہی ایک امریکی ڈرون حملے میں پانچ افراد ہلاک اور متعدد زخمی ہوئے تھے۔

    واضح رہے کہ حکومت پاکستان نے شمالی وزیرستان میں  امریکی ڈرون حملے کی شدید مذمت کرتے ہوئے کہا ہے کہ  ڈرون حملے بند کئے جائیں۔

    سولہ مئی کو شمالی وزیرستان کے علاقے مانا میں ڈورن حملے سے متعدد ہلاکتیں ہوئیں، پاکستانی دفترِ خارجہ کے ترجمان نے کہا ہے کہ امریکی ڈرون حملے پاکستان کی خود مختاری اور سالمیت کے خلاف ہیں۔

    دفترِ خارجہ کے بیان کے مطابق پاک فوج دہشت گردی کے خلاف ضرب عضب میں مصروف ہے، جو فیصلہ کن مر حلے سے آگے بڑھ رہا ہے، ڈرون حملوں سے دہشت گردی کے خلاف جاری آپریشن ضرب عضب متاثر ہورہا ہے۔

  • کراچی ،فائرنگ کے واقعات میں6 افراد جاں بحق

    کراچی ،فائرنگ کے واقعات میں6 افراد جاں بحق

    کراچی : مختلف علاقوں میں فائرنگ کے واقعات میں چھ افراد جاں بحق اور مبینہ پولیس مقابلے میں ایک ملزم مارا گیا۔ پولیس کے مطابق کورنگی میں فائرنگ سے ایک شخص ہلاک ہو گیا ۔

    منگھوپیر کواری کالونی میں فائرنگ سے دو افراد جان کی بازی ہار گئے۔ لیاری کلاکوٹ میں فائرنگ کے واقعے میں ایک شخص جاں بحق ہوگیا۔

    لانڈھی گلشن بونیر میں فائرنگ سے حیدر خان نامی شخص جان بحق ہوگیا جبکہ اس کے ساتھ موجود تین کمسن بچے زخمی ہوگئے ۔

    ناظم آباد مجاہد کالونی میں جھگڑے کے دوران سی آئی ڈی اہلکار نوید کی فائرنگ سے عطا اللہ نامی شخص زندگی کی بازی ہار گیا۔نارتھ ناظم آباد میں پولیس مقابلے میں ایک ملزم مارا گیا، جبکہ اس کا ساتھی فرار ہونے میں کامیاب ہوگیا۔

  • وانا میں ڈرون حملہ ، 5مبینہ شدت پسند ہلاک

    وانا میں ڈرون حملہ ، 5مبینہ شدت پسند ہلاک

    پشاور: جنوبی وزیرستان کی تحصیل وانا میں ڈرون حملے کے نتیجے میں پانچ شدت پسند ہلاک اور تین زخمی ہوگئے۔

    سیکیورٹی ذرائع کے مطابق جنوبی وزیرستان کے علاقے واچادرہ میں ڈرون حملہ کیا گیا، ڈرون طیارے نے ایک گھر پر دو میزائل داغے گئے، ڈرون حملے میں متعدد شدت پسند ہلاک اور زخمی ہوئے۔

    ڈرون حملوں میں اب تک ہلاک اور زخمی ہونے والوں کی شناخت نہیں ہو سکی، سال دوہزار پندرہ کے آغاز کے بعد پاکستان کے قبائلی علاقوں میں ہونے والا دوسرا ڈرون حملہ ہے۔

    واضح رہے کہ رواں سال 4 جنوری کو شمالی وزیرستان کی تحصیل دتہ خیل کے ملحقہ علاقے میں سال کا پہلہ ڈرون حملہ ہوا تھا جس کے نتیجے میں 6افراد موقع پر ہلاک اور 2 زخمی ہوگئے تھے۔

  • حب: تیز رفتاربس الٹنے سے چھ افراد جاں بحق، تیس زخمی

    حب: تیز رفتاربس الٹنے سے چھ افراد جاں بحق، تیس زخمی

    حب : بیلہ سے کراچی آنے والی منی بس وندر کے قریب الٹ گئی جس کے نتیجے میں تین بچوں سمیت چھ افراد جاں بحق اور تیس سے زائد زخمی ہو گئے ہیں۔

    تفصیلات کے مطابق بلوچستان کے علاقے بیلہ سے کراچی آنے والی منی بس تیز رفتاری کی باعث وندر کے قریب الٹ گئی جس کے نتیجے میں تین بچوں سمیت چھ افراد جاں بحق اور تیس سے زائد زخمی ہو گئے ہیں ۔

    زخمیوں کو ڈسٹرکٹ ہیڈکوارٹر اسپتال اوتھل منتقل کیا گیا ہے جبکہ چھ زخمیوں کی حالت تشویشناک ہے جنہیں کراچی منتقل کیا جا رہا ہے۔

  • سال کا پہلا ڈرون حملہ، آٹھ افراد ہلاک

    سال کا پہلا ڈرون حملہ، آٹھ افراد ہلاک

    میران شاہ : شمالی وزیرستان کے علاقے دتہ خیل میں اتوار کی صبح ہونے والے ڈرون حملے میں آٹھ افراد ہلاک ہوگئے ہیں۔

    تفصیلات کے مطابق شمالی وزیرستان کی تحصیل دتہ خیل کے ملحقہ علاقوں امریکی ڈرون طیاروں نے ایک مکان اور ایک گاڑی پردو میزائل داغے جس کے نتیجے میں 6افراد موقع پر ہلاک اور 2 زخمی ہوئے، بعد ازاں زخمی ہونے والے افراد زخموں کی تاب نہ لاتے ہوئے اپنی جان کی بازی ہارگئے۔

    سال 2015 میں امریکہ کی جانب سے پاکستان کے سرحدی علاقوں میں یہ پہلا حملہ ہے۔2004 میں امریکہ نے پاکستان میں پہلا ڈرون حملہ کیا تھا اوراب تک 350 سے زائد حملے کرچکا ہے۔

    واضح رہے کہ ڈرون حملوں کے نتیجے میں 3000 سے زائد افراد مارے جاچکے ہیں 2014 تک ان حملوں میں نشانہ بننے والے دہشتگردوں کی تعداد ڈھائی ہزار کے لگ بھگ ہے۔

  • شمالی وزیرستان: امریکی ڈرون حملہ، القاعدہ رہنما سمیت چھ ہلاک

    شمالی وزیرستان: امریکی ڈرون حملہ، القاعدہ رہنما سمیت چھ ہلاک

    شمالی وزیرستان : تحصیل دتہ خیل میں ڈرون حملے میں چھ افراد مارے گئے جبکہ دوزخمی ہوگئے۔ حملے میں القاعدہ کے رہنما استاد عمرفاروق کے ہلاک ہونے کی بھی اطلاعات ہیں۔

    تفصیلات کے مطابق شمالی وزیرستان کی تحصیل دتہ خیل کے علاقے خڑتنگی میں امریکی ڈرون طیاروں نے ایک گھرپردومیزائل داغے۔ جس سے چھ افراد ہلاک جبکہ دوزخمی ہوگئے۔

    سرکاری ذرائع کے مطابق اس کارروائی میں مزید ہلاکتوں کا خدشہ ہے۔ ذرائع کے مطابق ڈرون حملے میں القاعدہ کارہنما استاد عمرفاروق بھی ماراگیا ہے۔ استادعمرفاروق ماضی میں پاکستان میں القاعدہ کا ترجمان رہ چکا ہے۔