اسلام آباد : باسٹھ پلاٹوں کی غیرقانونی الاٹمنٹ کیس میں گریڈ انیس کے بیوروکریٹ اورسابق ممبراسٹیٹ افنان عالم کوگرفتارکرلیا گیا۔
تفصیلات کے مطابق ایک ارب مالیت کے 62 پلاٹ غیرقانونی الاٹ کرنے کے کیس میں پیش رفت سامنے آئی ، گریڈ 19 کےبیورو کریٹ اورسابق ممبر اسٹیٹ افنان عالم کو گرفتار کرلیا گیا۔
اینٹی منی لانڈرنگ سیل نے کارروائی کرتے ہوئے افنان عالم کے فرنٹ مین اور پراپرٹی ڈیلر جبران کو بھی حراست میں لےلیا۔
اینٹی منی لانڈرنگ سیل نے انکشاف کیا افنان عالم نےاپنےاوراہلیہ کےنام پرجائیدادیں بنائیں، بیگم کےنام پر سی 14 میں جائیدادیں خریدی گئیں ، جائیدادیں کرپشن سےحاصل کی گئی رقم سےبنائی گئیں۔
افنان عالم کے خلاف کارپوریٹ کرائمزسرکل کی میں بھی مقدمہ درج کرلیا گیا ہے۔
گریڈ 19 کے بیورو کریٹ سابق ممبر سٹیٹ افنان عالم اور فرنٹ مین پراپرٹی ڈیلرجبران کو عدالت پیش کیا گیا، ایف آئی اے کی جانب سے ملزمان کے دس روزہ جسمانی ریمانڈ کی استدعا کی گئی۔
ڈسٹرکٹ اینڈ سیشن کورٹ نے ایک ارب روپے مالیت کے 62 پلاٹوں کی غیر قانونی الاٹ کیس میں ملزمان افنان عالم اور جبران کے جسمانی ریمانڈ کی استدعا پر فیصلہ محفوظ کر لیا۔