Tag: 7 سالہ بچی

راولپنڈی : 7 سالہ بچی کو مبینہ زیادتی کے بعد قتل کردیا گیا، گزشتہ روز بچی اسرار طور پر لاپتہ ہوئی تھی پھر لاش زیر تعمیر عمارت سے ملی۔

تفصیلات کے مطابق راولپنڈی کے تھانہ مندرہ کی حدود میں 7 سالہ بچی کو مبینہ زیادتی کے بعد قتل کردیا گیا۔

سی پی او خالد ہمدانی نے 7 سالہ بچی کی لاش ملنے کے واقعہ کا نوٹس لیتے ہوئے اے ایس پی گوجر خان سے رپورٹ طلب کرلی اور ملزمان کی گرفتاری کا حکم جاری کردیا۔

پولیس نے بتایا کہ مقتولہ بچی گزشتہ روز گھر کے قریب کھیلتے ہوئے پر اسرار طور پر لاپتہ ہوئی تھی، مقتولہ کی لاش زیر تعمیر عمارت سے ملی تاہم جائے وقوعہ سے شواہد حاصل کئے جارہے ہیں۔

بچی کے لاپتہ ہونے کی اطلاع متعلقہ تھانے میں گزشتہ رات دی گئی تھی، جس کے بعد فیملی کے ساتھ مل کر بچی کی تلاش شروع کی گئی تو بچی کی لاش زیر تعمیر گھر سے ملی۔

مقتولہ کو پوسٹ مارٹم کیلئے ہسپتال منتقل کیا گیا ہے، پوسٹ مارٹم رپورٹ کی روشنی میں موت کا تعین کیا جاسکے گا، واقعہ کی تمام زاویوں سے تفتیش جاری ہے۔

کراچی: تیموریہ کی حدود میں 7 سالہ مریم گارڈ کی گولی لگنے سے جاں بحق ہوئی، فائرنگ کرنے والے گارڈ کو گرفتار کر لیا گیا۔

تفصیلات کے مطابق تیموریہ کی حدود میں فائرنگ سے 7 سالہ بچی کے جاں بحق ہونے کا واقعہ پیش آیا تھا۔ پولیس کا کہنا ہے کہ بچی گارڈ کی گولی لگنے سے جاں بحق ہوئی۔ فائرنگ کرنے والے گارڈ علی رضا کو گرفتار کر لیا گیا ہے۔

پولیس کو واقعے کی فارنزک رپورٹ موصول ہوگئی ہے۔ فارنزک رپورٹ کے مطابق بچی کو لگنے والی گولی گارڈ کے رائفل سے چلی۔ پولیس نے سرکار کی مدعیت میں مقدمہ درج کر رکھا ہے۔

حکام کا کہنا تھا کہ گارڈ نے بتایا کہ وہ چائے کے ہوٹل پر کام کرتا ہے، گارڈ نے ڈکیتی کے شبہ میں 2 افراد پر فائرنگ کی۔

گارڈ کی فائرنگ کے دوران مشتبہ افراد فرار ہوئے۔ فائرنگ کے دوران ایک گولی ہارون شاپنگ سینٹر کے سامنے کار کو لگی۔ گولی کارمیں پیچھے بیٹھی 7 سالہ بچی کے سر پر لگی جس سے وہ جانبر نہ ہوسکی۔

پولیس نے کہا کہ گارڈ کو حراست میں لے کر رائفل بھی برآمد کرلی گئی ہے۔ پولیس نے موقع سے گواہوں کے بیانات بھی قلمبند کیے ہیں۔

کراچی : سخی حسن بفرزون کے قریب اندھی گولی کا نشانہ بننے والی7 سالہ بچی دم توڑ گئی، مریم گاڑی کی پچھلی سیٹ پر بیٹھی تھی اچانک گولی سر میں لگی۔

تفصیلات کے مطابق کراچی میں سخی حسن بفرزون کے قریب فائرنگ سے زخمی 7 سالہ بچی دم توڑ گئی، 7سالہ مریم گاڑی کے پچھلی سیٹ پر بیٹھی تھی کہ اچانک گولی سر میں لگی۔

ممکنہ طور پر روڈ کے دوسری جانب سے نامعلوم افراد نے فائرنگ کی، واقعے کے بعد 7 سالہ مریم کو تشویشناک حالت میں نجی اسپتال منتقل کیا گیا جہاں وہ جانبر نہ ہوسکی۔

ورثاء نے بیان میں بتایا کہ مریم کی لاش کو ضابطے کی کارروائی کیلئے عباسی اسپتال منتقل کردیا گیا، پولیس کی جانب سے فائرنگ کے واقعے سے لاعلمی کا اظہار کیا گیا۔

پولیس کے مطابق ممکنہ طور پر بچی کو اندھی گولی لگی ہوگی، ہمیں ابھی تک اطلاع نہیں ملی ، فائرنگ سےمتعلق معلومات حاصل کررہے ہیں۔

بفرزون میں فائرنگ سے 7 سالہ مریم ثاقب کے جاں بحق ہونے کے واقعے کے 2گھنٹے سے زائد وقت گزرنے کے باوجود لاش عباسی شہید اسپتال میں موجود ہے، اسپتال میں لیڈی ایم ایل او نہ ہونے کی وجہ سے ضابطے کی کارروائی مکمل ہونے میں تاخیر ہورہی ہے۔

پولیس اپنی ضابطے کی کارروائی کرکے واپس لوٹ گئی جبکہ مریم ثاقب کےورثاء تاحال ایم ایل او کے منتظر ہے، عباسی شہید اسپتال میں صرف 2 لیڈی ایم ایل اوز ہیں۔

راولپنڈی : پنجاب میں دو بچیوں کو زیادتی کا نشانہ بنایا گیا ، ایک واقعے میں 13 سالہ بچی سے اجتماعی زیادتی کی گئی جبکہ 7 سالہ بچی سے نوجوان نے زیادتی کی۔

تفصیلات کے مطابق راولپنڈی کے علاقے صفدرآباد کے نواہی گاؤں جاتی وسیرہ میں 13 سالہ بچی سے اجتماعی زیادتی کا واقعہ پیش آیا ، والد نے بتایا کہ پڑوسی خاتون نےبہانے سے گھرمیں آکرکھانے میں نشہ اورشہ ملادی اور کھانا کھانےکے بعد تمام گھر والے بےہوش ہو گئے۔

ملزمان طیب اور شہزاد نے بچی کو اپنے گھر لے جاکر اجتماعی زیادتی کانشانہ بنایا اور درندہ صفت ملزمان بچی کے شور مچانے پر فرار ہو گئے۔

تھانہ صفدرآباد پولیس نے لڑکی کے والد کی مدعیت میں مقدمہ درج کر لیا ہے۔

دوسرے واقعے میں ضلع شیخوپورہ کے ضلع شرقپورشریف کے گاؤں تریڈیوالی میں 7 سال کی بچی کو نوجوان نے زیادتی کا نشانہ بنایا ، پولیس نے تھانہ شرقپورشریف میں ملزم سلیم کے خلاف مقدمہ درج کرلیا ہے۔

مقدمہ بچی کے والد اسلم پرویز کی مدعیت میں درج کیا گیا، ملزم اور مدعی ایک ہی مکان کے 2 کمروں میں کرایے پر رہتے ہیں۔