Tag: 7 19 2025

  • راول ڈیم میں پانی کی سطح خطرے کے نشان کے قریب پہنچ گئی، الرٹ جاری

    راول ڈیم میں پانی کی سطح خطرے کے نشان کے قریب پہنچ گئی، الرٹ جاری

    راولپنڈی(19 جولائی 2025): راولپنڈی شہر اور کینٹ کو پینے کا پانی سپلائی کرنے والے راول ڈیم میں پانی کی سطح انتہائی بلند ہوگئی ہے۔

    تفصیلات کے مطابق راول ڈیم میں پانی کی سطح خطرے کے نشان کے قریب پہنچ گئی، راول ڈیم میں پانی کی سطح ایک ہزار 749 فٹ تک پہنچ گئی ہے تاہم اس ڈیم کی حد ایک ہزار 752 فٹ ہے۔

    انتظامیہ نے نشیبی علاقے کے مکینوں کو محفوظ مقامات پر منتقل ہونے کی ہدایت کی ہے جبکہ کل صبح 6 بجے سے 5 گھنٹے کیلئے ڈیم کے اسپل وےکھول دیے جائیں گے۔

    این ڈی ایم اے ترجمان کا کہنا ہے کہ راول ڈیم پرپانی کی سطح 1748.40 فٹ پر پہنچ گئی ہے، ڈیم کی سطح  1746 فٹ تک برقرار رکھنے کیلئے اسپل ویز کھولے جائیں گے۔

    این ڈی ایم اے نے الرٹ جاری کرتے ہوئے کہا کہ ‏عوام واٹر فرنٹ سے دور رہیں اوت اسپل ویز کے قریب فوٹو گرافی یا تفریح سے گریز کریں۔

  • عمران اشرف کی بھارتی پنجابی فلم کی ریلیز کی تاریخ سامنے آگئی

    عمران اشرف کی بھارتی پنجابی فلم کی ریلیز کی تاریخ سامنے آگئی

    019 جولائی 2025): پاکستان کے معروف اداکار عمران اشرف کی بھارتی اداکار و گلوکار جسی گل کیساتھ پہلی بین الاقوامی فلم ’انا نو رہنا سہنا نہیں اوندا’ کی نئی ریلیز کی تاریح سامنے آگئی۔

    پاکستان کے معروف اداکار و ہوسٹ عمران اشرف جلد بھارتی پنجابی فلم ’’اینا نوں رہنا سہنا نئی آوندا‘‘ میں مرکزی کردار میں نظر آئیں گے، روپن بال کی ہداہتکاری میں بننے والی فلم کہانی سریندر اروڑا نے لکھی ہے۔

    عمران اشرف کی فلم کی ریلیز کا اعلان دلجیت دوسانجھ اور ہانیہ عامر کی کامیاب فلم سردار جی 3 کی کامیابی کے بعد سامنے آیا، جس نے بھارتی اور پاکستانی سینما میں دھوم مچا دی تھی۔

     

    View this post on Instagram

     

    A post shared by Imran Ashraf (@imranashrafawan)

    اداکار  نے اپنی آنے والی فلم کا آفیشل ٹریلر بھی اپنے انسٹاگرام پر شیئر کردیا ہے، جسے مداحوں کی جانب سے زبردست پذیرائی مل رہی ہے، فلم کے پروڈیوسرز کے مطابق یہ فلم 22 اگست 2025 کو دنیا بھر میں ریلیز کی جائے گی۔

    6.7 ملین فالورز رکھنے والے عمران اشرف کے مداح پہلے ہی ان کی فلم اور آنے والے ڈراموں کے شدت سے منتظر تھے تاہم ریلیز کی تاریخ کے اعلان کے بعد مداحوں میں خوشی کی لہر دوڑ گئی ہے۔

    پاکستانی اداکار دانش تیمور نے بھی عمران اشرف کی اس کامیابی پر انہیں مبارکباد دیتے ہوئے کہا، ’’گڈ لک ہیرو‘‘۔ سوشل میڈیا پر مداح عمران اشرف کی اس کامیابی پر خوشی کا اظہار کر رہے ہیں۔

  • پاک بنگلادیش ٹی 20 سیریز کے لیے ٹرافی کی رونمائی کردی گئی

    پاک بنگلادیش ٹی 20 سیریز کے لیے ٹرافی کی رونمائی کردی گئی

    ڈھاکہ: پاکستان اور بنگلہ دیش کے درمیان آئندہ تین میچوں کی ٹی ٹوئنٹی سیریز کی ٹرافی کردی گئی۔

    پاکستان اور بنگلادیش کے درمیان 3 ٹی ٹوئنٹی میچز کی سیریز کی ٹرافی کی رونمائی میں دونوں ٹیموں کے کپتانوں نے شرکت کی، ٹرافی کی رونمائی ڈھاکا کے مقامی ہوٹل میں کی گئی۔

    پاکستان کے سلمان علی آغا اور بنگلہ دیش کے لٹن داس، ٹرافی کے ساتھ پوز دیتے ہوئے نظر آئے، دونوں ٹیموں کے درمیان افتتاحی میچ کل 20 جولائی کو پاکستانی وقت کے مطابق شام 5:00 بجے شروع ہوگا۔

    واضح رہے کہ پاکستان اور بنگلا دیش کے درمیان تینوں میچ 20، 22 اور 24 جولائی کو ڈھاکہ کے مشہور شیرِ بنگلہ نیشنل کرکٹ اسٹیڈیم میں کھیلے جائیں گے۔

    اس سیریز کیلئے پاکستان کی ٹیم ڈھاکہ پہنچ گئی ہے قومی ٹیم نے جمعرات کو آرام کے دن کے بعد جمعہ کو شیرِ بنگلہ اسٹیڈیم میں اپنا پہلا تربیتی سیشن کیا۔

  • خیبرپختونخوا میں پولیس کا آپریشن، 5 خارجی دہشتگرد ہلاک، ڈی پی او، ایس ایچ او زخمی

    خیبرپختونخوا میں پولیس کا آپریشن، 5 خارجی دہشتگرد ہلاک، ڈی پی او، ایس ایچ او زخمی

    ہنگو(19 جولائی 2025): خیبرپختونخوا (کے پی) پولیس نے قانون نافذ کرنے والے اداروں کیساتھ مل کر دہشت گردوں کے خلاف آپریشن کرکے 5 خوارج کو جہنم واصل کردیا۔

    تفصیلات کے مطابق خیبرپختونخوا کے ضلع ہنگو کے علاقے زرگیری اور شناوڑی میں پولیس اور ٹل اسکاوٹس کی جانب سے خارجی دہشت گردوں کے خلاف آپریشن کے دوران 5 خوارج ہلاک ہوگئے۔

    پولیس حکام کا کہنا ہے کہ دہشت گردوں کی فائرنگ سے ڈسٹرکٹ پولیس افسر (ڈی پی او) خالد خان اور اسٹیشن ہاؤس افسر (ایس ایچ او) نبی خان بھی زخمی ہوئے جنہیں اسپتال منتقل کر دیا گیا ہے۔

    آپریشن کے دوران دہشت گردوں نے بھی پولیس پر فائرنگ کی، گولیاں لگنے سے ڈی پی او خالد خان اور ایس ایچ او دوآبہ نبی خان زخمی ہوئے جنہیں علاج کے لیے اسپتال منتقل کر دیا گیا ہے۔

    اسپتال انتظامیہ کا کہنا ہے کہ ڈی پی او خالد خان کو 4 گولیاں لگی ہیں، ایس ایچ او نبی خان معمولی زخمی ہوئے ہیں۔

    پولیس حکام کے مطابق آپریشن کا سلسلہ تاحال جاری ہے، علاقے میں کلیئرنس تک آپریشن جاری رکھا جائے گا۔

  • پاک امریکا تجارتی تعلقات میں مزید بہتری کے امکانات روشن

    پاک امریکا تجارتی تعلقات میں مزید بہتری کے امکانات روشن

    واشنگٹن(19 جولائی 2025): وزیرخزانہ محمد اورنگزیب کا کہنا ہے کہ پاکستان اور امریکا کے درمیان تجارتی تعلقات میں مزید بہتری کے امکانات روشن ہیں۔

    تفصیلات کے مطابق وزیر خزانہ محمد اورنگزیب کی سربراہی میں پاکستانی وفد نے دورہ واشنگٹن کیا، وزیرخزانہ نے اس دوران امریکی وزیرخزانہ، تجارتی نمائندے یوایس ٹی آر سے ملاقات کی۔

    ملاقاتی اعلامیے کے مطابق پاک امریکا تجارتی تعلقات اور سرمایہ کاری میں فروغ کے عزم کا اعادہ کیا گیا، پاکستانی وفد نے امریکی سیکریٹری کامرس سے بھی ملاقات کی۔

    وزیرخزانہ کی سربراہی میں امریکی تجارتی نمائندے جیمیسن گریئر سے بھی ملاقات ہوئی، جہاں دونوں نے تجارت اور معاشی تعلقات کو دوطرفہ تعلقات کا اہم ستون قرار دیا۔

    وزیرخزانہ نے کہا ہے امریکاپاکستان کا سب سے بڑا تجارتی شراکت دارہے، پاکستان روایتی اور غیر روایتی شعبہ جات میں تعاون کو فروغ دینا چاہتا ہے، پاکستان آئی ٹی، معدنیات، زراعت اور دیگر شعبوں کو وسعت دینےکا خواہشمند ہے۔

    محمد اورنگزیب کا کہنا تھا کہ پاکستان چاہتا ہے دونوں ممالک کے درمیان باہمی فائدہ مند تعلق قائم ہو، تجارتی مذاکرات مثبت نتیجے پر جانے سے دونوں ملکوں کی معیشت کو فائدہ ہوگا۔

    وزیرخزانہ کا کہنا تھا کہ پاکستان اور امریکا کے درمیان تجارتی تعلقات میں مزید بہتری کے امکانات روشن ہوگئے ہیں، وزیر خزانہ محمد اورنگزیب کا کہنا ہے امریکی وزیرِتجارت کے ساتھ بات چیت مثبت رہی۔

    انہوں نے کہا کہ سرمایہ کاری، کرپٹو، بلاک چین، معدنیات اور زراعت سمیت مختلف شعبوں میں تعاون پر بات ہوئی ہے، جو دونوں ممالک کے لیے ترقی کے نئے راستے کھول سکتی ہے۔

    وزیر خزانہ محمد اورنگزیب نے مزید کہا کہ دونوں ممالک کے درمیان تجارت کے شعبے میں پیشرفت جاری ہے۔ پاکستان امریکا کے ساتھ باہمی تجارت کو مزید فروغ دینا چاہتا ہے۔

  • منشیات فروش گینگ کے 4 ملزمان گرفتار

    منشیات فروش گینگ کے 4 ملزمان گرفتار

    کراچی(19 جولائی 2025): بوٹ بیسن پولیس نے کارروائی کرتے ہوئے منشیات فروش گینگ کے 4 ملزمان کو گرفتار کرلیا۔

    تفصیلات کے مطابق کراچی میں بوٹ بیسن پولیس نے منشیات فروش گروہ کیخلاف کارروائی کرتے ہوئے 4 ملزمان دھر لیے، گرفتار ملزمان مختلف علاقوں میں منشیات سپلائی کرتے تھے۔

    ڈی آئی جی اسد رضا کا کہنا تھا کہ گرفتار ملزمان میں ملک عمار، عبدالرؤف، ظہیر اور  علی شامل ہے، ملزمان سے آئس، 3 موبائل فون، نقدی اور موٹرسائیکل برآمد ہوئی، ملزمان عادی جرائم پیشہ ہیں، پہلے بھی متعدد مقدمات میں گرفتار ہوچکے ہیں۔

    اس سے قبل بھی بوٹ بیسن پولیس نے کلفٹن بلاک 5 انڈر بائی پاس کے قریب مشتبہ کار سوار ملزمان کو رکنے کا اشارہ دیا، تاہم ملزمان نے رکنے کے بجائے فرار ہونے کی کوشش کی اور دورانِ فرار چلتی گاڑی سے پولیس پر فائرنگ کر دی۔

    پولیس کی جانب سے جوابی کارروائی کی گئی، جس کے دوران ملزمان کی گاڑی تیز رفتاری کے باعث فٹ پاتھ سے ٹکرا گئی۔ فائرنگ کے تبادلے میں ایک ملزم اپنے ہی ساتھی کی فائرنگ سے زخمی ہو گیا تھا۔

    گرفتار زخمی کی شناخت 24 سالہ عبد الرحمن کے نام سے ہوئی، جسے اسپتال منتقل کیا گیا تھا، زخمی ملزم کے قبضے سے اسلحہ، منشیات اور استعمال شدہ کار برآمد کر لی گئی ہے۔

    https://urdu.arynews.tv/sajawal-drug-dealers-hostage-cia-in-charge/

  • ناراض بیٹے کا ماں پر چھری سے حملہ

    ناراض بیٹے کا ماں پر چھری سے حملہ

    مریدکے(19 جولائی 2025): والدین کے درمیان جھگڑے کے دوران ناراض بیٹے نے ماں پر چھری سے حملہ کردیا۔

    تفصیلات کے مطابق پنجاب کے شہر مریدکے میں ایک افسوسناک واقعہ پیش آیا ہے جہاں بیٹے نے اپنی ماں کو چھری کے وار سے حملہ کرکے زخمی کردیا۔

    پولیس کا کہنا ہے کہ 40 سالہ زخمی رضیہ کو ٹی ایچ کیو سے لاہور منتقل کردیا گیا ہے جبکہ ملزم بیٹا نجیب اللہ موقعے سے فرار ہوگیا ہے۔

    پولیس حکام کا کہنا ہے کہ میاں بیوی میں ہوئے جھگڑے پر بیٹا نجیب باپ کا ساتھ دے رہا تھا، پولیس کے ہاتھوں والد کی گرفتاری پر بیٹا نجیب اللہ مشتعل ہوگیا تھا۔

    https://urdu.arynews.tv/addictive-father-lost-2-young-children-in-gambling/

    اس سے قبل ایک نشے کے عادی اور جوئے کی لت کا شکار باپ جوئے میں اپنے دو بچے ہار گیا، یہ دلخراش واقعہ پنجاب کے علاقہ خانیوال میں پیش آیا۔

    جہاں اختر نامی شخص جو نشئی ہونے کے ساتھ جوئے کی لت کا عادی بھی تھا۔ اس شقی القلب کو جب جوئے میں لگانے کے لیے رقم نہ ملی تو اپنے دو کمسن بچوں کی بازی لگا کر انہیں جوئے میں ہار دیا۔

    بچوں سے محروم ہونے والی مظلوم ماں نے بتایا کہ کچھ لوگ اس کے بچے لینے آئے اور بتایا کہ اس کا شوہر جوئے میں ان بچوں کو ہار چکا ہے۔ میرے مزاحمت کرنے اور شور مچانے پر وہ لوگ دھمکیاں دیتے ہوئے واپس چلے گئے۔

  • لاس اینجلس میں پولیس کے تربیتی مرکز میں دھماکا، 3 افراد ہلاک

    لاس اینجلس میں پولیس کے تربیتی مرکز میں دھماکا، 3 افراد ہلاک

    (18 جولائی 2025): امریکی ریاست کیلیفورنیا کے شہر لاس اینجلس میں واقع پولیس ٹریننگ سینٹر میں ہونے والے دھماکے میں 3 اہلکار ہلاک ہوگئے۔

    غیر ملکی میڈیا رپورٹ کے مطابق لاس اینجلس میں پولیس کے تربیتی مرکز میں دھماکا کے نیتجے میں 3 افراد ہلاک ہوگئے، دھماکہ تربیتی مرکز کے خصوصی انفورسمنٹ بیورو کی پارکنگ میں ہوا۔

    امریکی حکام کا کہنا ہے کہ دھماکا تربیتی مرکز کے خصوصی انفورسمنٹ بیورو کی پارکنگ میں ہوا، دھماکے کی اصل وجہ تاحال معلوم نہ ہو سکی ہے۔

    لاس اینجلس کاؤنٹی شیرف رابرٹ لونا نے کہا یہ واقعہ محکمے کے قیام سے لے کر اب تک بڑا جانی نقصان ہے، ہمیں ابتدا سے تحقیق کرنی ہوگی کہ کیا ہوا تھا۔

    دوسری جانب امریکی اٹارنی جنرل پم بانڈی نے اس واقعے کو ہولناک قرار دیا، دھماکے کے بعد متاثرہ علاقے کو سِیل کر دیا گیا جبکہ مقامی اور وفاقی ایجنسیاں جائے وقوعہ پر موجود ہیں۔