ARYNews.tv | Urdu – Har Lamha Bakhabar

Tag: 7 dead

  • برازیل میں شدید بارشوں کے باعث لینڈ سلائیڈنگ، متعدد ہلاک

    برازیل میں شدید بارشوں کے باعث لینڈ سلائیڈنگ، متعدد ہلاک

    شمال مشرقی برازیل میں شدید بارشوں کے باعث سیلاب اور لینڈ سلائیڈنگ سے 7 افراد لقمہ اجل بن گئے۔

    غیر ملکی ذرائع ابلاغ کے مطابق سول ڈیفنس کی طرف سے جاری کردہ ایک بیان کہا گیا ہے کہ ملک کے شمال مشرق میں ریاست پرنامبوکو کے شہر ریسیف میں شدید بارشوں کے باعث سیلاب اور لینڈ سلائیڈنگ ہوئی۔

    بیان کے مطابق امدادی کام جاری ہونے والے ریسیف میں ابتدائی اطلاعات کے مطابق سات افراد ہلاک ہوئے ہیں۔

    ریسیف کے میئر جواؤ کیمپوس کے مطابق شہر کے کئی حصوں میں تعلیمی سرگرمیاں معطل ہیں، 90 خاندانوں کو ممکنہ خطرے کے پیش نظر محفوظ مقامات کو منتقل کر دیا گیا ہے۔

    اُنہوں نے کہا کہ ہم فروری کی شدید ترین بارشوں سے نبرد آزما ہیں اور ممکنہ تدابیر اختیار کر رہے ہیں۔

    نیشنل میٹرولوجیکل انسٹی ٹیوٹ (انمیٹ) اور پرنامبوکو واٹر اینڈ کلائمیٹ ایجنسی (اے پی اے سی) نے عوام کو محتاط رہنے کی تنبیہ کرتے ہوئے کہا کہ بارشیں کچھ دیر تک جاری رہیں گی۔

    واضح رہے کہ گزشتہ ماہ بھی جنوب مشرقی برازیل میں لینڈ سلائیڈنگ کے باعث 10 سے زائد افراد لقمہ اجل بن گئے تھے۔

    شدید بارشوں کے باعث لینڈ سلائیڈنگ سے کئی مکانات زمین بوس ہوگئے۔

    خبرایجنسی کی رپورٹ کے مطابق 9 ہلاکتیں ایپاٹنگا شہر میں ہوئی ہیں جہاں 80 ملی میٹر بارش ریکارڈ کی گئی۔

    پیرو میں لینڈ سلائیڈنگ، چٹان گاڑی پر آگری، ویڈیو نے دل دہلا دیے

    رپورٹس میں کہا گیا ہے کہ مختلف علاقوں میں ہنگامی حالت نافذ کردی گئی ہے جبکہ بے گھر ہونے والوں کو عارضی پناہ گاہوں میں منتقل کرنے کا سلسلہ جاری ہے۔

  • افغانستان میں وزارت کے دفتر پر حملہ، 7 افراد ہلاک درجنوں زخمی

    افغانستان میں وزارت کے دفتر پر حملہ، 7 افراد ہلاک درجنوں زخمی

    کابل: افغان دارلحکومت میں وزارت ٹیلی کمیونیکیشن کے دفتر پر حملے کے نتیجے میں سات افراد ہلاک جبکہ متعدد زخمی ہوگئے۔

    تفصیلات کے مطابق افغانستان کے دارالحکومت کابل میں ٹیلی کمیونکیشن اور انفارمیشن ٹیکنالوجی کی وزارت کے دفتر پر حملے میں 7 افراد ہلاک ہوگئے، جبکہ طالبان نے مذکورہ حملے سے لاتعلقی کا اظہار کیا ہے۔

    غیر ملکی خبر ساں ادارے کے مطابق وزارت داخلہ کے ترجمان نصرت رحیمی نے حملے کی تصدیق کرتے ہوئے کہا کہ کمپاونڈ میں ہونے والے دھماکے کی نوعیت بتانا قبل از وقت ہوگا۔

    انہوں نے بتایا کہ 3 خود کش بمبار وزارت کے دفتر میں داخل ہوئے، جس کے بعد پولیس نے حملہ آوروں کو کمپاونڈ میں گھیرے میں لے کر کارروائی کا آغاز کردیا۔

    علاوہ ازیں سیکیورٹی حکام کا کہنا تھا کہ حملہ 4 دہشت گردوں نے کیا جس میں سے 2 کو ہلاک کردیا گیا جبکہ دیگر کے خلاف کارروائی کا عمل جاری ہے۔ دوسری جانب افغان میڈیا کے مطابق حملہ 18 منزلہ عمارت پر کیا گیا، جس میں مرکزی پوسٹ آفس، وزارت انفارمیشن اینڈ کلچر اور سینٹرل اسٹیٹس اسٹک اورگنائزیشن کے دفاتر موجود ہیں۔

    رپورٹ میں بتایا گیا مختلف دفاتر کے باعث یہاں ہر وقت عوام کی بڑی تعداد موجود ہوتی ہے۔ علاوہ ازیں کابل کے پولیس چیف سید محمد روشان دل کا کہنا تھا کہ حملے کا نشانہ بننے والی وزارت کی عمارت میں کم سے کم 2 ہزار ملازمین موجود ہوتے ہیں۔

    انہوں نے مزید بتایا کہ سیکیورٹی اہلکار عمارت کو کلیئر کرنے کے لیے اس میں داخل ہوچکے ہیں۔ بعد ازاں وزارت داخلہ کے ترجمان نے ایک جاری بیان میں بتایا کہ عمارت کو کلیئر کرنے کے لیے آپریشن جاری ہے تاہم وزارت کے ملازمین محفوظ ہیں۔

    افغانستان میں مسلح افراد نے دھماکا خیز مواد سے لڑکیوں کا اسکول تباہ کردیا

    خیال رہے کہ گزشتہ سال دسمبر میں افغانستان میں شدت پسندوں نے کار بم دھماکا کرنے کے بعد دارالحکومت کابل میں حکومتی دفتر پر حملہ کیا تھا، جس میں 43 افراد ہلاک اور متعدد زخمی ہو گئے تھے۔

  • امریکی فضائیہ کے دو طیارے جاپان کی سمندری حدود میں ٹکرا گئے

    امریکی فضائیہ کے دو طیارے جاپان کی سمندری حدود میں ٹکرا گئے

    ٹوکیو: امریکی فضائیہ کے دو طیارے دوران پرواز جاپان کی سمندری حدود میں ٹکرا گئے، جہازوں میں 7 افراد سوار تھے۔

    تفصیلات کے مطابق امریکی فضائیہ کے دو طیارے جاپان کی سمندری حدود میں ٹکرا گئے، سی 130سے دوران پرواز ایف 18 طیارے میں تیل بھرا جارہا تھا۔

    غیر ملکی خبر رساں ادارے کے مطابق ٹکرانے والے دونوں جہازوں میں سات افراد سوار تھے، جبکہ ریسکیو آپریشن شروع کردیا گیا ہے۔

    حادثے کی وجہ معلوم نہیں ہوسکی، جبکہ کسی قسم کے جانی نقصان کی اطلاعات بھی سامنے نہیں آئیں، حکام کی جانب فوری ریسکیو کے احکامات جاری کیے گئے ہیں۔

    خیال رہے کہ جاپان میں امریکی بحری اور فضائی افواج کے 50 ہزار تعینات ہیں۔

    حکام کا کہنا ہے جہاز میں سوار ایک شخص کو ریسکیو کرلیا گیا ہے، جبکہ دیگر 6 کی تلاش جاری ہے۔

    کوسٹا ریکا میں چھوٹا طیارہ گرکر تباہ‘ 12 افراد ہلاک

    دوسری جانب امریکی حکام نے جاپانی بحریہ کی جانب سے کئے گئے اقدامات کی تعریف کرتے ہوئے شکریہ بھی ادا کیا ۔

    اس سے قبل بھی ایسے حادثے پیش آچکے ہیں، گذشتہ ماہ امریکی بحری جہاز جاپان کے ساحل پر گرکر تباہ ہوگیا تھا، تاہم جہاز میں سوار دونوں افراد کو بچا لیا گیا تھا۔

    خیال رہے کہ رواں سال جنوری میں لاطینی امریکا کے ملک کوسٹاریکا میں چھوٹا طیارہ گرکرتباہ ہوگیا تھا، حادثے میں 10 امریکی سیاحوں سمیت 12 افراد ہلاک ہوگئے تھے۔

    یاد رہے کہ گزشتہ سال 10 دسمبر کو امریکی ریاست فلوریڈا میں چھوٹا طیارہ گرکرتباہ ہوگیا، حادثے میں پائلٹ سمیت تین افراد ہلاک ہوگئے تھے۔

  • مصر میں بس پر فائرنگ، 7 افراد ہلاک، متعدد زخمی

    مصر میں بس پر فائرنگ، 7 افراد ہلاک، متعدد زخمی

    قاہرہ: مصر میں نامعلوم افراد نے بس پر فائرنگ کردی جس کے نتیجے میں 7 افراد ہلاک اور متعدد زخمی ہوگئے۔

    تفصیلات کے مطابق بس پر فائرنگ کا واقعہ مصر کے دارالحکومت قاہرہ میں پیش آیا، جس کے باعث سات مسیحی ہلاک اور 14 زخمی ہوئے۔

    غیر ملکی خبر رساں ادارے کے مطابق یہ بس قبطی مسیحی زائرین کو لے کر سینٹ سیموئل نامی ایک مذہبی خانقاہ جا رہی تھی، تاہم اب تک کسی دہشت گرد گروہ نے حملے کی ذمے داری قبول نہیں کی۔

    دوسری جانب بس پر حملے کی تصدیق مصری صوبے منیا کے قبطی آرچ بشپ نے کر دی ہے، جبکہ زخمیوں میں دو کی حالت تشویش ناک ہے۔

    مصر: ہوٹل پرشدت پسندوں کاحملہ،7افرادہلاک

    ایسا خدشہ ظاہر کیا گیا ہے کہ ہلاکتوں میں اضافے ہوسکتا ہے، بس پر حملہ کرنے کی ذمہ داری کسی گروپ نے قبول نہیں کی ہے، مصری سکیورٹی حکام نے امدادی اور تفتیشی عمل شروع کر دیا ہے۔

    خیال رہے کہ نومبر 2015 میں دہشت گردوں نے شمالی سیناء میں ہوٹل پر حملہ کردیا تھا۔

    دھماکے اور فائرنگ سے سات افراد ہلاک ہوگئے تھے، مرنے والوں میں ایک جج بھی شامل تھا۔

    واضح رہے کہ خودکش حملہ آور تیز رفتار گاڑی کے ہمراہ ہوٹل میں داخل ہوا تھا، جس کی معاونت کیلئے ہتھیار بند دہشتگرد بھی ساتھ تھا، فائرنگ اور خود کش دھماکے کے نیتجے میں جج سمیت سات افراد ہلاک ہوئے تھے، بعد ازاں داعش کی مصری شاخ نے حملے کی ذمہ داری قبول کی تھی۔

  • بھارت: اترپردیش میں خوفناک ٹرین حادثہ، 17 افراد ہلاک

    بھارت: اترپردیش میں خوفناک ٹرین حادثہ، 17 افراد ہلاک

    نئی دہلی : بھارتی ریاست اتر پردیش سے نئی دہلی جانے والی فراکا ایکسپریس کا انجن 9 بوگیوں سمیت پٹری سے اتر گئی تھی جس کے باعث 17 افراد ہلاک، 30 سے زائد افراد زخمی ہوگئے۔

    تفصیلات کے مطابق بھارتی ریاست اتر پردیش سے نئی دہلی آنے والی مسافر بردار ٹرین ہرچندپور ریلوے اسٹیشن کے قریب صبح 6 بجے خوفناک حادثے کا شکار ہوگئی جس کے نتیجے میں 7 افراد ہلاک جبکہ 30 سے زائد مسافر زخمی ہوگئے۔

    غیر ملکی خبر رساں ادارے کا کہنا تھا کہ فراکا ٹرین مغربی بنگال کے علاقے ملڈا ٹاؤن سے سینکڑوں مسافروں کو لے کر نئی دہلی جارہی تھی لیکن ہرچندپور ریلوے اسٹیشن کے قریب صبح انجن سمیت 9 بوگیاں پٹری سے اتر گئی تھیں۔

    بھارتی خبر رساں اداروں کا کہنا ہے کہ ٹرین حادثے میں زخمی ہونے والے مسافروں میں 10 خواتین بھی شامل ہیں۔

    مقامی میڈیا کا کہنا ہے ٹرین حادثے میں زخمی ہونے والے افراد میں سے 9 مسافروں کی حالت تشویش ناک بتائی جارہی ہے جس کے باعث ڈاکٹروں نے ہلاکتوں میں اضافے کا خدشہ ظاہر کیا ہے جبکہ پٹری سے اترنے والی بوگیوں کو کاٹ کر کئی مسافروں کو زندہ نکال لیا گیا ہے۔

    بھارتی میڈیا کا کہنا ہے کہ حکام نے ہولناک حادثے میں متاثر ہونے والے مسافروں کو ریسکیو کرنے لیے فوج کو بھی طلب کرلیا گیا ہے۔

    غیر ملکی خبر رساں ادارے کا کہنا تھا جو بوگیاں ٹرین حادثے میں پٹری سے نہیں اتری تھیں ان بوگیوں کے مسافروں کو بھارتی شہر لکنھو پہنچا دیا گیا ہے، جنہیں خصوصی ٹرین کے ذریعے دہلی روانہ کیا جائے گا۔

    مقامی میڈیا کا کہنا ہے کہ ریاست کے وزیر اعلیٰ اور بھارت کے وزیر ریلوے نے حادثے میں ہلاک اور زخمی ہونے والے مسافروں کے لیے امدادی رقوم کا بھی اعلان کیا گیا ہے۔

    بھارتی میڈیا کا کہنا ہے کہ سنہ 2016 میں ریاست اتر پردیش میں ایک اور ٹرین کے پٹری سے اترنے کے باعث 150 افراد لقمہ اجل بنے تھے۔

  • سری لنکا: شدید بارشوں اور آسمانی بجلی گرنے سے 7 افراد ہلاک

    سری لنکا: شدید بارشوں اور آسمانی بجلی گرنے سے 7 افراد ہلاک

    کولمبو: سری لنکا میں شدید بارشوں اور آسمانی بجلی گرنے کے نتیجے میں سات افراد ہلاک جبکہ ہزاروں کی تعداد میں شہری بے گھر ہوگئے۔

    تفصیلات کے مطابق سری لنکا اس وقت شدید بارشوں کی لپیٹ میں ہے، جبکہ آسمانی بجلی گرنے کے مختلف واقعات میں سات شہری زندگی کی بازی ہار گئے، تاہم ریسکیو اہلکاروں کی جانب سے شہریوں کو محفوظ مقام پر منتقل کرنے کے لیے کارروائیاں جاری ہیں۔

    ترجمان پولیس ’روان گونیسکارا‘ کی جانب سے جاری کردہ بیان میں کہا گیا ہے سری لنکا میں بارشوں اور آسمانی بجلی گرنے سے 7 افراد کی موت واقع ہوئی جبکہ ایک شخص کی ہلاکت مٹی کے تودے تلے دب جانے کی باعث ہوئی، حالات کا جائزہ لے رہے ہیں۔

    بنگلہ دیش میں طوفانی بارشیں‘ 156افراد ہلاک

    دوسری جانب قدرتی آفات سے نمٹنے والے ادارے کے مطابق ملک بھر ميں مختلف مقامات پر شديد بارشوں کے سبب اب تک ایک ہزار سے زائد افراد بے گھر ہو چکے ہيں، سری لنکا ميں شدید بارشوں کا سلسلہ اتوار سے جاری ہے اور اگلے چوبيس گھنٹوں کے دوران بھی شدید بارشیں جاری رہنے کی پيش گوئی ہے۔

    قدرتی آفات سے نمٹنے والے ادارے کا مزید کہنا تھا کہ تقریبا 1024 افراد کو سری لنکا کے 20 مختلف مقامات پر منتقل کر دیا گیا ہے، جہاں انہیں روز مرہ کی ضروریات سمیت دیگر سہولتیں بھی فراہم کی جارہی ہیں۔

    سری لنکا: شدید بارشوں کے بعد سیلاب ‘ہلاکتوں کی تعداد 146ہوگئی

    خیال رہے کہ اس وقت سری لنکن آرمی کے 100 جوان بھی ریسکیو آپریشن میں بھرپور حصہ لے رہے ہیں، علاوہ ازیں شدید بارشوں کے باعث نظام زندگی درہم برہم ہوچکی اور شہروں کو شدید مشکلات سامنا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • فیصل آباد: کھیتوں میں پانی دینے کا تنازعہ،7افرادجاں بحق

    فیصل آباد: کھیتوں میں پانی دینے کا تنازعہ،7افرادجاں بحق

    فیصل آباد: کھیتوں میں پانی دینے کے تنازعے پر دوگروہوں میں مسلح تصادم میں سات افراد زندگی کی بازی ہار گئے، واقعے کا مقدمہ درج کرلیا گیا۔

    تفصیلات کے مطابق فیصل آباد کی تحصیل تاندلیا نوالہ میں کھیتوں میں پانی دینے کا تنازعہ سات افراد کی زندگیاں نگل گیا، پولیس حکام کے مطابق پانی کے دیرینہ تنازعے پر مرزا ساہی اور نواز ساہی گروپ نے ایک دوسرے پر فائرنگ کردی۔

    فائرنگ کے نتیجے میں چھ افراد موقع پر جاں بحق ہوئے جبکہ زخمی ہونیوالا ابوالحسن اسپتال میں دم توڑ گیا، فائرنگ کے تبادلے میں نواز ساہی گروپ کے پانچ اور مرزا گروپ کے دو افراد مارے گئے ، مقتولین کے اہلہ خانہ شدت غم سے نڈھال ہوگئے۔

    پولیس حکام کا کہنا ہے دونوں گروپوں میں کئی سال سے پانی کاتنازعہ چلا آرہا تھا اور پہلے بھی مسلح تصادم میں چار افراد مارے جا چکے ہیں۔

    دوسری جانب واقعے کا مقدمہ درج کر لیا گیا ہے، مقدمے میں،قتل سمیت چار دفعات شامل ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مصر: ہوٹل پرشدت پسندوں کاحملہ،7افرادہلاک

    مصر: ہوٹل پرشدت پسندوں کاحملہ،7افرادہلاک

    مصر: دہشت گردوں نے شمالی سیناءمیں ہوٹل پرحملہ کردیا، دھماکے اور فائرنگ سے سات افراد ہلاک ہوگئے، مرنے والوں میں ایک جج بھی شامل ہیں.

    امریکی میڈیا کےمطابق شمالی سیناءمیں واقع ہوٹل میں پارلیمانی انتخابات کی مانیٹرنگ کرنے والے ججزقیام پذیر تھے، شدت پسند جنگجوسخت سیکورٹی کے باوجود ہوٹل میں گھسنے میں کامیاب ہوگئے۔

    خودکش حملہ آور تیزرفتار گاڑی کے ہمراہ ہوٹل میں داخل ہوگیا، جس کی معاونت کیلئے ہتھیار بند دہشتگرد بھی ساتھ تھا۔ فائرنگ اور خود کش دھماکے کے نیتجے میں جج سمیت سات افراد ہلاک ہوگئے، داعش کی مصری شاخ نے حملےکی ذمہ داری قبول کی ہے۔

    دہشتگردتنظیم کا اپنے بیان میں کہناہےکہ حملہ حکومت کی جانب سے خواتین کوقید میں رکھنےکے ردعمل کے طور پر کیا گیا ہےتاہم خواتین کی شناخت ظاہر نہیں کی گئی ہے۔

    واضح رہے کہ مذکورہ تنظیم نے ہی گزشتہ ماہ روسی مسافر طیارے کومارگرانےکادعویٰ کیا تھا۔

  • ڈومینیکن ریپبلک: مسافرطیارہ گر کر تباہ، پائلٹ سمیت 7افراد ہلاک

    ڈومینیکن ریپبلک: مسافرطیارہ گر کر تباہ، پائلٹ سمیت 7افراد ہلاک

    ڈومینیکن ریپبلک: چھوٹا مسافر طیارہ گر کر تباہ ہوگیا، جس کے نتیجے میں سات افراد ہلاک ہوگئے، ہلاک ہونیوالوں میں چھ غیرملکی بھی شامل ہیں۔

    غیرملکی میڈیا کے مطابق کیریبین جزائر میں واقع ڈومینیکن ریپبلک سے ایک چھوٹا مسافرطیارہ اڑان بھرنے کے فوری بعد قریبی گولف کورس میں جاگرا، جس کے نتیجے میں پائلٹ اور چھ غیر ملکی مسافر ہلاک ہوگئے۔

    ذرائع کے مطابق پائلٹ نے فنی خرابی کے باعث ہنگامی لینڈنگ کی کوشش کی، لیکن طیارے پر کنٹرول نہ رکھ سکا۔

    طیارہ گولف کورس میں درخت سے جا ٹکرایا اور طیارہ میں آگ بھڑک اٹھی۔