ٹیکساس : امریکہ میں پولیس نے لاپتہ ہونے والے بچے کو چند گھنٹوں میں ڈھونڈ نکالا، تاہم بچہ زندہ حالت میں نہیں مل سکا۔
امریکی ریاست ٹیکساس میں سات سالہ لاپتہ لڑکا گزشتہ روز اپنے گھر کی واشنگ مشین کے اندر مردہ حالت میں پایا گیا۔
متوفی ٹرائے خولر کے والدین نے پولیس کو بتایا کہ انہوں نے بچے کو صبح 4 بجے کے قریب اس کے بستر پر نہیں پایا جس کے بعد پورے گھر میں اس کو ڈھونڈا لیکن کہیں نہ مل سکا۔
اپنی تمام تر کوششوں میں ناکامی کے بعد لاپتہ بچے کے والدین نے صبح سپانچ بجے بچکر 20منٹ پر بچے کے لاپتہ ہونے کی اطلاع پولیس کو دی۔
اس حوالے سے پولیس کا کہنا ہے کہ رپورٹ پر فوری کارروائی کرتے ہوئے پہلے مرحلے میں محلے کی تلاشی لی گئی جس کے بعد اہلکار بچے کے گھر واپس آئے تاکہ وہاں مزید تلاشی لے سکیں۔
خبر رساں ادارے کی رپورٹ کے مطابق تفتیش کاروں نے بتایا کہ انہیں صبح تقریباً 7:20 بجے گیراج میں رکھی ایک واشنگ مشین میں لڑکے کی لاش نظر آئی۔
تفتیش کاروں نے بتایا کہ بچے نے پورے کپڑے پہنے ہوئے تھے لیکن وہ یہ نہیں بتاسکتے کہ آیا اس وقت مشین میں پانی تھا یا ڈھکن بند تھا۔
میڈیا رپورٹ کے مطابق پولیس آفیسر لیفٹیننٹ رابرٹ نے کہا کہ ہم فی الحال یقین سے نہیں جانتے کہ کیا ہوا، لیکن ہم اس پر مزید تحقیقات کررہے ہیں۔
انہوں نے یہ بتانے سے بھی معذرت کی کہ بچے کے جسم پر چوٹوں کے نشان ہیں یا نہیں یا پھر اسے مشین کے اندر مارا گیا یا مارنے کے بعد مشین میں ڈالا گیا۔
پولیس کا کہنا ہے کہ لاش کا پوسٹ مارٹم مکمل ہونے اور رپورٹ موصول ہونے کے بعد مزید معلومات دستیاب ہوں گی، ابھی میں کوئی تبصرہ نہیں کرسکتا۔
پولیس کا مزید کہنا تھا کہ مرنے والا بچہ ٹرائے خولر گھر میں والدین کے ساتھ اکیلا تھا کیونکہ اسے سال 2019میں ایک جوڑے سے گود لیا گیا تھا۔
