Tag:

ویڈیو بنانے کا جنون آج کل بہت سے لوگوں کو ہے، خاتون نے خود ہی اپنے ایکسیڈنٹ کی ویڈیو بنائی جو کہ سوشل میڈیا پر وائرل ہوگئی۔

بھارتی خاتون کی ایک عجیب اور چونکا دینے والے ویڈیو سوشل میڈیا پر سامنے آئی ہے جس میں دیکھا جاسکتا ہے کہ اگر ٹریفک قوانین پر عمل نہ کیا جائے تو بائیک کی سواری ساتھ بیٹھے ڈرائیور کےلیے بھی نقصان دہ ثابت ہوسکتی ہے۔

دہلی سے تعلق رکھنے والی انسٹاگرام صارف پرینکا نے ایک کلپ شیئر کی ہے جوکہ ان کے ساتھ ہی پیش آئے حادثے کی ہے، کیپشن میں انھوں نے بتایا کہ کس طرح ریپیڈو بائیک سواری نے اسے ہلا کر رکھ دیا۔

View this post on Instagram

A post shared by Priyanka | Artist (@bhangrabypahadan)

پرینکا نے دعویٰ کیا کہ ریپیڈو بائیک ڈرائیور نے اسے یہ کہہ کر ہیلمٹ نہیں دیا کہ اس کی ضرورت نہیں ہے اور وہ خود بھی نہیں پہنتا ہے۔

انھوں نے مزید کہا کہ اس نے منزل تک پہنچنے کے لیے کئی بار سڑک پر غلط رخ اختیار کیا، انسٹا پوسٹ میں پرینکا نے کہا "شاید یہ پہلا موقع ہو جب میں نے بائیک پر خود کو غیر محفوظ محسوس کیا۔”

وائرل ہونے والی ویڈیو میں دیکھا جاسکتا ہے کہ خاتون جو کہ بائیک پر بیٹھ کر ویڈیو بنا رہی تھی، کہ اچانک بائیک گرجاتی ہے اور ایکسیڈنٹ کی ساری ویڈیو بھی ریکارڈ ہوجاتی ہے۔

انتہا پسند یہودی جماعت کے سربراہ ایتمار بین گویر نے حماس سے جنگ بندی معاہدے کی صورت میں حکومت سے الگ ہونے کی دھمکی دیدی۔

ایتمار بین گویر جو کہ اسرائیل کے داخلی سلامتی کے وزیر بھی ہیں انھوں نے جنگ بندی کا معاہد ہوتے دیکھ کر وزیراعظم نیتن یاہو کو دھمکی دی ہے کہ اگر غزہ میں جنگ بندی کے لیے حماس کے ساتھ کوئی معاہدہ کیا جاتا ہے تو وہ حکومت سے الگ ہو جائیں گے۔

اسرائیلی وزیر خزانہ بذالیل سموٹریچ نے کسی بھی جنگ بندی معاہدے کو اسرائیل کے لیے تباہی قرار دیا ہے جبکہ اس کے اگلے دن منگل کے روز ایتمار بین گویر نے اس سے بھی آگے بڑھ کر حکومت سے الگ ہو جانے کی دھمکی دے ڈالی۔

ایتمار بین گویر نے سوشل میڈیا پلیٹ فارم ’ایکس‘ پر لکھا کہ یہ ہمارے پاس آخری موقع ہے کہ ہم غزہ میں جنگ کے دوران مرنے والے 400 سے زیادہ اسرائیلی فوجیوں کی اموات کو حماس کے ساتھ جنگ بندی کر کے ضائع نہ ہونے دیں۔

انتہا پسند یہودی وزیر جنگ بندی کے خلاف پچھلے کئی ماہ سے اپنا مؤقف دہراتے آئے ہیں، تاہم اب اسرائیل کے اندر غزہ میں قید اسرائیلیوں کی رہائی کے لیے کافی غم و غصہ پایا جارہا ہے جس کی وجہ سے جنگ بندی معاہدہ ہونے کا امکان بڑھ گیا ہے۔

غزہ جنگ میں اسرائیل کے سب سے بڑے اتحادی امریکی جوبائیڈن انتظامیہ نے بھی اسرائیلی قیدیوں کی رہائی کی خاطر نیتن یاہو سے جنگ بندی قبول کرنے کا کہا ہے۔

نومنتخب امریکی صدر ٹرمپ بھی اس مؤقف کے حامی نظرآتے ہیں، جنگ بندی کے لیے کوششوں میں ثالث کا کردار ادا کرنے والوں ملکوں نے بھی پچھلے چند دنوں میں غیرمعمولی تیزی دکھائی ہے۔

اہم بات یہ ہے کہ موجودہ امریکی صدر اور آنے والے صدر کے نمائندے ان مذاکرات میں شامل ہیں، 20 جنوری سے پہلے پہلے کسی معاہدے کی حتمی دیے جانے کا امکان ہے۔

بھارت میں مسجد کے سامنے موجود وقف زمین پر پولیس چوکی بنانے پر مسلم رہنما اسدالدین اویسی نے ایک جراتمندانہ اقدام کیا ہے۔

سنبھل میں جامع مسجد کے سروے کے بعد تنازع شروع ہوا تھا جو طول پکڑ رہا ہے، اسدالدین اویسی نے اس زمین سے متعلق کاغذات پیش کیے اور اپنا موقف بڑے مضبوط انداز میں پیش کیا، اترپردیش حکومت نے تنازع کے بعد جامع مسجد کے قریب ایک پولیس اسٹیشن کی تعمیر کا فیصلہ کیا ہے۔

کئی سیاسی لیڈران نے اس اقدام پر سخت ردعمل دیا ہے، آل انڈیا مجلس اتحادالمسلمین کے صدر اسد الدین اویسی نے اس پر ریاستی حکومت کو تنقید کا نشانہ بنایا ہے۔

اسد الدین اویسی نے کہا کہ بھارتی وزیراعظم نریندر مودی اور یوگی سنبھل میں امن و امان قائم ہوتا نہیں دیکھنا چاہتے،یوگی اور مودی اس کے ذمہ دار ہیں۔

شعلہ بیان مسلم رہنما نے سوشل میڈیا پلیٹ فارم ’ایکس‘ پر اپنی پوسٹ میں لکھا ہے کہ ’’سنبھل کی جامع مسجد کے قریب جو پولیس چوکی بنائی جا رہی ہے وہ وقف کی زمین پر ہے، جیسا کہ ریکارڈ میں درج ہے‘‘۔

انھوں نے لکھا کہ ’اس کے علاوہ قدیم یادگاروں کے قانون کے تحت محفوظ یادگاروں کے قریب تعمیراتی کام ممنوع ہے، نریندر مودی اور یوگی آدتیہ ناتھ سنبھل میں خطرناک ماحول بنانے کے ذمہ دار ہیں‘۔

ایک دوسرے پوسٹ میں اویسی نے کچھ دستاوایزات کی تصویر پوسٹ کرتے ہوئے لکھا کہ ’’یہ وقف نمبر 39-اے مراد آباد ہے، یہ اس زمین کا وقف نامہ ہے جس پر پولیس چوکی بنائی جا رہی ہے۔ اتر پردیش حکومت کو قانون کا کوئی احترام نہیں ہے۔‘‘