ARYNews.tv | Urdu – Har Lamha Bakhabar

Tag:

  • سعودی عرب: قدیم عربی اور چینی سکوں کی نمائش

    سعودی عرب: قدیم عربی اور چینی سکوں کی نمائش

    ریاض: سعودی عرب میں شاہ عبدالعزیز پبلک لائبریری میں عربی اور چینی قدیم دستاویزات، سکوں اور مخطوطات کی نمائش کا اہتمام کیا گیا۔

    اردو نیوز کے مطابق سعودی وزارت ثقافت نے چین کی وزارت کے اشتراک سے شاہ عبد العزیز پبلک لائبریری میں عربی اور چینی قدیم دستاویزات و سکوں کی نمائش کا اہتمام کیا۔

    شاہ عبد العزیز عوامی کتب خانے میں سال 72 ہجری کے سکوں کے علاوہ نایاب و نادر مخطوطات بھی رکھے گئے ہیں جو اسلامی فن اور عرب کی قدیم تاریخ کو اجاگر کرتے ہیں۔

    لائبریری میں شاہراہ ریشم کے حوالے سے ایک نادر اور نایاب دستاویز رکھی گئی ہے جس کی لمبائی 13 میٹر کے قریب ہے۔

    مذکورہ دستاویز شاہراہ ریشم کے بارے میں اس دور کی قدیم ترین دستاویز ہے جس میں اس عظیم شاہراہ کے بارے میں تمام تر تفصیلات موجود ہیں۔

    خیال رہے کہ اس سے قبل ان نادر مخطوطات اورسکوں کی ایک نمائش چین کی پیکنک یونیورسٹی میں بھی شاہ عبد العزیز لائبریری کی جانب سے منعقد کی گئی تھی۔

  • دفاتر میں بیٹھ کر دن گزارنے والے کون سی ورزش کریں؟

    دفاتر میں بیٹھ کر دن گزارنے والے کون سی ورزش کریں؟

    ملازمت پیشہ افراد کی اکثریت اسکرین کے سامنے دن کا طویل حصہ بیٹھ کر گزارتی ہے، یہ عادت ان میں کئی موذی امراض جیسے ذیابیطس، موٹاپا، عارضہ قلب اور ذہنی امراض کا سبب بن رہی ہے۔

    ماہرین صحت اس عادت کو تمباکو نوشی کی طرح خطرناک تصور کرتے ہیں۔

    حال ہی میں کی جانے والی ایک تحقیق کے دوران سائنس دانوں نے انکشاف کیا کہ بیٹھنے کے ایک دن کے مضر اثرات کو دور کرنے کے لیے ایک خاص دورانیے تک ورزش کرنا نہایت ضروی ہے۔

    تحقیق کے مطابق اگر آپ نے دن کے دس گھنٹے بیٹھ کر گزارے ہیں تو اس کے صحت پر مضر اثرات سے بچنے کے لیے ہر روز 40 منٹ کی ورزش یا جسمانی سرگرمی جس میں اعتدال سے بھرپور یا شدت والی ورزش شامل ہو، انجام دینا نہایت ضروری ہے اور ماہرین کی نزدیک یہ درست دورانیہ ہے۔

    یہ تحقیق 2020 میں شائع ہونے والے ایک میٹا تجزیے پر مبنی ہے جس میں سابقہ نو مطالعات کا تجزیہ کیا گیا تھا۔

    تحقیق سے پتہ چلا کہ کچھ معمولی نوعیت کی جسمانی سرگرمیاں جیسے سائیکل چلانا، تیز چہل قدمی اور باغبانی بھی آپ کو قبل از وقت موت کے خطرے کو کم کرنے مددگار ثابت ہوسکتی ہے۔

    عالمی ادارہ صحت نے تجویز دی تھی کہ زیادہ دیر بیٹھے رہنے کا ازالہ کرنے کے لیے ہر ہفتے 150 سے 300 منٹ کی اعتدال یا 75 سے 150 منٹ کی سخت جسمانی سرگرمی یا ورزش انجام دی جائے۔

    ماہرین کا کہنا ہے کہ لفٹ کے بجائے سیڑھیوں پر چلنا، بچوں اور پالتو جانوروں کے ساتھ کھیلنا، یوگا میں حصہ لینا یا رقص کرنا، گھر کے کام کاج کرنا، پیدل چلنا اور سائیکل چلانا یہ سب ایسی جسمانی سرگرمیاں ہیں جو لوگ روزمرہ کے کاموں کے درمیان کر کے خود کو زیادہ متحرک بناسکتے ہیں۔

    اگر آپ یہ سب کام کرتے ہیں تو پھر روزانہ 30 سے 40 منٹ سخت ورزش کا اہتمام نہ کریں، بلکہ ہلکی ورزش جس کا دورانیہ کم ہو اس سے آغاز کریں۔

  • عرب امارات میں 1 لاکھ ملازمتیں: نئی رپورٹ جاری

    عرب امارات میں 1 لاکھ ملازمتیں: نئی رپورٹ جاری

    ابو ظہبی: متحدہ عرب امارات میں اگلے 4 برسوں میں 1 لاکھ ملازمتیں پیدا ہوں گی جس کی وجہ مائیکرو سافٹ کی ریاست میں بڑے پیمانے پر کاروباری سرگرمیاں ہیں۔

    انٹرنیشنل ڈیٹا کارپوریشن کی حال ہی میں جانے والی ایک اسٹڈی کے مطابق مائیکرو سافٹ کلاؤڈ اگلے 4 برسوں میں عرب امارات میں 39 بلین امریکی ڈالر کا منافع کمائے گی۔

    مائیکرو سافٹ، اس کے شراکت داروں اور صارفین کی جانب سے بڑے پیمانے پر کاروباری سرگرمیوں کے باعث امارات میں لگ بھگ 97 ہزار ملازمتوں کا اضافہ ہوگا۔

    ان میں سے 29 ہزار ملازمتیں انفارمیشن ٹیکنالوجی (آئی ٹی) کے شعبے میں ہوں گی۔

    اسٹڈی میں کہا گیا ہے کہ سنہ 2026 تک مائیکرو سافٹ کلاؤڈ مقامی معیشت میں اپنی خدمات اور پروڈکٹس کی مد میں 3.4 بلین ڈالر شامل کرے گا، جواب میں اسے 39 بلین ڈالر کا ریونیو حاصل ہوگا۔

    مائیکرو سافٹ عرب امارات کے جنرل مینیجر نعیم یزبک کا کہنا ہے کہ یہ تحقیق اس بات کی تصدیق ہے کہ مائیکرو سافٹ کی کوششیں حکومت، بزنس کمیونٹی اور شہریوں کو سپورٹ کرتی ہیں اور یہی وجہ ہے کہ تمام فریقین اس کے فوائد حاصل کر رہے ہیں۔

  • عوام کو نیا جھٹکا دینے کی تیاری ، بجلی مزید مہنگی ہونے کا امکان

    عوام کو نیا جھٹکا دینے کی تیاری ، بجلی مزید مہنگی ہونے کا امکان

    اسلام آباد : بجلی 22 پیسے فی یونٹ مزید مہنگی ہونے کا امکان ہے ، اضافہ اگست کی ماہانہ فیول ایڈجسٹمنٹ کی مد میں کیا جائے گا۔

    تفصیلات کے مطابق سینٹرل پاور پرچیزنگ ایجنسی (سی پی پی اے) کی بجلی کی قیمتوں میں اضافے کی درخواست پر نیپرا میں آج سماعت ہوگی۔

    درخواست میں کہا گیا ہے کہ اگست میں پانی سے 38.10 فیصد،کوئلے سے 15.39 فیصد بجلی پیداکی گئی jbko کوئلے سے بجلی کی پیداوار کی لاگت 20روپے 54پیسے تھی۔

    سی پی پی اے کا کہنا تھا کہ اگست میں فرنس آئل سے 7.27،مقامی گیس سے9.36فیصدبجلی پیدا کی گئی، فرنس آئل سےبجلی کی پیداواری لاگت35روپے61پیسے رہی۔

    درخواست کے مطابق مقامی گیس سے بجلی کی پیداواری لاگت10روپے49پیسےرہی اور اس عرصے میں درآمدی ایل این جی سے 12.49 فیصد بجلی پیدا کی گئی۔

    سی پی پی اے نے بتایا کہ اگست میں آر ایل این جی سےفی یونٹ پیداواری لاگت 24روپے72 پیسےرہی، اگست میں جوہری ایندھن سےبجلی کی پیداوار 13.34فیصد رہی۔

    اگست میں 13ارب 63 کروڑ 87 لاکھ یونٹ بجلی پیدا کی گئی، بجلی کی پیداواری لاگت 10 روپے11پیسے فی یونٹ رہی، اگست کے لیے ریفرنس فیول لاگت9روپے89پیسے فی یونٹ مقرر کی گئی تھی۔

  • ترکیہ روس سے پاکستان کو گیس کی فراہمی کے منصوبے پر کام کرنے پر رضامند

    ترکیہ روس سے پاکستان کو گیس کی فراہمی کے منصوبے پر کام کرنے پر رضامند

    سمر قند : ترکیہ نے روس سے پاکستان کو گیس کی فراہمی کے منصوبے پر کام کرنے پر رضامندی ظاہر کردی۔

    تفصیلات کے مطابق وزیر اعظم شہباز شریف نے سمرقند میں شنگھائی تعاون تنظیم کے سربراہان مملکت کے اجلاس کے موقع پر ترک صدر رجب طیب ایردوان سے ملاقات کی۔

    میٹنگ کے دوران روس سے پائپ لائن کے ذریعے پاکستان کو گیس کی فراہمی کے منصوبے پر کام کرنے پر ترکیہ اور پاکستان کے درمیان اتفاق ہوا۔

    ترکیہ کے صدر نے وزیراعظم شہباز شریف سے گفتگو کرتے ہوئے بتایا کہ روس، قزاقستان اور ازبکستان میں کسی حد تک گیس پائپ لائن کے لیے بنیادی ڈھانچہ پہلے سے ہی موجود ہے۔

    ملاقات میں اس سلسلے میں دوطرفہ تجارت کے فروغ، گیس کی فراہمی سمیت لارج اسکیل منصوبوں کے امکانات اور عملدرآمد پر اتفاق رائے کیا گیا۔

    ترک صدر کا کہنا تھا کہ ہم جنوب مشرقی ایشیا اور مجموعی طور پر ایشیا میں پاکستان کو اپنا ترجیحی شراکت دار تصور کرتے ہیں۔ دونوں ممالک کے درمیان نہایت مثبت انداز میں تعلقات فروغ پا رہے ہیں جس پر ہمیں بے حد خوشی ہے۔

    ،صدراردوان نے کہا کہ آپ سے مل کر بڑی خوشی ہو رہی ہے، آپ کے بڑے بھائی کے ساتھ امور کار انجام دینے کی اچھی یادیں وابستہ ہیں۔

    دوسری جانب روسی ایوان صدر کی طرف سے جاری کردہ ایک بیان کے حوالے سے بتایا گیا ہے کہ ملاقات کے دوران مسٹر پوتن نے پاکستان روس اسٹریم گیس پائپ لائن منصوبے کو فعال کرنے کے امکان پر تبادلہ خیال کیا، جو پاکستان کو ایل این جی کی ترسیل کے لیے درکار بنیادی ڈھانچہ فراہم کر سکتا ہے۔

    خیال رہے یہ منصوبہ 2020 میں شروع ہونا تھا، اس وقت تاخیر کا شکار ہوا جب روس کو ابتدائی شراکت دار کو تبدیل کرنا پڑا، جو مغربی پابندیوں کی زد میں تھا۔

  • پستول کا کوڈ نام میموری کارڈ، کراچی میں جعلی پولیس اہل کار گرفتار، واردات کی ویڈیو

    پستول کا کوڈ نام میموری کارڈ، کراچی میں جعلی پولیس اہل کار گرفتار، واردات کی ویڈیو

    کراچی: ڈسٹرکٹ سینٹرل بلال کالونی پولیس نے خفیہ اطلاع پر ٹارگٹڈ کارروائی کرتے ہوئے جعلی پولیس افسر اور کانسٹیبل سمیت 4 رکنی گینگ کو گرفتار کر لیا۔

    تفصیلات کے مطابق کراچی وسطی پولیس نے خود کو پولیس اہل کار ظاہر کر کے وارداتیں کرنے والے گینگ کو گرفتار کر لیا ہے، گینگ موٹر سائیکل چھیننے کی وارداتوں میں بھی ملوث ہے، ایک واردات کے دوران شہری کو گولی مارنے کی ویڈیو بھی سامنے آ گئی ہے۔

    ایس ایس پی سینٹرل معروف عثمان کے مطابق گینگ سرغنہ سمیع عرف صمد خود کو پولیس افسر ظاہر کرتا تھا اور ساتھی ڈکیت وقار کو جعلی پولیس کانسٹیبل بنا رکھا تھا، جب کہ طلحہ ڈانسر اور شہباز باسو عام کپڑوں میں ملبوس ہوتے تھے۔

    گرفتار ملزمان جرائم کی لا تعداد وارداتوں میں ملوث ہیں، ملزمان واردات کے لیے پولیس یونیفارم کا استعمال کیا کرتے تھے۔

     

    ایس ایس پی کے مطابق گرفتار ملزمان نے پستول کا کوڈ نام میموری کارڈ رکھا تھا، ان کے قبضہ سے 3 ٹی ٹی پستول 1 نائن ایم ایم، پولیس کی وردیاں، پولیس لائٹ، شہریوں سے چھینے گئے 10 سے زائد موبائل فون، 2 لیپ ٹاپ اور کمپیوٹر سسٹم برآمد ہوا ہے۔

    ملزمان سے ایک گاڑی اور 1 موٹر سائیکل بھی برآمد کی گئی ہے، ایس ایس پی نے بتایا کہ ملزمان سے ضلع جنوبی اور ایئر پورٹ کے اطراف ہونے والے جرائم سے متعلق بھی تفتیش جاری ہے۔

     

    ملزمان موٹر سائیکل اسنیچنگ کی وارداتوں میں بھی ملوث ہیں، سی سی ٹی وی فوٹیج میں ایک واردات کے دوران موٹر سائیکل چھیننے کے دوران شہری کو گولی مارتے دیکھا جا سکتا ہے۔

    پولیس کا کہنا ہے کہ گرفتار ملزمان سے مزید تفتیش کا عمل جاری ہے۔

  • ان سائنسدانوں میں سے دھوکے باز کون ہے؟

    ان سائنسدانوں میں سے دھوکے باز کون ہے؟

    کسی کا جھوٹ پکڑنے کے لیے کسی راکٹ سائنس کی ضرورت نہیں ہوتی، اگر کامن سینس سے کام لیا جائے اور بغور مشاہدے کی عادت ڈال لی جائے تو کسی کا بھی جھوٹ باآسانی پکڑا جاسکتا ہے۔

    دراصل بغور مشاہدے کی عادت ایسی فائدہ مند عادت ہے کہ یہ کسی شخص کی اچھائی یا برائی کا بھی پتہ لگا سکتی ہے۔

    تو آج آپ نے اسی مشاہدے کو کام میں لاتے ہوئے تصویر کو دیکھنا ہے اور بتانا ہے کہ لیب کوٹ پہنے ان 3 سائنسدانوں میں سے جعلساز کون ہے جو لیبارٹری میں مجرمانہ نیت سے داخل ہوا ہے۔

    ⬇

    ⬇

    ⬇

    ⬇

    ⬇

    ⬇

    ⬇

    ⬇

    ⬇

    ⬇

    کیا آپ معلوم کرنے میں کامیاب رہے؟ ایک بار پھر غور کیجیئے۔

    ⬇

    ⬇

    ⬇

    ⬇

    ⬇

    ⬇

    ⬇

    ⬇

    ⬇

    ⬇

    تینوں سائنسدانوں میں سے جعلساز دائیں ہاتھ والا شخص ہے۔

    اگر آپ غور سے دیکھیں تو اس کے آئی ڈی کارڈ پر ایک خاتون کی تصویر ہے جس کا مطلب ہے کہ یہ کسی اور کا کارڈ چرا کر لیبارٹری میں داخل ہوا ہے اور اس کا یہ اقدام بتاتا ہے کہ یقیناً اس کی نیت کچھ اچھی نہیں۔

  • عوام کی شکایات پر وزیر اعلیٰ پنجاب کا ایکشن ، ڈپٹی کمشنر اوکاڑہ عہدے سے فارغ

    عوام کی شکایات پر وزیر اعلیٰ پنجاب کا ایکشن ، ڈپٹی کمشنر اوکاڑہ عہدے سے فارغ

    لاہور : وزیراعلی پنجاب عثمان بزدار نے عوام کی جانب سے سہولت بازارمیں چینی اورگھی کی عدم دستیابی کی شکایات کا نوٹس لیتے ہوئے ڈپٹی کمشنراوکاڑہ کوعہدےسے ہٹا دیا۔

    تفصیلات کے مطابق وزیراعلی پنجاب نے عوامی دوروں کے دوران عوام کی سہولت بازار اوکاڑہ میں چینی ، گھی کی عدم دستیابی سے شکایات پر ڈپٹی کمشنراوکاڑہ کوعہدےسےہٹادیا اور ایڈیشنل ڈپٹی کمشنر ریونیو کو ڈی سی اوکاڑہ کا اضافی چارج دے دیا۔

    عثمان بزدار نے دیپالپورمیں صفائی کےناقص انتظامات پراسسٹنٹ کمشنرسٹی کو بھی عہدے فارغ کرکے اورنگزیب کو اے سی سٹی دیپالپور تعینات کردیا۔

    اس موقع پر وزیراعلیٰ پنجاب نے کہا کہ اچانک دوروں سے اصل زمینی حقائق سےعلم ہوتاہے، عوام کو ریلیف دینے کے لیے سہولت بازار لگائے گئے ہیں۔

    ان کا کہنا تھا کہ افسر،افسرشاہی چھوڑدیں،عوام کی خدمت کوشعاربنائیں ، عوامی خدمت میں کوتاہی برداشت نہیں کروں گا۔

  • امریکا عالمی اصولوں کی پاسداری کرے، تو مذاکرات کے لیے تیارہیں،ایرانی صدر

    امریکا عالمی اصولوں کی پاسداری کرے، تو مذاکرات کے لیے تیارہیں،ایرانی صدر

    تہران : ایرانی صدر نے امریکی دھمکیوں پر دو ٹوک مؤقف اختیار کرتے ہوئے کہا ہے کہ اگر امریکا بات چیت کے لیے کوئی حکم جاری کرتا ہے تو پھر اس سے کوئی مذاکرات نہیں ہوسکتے۔

    تفصیلات کے مطابق ایرانی صدر حسن روحانی نے امریکا کو پیش کش کی ہے کہ اگر وہ بین الاقوامی اصولوں کی پاسداری کرے اور احترام کا مظاہرہ کرے تو ایران اس کے ساتھ مذاکرات پر آمادہ ہوسکتا ہے لیکن اس پر مذاکرات کے لیے دبا نہیں ڈالا جاسکتا۔

    ایران کی نیم سرکاری خبررساں ایجنسی کے مطابق صدر حسن روحانی نے ایک بیان میں کہا کہ اگر دوسرا فریق مذاکرات کی میز پر احترام سے بیٹھے اور بین الاقوامی قواعد وضوابط کی پاسداری کرے تو ہم دلیل و منطق اور مذاکرات کے لیے تیار ہیں لیکن اگر وہ بات چیت کے لیے کوئی حکم جاری کرتا ہے تو پھر اس سے کوئی مذاکرات نہیں ہوسکتے۔

    یاد رہے کہ ایران اور امریکا کے درمیان تنازعہ شدت اختیار کرچکا ہے، دونوں ممالک کی جانب سے ایک دوسرے پر سنگین الزامات عائد کیے جارہے ہیں، جبکہ دھمکیوں کا سلسلہ بھی جاری ہے۔ امریکی صدر ٹرمپ نے ایران کو خبردار کیا کہ اگر امریکی مفادات کو ٹھیس پہنچی تو ایران کو سنگین تنائج بھگتنا ہوں گے۔

    دوسری جانب گزشتہ روز متحدہ عرب امارات کی سمندری حدود میں سعودی تیل بردار جہازوں پر حملے پر عالمی سطح پر شدید تشویش پائی جاتی ہے، جبکہ ان حملوں کا الزام بھی ایران پر عائد کیا جارہا ہے، گزشتہ روز فجیرہ کی بندرگاہ کے قریب سعودی عرب سے امریکا جانے والے دو آئل ویسلز پر حملہ کیا گیا تھا جس کے نتیجے میں وہ تبا ہ ہوگئے تھے۔

  • رمضان کا چاند 6 مئی کو نظر آنے کا امکان ہے، محکمہ موسمیات

    رمضان کا چاند 6 مئی کو نظر آنے کا امکان ہے، محکمہ موسمیات

    کراچی : محکمہ موسمیات نےپیشگوئی کی ہے کہ رمضان کا چاند  تیس شعبان یعنی 6 مئی کو نظر آنے کا امکان ہے  اور پہلا روزہ سات مئی بروز منگل ہوگا ۔

    تفصیلات کے مطابق محکمہ موسمیات کا کہنا ہے رمضان کا چاند 5مئی یعنی 29شعبان کونظرنہیں آئے گا، سائنسی اعدادوشمار کے مطابق ماہ صیام کا چاند 6 مئی کو نظر آنے کا امکان ہے کیونکہ چاند کی پیدائش 5مئی کو 3 بجکر 45 منٹ پر ہونا شروع ہوگی۔

    محکمہ موسمیات کا کہنا ہے چھ مئی کو کراچی میں غروب آفتاب سات بجکر چار منٹ پرہوگا ،غروب آفتاب کے بعد سات بجکرتینتیس منٹ تک چاند آسمان پر ہوگا، اس وقت چاندکی عمرپندرہ گھنٹےتینتالیس منٹ ہوگی۔

    ملک کے بیشترحصوں میں موسم جزوی طورپرابرآلودرہنےکاامکان ہے۔

    مزید پڑھیں : ملک بھر میں ایک ساتھ رمضان کا آغاز، وفاقی مذہبی امور متحرک، صوبوں سے حمایت مانگ لی

    یاد رہے وزارتِ مذہبی امور رواں سال بھی رمضان المبارک اور عید ملک بھر میں ایک ساتھ منانے کے لیے سرگرم ہوگئے ہیں اور انہوں نے صوبوں سے قانونی حمایت مانگ لی ہے۔

    وزارتِ مذہبی امور برائے مذہبی بین ہم آہنگی نے رویت ہلال سے متعلق قانون سازی کا مسودہ تیار کرلیا، جس میں کہا گیا ہے کہ آئین کے تحت چاند کے لیے صوبائی اسمبلیوں سے قرارداد کی منظوری ضروری ہے۔

    خیال رہے کہ رمضان المبارک 1440 ہجری کا چاند دیکھنے کے لیے رویت ہلاک کمیٹی نے 5 مئی بروز اتوار اجلاس طلب کیا ہے، اگر چاند نظر آگیا تو پہلا روزہ 6 مئی ورنہ 7 مئی کو ہوگا۔