لاہور : سی ٹی ڈی نے پنجاب میں کارروائی کرتے ہوئے کالعدم تنظیموں کے 8 دہشت گردوں کو گرفتار کر لیا، جس میں القاعدہ کے 2 اہم کمانڈر شامل ہیں۔
تفصیلات کے مطابق دہشت گردی کے خدشات کے پیش نظر سی ٹی ڈی نے پنجاب کے مختلف شہروں میں کارروائیاں کیں ،انٹیلی جنس بیسڈ آپریشن کے دوران 8 دہشت گردوں کو گرفتار کرلیا۔
ترجمان سی ٹی ڈی نے بتایا کہ کارروائی لاہور،گوجرانوالہ،راولپنڈی اور ملتان میں کی گئی ، جس میں لاہور سے القاعدہ کے 2 اہم کمانڈرکاشان اورحسن گرفتار کیا۔
ترجمان کا کہنا تھا کہ دہشت گردوں سے بارودی مواد، دستی بم، ڈیٹو نیٹر،موبائل فون،اسلحہ اور نقدی برآمد کرلی ہے اور لیاقت، حسن، کاشان گل کریم، ایوب خان، امیر معاویہ اور رضوان کیخلاف مقدمات درج کرلئے ہیں۔
سی ٹی ڈی کے مطابق رواں ہفتے336 کومبنگ آپریشنز کے دوران 135 مشتبہ افراد گرفتار کیے،کومبنگ آپریشنزمیں 16784 افراد سے پوچھ کچھ کی گئی۔
