لاہور : پولیس نے اسلحہ اسمگل کرنے کی کوشش ناکام بنادی، آٹھ ملزمان کو گرفتار کرکے بھاری مقدار میں جدید اسلحہ برآمد کرلیا۔
لاہور میں بڑی جدید اسلحہ اسمگل کرنے کی کوشش ناکام ہوگئی ۔ آٹھ ملزمان دھر لئے گئے۔ سی سی پی لاہور امین وینس نے پریس کانفرنس میں میڈیا کے سامنے برآمد کیا گیا اسلحہ اور آٹھ ملزمان کو پیش کیا۔
سی سی پی او نے بتایا کہ برآمد کئے گئے اسلحہ میں بارہ ریپیٹر، تیس بور کے تیس پسٹل، دو خودکار بندوقیں، دس بارہ بور کی رائفلیں، سولہ پسٹل اور چوبیس ہزار گولیاں برآمد ہوئی ہیں۔
گرفتار ہونے والوں میں حاجی خان، سحر گل، مبشر حسین، ذوہیب حسن، رانا عادل، شاہ زواللہ، دلاور اور صابر رحمان شامل ہیں۔
سی سی پی او نے بتایا کہ میڈیا ہاؤسز پر حملے کرنےو الے نیٹ ورک کے بہت قریب پہنچ چکے ہیں بہت جلد گرفتار کرلیں، انہوں نے کہا کہ ناجائز اسلحہ کے خلاف کریک ڈاؤن جاری رہے گا۔
