کویت سٹی: کویت میں جعل سازی کے ایک واقعے میں شہری اپنی جمع پونجی سے محروم ہوگیا ہے۔
تفصیلات کے مطابق کویتی شہری ایک نامعلوم بین الاقوامی کال کا جواب دیتے ہوئے آدھے گھنٹے کے اندر اندر 83,000 کویتی دینار کھو بیٹھا۔
واقعہ کچھ یوں ہے کہ کال کرنے والے نے کویتی شہری کو گمراہ کیا کہ اس کا ایک ایک تجارتی کمپنی سے تعلق ہے اور اسے اپنا ذاتی ڈیٹا اور بینک اکاؤنٹ نمبر اپڈیٹ کرنے کی ضرورت ہے۔
متاثرہ شہری نے حل کی تلاش میں سیکورٹی حکام کا سہارا لیا کیونکہ وہ ایک مالیاتی بروکریج کمپنی کے ذریعے بین الاقوامی اسٹاک ایکسچینج کے ساتھ تجارت کرتا تھا، جب اسے کال موصول ہوئی تو کال کرنے والے نے بتایا کہ وہ بروکریج کمپنی کا ملازم ہے جس کے ذریعے وہ اپنا تجارتی لین دین کرتا ہے۔
چنانچہ کویتی شہری نے کال کرنے والے دھوکے باز کو اپنا بطاقہ ، بینک اکاؤنٹ اور پاسپورٹ نمبر کی تفصیلات ظاہر کر دیں، متاثرہ شخص نے اپنی گفتگو کے آدھے گھنٹے کے اندر دیکھا کہ اسے ایک بینک میسج موصول ہوا کہ اس کے بیلنس سے 83,000 دینار کاٹ لیے گئے ہیں۔
فراڈ کے بعد متاثرہ شہری نے جب بینک اور بروکریج کمپنی کو اطلاع دی تو پتہ چلا کہ وہ ایک دھوکہ باز کے چکر میں پڑ گیا ہے کیونکہ بروکریج فرم نے اسے ڈیٹا اپڈیٹ کرنے کے لیے کوئی کال نہیں کی تھی۔
بینک میں جعلسازی کا مقدمہ درج کرتے ہوئے اسے محکمہ فوجداری تفتیش کے حوالے کر دیا گیا ہے۔
