اسلام آباد: تحریکِ انصاف نے قومی اسمبلی کے اٹھاسی حلقوں میں انتخابی دھاندلیوں کے شواہد اور ثبوت جمع کرلیے ہیں۔
انتخابی دھاندلی کے شواہد اکٹھا کرنے کے لیے قائم تحریک انصاف کی ٹاسک فورس کمیٹی کا اجلاس اسحاق خاکوانی کی صدارت میں اسلام آباد میں ہوا۔
اجلاس میں قومی اسمبلی کے اٹھاسی حلقوں میں اتحادی دھاندلی کے ثبوت اور شواہد کو حتمی شکل دے دی گئی۔
تحریک انصاف کو امید ہے کہ سپریم کورٹ کی ایک ہفتے کی مہلت ختم ہونے سے قبل قومی اسمبلی کے ایک سو پچاس حلقوں پر مشتمل دھاندلی کے شواہد اکٹھے کرلیے جائیں گے، جنہیں جوڈیشل کمیشن کے سامنے پیش کیا جائے گا۔